立鮨 (Tower 535)

營業中

休息中

今日又係我銅鑼灣食神同大家寫食評，今日又返到嚟本簿銅鑼灣。去到呢間叫立鮨嘅，睇燈飾頂多首先要講吓泊車先。當日我係星期日去星期日我就會間唔中掂下我部大玩具「得得地」，今次就揸佢出去銅鑼灣食飯「其實只係銅鑼灣去銅鑼灣😂😂😂」「嗰隻係一隻牛幾難揸長途車，短途出嚟型吓咪算數囉！」我就揸到去謝斐道盡頭近世貿嗰啲邊位。就咁放喺度已經有人影相，又有人模拜，淨係這種虛榮感，好多困難就已經過了，點解今日講咁多廢話呢..講返正題，我部紅車就拍咗去門口，就入去食。呢間餐廳都幾特別冇櫈坐。對於我成日坐嘅人企吓當然冇問題👍🏻，舒服幾好。我就叫咗嗰個$380「Omakase 」😂😂😂應該係ELITA 版。我從來未試過咁平梗係要試吓。一來再嚟過少少刺身拼盤，都有件中拖，蝦算大合格。之後六件壽司🍣，高質！睇吓我食評嘅都知道好食嘅，由於Complex，所以唔使點形容，想知道自己落去試吓。好食，食完就一條手卷，再加個湯！完我從未試過廚師發板咁簡單加$88要個大滿足海膽….我個胃才勉強夠…我只可以講嗰度方便，食都可以嘅，PQ值斜對面嗰間高啲啲。最後要讚下師傅喫飯嘅功力，唔死實又唔易散，有啲功力！勁！

ʕ•ﻌ•ʔฅ𝓢𝓾𝓼𝓱𝓲 𝓲𝓼 𝓪𝓵𝔀𝓪𝔂𝓼 𝓶𝔂 𝓬𝓸𝓶𝓯𝓸𝓻𝓽 𝓯𝓸𝓸𝓭很想念東京的立食壽司🇯🇵，今次就來試試香港的立鮨吧！★三文魚籽軍艦 $20 滿瀉的三文魚籽上灑上柚子皮，口味清新而且帶出魚籽的鮮甜。魚籽不會醃得過鹹。咬爆每粒飽滿的魚籽時滲出濃烈的魚油香，是滿滿的幸福感啊～(⁎⁍̴̛ᴗ⁍̴̛⁎) (圖1)★白子小食 $58 (3pcs)滑嘟嘟的白子入口即溶，鮮甜軟滑，配上酸汁和蘿蔔蓉非常開胃～敢吃的朋友必試～ (圖2)★特選三文魚盛合 $58、自選壽司魚生用料新鮮，壽司用上赤醋飯，酸度不算非常高，為魚肉的鮮味錦上添花。特別一提，鰻魚質地軟綿綿，表面用火槍燒過，焦香味十足！三文魚肥美、性價比高，三文魚迷必定滿足！ (圖3)★火炙大吞拿魚腩海苔壽司 $48 肥美的吞拿魚與脆卜卜紫菜的配搭，是邪惡的象徵！用滿滿的油脂作結尾簡直無得輸！( ´▽｀)  (圖4)立食壽司適合日本職人忙碌的生活和香港講求快、靚、正的文化。這次立鮨的體驗與日本立食壽司不一樣的地方，是立鮨採用一次性的上菜方式。喜歡吃軍艦的朋友們，記得要襯紫菜還脆卜卜時趕快先吃了！整體來說，立鮨壽司絕對能緩解對日本壽司的相思之苦～去試試看

CP value高嘅$380 omakase刺身4件，拖羅好食！壽司6件加送玉子2件，海膽絕對唔同你慳，多過舊飯手卷1件湯1碗，個湯超好飲！個蝦頭加埋落去完全係畫龍點晴

最近喺網上見到Openrice有得買$400減$200 coupon，又咁好彩買到兩張，就一於決定今晚去試吓😍。立鮨水準同之前一模一樣，過咗咁耐亦一啲都無下跌到。價錢方面，亦仍然比起其他居酒屋平，非常之抵食，非常之好味😋。我個人特別鍾意佢嘅火炙左口魚裙邊壽司🐟，同埋佢嘅壽司飯。火炙咗嘅左口魚裙邊味道非常之香口，口感亦都係入口即溶。至於壽司飯，佢哋用嘅壽司醋係唔同，所以出嚟壽司飯顏色係有少少紅紅地♥️，味道就非常之match魚生，非常之開胃。我俾咗$100做會員，做完會員會有三張$300-$100嘅coupon，張coupon係可以同openrice coupon一齊用，所以，如果你食$500，用晒啲coupon就只係需要實比$200，非常之抵食🥰。

朋友介紹話好食，今日就黎試下去到個位感覺有啲似企係到既一蘭，每個人之間都有塊板隔住，有啲私隱度餐具都一早預備好比你，落單用電話scan qr code，呢到全部都係吧枱形式，落左單壽司師父會親自拎比你特別要推薦呢個三文魚子軍艦，啲三文魚子多到跌出黎，都係$25蚊，三文魚子完全無腥味，粒粒好飽滿，好抵食其他壽司都唔差，鰻魚壽司都好推薦，鰻魚好厚身，無骨，處理得好好，師父唔會落好多鰻魚汁、所以食到鰻魚本身的味道食左15件壽司都係2百鬆左右，抵到爛

好耐冇食過d好d既日本野，好掛住銅鑼灣既#立脂 ，佢哋既omakase價錢公道，食材又新鮮，就算係小資都食到😋😋而且師傅好好人其實佢哋除咗銅鑼灣，旺角同尖沙咀都有分店，所以好方便食到🤭🤭等埋今日，夜晚堂食開放返，可以再encore😚😚師傅勁好笑容👍服務態度值得一讚同埋d擺盤好靚☺️好岩我相機食先d蠔隔住個Mon都流晒口水鮑魚好新鮮，食落勁有口感呢個係必推，魚既油脂加埋紫菜同飯，簡直一流柚子味既三文魚籽☺️☺️

一向有喺呢間買開外賣。食物質素其實唔錯，但服務質素一向都只係一般般，但亦未至於好差。今日order做千幾蚊外賣，去拎外賣時，得一袋較細嘅，已經兩次問店員係咪全部，兩次店員小姐都係check都唔check就話係。咁又冇理由當場打開check，咁就信佢攞走。返到屋企才收到電話，話“你哋攞漏咗一袋”。我話頭先明明話齊，佢話係吖 我哋外賣通常係放一袋嘅。 完全毫無道歉或唔好意思。落返去攞時亦一句唔好意思都冇。仲有就係每次都將熱湯同魚生放在一起。

又去咗立鮨度食啦 今次去銅鑼灣分店空間更大更舒適 雖然冇得坐喺度食 不過價錢反映一切啦有我最愛嘅白子壽司非常新鮮配埋酸蘿蔔一齊食 好creamy 海膽飯都非常有份量粒粒分明而且金香鮮味

最初頭食係有wow一聲既感覺 壽司飯係有調過味 魚生都有水準 之前耐唔耐都會心思思想食佢不過愈後期就覺得愈唔好食以一間無得坐價錢中位既壽司店黎講 食係主打 食物質素唔好都唔係好想企係度食疫情都影響好多食肆 有時經過午肆都唔多見人心血來潮想食壽司 見外賣自取個價錢好吸引就再幫襯多次比個機會但都係好麻麻壽司賣相唔討好 全部一pat野咁 飯同魚生一樣係溫度 少暖個隻 拎外賣到食之間只係5分鐘路線 魚生咁唔凍個下真係好扣分都係個句 價錢取勝

大家好！真係好耐冇食過壽司！要搵間有返啲日本特色嘅壽司舖先！要快手，乾手淨腳既話，立食壽司可能係一個好選擇！來到銅鑼灣，又有啲趕時間，咁啱搵到間餐廳唔使等位。咁就入嚟食啦！大家都有禮貌招待客人！咁就叫咗啲嘢食啦！三文魚，帶子（帆立貝）、蟹子同埋三文魚子！三文魚都新鮮！味道都唔太差！亦都唔會有腥味！質素就中上等左右！帶子都係OK嘅！雖然冇乜突破！但至少都新鮮！最大驚喜就係三文魚子軍艦，估唔到會多到瀉出嚟，我睇返原來係特登！都幾有創意呀！至於佢嘅好朋友蟹子，都表現得唔差！都好新鮮！最後，芥辣八爪魚！新鮮就新鮮啦！如果可以再重少少芥辣味㗎！咁就 very good ！

平時見好多人排隊，一直都未有機會嘗試。今日本身諗住去崇光食午餐，點知無開，就諗住過嚟呢間試吓，又咁岩冇人排隊，就即管一試。唔試猶自可，一試就失望。首先，店內一位身材嬌小嘅女侍應態度十分之差，一入去就已經為咗換枱嘅小事而開口窒我 （但當時根本未滿座，仲有好幾個吉位，我只係想隔返開少少嚟企）之後全程食咁耐，佢同佢個同事就企正喺我後邊吹水吹咁耐，講生仔經, 真係好煩。到食物質素，食材係新鮮嘅，但係份量真係細得驚人，我呢一餐食咗$250一個人，但係10分鐘之內已經食晒，以呢個價錢，仲要又迫又係企喺度食，加上咁嘅服務態度，真係試一次就夠。

一個人想食壽司，揀呢間，快靚正，但唔算平佢用日本立食文化，全程企係到，所以唔會食得耐壽司即叫即整，全自助，壽司好食，比較細件同偏貴靜靜地一個人又唔想求其食首選係唔錯

呢間日本餐廳主打食壽司，壽司即叫即整。整體壽司都好食，但個人覺得比較細件同埋偏貴，另外同埋佢用左日本文化立食，如果你行街行到腳攰想坐低食野的話，應該要考慮下係另一間餐廳食

係銅鑼灣做完野想食個快飯然後返屋企Hea下，食個快飯唔等於一定係求其，所以就決定對自己好啲，食壽司😂😂立食嘅好處就係快食又得，慢慢食又得，而且就算一個人都唔會覺得太突兀。呢到仲要係用自己電話QR Code落單，真係啱晒我呢啲做完野唔想再講野，靜靜地食餐飯嘅人🤫💛 特上壽司盛合 + 迷你海膽丼 + 三文魚子軍艦刺身夠晒新鮮，而壽司飯亦都用左赤醋黎調味，所以豉油都唔洗蘸👍🏽 壽司飯粒粒分明，但又唔會一夾就散反而海膽就一般般，間唔時有一兩舊食到有少少苦味，不過不失，呢個價錢我寧願覺得可以少啲份量但海膽高質少少😅

There is no second thought when it comes to having a good, fast, cheap sushi fix. My go-to is always this standing sushi bar. Quality is as good as you can get for that price in reasonable portions. The photos require no further comments than what the images are speaking aloud. Between B and I, we shared a 6-piece pick-your-own sushi lunch set, topping up with another 7 pieces from the available options in the same set at discounted prices. Added on a mini bowl of uni don. All of them didn’t eve