米走雞Live

營業中

休息中

嗰日晚飯時間見到一間餐廳門口排咗條好長嘅隊，就好奇咁行埋去睇吓，原來係一間雞煲火鍋店，我同男朋友決定喺呢間餐廳試吓。由於我哋得兩個人，所以都唔使等好耐就可以入座。餐牌上真係好多選擇，都唔知揀啲乜嘢食，就隨便點咗幾樣菜嚟來試吓。首先我哋點咗金湯桃膠花膠雞湯，湯係用新鮮食材熬製而成，唔單止賣相令人垂涎三尺，味道更加鮮美清甜，而且好回味，激發咗我哋嘅食慾。雞肉都好完美咁保持住鮮味同口感，滑嫩入味，又香又好食。我哋仲試咗佢哋嘅青花椒牛脷，爽口彈牙鮮甜嘅口感，配上青花椒，味道清香麻味重，增添咗牛脷另一種風味。跟住就係花枝片。花枝片味道甘甜鮮美，口感柔軟彈牙，更加係含有高蛋白同低熱量嘅營養海鮮食物，超好食。仲有就係唐生菜，唐生菜嘅口感爽脆，葉片嘅水分都好充足，味道清甜，吸收咗湯汁嘅鮮味之後，食落去十分惹味。