立鮨 (Tower 535)

營業中

休息中

好差既體驗⋯忍唔住要登入留負評可能因為颱風過後 無晒新鮮魚生？自己拎飛之後 等左陣就有位我本身想叫左一個set 再叫另一個等左15分鐘先有一份所以就快快手 叫埋吞拿魚set諗住食過旺角 同銅鑼灣 果間實無事啦點知就中伏好差既火炙壽司燒熟晒啲魚生 8-9成熟底下係銀雪魚大拖羅 一食入口係食到啲筋 圖片都睇到啲筋第二行 中吞拿魚都燒熟埋蔥碎吞拿魚 唔只賣相差 味道都做得好差 晒左啲錢同其他分店唔同level早知去返對面街食啦～～

《午市自選壽司6件》「灸燒牛油帶子壽司」牛油香味讓帶子除了鮮味還多了一個味道層次「灸燒左口魚邊壽司」永遠都不會輸的灸燒最愛「赤身吞拿魚壽司」以赤身來說算很好食 但點了大拖羅就被比下去了「油甘魚壽司」基本鮮美味都有 喜歡上面搭配了芥末蔥一起吃「三文魚籽軍艦」好開心的一味 爆炸多的三文魚籽在嘴巴裡炸開了的鮮甜味 大愛😭「劍魚腩壽司」唯一有失望的 本身愛吃劍魚腩 但奇怪地這個完全沒什麼味道 下次不會點了外加「原隻赤貝壽司」赤貝很爽口新鮮！！大推！！「中拖羅壽司」「大拖羅壽司」故意兩個都點 想要吃一下差吃當然大拖羅的油花更多所以也更香軟但如果怕太膩的人 中拖羅就已經夠好吃了上面點綴青蔥醬太和諧了壽司飯已添加了豉油基本上都沒特別再沾醬只靠刺身本身和點綴的青蔥醬油免費加配湯和沙律（蟹籽+蟹柳青瓜沙津）

今日自己一個人黎食壽司🍣 立鮨喺港九新界都有分店，今日就黎到銅鑼灣分店食午餐。平日大約一點，等十分鐘就可以入座，座位唔多，只有大概十個。注意立食即係要企喺到食，餐廳係冇位置坐架！1)自選壽司6貫 ($150)-北海道帶子壽司-珍寶甜蝦壽司-日本真鯛壽司-火灸左口魚壽司-劍魚腩壽司-辣三文魚壽司2)海膽軍艦 ($22)3)三文魚腩壽司 ($25)4)三文魚小卷 ($12)🌟壽司用QR code落單好方便，落單後5分鐘就黎齊野食，師傅會喺你面前整，夠曬風味。🌟每件壽司都好新鮮，而且魚生都係厚切，特別推薦劍魚腩壽司。

Sushi rice was amazingly good! All the raw fish tasted delicious and fresh. Love the entire platter we ordered. We used the $100 coupon when you spent $300 which became quite a bargain.We paid 135 each and was super full when we left. The chef was super efficient and we finish eating in 15minsThe only down side is the standing table was a bit too low for me to use.

同朋友去銅鑼灣行街街，朋友話想食日本嘢，佢推介呢間叫 立鮨既壽司店，恕小妹見識少，第一次全程企係度食壽司🍣，朋友話呢個可以一試，壽司新鮮同埋係師傅面前即刻整出嚟，手握壽司，抵讚吖我叫咗自選壽司定食8貫，另追加3款，8貫有帶子，吞拿魚，北寄貝，白烏賊，鰻魚，同埋蟹肉蟹膏軍艦，追加既有牡丹蝦同珍寶赤蝦壽司，款款壽司都新鮮唔腥，帶子，牡丹蝦同赤蝦都好鮮甜，食到lam lam 脷唯一係價錢略貴，兼收加一服務費！

人少少外面又熱辣辣，不想吃熱食正餐，靈機一觸，吃壽司就最好了！Bookmark已久的壽司店，一來經常看到人龍排隊應該口碑不錯，二來裝修非常日本地道壽司店風格有加分，三來貪得意立食體驗一下！店內空間不大，但對立食影響不大，反而覺得更Chill更有風味。大滿足海膽特盛 $98人氣之選，同場很常看到它的出現！一層層鮮甜的海膽，新鮮度真的比得上Omakas的質素，而且份量不少，足以滿滿的配上每一口飯，大滿足！特選三文魚盛合 $52三文魚怪必點，有三文魚壽司、三文魚腩壽司、火灸三文魚壽司、三文魚小卷和辣三文魚軍艦，真的一次過滿足5種三文魚食法。雖然是大路例牌壽司，但魚油魚香俱備，飯與刺身比例適中，配以青蔥、白芝麻作點綴和稍有調味的壽司飯，也是心思細緻之作！嚴選火灸盛合 $98有火灸三文魚腩壽司、火灸北海道帶子壽司、火灸左口魚邊壽司、火灸中吞拿魚腩壽司和火灸松葉蟹腳壽司，看著師傅耐心的火灸過程，到暖暖的送到眼前，口水已在口中翻騰！北海道帶子嫩滑鮮甜，但我還是特別喜愛火炙左口魚邊，焦香同時魚油融化的過程令人滿足得不可言喻。

今日一條友喺銅鑼灣做完嘢，想食日本嘢，search 極好多間最近都有喊喊post ，想起尖沙咀間立鮨銅鑼灣都有分店就去了。12點幾唔洗等直入都有幾隔有客。原來而家電子落單，唔洗再剔紙仔（太耐無食）都好有相睇仲可以落單果下計到食左幾錢，一條友又唔想食太貴，叫左個壽司set, 有三文魚、帶子、海膽、赤蝦同油甘魚，無咩太大驚喜，海膽無咩味，三文魚上面加左啲洋蔥碎反而幾好味。5件壽司唔太飽，又無特別想食就叫多兩個小食。櫻花蝦蛋同螢光魷魚🦑。可能我係咸精，螢光魷魚無咩味。櫻花蛋係今次最好食的，咬落去有少少湯汁，入面一層櫻花蝦😋加上啲彈彈三文魚子，好食。我仲叫左個湯不過叫錯左🥲我睇唔到連蝦頭果個選項。日本湯我不嬲不喜歡，但係立鮨蝦頭湯係真好味。這個沒蝦頭的，不是不好味，只是比較遜色。壽司set 78、沒有蝦頭的湯10（有蝦頭15，下次要叫返），螢光魷魚小食30、櫻花蝦蛋25定28， 加埋1，157蚊。 尖沙咀店我真係覺得好好食（最近無食唔知有無失色），銅鑼灣店尚可

最近香港流行「立ち食い」相信大家都知呢個文化又係從日本帶來的🇯🇵吉蒂一直以為「立ち食い」係為求方便快捷等單身寡佬可以隨意快速地食一餐然後繼續工作或回家後唔洗煮飯就有啲似香港嘅茶餐廳或者粉麵店？但係無諗過位於銅鑼灣呢間立食壽司店會成日排長龍😅即係大家唔係貪快貪方便⋯咁係咪因為佢真係好好食呢？🤔又或者係咪因為佢好抵食呢？🤔🤔於是早前同妺妹黎試個究竟🤣我哋特登五點幾就黎食，因為唔想排隊等死😂結果真係唔洗排隊就入咗去喇～✌🏻而且六點前原來仲有下午茶餐同埋Happy Hour優惠所以即刻點左兩杯大生啤（優惠：大生啤送三件指定壽司🍣）另外再點了一客海之幸盛合（壽司5件）一客市場三色魚飯 &一客鰻魚櫻花蝦玉子燒🥢大生啤先上，而且夠冰凍🍻做到「冷たい物は冷たいまま」嘅要求但當送上海之幸盛合時有少少失望😞點解同餐牌上面嘅賣相差咁遠？😳Anyway... 佢唔應該用咁大個木盤上5件壽司😅味道不過不失啦～反而件玉子燒味道幾好，可以試吓👍🏻最後埋單二人$565.4（收咗加一）呢個價錢唔算貴，不過唔太明白一間立食店點解要收加一🤔🤔🤔有咩嘢服務可言？🤔全程QR

想試立食壽司好耐了😇因乜解究要企起到食壽司呢？我唔知😂😂幸好環境挺舒適的，是站得久有點累🍣立鮨壽司拼盤有5件壽司，感覺是貴貴的，但是食材新鮮😬壽司飯都有調味，味道不錯！海膽味濃新鮮帶微澀，不過不失。不太愛三文魚魚生的本人，吃起這件三文魚壽司感到滿意！油甘魚壽司的調味吃起來很鮮很搭！$25加配迷你三文魚籽飯實在超划算！而且他們的三文魚籽超鮮味！每顆都水汪汪的樣子！加上有調味的飯，美妙啊饅魚櫻花蝦玉子燒，光看樣子也覺得很美吧！吃下去味道也很出色！玉子很滑，鰻魚燒汁香也不會蓋過玉子的蛋香🙂松葉蟹肉海膽壽司吃起來反而沒有驚艷到我，沒感覺到吃到蟹肉的味道值得一試的還有鮮蝦味噌湯（忘了拍下），跟平日在日式料理喝到的味噌湯很不一樣喔，有香濃鮮蝦的味道！本來有點一份原隻紫海膽配三文魚籽，可惜師傅說當天的海膽來貨有問題，沒辦法吃了～整體體驗良好缺點是要：立食🤣

母親節，大人話唔想出去逼見母親大人話想食刺身 就上OpenRice 尋找建議見立鮨評分幾高就試下外賣自取一去到明明見佢有點餐紙，但只俾我QR code點餐。。。QR code點餐又係咁彈畫面，導致我同一款餸點左六次點好晒要啲咩，先發覺佢冇得網上付款又一定要人俾咗現金先至落到單落單條隊有排勁耐 成件事好唔人性化不過呢啲都好小事最大問題係 好難食CP值勁差$30幾$40得一舊壽司咁嘅價錢但係啲魚生一啲都唔新鮮。。。百幾蚊先得3塊刺身。又係勁唔新鮮勁難食連我母親大人都話去吉之島買嘅都仲好食過佢又貴又唔飽肚 付款程序又好唔人性化等攞餐又等咗半個鐘。。。。。。。以往都唔會打食評，不過今次體驗真係好差仲要係母親節嘅時候一個咁差嘅體驗以後都唔會再去食

三點仲未食飯，經過見到就入咗去，之前喺尖沙咀分店食過幾次，都覺得好鮮味。今次叫咗下午茶火炙盛盒，大滿足海膽特盛，櫻花蝦玉子燒，活赤貝壽司同三文魚子軍艦。炙燒左口魚同埋燒拖羅都好正，油脂溶化喺口裏面🥰太幸福！個大滿足海膽原來得茶杯仔咁細杯，但係啲海膽都幾鮮甜，冇腥味。食完火炙盛盒加海膽特盛都唔夠飽，再加單叫咗另外三樣。活赤貝壽司好似有啲柚子皮定檸檬汁喺面癖貝類腥味，食到尾段有貝類既甜味。三文魚子超新鮮，粒粒係個口到爆開，咸香！正！睇相都見到佢好晶凝通透櫻花蝦玉子燒叮熱左上枱，都幾好食，但係我覺得可以再甜多少少就perfect! 呢壽司嘅飯好細舊，要食飽可能要叫多10件🤣

向銅鑼灣 shopping 完行去醫下肚先立鮨門面有氣勢吸引左我😍，睇真d原來向旺角食過一次，質素好好又新鮮，所以唔洗諗即刻拍板決定食呢間點左份立鮨壽司拼盤海膽壽司-口感奶滑而又濃郁珍寶赤蝦壽司-肉質肥美又爽滑北海道帶子壽司-帶子超鮮甜油金魚壽司-肉厚肥嫩三文魚壽司-魚肉細緻枝豆-呢款食物幾健康，有豐富纖維，面上有少少鹽，做前菜一路傾計一路食👍🏻日式清湯稻庭烏冬-稻庭烏冬麵質彈牙又滑原個蘋果雪葩-有驚喜！好似雪糕，好有蘋果🍎香味瀨尿蝦膏櫻花蝦壽司-瀨尿蝦膏配上櫻花蝦，整件壽司濃濃的蝦味在我的口腔內不停游走😋😋😋鹽燒三文魚鮫-燒得香口，肉質肥美，令人無法抗拒☺️經過謝斐道一定會俾「立鮨」門面吸引住😉😉

在這一年疫情總是徘徊在我哋身邊，但是也按耐不住我們的食慾，最喜歡吃的壽司🍣也可以外賣回家盡情地享受，見到銅鑼灣的 立鮨 門口已經好多人等外賣🥡，相信一定有質素才會有這種情況，今日孖住朋友Order一些壽司去佢屋企食！我最鍾意食嘅三文魚壽司🍣，見到一條條魚紋好平均，肥瘦位適中，有厚度，仲有一些洋蔥粒點綴，好新鮮。唔少得朋友最喜歡吃的甜蝦刺身，一隻隻甜蝦非常肥美，帶點爽口嘅口感，朋友連食了五隻。我都唔執輸叫咗軟殼蟹手卷，喜歡佢脆口嘅咬口，配以蟹籽及沙律醬汁，加上蟹嘅味道好fresh。還有其他款式嘅壽司🍣，同樣地師傅都係即叫即整，送到返屋企同樣新鮮美味呢。

𝙎𝙪𝙨𝙝𝙞 𝙏𝙖𝙨𝙝𝙞, 𝘾𝙖𝙪𝙨𝙚𝙬𝙖𝙮 𝘽𝙖𝙮🍣Came here for dinner and have been a few times for lunch. A lot of #sushi places taste similar, so you should focus on three things. Texture, freshness, and flavor. This place passes✅ Very satisfied. Service was fast and friendly. Honestly, this place was so much more than I expected👍🏽We ordered a lot, their deluxe fatty #tuna #sushi and seared flounder sushi were my favorites. The #fish is super #fresh 😭 Their #jumbo red #shrimp and #salmon sushi were also very nice. H

呢間立食既日式壽司店係我第二次係, 第一次食到已經覺得好好食, 第二次食水準都KEEP到三文魚腩壽司首先黎個三文魚腩壽司, 超大的一片三文魚腩, 厚厚的, 鮮味十足大呑拿魚腩壽司食壽司點少得最最最出名既大呑拿魚腩, 價錢唔平但真係物超所值, 又厚又juicy, 一入口即溶既感覺, 口感同味道都係日本食到既好相近!!鏗魚壽司口感都幾特別, 係時令既壽司, 所以係menu上面沒有的, 在board上才有得期間限定平貝同樣也是期間限定, 好香而且好鮮甜!!針魚口感較爽, 鐘意食薑既一定要食埋上面個薑蓉!! 味道好夾!!