籠太子點心專門店

營業中

休息中

有位外籍同事到港開會，想我假期帶佢試吓香港D點心 。無問題啦！這裡裝修方面，以綠悠悠主色為主，天花掛著一個個白色籠子吊燈，古典優雅個同事樣樣都想食，海皇芝士千絲卷海皇芝士千絲卷係花心思既作品，外層係由好多好多炸到脆脆嘅絲包圍住, 食落超脆, 足料芝士嘅咸香, 卜卜 脆, 口感好有層次, 而裡頭有蝦肉, 加上彈牙大蝦！好好味！籠太子蝦餃王$12 兩隻皮薄而不容易破皮，足料蝦肉一粒入止一隻蝦,爽脆鮮味蝦又夠彈牙爽口,好味道呢！鮮蝦燒賣王$12 兩隻」真材實料燒賣，食到粒粒豬肉，加埋d蝦肉大大粒，加冬菇鮮味十足！多汁小籠包,咬左一啖，湯汁真係好多，食到落口之後，啖啖湯汁流出，而且皮也夠薄，口感很好。蜜味叉燒腸望上去皮好薄，好吸引！試食一件，薄薄的皮包住餡，一件一口，好味！流沙奶皇包，又係要小心，因為個包d 奶皇真係熱辣辣流出黎，奶皇好好味。原隻鮑魚燒賣, 鮑魚SIZE比想像中大 鮑魚好'林' 下面配鮮蝦燒賣 味道不會搶走鮑魚的香反而吊起互相的鮮味呢整體食質素唔錯，D 茶又香,裝修古典優雅,店內大部份東西都在十多元到廿多元一個點心，絕對超值

難得放下假同朋友約埋一齊去行街街。準備行街前當然要搵d野食醫左肚先喇。經過一間點心鋪，我地見鋪頭裝修幾新派同有特色(掛住好多鳥籠燈），於是大家就揀左呢間。大家一坐低，見到張點心紙，抱住咩都想食咩都想叫心態，好似原隻鮑魚燒賣，紅棗糕，海皇芝士千絲卷…原隻鮑魚燒賣 (可以一試既選擇，而且鮑魚炆林左都入味，夾埋燒賣味道ok)不是炸両 (裏面唔係包住平時既油炸鬼，而係腸粉包住類似春卷餡料，口感幾特別。)紅棗糕 (當然要嚟番個我like 既紅棗糕做甜品，味道ok，口感煙煙韌韌)海皇芝士千絲卷(絕對係花心思既作品，加埋我愛食既芝士同埋冬菇，蝦係裏邊，食多舊都無問題。)最後幾個人叫左十幾款點心，埋單大約二百蚊就可以食到價廉物美既點心，下次得閒可以同朋友再嚟飲過。

酒樓一向給我們的感覺都是中國傳統文化, 跟新潮扯不上關係, 所以令年青一輩對『飲茶』興趣不大。而我大部份往酒樓都是跟家人一起去, 除了美味點心外, 還有珍惜跟家人相聚時光, 所以『飲茶』是我一個特別喜愛的情意結。今次我又發掘到一個點心好去處, 於是跟朋友們先行探路。籠太子當然如店名所說在太子地區, 離地鐵站不到5分鐘步程。單看門口裝潢的話, 似西式cafe感覺。 裝潢跟店名繼續很貼切, 有好幾個白色鳥"籠", 顯得很摩登。除了新潮點心外, 當然不乏懷舊手作點心, 如四寶滑雞札, 都是師傅心機手作, 就連啤酒也提供, 很多元化。蝦餃王 $24: 外形很飽滿, 晶瑩外皮薄得來帶有煙韌, 而重量級鮮蝦肉充斥在裡面, 質感彈牙。鳳爪 $17: 我吃過大部份都是醬汁油膩, 鳳爪瘦弱, 營養不良似的, 籠太子的鳳爪比街外的一般體型較大, 不油膩或過鹹, 令我食過不停。香滑反斗糕 $15: 是馬拉糕變奏版, 賣相有趣, 每個放在約迷你蛋撻的錫紙模, 方便拿起享用, 質地很鬆軟, 比平日馬拉糕少份甜度, 較為健康。菊花春卷 $18: 春卷也化為份子料理, 變了一朵菊花。春卷夾起就會看到似雲吞的餡料在底

其實我本人好鍾意食點心，一來點心係中國傳統手藝，二來點心大比我同家人相聚嘅好契機，最後點心更係我帶外籍同事訪客親戚必試嘅一種香港道地食物。有事我會好鍾意去點心店，多過去傳統茶樓，因為唔使點排隊，而且款式較多，茶錢又平啲又唔洗加一。今日返工返下晝，所以我善用左上晝嘅時間帶我最親愛嘅父親去食點心，兩個人叫左七樣。一入店舖就會發現天花板上便有好多個白色嘅雀籠，我覺得好有趣因，為反映咗古人去茶樓嘅特色，又帶一點新式嘅玩味，而且親返晒本店個名籠太子。龍太子蝦餃王$12，每粒蝦餃入邊都有兩大隻蝦，蝦肉彈爽甜，而且外皮煙un，真係皮薄餡靚。鮮蝦燒賣王$12同原粒鮑魚燒賣$26，不過前者好啲，因為兩者嘅蝦肉鮮味都十足，而且超彈彈， 不過後者嘅鮑魚螺就有丁點腥味。黑椒金錢肚$22，牛肚炆得夠曬火喉，食落好淋無渣，而且索晒全部嘅黑椒味，手指公！蜜汁叉燒腸$20，真材實料，叉燒大大粒個粉皮又滑，不過我略嫌佢厚身咗啲。蒜蓉蒸鮮魷$24，醬汁調味適當，鮮魷魚爽甜，蒜容份量豪，啱晒用嚟撈擺底嘅烏冬。魚肚水餃$18，上湯清甜可以飲晒，最鍾意水餃入邊包住嘅木耳絲，當然仲有索晒啲精華嘅魚肚。整體感覺店舖用料新鮮，又係1

平時一早返工放工就返屋企，有時要約下人出街食飯(朋友係要見架)。平時大家出去食韓燒西餐多，今次傳統D去食一盅兩件 食下點心。天花掛左好多鳥籠燈飾，可以比人回味以前茶樓滿檯鳥籠既畫面。香滑反斗糕 ($15) : 等於一個個獨立馬拉糕，唔算太甜一口一個。多汁小籠包 ($18) : 外皮十分薄四個人得我一個冇夾穿 ，包如其名好多湯汁 黑椒金錢肚 ($22) : 依家金錢肚都少左酒樓會賣(可能難整掛)。金錢肚好爽口吸曬黑椒汁好食。不是炸兩 ($22) : 外型好似反轉左既八爪魚，有朋友傻左加醋食 。海皇芝士千絲卷 ($20) :用鮮蝦、冬菇、芝士一齊炸成，好脆身咬落"索索"聲，不過冇咩芝士味。原隻鮑魚燒賣 ($26) : 鮑魚細細隻好彈牙，我第一次見精籠係橢圓形。香芒沙律盞 ($18) : 扇貝形沙律盞放滿好多沙律同芒果，不過有D甜過頭。同朋友食完咸食，係時候轉戰去食甜品

都係一間頗有名嘅點心店，地段位置都幾方便同易搵，好近地鐵站。首先裝潢設計唔似一間食點心嘅餐廳，非常新式，牆身顏色亦係非常舒服嘅綠色。人流都算多，不過都只係等一陣。同友人坐低後就馬上叫左5樣點心，都好快咁一次過黎哂，燒賣，蝦餃，牛肉球都比平時喺酒樓嘅好食，而且大大粒，由其蝦餃名符其實皮薄餡靚。另外兩款點心嘅名就較為特別，淨係喺呢間籠太子先見到，一款係“反斗糕”，其實佢係馬拉糕嚟嘅，不過就用一個個錫紙杯裝住，比起平時嘅馬拉糕更方便去食，味道就唔錯，亦都好鬆化。另外一款係“不是炸兩”，一開始以為佢玩野改個咁嘅名，點知原來真係唔係炸兩嚟，佢係用腸粉包住類似千絲卷嘅皮，再包住蝦同西芹等嘅餡料，感覺幾新奇，亦都好脆，但略嫌西芹嘅草青味太濃，為呢款點中打左d折扣。最後想講佢價錢好合理，兩個人叫5樣點心計埋茶錢都係100蚊到，而且整體點心味道唔錯，值得推介。

約左友人出街，原來大家都未食lunch，想飲茶但已經三點幾，廢事上茶樓就揀左附近嘅呢間點心舖，睇佢裝修幾吸引咁，西式格調，感覺清爽。鳥籠燈巧靚靚。三個女仔都未食野，睇見張點心紙對眼放光，點呀點呀，叫左十幾樣野！太肚餓，有啲無影相就ko左，哈哈。鵪鶉蛋燒賣不是炸兩小籠包牛肉球芝士千絲酥讓茄子芒果沙律格

之前有朋友試過話幾得，所以今次又帶嫲嫲出城搵食喇！而家新派點心餐廳既興起，中意幾時飲茶就幾時⋯好方便我地呢啲後生仔女啊！首先入到去，成間餐廳既格局係好cafe feel，很年輕，所以都吸引左唔少區內既年輕「茶膽」係度打躉  今次我地叫左呢啲，排名不分先後：鮮蝦燒賣皇(2粒)-> 紅棗糕-> 不是炸兩-> 香芒沙律盞-> 鮮竹牛肉球-> 原隻鮑魚燒賣(2粒)-> 海皇千絲芝士卷海皇千絲芝士卷：我諗可能係一般春卷既進化版⋯因為佢有一般春卷會用既餡，但外層就用一絲絲既麵條包住，有心思之作，入口唔會好似春卷咁油淋淋、好快飽，食多舊都得 鮑魚燒賣都不過不失，但有點失望⋯因為佢只係係普通燒賣上面加隻鮑魚，個餡冇咩驚喜(・ω・)ノ鮮竹牛肉球：搵返細個同屋企人係鄉村茶樓食過既味道⋯裡面有：馬蹄粒、芫荽碎；其實牛肉球要整得好食都有難度，如果處理得唔好會好腥、餿水味⋯不是炸兩：有驚喜～裡面原來唔係用油炸鬼整而係一啲類似春卷皮既野整出黎，食第一舊已經有想encore，但不幸地我食中一舊有好多中芹 ，整體黎講係幾好味既^^因為我好中意食燒賣既關係，我就叫左兩隻唔

是日隨意地來到籠太子吃點心. 週日中午十二時半到達, 等候了二十分鐘才可內進. 店內地方不算大, 但座位也放得挺密, 不是坐得太舒適.筆者點選了籠太子蝦餃皇兩粒(HK$12), 皮蛋牛肉腸(HK$20), 鮮蝦燒賣皇兩粒(HK$12), 海皇芝士千絲卷(HK$20), 茶芥每位(HK$3).店內人手嚴重不足, 店員也很green, 筆者苦等了二十分鐘才有第一籠的點心, 心情也變得有點煩躁.籠太子蝦餃皇, 賣相不錯, 雖不是晶瑩剔透, 但size頗為jumbo, 是加分的! 試一口, 皮不會太厚, 蝦隻夠爽口, 沒有胡椒粉味, 雖然沒有很香濃的鮮味, 但整體算有交待.皮蛋牛肉腸, 腸粉皮非常厚, 完全不合格, 任憑內裏的材料再好也沒有幫助了.鮮蝦燒賣皇, 味道非常普通, 豬肉不夠香, 也吃不到有蝦隻的存在.海皇芝士千絲卷, 很有創意的一道. 試一口, 蝦子麵的外層脆得來則過分油了, 感覺非常膩! 吃一件已經要止步了.整體來說, 食物沒有預期中般美味, 侍應的醒扒度也令人煩悶, 再次光顧的機會真的不高.

再一次強調太子真的有很多好東西吃,雖然清一色是小店,但非常值得支持,今天來到籠太子,又一家超值得推介的美食專門店店舖晚飯時間非常多人,所以我選擇逛街後才來,大約9時左右,人流小了一點才進去坐下後,由於非常肚餓,所以用光速的速度點了數樣東西吃了吃點心絕不可以不吃蝦蛟,這裡的蝦蛟真的做到了皮薄涵靚的效果,蝦蚊皮非常嫩滑,蝦肉則非常多汁,值得推介!!!想不到春卷也可以炸成菊花的形狀,春卷炸得非常香脆,但絕不油膩,所以吃後沒有強烈熱氣的感覺飽魚燒賣則比較失色,魚肉燒賣依舊滑嫩,入口一流.但飽魚太硬,亦沒什麼味道,反而只賣燒賣會比較好中式甜品來說,這兒的香滑反料糕算是頂級了,味道近似馬拉糕,但沒那麼甜.蛋味非常濃郁,糕本身亦非常香滑,必吃之選

今晚夜晚有少少肚餓。見佢糯米雞羅左獎咪入去試下咯。坐低好耐都冇人招呼最後給我一壺茶。杯茶水溫又唔熱茶葉又無味。食點心杯茶好重要。等左差唔多半個鍾。終於來咯。唔繫好大只。打開食落去，糯米飯過霖，入邊有一小塊雞，有個叉燒，少少鹹旦黃，臘腸1塊，冬菇都無。味道普通。咁都攞到獎咯。👎

去完隔離睇狗仔野，突然見到咁搶眼既綠色門面，順勢走入去試下呢間新派點心！完全唔似平時的酒樓/點心鋪，好西式既設計，座位坐得舒服！點心種類好多！多過平時傳統酒樓！點心名又吸引！攪到我樣樣都想試！鮑魚燒賣！好貼心地可以叫2粒～又可以試多幾樣野食！鮑魚確實好鮮味！！估唔到咁既價錢有咁好質素！粒鮑魚絕對無交行貨！魚肚水餃又係超水準！其實好似灌湯餃，魚肚索晒d湯超入味！好味到男朋友要飲埋d湯🙈水餃大大粒，超足料！正！雪山叉燒包～好似點心名店添xx製法～不過個包好大個～太抵食～食完個包有d飽😅皮蛋牛肉腸～幫你分好晒一舊舊～腸粉好滑！有別一般牛肉腸，因為入面有少少皮蛋吊味，好食！足料老火湯！日日換款！因為不含味精，所有好有媽媽煲既感覺，入面仲有舊雪耳比我食，真係一般酒樓做唔到！最後以紅棗糕埋牙～ 個人十分十分喜歡食煙煙韌韌既野食，呢樣絕對滿足到我！就算放涼左都十分好食！絕對為整頓飯畫上完滿句號～～～2人叫左十幾樣野，都係$180！抵食！

今日同朋友去長沙灣打波, 經過開太子, 唸住食少少野, 就黎到呢間喺太子站行3, 4 分鐘就到既點心鋪試下, 食點裝修同一般舊傾點心店有少少吾同, 以綠白色為主, 陳設到好似CAFE甘，　聽番老板娘李太解釋，係想將食店做到好似西式ＣＡＦＥ　吸引多Ｄ年輕人去試。　太子都算近油尖旺區, 係好多年輕人經過既地方, 佢有甘既唸法都不無道理.講番點餸,當然,枱面上係會有辣醬,醋同口急汁, 我同朋友點左,籠太子蝦餃皇 皮煙UN 彈牙, 入面蝦亦落足料鮮蝦燒賣皇  大大粒, 豬肉新鮮JUICY, 蝦夠爽, 吾錯不是炸兩 係腸粉皮包住 春卷皮再包住豬肉, 蝦, 西芹, 口感豐富, 再點以豉油, 感覺特別煎蝦膠釀茄子 呢個好味, 彈牙有質感既蝦膠下面再配以蒸得剛好既茄子, 因為剛好, 所以茄入面係有一條條絲小籠包 肉味香濃, 皮夠薄, 但若能做到夾上黎吾好痴住下面張紙更好, 甘樣會令到個皮爆漏汁就冇甘好味魚肚水餃 味道就好似灌湯餃既碗入面裝住魚肚同鳳城水餃甘, 湯底夠甜, 水餃亦落足豬肉, 蝦同木耳, 吾錯總括而言, 環境坐位都算舒適, 食物吾錯, 都算係有創意特色, 蝦餃同茄子特別好味.大家可以一試

籠太子點心點心鋪在旺角太子淋羅滿目，如雨後春筍，要站穏陣腳，非泛泛之店可以做到籠太子深入內街，光猛的招牌遠遠都看見先來三種一盅兩件，全部都比傳統的大件原隻鮑魚燒賣$26起初以為鮑魚一定係平價罐頭貨誰不知原來有咬口及滲出淡淡鮑汁味籠太子蝦餃皇 $12 2粒蝦鮮味無比，每一粒蝦餃都有3隻蝦包在一起，蝦皮彈牙鮮蝦燒賣皇$12 2 粒蝦加豬肉十分彈牙，絕非急凍豬肉包起皮蛋牛肉腸粉$20特別的配搭以前以為皮蛋的情人一定係瘦肉原來同牛肉都好夾小籠包$18剛剛蒸好皮不是蒸到穿哂果D有咬口完全通過可以夾住個接口拎起個小籠包去盪鞦韆合格！鳳爪入味十足但沒有死實的味精破壞海皇芝士千絲卷$20 一條條絲炸到脆bo bo 一口鬆化，加上蝦冬菇芝士好野味香芒沙律盞蘋果沙律加上香芒汁，食完點心可以fresh 下籠太子會供應熱度十足的玄米茶一杯醇厚的熱茶替這餐劃上完美句號待時機成熟，太子終有一天成為籠皇再逐鹿天下

位於太子的柏樹街雖然不是這區最旺最繁盛的地段, 但是近兩年不同種類的食肆同cafe, 糖水店等都在附近開業, 令食客有更多選擇, 亦為這幾條地鐵站附近的後街多添一番生氣。今天一行二人行完花墟後, 特意走過來這裡找東西吃 遠遠已望到這家點心店, 因為鋪面的湖水綠色正是我喜愛的顏色, 原本以為是西式餐廳, 走近一點才發現是吃中式點心的! 看看店裡面的裝修與環境後, 決定一試!甫坐下就留意到和湖水綠色很襯的白色雀籠, 雖然我不知道掛上這些雀籠是什麼意思, 不過對於我們這些食客們來說, 感覺頗新觧的, 既沒有中式酒樓一貫的標準裝修, 又有點西式的格調! 另外, 牆上掛著很多點心的照片, 還特意用上一些懷舊的效果, 不但可以幫助食客揀選自己想吃的點心, 也當可作為店入面的設計吧!不過店裡的座位排得太密, 就二人座位來說, 枱的面積也太少了, 放四籠點心已經很迫, 不過現在香港寸金尺土, 店家當然想容納最多的顧客數量, 就的光顧的晚市時間來說, 店內已經坐滿了九成顧客, 店員傅菜時, 走廊其實空間太少, 像的這樣一個"高人"腳都不知放到那裡去 不過坦白說, 以這樣的價錢來說, 不能要求什麼,