竺扶大班燒味

營業中

休息中

人真的很多，但是每次的服務都很參差1. 叫好不跟循序，3/4位 排很久，出兩位就進兩位相隔5、6張都未到我2. 6個人叫我坐圓臺，但是的餐完全擺不落3. 之前叫作燒鵝 比曬肥到看不到肉的背部部分給們，整桌3.4個人都是。 後來店員說：以後可以走背，所以之後我地都固定會叫走背 。今日我叫做鵝走背，他給了全鵝背給我，我話我係要走，不係要背。 店員拿回去後，把我的油雞全部換曬胸。 後面再同我講，你不可以兩個都走背。大佬，我走的是鵝背，你自己整錯，後來有改口說 要我加8元比我鵝胸。 其實我只是不要鵝背，但是我也沒有都要胸。自己店員搞錯曬，有系度大大聲話。 師傅出2次不會再做過啦。 你出幾次都錯，係咪你地個問題。 總之，幾好食都好，重點也不是必然只有你一間燒鵝。 還要落錯單不認輸，再叫客加錢先給轉。，無下次，如果大家想花錢買罪受可以去啦。

平時見呢間燒味大排長龍，今日下午茶時段見到有位就走入去試吓呢間藍帶廚師炮製嘅燒味。叫咗一碗下午茶燒味飯燒鵝叉燒雙拼加例湯。燒鵝用五斤半雌鵝再用陳皮醬醃製，肉質細嫩，肉味特出，叉燒就唔會醃過龍，叉燒醬味只係輕輕係面，食落仲有豬肉味。雖然細細碗，但係啲肉一啲都唔少。最出色係個例湯，今日係沙葛赤小豆煲唐排，平時餐廳都係用啲頭頭尾尾煲，佢呢度啲老火湯用料十足，真係有成條排骨喺度，湯味夠濃，最緊要只係$6，非常抵飲。

好耐冇食過燒味飯，今日同朋友行經灣仔，見到呢間燒味人氣舖，平時午市好多人排隊，好受打工仔歡迎，一於入去試下先黯然銷魂鴛鴦飯 $70叫咗款黯然銷魂鴛鴦飯，入面包括有半肥瘦嘅叉燒、冰燒鳳凰雞、煎雙蛋，叉燒肥瘦適中，食落口感軟淋，比例啱啱好，鳳凰雞已去骨，建議配上獨特嘅醬汁，醬汁用菠蘿、紅黃椒、青檸、蒜蓉等製成，食落嫩滑美味，兩粒太陽蛋煎到脆邊，流心蛋黃送飯一流乳豬五寶飯 $98另一款就叫咗乳豬五寶飯，顧名思義除咗有乳豬，仲有油雞、叉燒王、紅腸同埋鹹蛋半隻，白飯淋上甜豉油，仲有跟乳豬醬同埋蔥油，乳豬外皮香脆，叉燒食落相對就結實少少，加埋香滑油雞食落好滿足老火靚湯+$6每個星期佢哋都有唔同嘅老火湯，套餐加$6就有一碗湯飲。今日就有木瓜雪耳豬𦟌湯，用料十足除咗木瓜粒、雪耳，仲用咗好多豬𦟌同埋排骨落去煲湯，味道清甜

去完旅行返香港就想食啲有香港特色嘅燒味店🇭🇰之前喺灣仔返attachment，每次經過都見超多人排隊由藍帶主廚主理星期六2pm黎，等咗~10 mins好朋友話食過五次😆大讚好食▶️ 銷魂叉燒皇+切雞雙拼 ($54)餐廳自設太空爐，每日燒味新鮮出爐叉燒用上波蘭黑毛豬🐷半肥瘦，口感軟腍唔韌不過覺得欠缺炭燒焦香味，未係食過最好味嘅叉燒，然而醬汁調味適中反而切雞好正👍🏻肉質嫩滑新鮮，本身夠鹹香特別鍾意佢個蔥油😋椒鹽好惹味配上湯粗麵，比預期好食麵質有咬口，有少少傳統鹼水味▶️ 至尊古井燒鵝+ 銷魂叉燒皇雙拼($62)配上湯瀨粉，朋友話瀨粉好食▶️ 上湯浸菜芯 ($16)健康之選，咬落青脆湯底夠味🥬▶️ 熱奶茶x2 (+$7)奶味較重，個人覺得如果紅茶味香啲會好味啲☕️-燒味的確幾有水準👍🏻個人覺得雞比叉燒出色份量好足，見個個啲燒味都好大份唔少人會叫佢個老火湯，+$6就有，每日都唔同款式❤️服務唔錯，尤其帶位哥哥，帶幽默感鋪面唔大，座位較迫，我哋要同人搭枱因為大家都叫得多嘢，忙到成枱滿晒唔夠位，食得尷尬少少😅但整體店舖算乾淨企理唔單止受打工仔歡迎，更係遊客黎香港必試嘅高質燒味餐廳！

據聞呢間燒味店由曾任紅磡海灣酒店有史以來最年輕的總廚、2012年更獲頒法國藍帶美食會會員勳章的師傅主理，平時經過又勁多人同遊客排隊，今日得閒，終於有機會試下。燒鵝五寶飯 (至尊古井燒鵝+銷魂叉燒皇+燒腩仔+玫瑰紅腸+咸蛋半隻)燒鵝皮脆肉嫩，叉燒好軟淋，燒腩肉質細嫩，味道都好入味黯然銷魂鴛鴦飯 (半肥瘦叉燒飯+冰燒鳳凰雞+煎雙蛋)叉燒軟淋，肥瘦適中，肥既部分好滑，鳳凰雞去晒骨，食落啖啖肉，太陽蛋汁送飯一流。例湯亦值得一讚，一啲味精都冇，夠清甜。

今日來到灣仔的一家燒味店，未夠12點已經排隊等候，絕對係灣仔人氣餐廳。至尊古井燒鵝拼燒腩仔湯瀨聽講燒鵝係用自家秘製的陳皮醬醃製，而且仲要用五斤半雌鵝，鵝肉咬下去外皮酥脆，肉質鮮嫩，配上特製的醬汁，超級出色！而燒腩仔皮脆香口、肥瘦相間，搭配瀨粉的Q彈，更是令人回味無窮。老黃瓜赤小豆煲豬骨湯跟餐例湯嘅湯頭清甜，飲落去冇乜味精，有家的感覺。乳豬五寶飯一碗飯包含了乳豬、油雞、叉燒、紅腸和鹹蛋，五款餸都令人有驚喜！最鍾意就係乳豬，乳豬肉質鮮嫩，皮脆香滑，帶有豐富的肉汁。另外，油雞油脂分布均勻，口感滑嫩，十分好味道。總的來說，餐廳裏所有燒味都好出色，難怪在短期內就已經非常火紅。

喺灣仔返工，都會知道有一間超級人氣燒味店，就喺街市鬧市入面，午飯時間超繁忙，堂食外賣都超好生意！黯然銷魂飯，吸引，佢哋仲有一個黯然銷魂鴛鴦飯，除咗叉燒之外，仲有一款冰燒鳳凰雞叉燒超好食，雖然話係半肥瘦，肥膏絕對唔會太多，啱啱好，而且非常入味，非常軟熟！冰燒鳳凰雞，一大塊好厚身，配上好特別嘅醬汁，有少少菠蘿、青檸、蒜蓉味道，好過癮！加埋流心嘅煎蛋，即係碗飯真係非常之味！燒鵝雙拼飯，可以加幾蚊，選擇燒鵝胸，咁就可以啖啖肉啦！皮薄肉厚，亦保留肉汁，絕對唔乾爭爭，好食！乳豬亦非常推薦，香脆！除咗燒味出色之外，我同同事都好鍾意佢哋嘅例湯，好足料，對打工仔嚟講，可以飲到靚湯，真係好幸福嘅事！

📍竺扶大班燒味灣仔三角街2-3號華欣閣地下3號舖Weekday行過想食個下午茶，見呢間餐廳真係好多人（特別係打工仔）等位，等咗成半個鐘，唔敢想像lunch time會點排法！門口貼咗米紙嘅介紹，ok 排耐啲仲要試下佢😝！下午茶 - 至尊古井燒鵝🪿+銷魂叉燒王🐖 鵝汁撈瀨粉 $59師傅醒咗舊鵝胸嚟，我超級鍾意❤️！燒鵝個皮酥脆，冇乜皮下脂肪，肉質結實不柴，燒鵝係用自家祕制陳皮醬醃制過，食落會有淡淡哋嘅陳皮甘香味👍🏻。而個銷魂叉燒王係半肥瘦，有少少燶邊帶點焦香，叉燒食落唔似平時食開嘅蜜汁叉燒，唔會甜！鵝汁撈瀨粉，鵝汁嘅味係帶有陳皮香嘅豉油，瀨粉索晒鵝汁但唔會發漲，夾落都唔會斷🥢。下午茶 - 至尊古井燒鵝+燒腩仔 上湯瀨粉 $49燒腩仔係薄切，皮脆多汁，肥瘦相間🤤。上湯瀨粉個湯帶有胡椒味唔會鹹。配老火靚湯 ＋$6佢一星期七日係有唔同嘅老火湯可以飲🥣，我哋飲嘅係木瓜雪耳豬腱湯。湯好足料，比咗好多豬腱，煲完湯好軟腍。木瓜雪耳本身就好滋潤，冬天飲啱晒！

今日去灣仔試呢家專門做燒味的餐廳，餐牌冇其他嘢食，就係專食燒味，唔同嘅燒味飯，同埋燒味瀨粉！下午2:30去依然人頭湧湧，原來下午茶真係好抵食，只係四十幾蚊就可以有一碗高質燒味飯，唔怪得咁受附近上班一族歡迎慰勞自己工作辛苦咗一日，我食左碗燒鵝髀乳豬飯，燒鵝脾好大隻，鵝肥油香，送白飯一流！乳豬則燒得香脆，脆卜卜，點乳豬醬一流。跟餐+$6就有一碗例湯，例湯星期一至日日日唔同今日係蓮藕綠豆煲豬健湯，湯頭鮮甜，非常足料！

門口金碧輝煌，加上長期出現人龍，容易揾到。 燒鵝五寶飯集合至尊古井燒鵝、銷魂叉燒王、燒腩仔、玫瑰紅腸、鹹蛋半隻燒鵝嚴選咗5 斤半比雌鵝用太空爐同自家祕制陳皮醬醃制，皮色澤比較深，不過外皮薄脆。叉燒選用波蘭黑毛豬，肥瘦相間，有嚼勁，瘦部門肉質保持到軟腍。 燒腩仔外皮金黃薄脆，紅腸同鹹蛋味道正常，啱晒送飯。燒鵝、叉燒飯 （亦可選瀨粉/米粉/粗粉）瀨粉軟硬度適中，帶啲彈牙。 老火靚湯每日唔同款，老黃瓜赤小豆湯，夠足料，有唔少豬肉粒，無乜味精。上湯浸菜心莖比較多，菜相對少，性價比一般。燒味質素平均，特別可試下叉燒，另外之前食過冰燒鳳凰雞飯配上獨特醬汁(菠蘿、紅黃椒、青檸、蒜蓉等)都幾特別。不過餐廳環境有限，加上平日午飯同週末下午都好多人，人少有需要搭枱。

2025年1月1日約下午1時食物：半肥瘦叉燒，燒腩仔飯半肥瘦叉燒，切雞飯凍奶茶，少甜，少冰例湯一碗消費: $121👍讚好：例湯夠熱奶茶茶味甘甜半肥瘦叉燒肥瘦比例不錯飯伴的配菜翠綠有咬勁店舖環境衛生不錯🧐改善建議：叉燒可切厚身點白切雞可切大件點燒腩仔可切大件點碟頭飯的器皿深度較淺，飯量多點較佳芥辣醬可以濃稠一點店員聲浪可以調校輕聲一點店內空調可以調校空氣清新一點✍️備注：毫無疑問，現時「飲食業」競爭激烈及「營運成本」極高。無論如何，食客的感受和舌頭是實在的，若老闆可以在「利潤」和「食材質量」取得平衡並給予食客不一樣的用餐體驗，在激烈競爭大環境下仍最終必會鶴立雞群，客似雲來啊😊順祝各店員安康，生意興隆😊💪努力💪

📍 竺扶大班燒味（灣仔）灣仔燒味人氣店，係午市經常大排長龍，就算我係下午茶去食都已經排晒隊，聽講依間店舖好受附近嘅上班族打工仔歡迎，而且仲係香港必食嘅燒味店，依度嘅燒鵝差唔多每一台都會叫，我當然唔會錯過啦！呢度嘅古井燒鵝，嚴選5斤半比雌鵝，用自家秘制陳皮醬醃制內籠，完美復核古早味道。✨ 霹靂燒腩仔燒腩仔皮脆肉嫩 更是啖啖肉一層脆皮 下面一層脂肪 再黎一舊肉嫩既豬肉🐷不得不食✊✨ 燒鵝五寶飯【至尊古井燒鵝＋銷魂叉燒皇＋燒腩仔＋玫瑰紅腸＋鹹蛋半隻招牌燒鵝都一樣出色，皮好脆，鵝肉好夠味，而且啖啖肉，肉質結實。五寶飯啲餸已經好豐富。有齊晒店內嘅招牌，再加埋半隻鹹蛋同埋玫瑰紅腸，都係我細細個最鍾意食嘅嘢！✨ 騎然銷魂鴛鴦飯＄70【半肥瘦叉燒＋冰燒鳳凰雞＋煎雙蛋】口感鬆軟，半肥瘦的叉燒，軟腍適中，充滿蜜汁同油香，好啱晒我胃🐽至於隻雞皮Q香甜、肉嫩多汁，啲肉食落唔會好乾。冰燒鳳凰雞飯，配上獨特醬汁（菠蘿、紅黃椒、青檸、蒜蓉等），特別好食！仲有兩隻煎雙蛋半流心🥚撈埋落啲飯嗰度食，簡直一流。白飯上面淋滿晒大將燒肉汁+鳳凰辣汁，所以連白飯都特別有味🍚

🌟灣仔燒味熱門店，午市大排長龍不稀奇！如果你到香港必試的高質燒味餐廳，竺扶大班燒味肯定會是你的不二之選！這間灣仔燒味人氣店，無論是上班一族還是遊客，都對它讚不絕口。先來講講他們的招牌燒鵝油雞瀨粉，每一口都散發著燒鵝的香濃與雞瀨粉的滑順，絕對讓你回味無窮。再來是花生眉豆雞腳湯，豐富的營養與香濃的口感完美結合，喝上一口，整個人都暖和起來了。當然不能錯過的還有他們的燒腩仔和銷魂叉燒王。燒腩仔外皮金黃酥脆，內裡肉質鮮嫩多汁，每一口都是對味覺的極致挑逗。而銷魂叉燒王則是用古井祕制陳皮醃制內籠，完美復刻古早味道，讓你一口咬下，仿佛穿越回從前。無論你是想要一嚐香港地道的燒味，還是想要在工作午餐時享受一陣美食的慰藉，竺扶大班燒味都能滿足你的需求。所以，下次當你貼近灣仔地區時，記得來這裡試試看，讓燒味的美味成為你旅行的美好回憶吧！

於灣仔人氣燒味店，吃上秘製陳皮醬汁醃製燒鵝，性價比高，是附近上班族的飯堂。燒腩仔燒鵝飯燒腩仔的外皮金黃酥脆,一咬下去「卡滋」作響,令人愛不釋手! 皮下的五花肉層次分明,肥瘦比例恰到好處。肥肉入口即溶,瘦肉鮮嫩多汁,完美演繹了「肥而不膩」的精髓。🥓燒鵝皮脆肉嫩,醬汁香濃不死鹹。鵝皮經過細心處理,呈現出誘人的深褐色澤。肉質細膩彈牙,每一口都滲透著獨特的鵝肉鮮香，混入濃郁的陳皮香。搭配特製的鵝油拌米粉,米粉吸收了鵝油的精華,滑溜可口,香氣四溢! 🦢乳豬五寶飯乳豬肉質極為細嫩,外皮酥脆如紙。入口即化的口感,配上獨特的乳香味,令人齒頰留香。皮肉緊密貼合,完美呈現出大廚的功力。👨‍🍳叉燒選用五花腩部位,醬汁裹覆均勻,色澤紅亮誘人。肉質鬆軟多汁,醬汁香甜適中,完美平衡了肉香與醬汁的味道。🍖油雞皮爽肉滑,雞肉經過精心醃製,每一口都滲透著濃郁的薑蔥香。皮下的脂肪香而不膩,讓雞肉更添風味。🍗星期五限定自家煲眉豆豬骨雞腳湯配上新鮮熱辣的眉豆豬骨雞腳湯,湯底清甜,營養滿分! 眉豆軟糯,豬骨熬得軟爛,湯汁濃郁鮮甜,完美為這頓饗宴畫上句點! 🥣

灣仔人氣大排長龍燒味店✨平日中午嚟都大排長龍，食好嘢係要等下！🔸豉油雞+燒鵝飯豉油雞超入味！食落超嫩滑再配搭埋蔥油，撈飯真係一流🤩燒鵝好肥美，勁香鵝油～配埋自家制梅醬，酸酸甜甜可解膩🔸 燒腩仔+叉燒飯燒腩仔外皮超脆，肉質肥瘦均勻！超鐘意佢地嘅自家製芥末醬～叉燒都係必叫🔥蜜汁甜甜地肉質偏瘦，但食落好腍好好食！🔸是日靚湯每日都有唔同嘅湯款，加$6真係超抵！呢個係老黃瓜赤小豆煲豬骨湯味道鮮甜，超足料、仲有好多湯料📍 竺扶大班燒味地址: 灣仔三角街2-3號華欣閣地下3號舖電話: 28922789