米走雞Live

營業中

休息中

想食雞煲，揀咗呢間雞煲專賣店，一般喺其他地方食雞煲都係點辣嘅，今次試咗沙爹湯雞煲，有驚喜。雞煲份量十足，入面有好多雞肉。我哋先試咗個湯先，沙爹雞湯湯底味道濃郁，好好飲。雞肉口感嫩滑，有咬感，雞味好濃郁。總括真材實料，好惹味。火鍋配料嘅選擇都幾用心。Wasabi鮮墨丸帶住淡淡嘅辛辣，同沙爹湯底形成有趣嘅味蕾對比。沙白蜆新鮮飽滿，煮熟後鮮甜可口。花枝片口感Q彈，吸收咗湯汁再配蒜拍青瓜一齊食真係好爽脆清新。西班牙黑豚肉肉質細緻，肥瘦適中，喺湯度涮煮一陣後口感仲正。雜菇拼盤種類豐富，每種菇類都有自己獨特嘅口感同香味。最令人驚喜嘅莫過於黑松露蟹籽魚麵。自家製嘅魚麵口感彈韌，吸湯汁嘅能力極佳。可以自行調整黑松露同蟹籽嘅比例，更加體現咗店家對顧客嘅用心。每一個細節都彰顯出店家嘅用心，令人唔禁想再次光顧。

一個人行完街街，晚餐想食邊爐，揀咗呢間米走雞，價錢親民，餐廳氛圍服務都唔錯，一人食都唔使怕尷尬.點咗以下呢幾道：【惹味沙爹湯】香氣四溢夠惹味湯底，辣味足但唔會太呛口，飲起嚟非常順滑鮮香。.【白鱔片】🐟一盤有5片，魚肉好大塊鮮嫩，吸盡湯底惹味嘅香氣，食起嚟鮮嫩多汁。.【Wasabi鮮墨丸】🦑全手打嘅鮮墨丸，入邊仲含有墨魚粒，食起嚟Q彈有嚼勁感。.【娃娃菜】打邊爐唔可缺少嘅蔬菜，混合住食可以協調寫飲食平衡，唔會咁膩。娃娃菜亦唔使燙太耐，咁樣食起嚟先會脆脆嘅，非常鮮甜~

有一日朋友話打邊爐，話之前工作一直好忙，都好耐冇同我一齊出嚟逛街、食飯，我哋就約咗禮拜晚上去觀塘附近逛街食飯。然後我哋喺觀塘搵到呢間米走雞Live，感覺環境都唔錯，決定嚟呢度食晚餐。呢度有雞煲同火鍋選擇，有一味睇住個名就好吸引我，【蒜蓉卜卜蜆鍋】，聽落就非常得意。蒜蓉卜卜蜆鍋有濃郁嘅蒜蓉香，然後有蜆同白蘿蔔，成鍋湯係非常鮮香，好好飲，仲未同其他料一齊煮，就已經流口水。感覺牛肉好適合配住呢個湯底一齊食，就揀咗【澳洲頂級和牛封門柳】，色澤好吸引，好惹味，油脂好多，而且仲好新鮮，口感係非常鮮嫩。然後搭配蜆湯嘅海鮮味，仲有【蟹籽鮮蝦滑】，食住好彈，然後就係一個字，鮮！真係好正！牛柏葉亦都好唔錯，每一口都係湯底嘅鮮味，再配上佢滑嫩嘅口感，真係非常享受！為咗嘗試唔同嘅口感，朋友仲多叫咗一碗【脆炸哈蝦餅】。炸得真係非常香脆，入面嘅蝦肉亦都好新鮮，肉質都係好彈，再沾上辣醬，簡直絕配！！朋友話食得好飽，好滿足，呢度嘅食物真係一流！

做嘢做到咁辛苦，今日係時候獎勵下自己，一直好想食金湯雞煲，就同朋友嚟咗之前已經食過一次嘅米走雞打邊爐。晚市7點入座，已經好熱鬧，所以一定要訂位。環境舒適，通風好，唔會有好大陣味。上次就諗住下次嚟一定要試吓花膠雞湯就揀咗佢啦好快就上咗個雞煲先～原來係有湯嘅雞煲！花膠雞味超級濃郁，湯底金黃色，鍾意食花膠雞湯嘅朋友一定要試吓！花膠同雞件都有好多，三個人都食唔晒架，之後我哋就直接用埋個湯底嚟打邊爐～試飲第一啖湯，濃郁嘅雞湯香味喺口中綻放，花膠嘅鮮美同甘甜完美配合。湯底口感滑溜，唔油膩，但又充滿層次感。桃膠帶嚟一絲清甜，雞肉煮得鮮嫩多汁，入口即化。花膠則帶有獨特嘅彈性，咀嚼時可以感受到滿滿嘅膠質。呢煲湯唔單止味道出色，份量仲好夠，三個人食得盡興，仲有剩餘可以用嚟涮火鍋，可謂一舉兩得。將湯底用作火鍋底料，更加係將美味延續，令每一種食材都吸收呢份濃郁嘅湯汁。火鍋配料種類豐富，每一款都好新鮮好好食。雲吞皮薄餡靚，蒙古羊肉片鮮嫩唔羶。脆鯇片口感獨特，美國桶蠔肥美多汁。竹笙墨魚滑口感細膩，白鱔片則鮮滑爽口。呢啲料喺金湯嘅襯托下，食到各自最好嘅風味。

近日天氣開始涼涼地，我又係時候出動啦！我哋一早訂咗位，雖然店內面積好大，座位數量好多，但六點鐘嚟到嘅時候發現全場已經八成滿。友人介紹要食黃金芝士雞煲，係店入面招牌。芝士嘅用量十分慷慨，厚厚一層覆蓋喺雞肉上，呈現出金黃誘人嘅色澤。每一啖都食到芝士嘅濃郁，拉絲效果相當出色，為成個菜式增添咗趣味性。雞肉同芝士嘅結合口感豐富多層。即使唔加湯底，淨係靠雞肉本身嘅鮮味同芝士嘅香濃，已經足夠令人回味無窮。呢種獨特嘅搭配方式，令到呢個雞煲喺眾多火鍋選擇入面脫穎而出。牛柏葉質地同濃郁嘅芝士湯底搭配，風味獨特。白鱔片新鮮彈牙，帶有淡淡嘅鮮甜，增添咗一絲清爽。蒙古羊肉片口感細膩，羊肉嘅特有香氣同芝士嘅濃郁形成有趣嘅衝擊。蟹籽鮮蝦滑則係一大亮點，蝦滑口感爽口，蟹籽嘅鮮味更加係錦上添花。隨住天氣轉涼，相信咁一鍋暖胃暖心嘅美食，會吸引更多食客嚟品嚐。

今晚同同事嚟呢度打邊爐，最緊要係為咗佢哋嘅花膠雞湯而嚟嘅😍好彩我哋早早就book咗位，晚飯時間真係超多人，不過入面空間比較大，唔會話好迫金湯桃膠花膠雞湯：一端上嚟我哋又忍唔住感嘆，個煲入面滿滿都係料，成隻雞喺煲入面慢火燉煮先熬製出嚟嘅金黃雞湯！再到配上桃膠同軟嫩Q彈嘅花膠，滿滿嘅骨膠原！湯底嘅味道好濃郁，一啖飲落去就覺得好開胃，暖心又暖胃～餐廳有超過50款唔同嘅火鍋配料任君選擇，各式海鮮、和牛、雞肉、豬肉、蔬菜仲有佢哋自家手打丸子等等，落咗落去花膠雞湯到煮一煮，湯頭更加鮮甜💯 西班牙黑豚肉：睇吓個肉片紋理有幾咁吸引！🤤切得薄薄嘅黑豚肉片，肥瘦相間，涮一涮就好拎返起開食，食落去冇腥味反而帶住一絲甜味，我哋食得好過癮！花枝片：夠晒新鮮嘅花枝片💛快快手碌吓佢就已經好脆好有嚼勁～ 配埋花膠雞湯更加入味好食😋萵筍：打邊爐加啲蔬菜落去更加鮮甜～ 萵筍燙熟咗之後有住雞湯嘅鹹香味，食落去好爽口，清爽又解膩👍🏻

月尾一出糧就簡係要同屋企人去食餐正既野啦，天氣開始轉凍媽媽話想去食雞煲，我又香打邊爐，我上網穩左間好出名既雞煲店試下先，我地今次試左火焰麻辣雞煲，d雞肉同幾十款麻辣調配料一齊烹煮，再撒上一把芫茜，經過攪拌及煮熟後d香味真係香氣撲鼻，流曬口水🌟呢個雞煲後係需要加酒點上火，讓d雞同所有食材融合之後比酒蒸發，因為加入酒既原因，體現出整體既火爆麻辣雞煲呢個主題，真係帶黎唔同既視覺體驗。呢個雞煲有2種食法，食左乾鍋後既純雞煲後再叫職員加湯落去煲入面打邊爐，一次過滿足我同媽媽既需求🌟今次我地叫左招牌鴨肝M5和牛丸，d牛丸煮完係彈牙爽口又嗦曬d湯汁，好好食。花枝片份量好足，食落去味道鮮甜。而個雜菇拼盤入面有4種唔同既菌菇，一次過食曬咁多種菇真係好滿足。佢地仲有唔同特色湯底同食材，超推薦大家黎試下

尋日老公突然話想出去食晚餐，因為平時嘅晚餐多數都喺屋企煮，隨便煮幾道家常便菜就settle咗晚餐。咁岩有朋友介紹呢間主打火鍋同雞煲嘅餐廳，就諗住帶埋老公一齊去試吓呢間店嘅環境同布置都唔錯，好乾淨。我哋兩公婆都幾鍾意呢種氛圍，喺度食個晚餐好 relax睇到隔離個枱食嗰個麻辣雞煲好似好好食，本來想嗌麻辣雞煲，但係第一次嚟驚太辣，所以最後嗌咗杞子花膠膠原鍋。呢個湯底味道好正，清甜得尼亦都好鮮香，食到最後，成個湯底越滾越出味。另外我哋仲點咗幾個配料，其中最期待嘅係牛板腱。啲牛肉好新鮮，口感細膩，咬起嚟咬勁十足鍾意食菇嘅我哋直接嗌咗雜菇拼盤，拼盤包含咗幾種菇類。佢哋處理得好乾淨，蘑菇亦都好新鮮， 食起嚟好Q彈最後一道就係白鱔片，放入鍋裡輕輕灼下，香氣撲鼻，鮮嫩可口，非常彈牙，非常好食，所有食材都好新鮮。今晚嘅打邊爐體驗真係非常唔錯，下次一定要再過嚟試埋其他湯底

今日因為收工執手尾搞到好夜，想食的餐廳已經截單，唯有選過第二間，朋友就推薦去佢食過的米走雞，好多唔同的湯底可以揀！一看餐牌樣樣湯底都好想食！好彩朋友突破盲腸，建議已經咁夜不如唔食好辣！選滋潤的暖一暖胃，補一補身子。那就杞子花膠雞煲啦！一來到見到煲湯底 就已經知道冇選錯。等待湯底滾起的當兒，我就已經飲住兩碗湯。花膠給的份量仲要唔少，而且都幾厚身冇腥味。雞肉好大好多好好味，非常之鮮。湯底也濃厚，沒有味精湯般的感覺，放進火鍋配料和蔬菜後湯底更顯清甜。翠綠爽脆嘅唐生菜，菜葉薄而嫩，清甜多汁。無論係生食定熟食，都可以感受到佢獨特嘅鮮甜滋味。油脂豐富、肉質細嫩嘅西班牙黑豚肉，入口即化，油脂喺口中爆發出濃郁嘅香氣。外皮金黃酥脆、內餡鬆軟香甜嘅黃金炸饅頭，係經典小食，一啖咬落去，酥脆嘅外皮喺口中發出喀滋喀滋嘅聲響，而內餡嘅香甜則喺口中慢慢化開，令人回味無窮。

前排我嘅中學舊同學約咗我哋班出嚟打邊爐，大家都喺度討論要約去邊度食晚餐，其中一個已經結婚嘅人妻女同學就提議去呢間【米走雞Live】，我哋睇個名幾得意，就訂咗位周末大家去嗰度聚會敘敘舊，吹吓水。 去到嗰度發現佢哋出名食雞煲，然後火鍋都唔差，最後大家都叫咗自己鍾意食嘅嘢。 我今次點咗佢哋嘅沙嗲湯，一上嚟就聞到沙嗲嘅飄香，然後濃濃嘅東南亞風味，非常有特色，可以話拿個襪煮都好食。 M5和牛餃係我其中一個食咗仲一直食，根本停唔落嚟嘅一道菜，和牛餡非常飽滿，然後和牛獨有嘅油脂香味喺咬開餃子嘅時候涌咗出嚟，非常好食。 仲有白鱔片，配住沙嗲湯煮非常入味，口感綿密細膩，一啲都唔會腥，鮮香無比。 冇諗到萵筍配沙嗲湯嘅味道都可以咁好食，萵筍有住沙嗲嘅蔬菜清爽口味，然後沙嗲湯再嚟提吓味，簡直絕配！ 我哋班老同學食得真係爽，以後一定仲會約嚟呢度，吹水食晚餐！

同老婆一齊去觀塘撐枱腳，無意中發現到呢間寶藏火鍋店，環境唔錯，座位闊落，好多款湯底同食材畀我哋揀。我同老婆都決定今日食清淡啲，就叫咗杞子花膠膠原鍋湯底。花膠膠原湯入口好滑，味道特別鮮，有淡淡嘅海水味，味道甜而不膩，滋陰養顏。我哋叫咗幾款海鮮嚟食，特別鍾意食佢哋嘅美國桶蠔，成碗都係好大隻嘅桶蠔，每一隻都好新鮮，洗得好乾淨，冇多餘嘅腥味，肉質肥美鮮味十足，值得一試。仲有花枝片，每片肉都好厚實，口感一流，柔軟Q彈，食落好滋味，味道豐富，有好好香嘅甜味，鹹香味十足，總之就係好食。唔可以錯過嘅仲有佢哋自家手打鮮製嘅Wasabi鮮墨丸，用新鮮嘅墨魚整成墨丸，口感Q彈有咬口，墨丸入面仲放咗wasabi，成粒墨魚丸食落有好濃烈嘅香辣味，令人一啖接一啖，停唔到口。高質素嘅食物水準，親切嘅服務，係一間值得回訪嘅餐廳。

同朋友聚會梗係要去食火鍋🍲啦今日我哋嚟到觀塘嘅米走雞火鍋店食完之後對佢嘅火鍋念念不忘🥰就同朋友約下次聚會再嚟呢度食🤩餐牌上面有好多選擇 海鮮🐟蔬菜🥬肉類🥩都係食火鍋必食嘅食材湯底都好多選擇最後我哋都係揀咗滋補養顏嘅杞子花膠膠原鍋🍲湯底飲落好滑 味道好鮮香 杞子提升咗湯嘅甘甜味 好飲󰗧我哋叫咗佢哋嘅牛柏葉🥓將牛柏葉涮到收縮之後就可以食牛柏葉吸收咗杞子花膠膠嘅湯汁之後口感好爽脆 完美融合咗湯汁嘅精華 十分入味🔟之後整番碟娃娃菜🥬解膩娃娃菜口感幼嫩潤滑食落感覺好新鮮 仲增添咗成個湯底嘅味道蔬菜系列合格💯我哋仲試咗佢哋嘅雲吞🥟雲吞皮薄肉厚 啲餡新鮮紮實煮熟之後唔單止肉質鮮甜雲吞皮都好嫩滑 非常回味😋仲有叫其他嘢食 但掛住傾計都無影到 😆😆😆

因為大肚，最近我好想食麻辣雞煲，我個老公就帶我嚟呢間觀塘嘅米走雞，為咗滿足我同BB嘅胃口，我老公梗係叫佢哋嘅火焰麻辣雞煲，佢哋嘅招牌菜。上菜個陣，店員會加少少酒點火，正如其名「火焰麻辣雞煲」😆 雞肉經過醃製後，變得鮮嫩多汁，配上佢地特製嘅麻辣調料，食咗每一口都好爽辣，但唔會辣到好辛苦個種，食到我真係好滿足，肚裡邊個BB都感覺都係裏邊跳舞😂 鍾意食麻辣嘅你，一定要試試！我哋仲叫咗「西班牙黑豚肉」同埋「沙白蜆」。佢哋卑嘅西班牙黑豚肉嘅份量好有誠意，肉質紅潤，肥瘦適中，雪花狀紋理，食落去口感肉嫩但唔難咬，好食！沙白蜆份量也很多，我大肚唔想食，所以我老公自己一個人食曬😂 我老公話個個蜆嘅肉都好大下，好新鮮好鮮甜，而且處理到好乾淨，唔會食到沙。仲有那個【蒜拍青瓜】，我自己一個人食曬😆因為真係會食唔停嘅，一口接住一口食。個青瓜醃咗食到好爽口，酸酸辣辣咁，仲帶D蒜味，但係要小心，唔好食到辣椒籽，好辣😂我就係唔小心食到。今次真係食到我同我老公都好滿足，食到好飽。

上個星期，忽然嘴饞想食麻辣雞煲，然後又諗返起米走雞！好彩佢有分店，唔洗特登去港島食，九龍都有得食！呢間店有好多卡位坐，都一樣坐得幾舒服，燈光同佈置都幾型格，呢度食晚餐都會感覺非常享受。麻辣雞煲一上枱時，會先加啲酒再點火，幾有睇頭！個陣濃郁嘅香味直接撲鼻而來，令人流哂口水。佢哋嘅麻辣程度啱啱好，啱我哋嘅口味。又麻又辣嘅雞煲雞肉肉質夠嫩，雞肉幾入味，帶啲麻麻辣辣嘅感覺，幾正。食完雞肉之後，店員會幫忙喺鍋上面加入湯繼續煮，變左麻辣火鍋，可以換第二個食法，打邊爐！今次我哋點咗雲吞，佢哋嘅雲吞包得幾靚，雲吞皮夠薄，放入火鍋煮咗之後，吸收咗麻辣湯底既味道，啲蝦都幾爽口，唔錯。再嚟就係花枝片，擺盤都放得幾靚，望落新鮮，煮熟咗食都幾有咬口。最後我哋仲點咗娃娃菜，食返啲菜平均下。菜放入火鍋度煮一陣就食得，食落都新鮮，無爛菜，仲食到好飽好滿足！

我大家姐平時好忙，難得最近工作少，約我一齊食飯。我就去Open Rice睇最近嘅搵啱食嘅餐廳，啱啱好俾我睇到呢間除咗港式雞煲，仲有火鍋嘅，就打算一齊去試吓。.呢間餐廳嘅風格比較西式，睇落好寫意，座位闊落，好舒服！.沙白蜆嘅蜆肉好厚實，味道鮮甜，仲帶少少海洋味，每一啖都係頂級嘅味覺享受！而且仲俾咗我哋好大一碟，好抵食！打邊爐一定唔可以錯過嘅和牛封門柳嘅紅色色澤睇落就好新鮮，肉質都肥瘦適中，放入湯底後，味道好鮮甜。而且肉都好大碟，我同大家姐都食得好爽！竹笙墨魚滑係我食過味道最好嘅墨魚滑。呢度嘅墨魚滑特別新鮮，份量都好足，每一啖都可以食到滿滿嘅墨魚，好鮮嫩，涮咗湯底後，更加濃郁香甜，好入味！蒜蓉トト蜆鍋有住濃郁嘅蒜蓉味，加上蜆肉本身嘅甜味，令湯底更加清甜，好暖胃好飲。蜆肉都特別新鮮，特別乾淨，完全冇沙👍仲有其他配料嘅搭配，味道令人好難忘。蟹籽鮮蝦滑好大一粒，滿滿嘅蝦滑一啖咬落去，特別滑嫩香甜，加上蟹籽獨特嘅口感，成個味道同口感都好正！黒松露蟹籽魚麵嘅黒松露味道好出眾，加上魚麵本身有住爽彈嘅口感，仲有Q彈嘅蟹籽做搭配，口感好豐富！呢個都係我第一次試魚麵嘅味道，真係好驚艷我！我同大家姐都食得好開