稻八日式火鍋炸物放題 (已結業)

如果鍾意食芫荽嘅朋友，呢一間餐廳一定要嚟試吓，佢哋新出左麻辣鴨血芫荽鍋，攞埋啲和牛牛小排，成個口味味道提升晒🤩牛小排睇佢啲脂肪比例已經知道質素唔差，厚薄適中，都好有牛味。而佢哋亦都有手切牛肉，食落去厚身啲，個人比較鍾意呢一種口感，而且一啲都唔銀，有入口即溶嘅感覺。呢一度亦都有刺身放題，冇諗過有成10幾款咁多，食落口都新鮮，個人覺得佢嘅甜蝦唔錯，睇蝦頭都知道幾新鮮！出面亦都有好多唔同嘅食材，魚蛋腸仔午餐肉，應有盡有，蔬菜都唔少款式，出面仲有幾個炸爐，見到好多小朋友同家長一齊整炸蝦，過程都幾簡單，人人都可以做廚師！我哋嘅套餐仲可以任食海鮮，包括左生蠔、大蝦、帆立貝、青口等等，仲可以任食花膠，真係唔食牛就咁食海鮮都夠晒抵食！除咗任食刺身之外，仲有得任飲啤酒，大新信用卡9月15日開始到12月31日，用大新卡惠顧任何火鍋放題，都可以免費試清酒同梅酒，抵到喊！

今晚約咗個好耐冇見嘅朋友，雖然佢住得有啲遠，住喺太和嗰邊原來都幾多嘢食。呢一間餐廳除咗打邊爐之外，仲有得自己整炸物，亦都有刺身放題，我諗有三個胃都食唔晒😂我同朋友就嗌咗左牛小排套餐，仲包豬羊、海鮮、刺身等等。我諗呢一間餐廳最特別一定係佢可以自己喺出面炸蝦，炸魚蛋、蔬菜等等，一家大細都可以玩！而佢亦都有好多唔同嘅丸類同蔬菜俾你打邊爐，尤其係佢好多炸魚皮山根等等，平時出面啲餐廳都冇咁齊全。呢度亦都唔少甜品，除咗有唔同嘅雪糕同埋雪米糍之外，臨走之前仲可以攞住張單，喺門口拎返杯Häagen-Dazs或者movenpick雪糕，食完之後夠晒滿足！不過我諗下次我都會試吓佢哋嘅M7和牛放題，因為只要有匯豐信用卡，就有8折優惠，下次一定要再嚟食！

本人前兩天同朋友一齊去大埔食打邊爐。食左個$328既套餐，店內食物質素一般。仲要俾錢買難受。店內兩名女職員服務態度勁差。限時120分鐘進餐。重點我們準時交枱。1分鐘之間可以叫人夠鐘交枱兩次。當時店外沒有人排隊等位。兩位女職員仲要全程俾曬面色客人睇。其實見佢地枱枱客人都係甘樣吹交枱法。好難想有客再去幫襯佢地間舖。最搞笑送個雪糕要客人埋左單先可去門口拎。其實食物一般，職員態度甘差，真心請我都不會再去。

第一次寫食評，因為實在太嬲同失望同朋友一行進店，入到店內已感覺有位女職員(短頭髮曲髮)態度不友善。我地揀左$328套餐，食物質素真係唔差，而且選擇都多，又可以自己整炸天婦羅，幾有趣，什至啲牛係好食，成餐飯原本係幾好的。限時120分鐘，我地諗住坐到時間岩岩好先離坐，但有兩位女同事分別都係未夠鐘既時候，都過黎催夠鐘要離座，而且態度非常惡劣，仲要黑面我地無遲交台，唔係爆場時間，亦都冇人喺度等位，好地地黎食飯點解要受氣！期間咁岩叫到個位女同事幫手清理枱食完碗碟，繼續黑面不過另外兩個男同事幾好，同兩位女同事態度都好大對比即是食物好，都唔會再黎！

咁啱同朋友黎開大埔，平時去開超級城度搵嘢食，今次決定行遠少少嚟到呢一間放題。餐牌上都有好多選擇可以揀今次我同朋友就揀咗日本黑毛和牛盛合前菜就叫返幾款刺身試吓先，叫咗甜蝦，帶子，櫻花魷魚，油甘魚，劍魚。黎得就當然要試晒佢所有嘅肉類同海鮮啦。豬肉同海鮮都不過不失，雞肉由麻油腌製過，香味撲鼻。跟住當然係重頭戲黑毛和牛，有三個部位俾你揀，肉眼上蓋、三角腩肉、牛肩肉。個人最鍾意就係牛肩肉，係肉味比較出眾，油脂同肉比例恰到好處。呢間鋪最令我驚喜嘅係有好多款調味料俾你自由配搭，特別鍾意嘅係胡椒海鹽，香辛料加上少少咸，令牛味道昇華，又減少油膩感

嘩嘩嘩！朋友介紹先發現呢度有日本國產黑毛和牛放題！講緊只係$368/位😱😱😱仲要完全冇Hea你，乜都有得食，仲有得自助炸嘢！😍日本國產黑毛和牛放題除咗包國產黑毛和牛之外，仲包括可以任食嚴選澳洲M6和牛、極上安格斯牛排、特級美國穀飼牛、美國進口牛肉、美國自然豚肉片、海鮮盛合、炸物、雞件、任食刺身😱聽到都已經覺得一定會飽到傻🤣🤣環境都算唔錯，疫情之下，枱同枱之間都會有塊膠板隔住👍🏻首先可以揀湯底，我哋就揀咗雙拼，咁就可以試到兩款。真係冇諗過$368可以食到一啲咁靚嘅日本黑毛和牛，仲可以食埋澳洲M6和牛，大家睇圖片就可以見到，我哋嗰陣都係非常之震撼，冇諗過竟然可以任食😱有啲懷疑店家會蝕錢🤣🤣A4黑毛和牛食落去真係入口即溶㗎！🥺🥺油脂超級豐腴，牛味係極鮮！😭💕我就鍾意擺入去鍋入面輕灼大概10至20秒左右，咁就會係三至五成熟，呢一個熟度for黑毛和牛係最好✨跟住再可以自己喺出面拎一啲生菜，咁就可以包住黑毛和牛食，咁樣食係最解膩💕海鮮方面大推廣島蠔！好鮮甜😋😋其他肉類都唔錯而刺身方面我就推薦甜蝦、帶子、油甘魚❤️👍🏻全部都好鮮甜玩炸嘢竟然有燒賣俾你！🤣🤣好正，即刻炸咗兩串，仲有一啲好特別味道嘅粉可以

今日星期日放假，同女朋友喺大埔唔想出去，晚餐喺大埔搵嘢食，同佢好耐都冇食過稻八，就過咗嚟食一食，咁耐冇食過質素都保持到水準可能我哋六點左右去，所以人唔算太多我哋揀咗最平嗰個set，美國特級谷字牛放題，基本上任食豬牛雞，去到先睇到原來7:30前離座有八五折，下次嚟食嘅時候早半個鐘黎，又可以平少少嘢食種類其實都幾多，不過依家疫症關係，記得出去拎嘢食嘅時候一定要戴口罩，佢哋嘅員工都好好地戴晒口罩，見到做嘢嘅時候都幾衛生，食得都幾安心沙嗲湯底好濃郁嘅沙嗲味，而且亦都唔會太咸，加上每樣肉都好新鮮，識落其實性價比都幾高而且炸物呢一欄係我特別鍾意，因為自己可以因應自己嘅喜好去揀炸咩食，又可以揀自己心愛嘅調味粉最後唔少得嘅當然係雪糕，每個人走嘅時候都可以拎一個Dreyers/movenpick，為晚餐咗個完美嘅總結🤣

平時打邊爐打得悶？今次我終於找到一間既可以任食火鍋，又有另類食物任食。我急不及待地帶朋友去食，說一定會為她帶來新鮮感，就是稻八日式火鍋炸物放題。我個人覺得，餐廳的名字可以再吸引一點，因為它的炸物並不是一般我們放題食開的，而是要自己動手，既好玩又好食的「炸串」 。餐廳位於大埔舊墟，熟悉大埔的朋友都知道這條街，從大埔超級城行過去都是5-10分鐘左右。我們食第一輪，5:30-7:30，價錢便宜點，又少人一點，食完還有時間讓肚子消化一下。我們今次來，除了想打邊爐之外，其實都想嚐嚐稻八的炸串放題。所以我們選了一個比較入門級的牛肉任食套餐。✢ 1. 炸串放題炸串的選擇非常多。老實說，單食炸串亦可開一個套餐放題，讓人一邊飲酒一邊食炸物。款式有：蝦肉、燒賣、番薯、菇類、秋葵、青椒、丸類、腸仔、火腿等等。加上，炸串並不限於菇菜類，亦有部份肉類選擇，值得一讚。首推當然是蝦肉炸串，想不到竟然會提供已除去蝦殼的蝦肉，用來伴酒一流。將炸串沾上炸醬及米糠，再放入爐內適時取出，再輕輕灑上調味料（稻八提供六款調味料選擇），感覺就像在日本食炸串一樣過癮。我會推介灑上海苔味、七味粉，更加惹味。✢ 2. 壽喜燒甜醬油湯 ＆

今日近近地去左好耐冇去既稻八日式火鍋炸物放題，位於大埔舊墟直街4-20號美新大廈地下A2號舖，由太和火車站步行約5分鐘左右到達，5:30到達，已經全場滿座，好彩一早訂左位。朋友同我都主要食牛，所以點了特級美國穀飼牛放題，已經有齊豬肉、牛肉、雞肉、連羊肉都有，豬肉切得夠薄，豬肉好淋，而雞肉一d都唔柴口，都係夠滑，另外牛肉我特別喜歡手切牛、牛肉味濃，又嫩滑。鴛鴦鍋（沙嗲鍋/九洲豬骨濃湯）沙嗲鍋味道夠濃小小辣，好惹味，另外九洲豬骨濃湯都好濃郁，不會愈食愈淡味。情有獨鍾既炸物區，食材有魚旦、茄子、青椒、蝦、午餐肉、腸仔等等，款式都好多，而且已經串好，簡單又易整，我見其他小朋友都玩得好開心，最欣賞佢d油唔會周圍彈。

每個月都會有一日一定要去打邊爐，今日我地去左稻八日式火鍋炸物放題 ，餐廳除左邊爐放題，原來仲有炸物放題。放題價錢由$208-$388，我地點了最平的特級美國穀飼牛放題$208，放題已包含炸物、美國進口牛肉、豚肉片、羊肉、雞肉片，每款肉質質素都不錯，切得薄，不會柴口。全部都係自助式，自助吧多達二十多款配料可以選擇，除了配料亦有甜品，飲品，雪糕都可以無限任飲任食，雪糕有我至愛的雪米糍，細細粒，一口一粒。自己炸物自己炸，非常簡單，沾上粉漿，再沾上米糠，再放入炸油就得啦，最後炸完可加不同調味粉，以到既蝦好新鮮，爽口彈牙，我起碼食左幾十串蝦。

🔎 稻八日式火鍋炸物放題*📍大埔舊墟直街4-20號美新大廈地下A2號舖食過唔少放題，但剌身質素嚟講，稻八既剌身我覺得比酒店式可能更好食。而且又肥美又新鮮，所以超級推介大家一定要食佢哋嘅剌身。而且種類都幾多。而且稻八有樣幾特別嘅地方，就係仲有炸物放題，可以自己整天婦羅，如果本身鍾意食炸嘢，相信稻八一定滿足到你好想需要。而打邊爐嘅肉質都好高質，除咗和牛好新鮮好嫩滑外，佢仲有羊肉，羊肉真係唔係間間涮涮鍋都有，而且我覺得佢哋嘅雞肉都唔錯，涮得耐都唔會覺得un，last order都有再encore.雖然地點係大埔，但我覺得咁高質既放題絕對值得入嚟食又唔會後悔。我一定會再食，真係超高質素。

身為大埔友嘅我 同時係一個牛肉控 朋友介紹到呢間稻八日式火鍋店又點可以錯過呢入到去環境好闊落 坐得好舒服 而且飲品同埋火鍋配料都好充足店員首先畀咗肉嘅拼盤 包括雞肉 豬肉同埋一碟牛肉 食落不過不失 都幾新鮮之後就到自己叫野食嘅時候 我哋叫咗A4黑毛和牛三角腩油脂好豐富 肉味香濃 肉質鮮嫩可口 完全無可挑剔A4黑毛和牛肩肉 相對於三角腩就冇咁肥 但係牛肉味有過之而無不及澳洲和牛舌 比平時食到嘅牛脷嘅牛肉味更重 又唔太油膩澳洲和牛肩胛肉 比起A4和牛肩肉瘦咗啲 但係牛肉味都差唔多 值得一讚澳洲和牛下腹腩 相對於A4和牛三角腩 油花分佈得冇咁多 牛肉味都冇咁重 但係都好好食

上個星期跟家人逛完街就就過來吃火鍋120分鐘任食任飲，套餐有$208-$33不同價錢的選擇當然價錢越高，肉更好，更會有海鮮跟剌身但當天不太餓，點了$208的美國穀飼牛餐外面自取區，有汽水，果汁，熱茶任飲自取火鍋區配料有南瓜、冬瓜、萵筍、多種丸類等等食物種類很多任食雪糕雪條，雪米滋有八款湯底可選，最後點了鮮蕃茄湯湯底鮮甜，配牛肉也不錯有美國穀飼牛、手切牛、豚肉、雞肉、羊肉任點味道不錯手切牛色澤鮮紅, 肉質鮮嫩多汁DIY 天婦羅炸物區有幾款丸，秋葵，青椒，茄子，蝦肉，燒賣等等自己加上漿跟粉，就可以拿去炸炸完就可以加自己喜歡的調味粉，絕對好玩又好吃！除了自助區任食雪糕雪條外最後更有每人一杯haagen daz / movenpick性價比高，家人吃得非常滿足

上星期和親友到大埔逛一逛，回家前先到稻八填飽肚子。120分鐘任食，有大量食材、飲品供大家自取，當然不能少了自助炸爐區的美食。這次選了208蚊的放題套餐，為配合親友口味選了蕃茄湯底。會先上美國手切牛、豚肉片、羊肉及雞肉，個人最喜歡吃手切牛和豚肉片，肉質相當鮮嫰。不夠吃還可以追加。另外最喜歡吃他們的炸物，除選擇多，也非常合我的口味，炸芋頭丸外脆內嫰，食一串都嫌少。吃火鍋少不了吃點蔬菜類，減減油膩感。最後吃一條榴連雪條就夠，原因是在離開餐廳會送你一杯Movenpick或Dreyers,喜愛咖啡當然會選擇它。

今次食既既係日本國產黑毛和牛盛合.(388$)和牛肩肉牛肩肉我覺得係比較滑,油花味無咁重, 牛肉味濃, 比較大件, 薄切, 易入口,基本上比較中意食牛味既就可以優先食呢款.和牛三角腩油花比較重, 會容易小小濟, 比較細件, 如果中意和牛既油花味既人可以優先食呢款,但我認為要配茶飲, 或配D 可以中和油份既野會無咁易濟.其他配菜選擇都不少,  最緊要係感覺食物比較乾淨,食材都係比較高質小小的食物, 睇得出唔係買最平的食材.稻八最大特色係自己可以整炸串燒, 基本上先選自己中意食既串燒,之後沾小小炸漿,米糠再炸一段時間, 但有樣比較麻煩既野係,唔知應該炸幾耐先叫好,太短時間好似驚入面d食物唔熟, 太長時間又好似吸太多油. 店內教學好像都無講時間要幾耐.和牛粒, 最緊要都係口感, 牛粒通常放火鍋後口感會比較硬, 好難咬,所以牛粒通常都唔係太受歡迎, 但呢到和牛粒, 係十分易咬開, 仲要比較軟油花味重,所以無左好難咬既問題, 呢到和牛粒係相當唔錯. 整體食物質素比較高, 服務都好, 出食物比較快, 唯獨我覺得一定要注意的係,第一輪食物會任何類別既牛都來一份, 咁樣食齊都已經飽, 所以我覺得第一輪