糖宮甜品專門店 (金巴利道)

營業中

休息中

次次去都係食香蕉船😋～整體 4/5-有貓-甜品整體偏便（大約40-50蚊如果餐廳冇人可以坐成個晏晝吹水玩貓）屬於係窮人細路約frd嘆tea好選擇👍-餐廳裝修對比其他Cafe當然求其少少但係我個人覺得還好 最主要係夠乾淨👍-偶爾會見到店員（？）係度整甜品😁～香蕉船4/5-完全合格嘅船🙂‍↕️好便 好似係四十蚊-其實又唔係話好特別好特別嘅香蕉船，因為香蕉好食得嚟都係只可以咁，雪糕好食得嚟都係只可以咁😂-第二次去嗰陣舊香蕉好似擺得好耐：（～楊枝甘露朋友食嘅佢話好食

尖沙咀人氣甜品店《糖宮甜品專門店》樓高兩層，地下有食鬼遊戲做落地玻璃裝飾，樓上有耀眼嘅個大型嘅霓虹燈牌。整體設計簡約，感覺舒適。今次食左:✨️榴槤飄香一碗榴槤蓉上有一球榴槤雪糕放在跟前，空氣中瀰漫著一片清幽嘅榴槤味，榴槤控必不可錯過。✨️菠多野結冰一路向西清甜嘅菠蘿西米露 配合綿密i嘅菠蘿雪花冰，味道清新又開胃。✨️南北杏雪耳燉木瓜✨️糖水清純微甜，木瓜夠新鮮。Special Combo Offer✨️玉桂香蕉蘋果酥皮卷伴雪糕外皮脆薄，內裡有微甜嘅玉桂香蕉加䕘果，並伴有滋味嘅士多卑梨雪糕。✨️新鮮椰皇水膠杯裝上枱，清涼解渴📍尖沙咀 金巴利道88 号地舖

同朋友喺尖沙咀食完飯，想繼續吹水，就搵咗間近韓國街嘅甜品舖來試試。 呢間舖頭由下晝開到凌晨一點半， 啱曬夜貓們😽餐廳環境舒適，地方闊落，係吹水嘅好地方。仲有店長貓貓坐陣，好得意！1）大雜園-即係熱湯芋圓，用上薑汁來煮湯，好滋補養生。 配上煙韌嘅芋圓，同埋爆餡嘅湯圓，口感非常豐富。2）椰皇燉蛋白 （熱）-一上枱椰子味香濃，食落去蛋白順滑，入口即溶，蛋白好q彈，食得多皮膚好，大推!3）好好-主角好立克奶凍，奶凍好絲滑，有啖啖奶香味。配料有美綠波波、麥片，同雪糕（可揀口味），仲可以飲到椰汁，好豐富。 食落去好冰涼，好解暑。4）西瓜汁-即榨果汁，見到店員攞一個大西瓜出嚟，真材實料。榨出嚟嘅汁，沙沙地，透心涼。

抹茶雪花冰食落茶味幾香濃雖然佢口感唔係細密 但入口即溶配埋香甜嘅紅豆同埋Q彈嘅寒天再加入啲煉奶 食落幾香甜$45 1人份 個人覺得都幾抵食😚佢哋嘅甜品款式都好多 西式同中式都有值得一試

夜晚晚又熱熱地 最啱食返個靚糖水盲中中就去咗呢間 #糖宮試咗我至愛嘅榴槤甜品仲有椰皇燉蛋白 夠哂滋潤養生── ✦── ✦ ── ✦ ── ✦ ── ʚ #椰皇燉蛋白 + 芋圓 ɞ香滑燉蛋白配上Q彈芋圓甜而不膩 口感層次豐富帶來滿滿椰香滋味ʚ #榴槤拿破崙 + 榴槤雪糕 ɞ濃郁榴槤味融合酥脆拿破崙搭配冰涼榴槤雪糕雙重榴槤 榴槤控必試ʚ #椰冰冰 ɞ清涼椰汁冰沙 清爽解渴 還有一個雲尼拿味雪糕球 適合炎熱天氣 帶來自然椰香與舒爽感── ✦── ✦ ── ✦ ── ✦ ──

用料同賣相都好頹，伏伏伏食完飯近近哋過去食甜品，大圍食過就揀呢間。點知無去一排差咗咁多！1. 芒吱滋芒果汁個淺黃色好假，無芒果味，生果又少，差2. 華華直頭hea 爆，d 榖物脆脆同menu 上係兩回事，好差3. 心太軟叫好少少，menu 有配生果，但來到只有兩粒淋晒嘅藍莓我哋喺門口睇完Menu入去，企喺門口冇招呼，於是行上上層，行到一半先問我哋幾多位，叫我哋行返落去，一早你又唔問。。態度又唔係好整體毫無誠意 圖片與真實嚴重不符，無下次

「吾知大家有幾耐，無比自己靜靜地同三五知己吹下水，食下糖水」適逢小編今晚同友人系尖沙咀食飯，飯後意猶未盡，就帶埋大家黎到尖沙咀，同大家私心推介一間我自己十年前已經食緊既糖水鋪 一 糖宮甜品專門店 @dessertpalace61🌟芒滋枝 $60芒果汁底搭配煙韌既白玉、西米、雲呢拿雪糕、香甜既芒果肉🤤👍🏻🌟焦糖燉蛋 $45蛋香十足，口感非常滑溜，搭配埋焦糖亦吾會太甜🤤👍🏻🍨雪糕香蕉船 $50*情意結之選，十年前第一次食糖宮就系食佢既雪糕香蕉船，眨下眼就十年😂香蕉搭配早餐粟米片、朱古力波波，加埋三球雪糕，再淋埋朱古力醬，大滿足🤤👍🏻🌟雪耳津梨燉海底椰 $40適逢同行友人喉嚨不適，嗌返個清甜潤燥既糖水比佢潤下🤤👍🏻📍糖宮甜品專門店 (分店)地址：尖沙咀金巴利道88號地舖及1樓 #尖沙咀 #糖宮甜品專門店 #雪糕 #甜品 #糖水 #芒滋枝#糖水鋪 #甜品鋪 #甜品時間 #飯後甜品 #焦糖燉蛋 #良心小店💛 #雪糕香蕉船 #烘焙關注組 #甜品系另一個胃 #雪耳津梨燉海底椰#HKIG #HKIGER #HONGKONGFOODIE

糖宮甜品專門店 (尖沙咀)夜麻麻係尖沙咀行完街，想食甜品然後周圍搵野食，發現左一間開到深夜1點半既甜水鋪😍😍😍而且價錢相宜，性格比頗高。🍧佛系芋圓（凍） $42三色芋圓Q彈，無粉味，加埋涼粉、紅豆粒同曲奇雪糕真係幾重享受。甜度適中，平時既芋圓底多數會用仙草或豆腐花，呢度用左涼粉，甜度適中，唔會令成碗野好甜。🧇玉桂香蕉窩夫伴雪糕 $4850蚊都唔洗食到窩夫係有少少驚喜，窩夫鬆軟，面鋪朱古力醬，加上香蕉片同濃厚既玉桂味，成個甜品加分👍👍。🏠尖沙咀金巴利道88號地舖及1樓☎️ 65133130

同朋友食完晚飯之後諗住搵一間糖水舖坐低食糖水，尖沙咀都有好幾間選擇最後我們選擇了這間糖宮甜品專門店睇食評和圖片都不錯，諗住咪試試囉，點知真係用中伏了。我們點了兩個中式甜品，以為好大路嘅，熱木瓜雪耳糖水及熱芋圓腐竹雞蛋糖水，等了大概10分鐘點知嚟到之後兩碗熱嘅糖水都係暖的，同埋好似偷工減料用匙羹攪拌嘅時候啲餡料很零碎。 我同朋友感到非常之失望，咁耐以來都未食過最差嘅一次糖水，之後我哋都冇食到就買咗單了，呢次係最差的嘅環境及食物的經歷，絕對沒有下次了！

未試過食糖水等成半個鐘都未有😡，今日同老公喺尖沙咀食完飯見到隔離有糖水鋪又唔駛等位就入去食啦，我老公叫左一個牛奶雪花冰，我就一個椰皇燉蛋白加湯丸，牛奶雪花冰普普通通，無乜特別，個椰皇燉蛋白呢就等左半個鐘都未有，第一次追佢話整緊湯丸，等左一陣再追直頭無回覆，開始燥底，之後再追另一個人，佢話之前個爐整緊其它野，啱啱先有爐整湯丸..... 無語🙄，心諗你要人等咁耐係咪應該同人講左先？你講左我等一回事，我亦可以選擇唔加湯丸，店員態度冷淡，之後我話咁唔要啦幫我取消，一句唔好意思都無！一定唔會有下次！🤬

🥶天氣突然間好凍，一坐低就想飲碗暖笠笠嘅薑湯🥶嗌咗個薑汁小丸子🍡我仲加埋兩粒湯圓，一粒係芝麻一粒係花生，啱晒初七人日嘅氣氛☺️😍薑汁都幾夠薑 唔算太甜 有大量嘅小丸子 好有口感啊！👍👍🍎玉桂蘋果香蕉酥皮卷伴雪糕曲奇雪糕😗估唔到呢個酥皮可以咁薄 同我想像既油淋淋酥皮有好大對比🆚酥皮特別仲要夾住一個蛋糕仔、香蕉同埋肉桂蘋果🍌食落口口感好特別再加埋雪糕 真係冰火交融🔥💝🍫朱古力窩夫伴雪糕綠茶雪糕🍦熱辣辣焗出嚟嘅窩夫 本身都好有蛋香味道 再淋上濃郁嘅朱古力醬幾有水準另外要配有雪糕同埋香蕉片👋🏻😌最後叫埋楊枝甘露🥭即使唔係當造季節啲芒果都好甜同埋有西柚 楊枝甘露椰汁芒果底幾香幾滑整體效果都幾好💝💝☺️

🥥 椰皇燉蛋白+湯圓（$70）我同朋友都鍾意食燉蛋白，加上佢寫住係招牌同必食，又點可以唔嗌嚟試吓，佢有冷熱可以選擇，燉蛋面頭燒左層焦糖脆，燉蛋食落口好嫩滑，中間仲帶有椰皇嘅清甜味，正👍🏻湯圓係用左姜茶做底，一上枱就聞到好香嘅姜味，湯圓有花生/芝麻/鴛鴦味道可以選擇🍌 玉桂香蕉窩夫伴雪糕（$48）一上枱就聞到好香嘅肉桂味，窩夫因為係即叫即整所以等嘅時間相對其他甜品會長少少，窩夫好脆身，配上撒滿肉桂粉嘅香蕉一齊食味道啱啱好🍫 朱古力心太軟伴雪糕（$62）心太軟伴兩球自選味道嘅雪糕；心太軟熱辣辣，朱古力味濃，配合埋凍冰冰嘅雪糕簡直係冰火味覺享受🥭 芒果拿破崙（$62）芒果拿破崙係即叫即整，份量都好大件，聽老闆娘講佢哋嘅酥皮係由西班牙進口，切落去非要酥脆仲要脆到有聲，配上吉士忌廉同芒果食，甜度適中唔會流，如果個焗嘅火喉細返少少就完美喇

環境:非常舒適！少有2層糖水店！特別係上層位置闊落，仲睇得出老闆係有心思去裝修！店內都有唔少打咭位！重點係！店主係愛貓之人，鋪頭有幾隻貓店長，非常可愛😍食物:抹茶雪花冰 $45性價比勁高！個冰係好濃抹茶味，而且棉密！入口即溶但唔會覺得冇味道！配料仲有自選雪糕，紅豆同寒天，再有少少練奶！但絶對唔會好甜！甜度岩岩好，仲有唔同口感！大推！白雪又係好好食！芒果足料！配搭西米同小丸子，椰奶，成碗配搭很襯，口感豐富！再加上芒果雪糕，很滿足！甜度也是剛剛好，不太甜！

約左朋友尖沙咀睇戲，睇完有少少肚餓，順便食多個糖水先歸家 🤣玉桂香蕉窩夫伴曲奇雪糕 $48窩夫即叫即整，食既時候仲脆脆地，再配上朱古力漿同雪糕同香蕉一齊食，簡值絕配👍🏻邪榴圓$60 （凍）再叫個邪榴圓 ，入面有西米露、芋圓、榴槤雪糕同榴槤肉😍有冇人同小編一樣都咁鐘意食芋圓。芋圓煙靭，榴槤雪糕同榴槤肉好香濃，配埋西米露一齊食都唔會好甜岩岩好榴槤椰椰$70（熱）咁難得搵到志同道合都鍾意食榴連嘅friend, 幾大都叫多款榴連野嘆下😎加上呢度係用真榴連肉， 成舊肉咁落，好鬼正！ 講返先，榴槤椰椰都係西米露底，加左煙煙靭靭既小丸子，另外仲有跟一個榴槤雪糕🍧 。榴槤雪糕同榴槤肉同樣香濃，每一啖都係幸福☺️識食緊係要刮埋椰皇啲肉黎食，好嫩好甜🤭好多配料，食到飽飽👍🏻鋪頭糖水種類選擇好多，總有一款係你心水 。鋪頭仲有幾隻可愛既貓貓同你一齊食糖水添，都算係特色之一 。📍 糖宮甜品專門店（金巴利道) 尖沙咀金巴利道88號地舖及1樓#hkfoodie #foodiehk #foodie #hkfoodstagram #hkfoodblogger #food #foodstagram #foodblogger

約左frd子dinner又未夠鐘，TST搵個地方休息一下，晚上6點半到店，人人都食飯時間，我就先食糖水後食飯成間店都無人 只有兩隻貓貓同埋Staff做緊準備工作，店有兩層，可能時間尚早 上層暫未開放，咁就下層隨意搵個卡位坐下，一坐低 就有貓貓過黎坐我對面☺️陪我食糖水雪耳津梨燉椰肉(熱) $40天氣涼左又開始乾燥 食個燉梨潤一潤，落得足料，雪耳煲得夠透徹 糖水帶有微微膠質，入口梨酸味是輕輕的，溫熱的質感做得好好*適當時間去 仲chill過嘆CAFE*欣賞兩位無特別focus我的staff，唔會令我尷尬*食物質素 店員態度 店內裝潢都好滿意，唯一要改善 可能只係店面擺放格局