稻八日式火鍋炸物放題 (已結業)

假日book了5:30pm到，打算用7:30前結賬的85折優惠，原本打算選擇低一級的牛小排，但到店見到HSBC信用卡優惠，澳洲M6和牛盛合有8折，立即拍板。整體上，食物質素令我們非常滿意，這個價錢有這樣的質素，尤其是每次追加的牛肉能保持質素穩定一致，而我們叫的餐包了刺身任食，刺身新鮮、質素不俗，尤其是甜蝦及帶子都很鮮甜！此店CP值高，值得推薦！厭倦了大型商場的連鎖式店舖，最近轉戰舊墟小店，每每都有驚喜！

稻八日式火鍋炸物放題 (大埔).日本國產黑毛和牛放題- 是次是非常之好體驗的放題，食材品質好，看得出是挑選過的，性價比高，是少有的放題但係高級質素我兩選擇這個388套餐連刺身都是任食，店員將套餐包括的和牛以及肉類一次過先上枱，所有牛肉一看已經看得出油脂分布比例，果然淥十秒左右入口半化，另外當中更加包括豬肉及雞肉，連豬肉及雞肉都很好吃，完全不粗糙刺身有希靈魚，馬刀貝，赤貝，吞拿魚等等，選擇都唔少飲品方便除咗一般嘅汽水，仲有大量嘅紙包飲品，而另外食材分好一個個，乾淨衛生，而且感覺新鮮店舖嘅主打仲有可以自行過手癮炸串燒，女朋友話想食甜番薯🍠，炸幾串試下，好玩又好食

稻八日式火鍋炸物放題 (大埔).🔹$388日本國產黑毛和牛，刺身海鮮炸物放題🔹.今次又黎到大埔呢條食街，試呢間話有得自己炸串嘅任食放題一入到去環境寬敞，去拎飲品已經見到啲配料排列得好整齊，感覺好治癒😆見到有個自助炸物區，隔離已經吉好曬一串串，沾上炸粉就可以自己放落中間嘅小炸爐，炸後可以自己落番紫菜，孜然呢啲調味粉揀湯底我地揀左鴛鴦，因為好想食日式嘅壽喜燒湯底之外，我地仲見到有我倆好喜歡吃的台式鴨血鍋！入面嘅鴨血仲要好厚身，咬落好好好好食，入味而又厚實，而且呢到仲有呢隻豆卜，我倆都好驚喜因為唔係好多地方任食有得食，呢隻豆卜配台式火鍋真係一絕，好索汁！呢個set個牛，連我倆打邊爐不一定要吃牛嘅人都覺得相當好食！ ！ ！ ！油脂分佈平均，入口真係好綿好似融左咁，又有牛香，完全名附其實A4黑毛和牛肩肉，我男朋友更喜歡食A4黑毛和牛三角腩，因為會再肥多少少絕對係好食，比爆分!!!刺身係呢個set係任叫，所以不用一下子叫太多，每樣食完想再encore再落單都未遲，我特別喜歡爽口到爆嘅馬刀貝，叫多左兩round!!!到最後我地都有去玩個自助炸爐，好開心一串串拎起手好似去嘉年華叫串燒食咁，大家不妨一試

夜晚同以前同學一齊去打邊爐吹水，當然要來呢間咁好食嘅火鍋店，真係覺得性價比高呢度裝修簡約企理，出去攞嘢都幾方便，坐位寬闊舒服最重要係食物性價比非常高，一位都係兩百幾蚊起，就可以有高質素嘅肉類俾你揀到，單係牛肉都有幾個部位，手切肥牛比較嫩滑，雪花肥牛都係鮮味十足有心思嘅係，當你仲等緊個爐滾嘅時候，可以先出去炸天婦羅，啲蝦都新鮮，加上自己自助點炸漿炸粉，成件事都幾開心當然唔少得好多得揀嘅自助蔬菜同肉丸，蔬菜非常新鮮，店員好細心咁一棵一棵排好，整齊乾淨，丸類質素都唔錯，一啲都唔頹最後係飲品同甜品款式都幾多，臨走時仲可以食M字同D字雪糕，正

Menu有唔同價錢，包括咗唔同級數嘅肉類，最平$208起，抵食！選擇咗甜甜地嘅壽喜燒湯底，包括雞肉、羊肉、肥牛、豚肉同埋手切牛，食完仲可以refill，其實每一款肉類質量都非常好，但當中會比較欣賞手切牛肉，口感肉質非常好、牛味濃，呢個item比起坊間火鍋放題，較為特別 。外面自己拎嘅配料都有好多選擇，瓜、菜腸、丸、魚皮、豆卜……應有盡有。個鍋七彩顏色非常漂亮。仲有啲無料追加嘅item，全部都係有誠意之作，我就點左美顏嘅花膠同埋彈牙嘅墨魚滑。呢度最特色嘅一個自製炸物corner成為左今晚嘅焦點！喺餐紙已經有教定點樣去處理食材，有得玩又有得食！仲有勁多調味粉比你自己選擇，梗有一款啱你口味！甜品方面，除咗現成嘅室溫甜品之外，當然亦都有雪糕、雪條，仲有雪米慈添！當中嘅榴槤雪條係我高度推介嘅！又滑又夠香！榴槤迷必食！

經朋友介紹，去左呢到試新野點知就出事😩我地揀左一半蕃茄湯，一半芫荽湯個蕃茄湯正常，有味道既。但個芫荽湯就好似水咁，無味，聞都聞唔到。配料方面，以呢個價錢的話，選擇太小了。丸，菜。魚皮林哂.....食落仲有聞味......搞唔掂飲品方面，選擇亦唔多.....無可樂.....🙈仲有個個炸物部，可能有人覺得好好玩，但個人而言真心麻麻，個位好細。收銀員態度特別差...最搞笑係呢到任食，但如果食雪糕，要先埋單，再拎張單去換一人一個雪糕....😅總括來說：以呢個價錢，呢個質素，真心唔值！

❥ 稻八日式火鍋炸物放題✿/擁有全香港第一部自助炸物機大家可以親手自製天婦羅 供應多款任食套餐 平民價的有安格斯牛小排至於今次 我地點日本黑毛和牛套餐 呢個套餐好多野食 刺身、海鮮盛盒🥰🥰 湯底有豬骨、番茄 壽喜燒、沙嗲等 我地點味噌豆乳湯底拼麻辣 味道唔錯 唔會掩蓋和牛香味M6和牛牛肩肉入口即溶脂肪紋路平均 $388 真的很划算刺身方面有 三文魚、油甘魚、甜蝦、帶子等 甜品都係任食 有雪米糍/✿. 𝚈𝚞𝚖：𝟰/𝟻𝚁𝚎𝚟𝚒𝚜𝚒𝚝﹕𝟰/𝟻𝙿𝚛𝚒𝚌𝚎﹕ $388/𝗵𝗲𝗮𝗱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 稻八日式火鍋炸物放題 (大埔)大埔舊墟直街4-20號美新大廈地下A2號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

稻八環境舒適，裝潢走日式原木風格我地點和牛套餐 食物選擇好多有和牛放題同刺身 海鮮等等日式火鍋店還特別地有全香港第一部自助炸物機 炸物已經串好 👅而且有指引跟著炸😆😆 加天婦羅漿同麵包糠，再放入機炸大概2分鐘 金黃色就可以了🤤🤤前和牛套餐包括無限M6和牛 特級美國穀飼牛、美國自然豚肉片等等 和牛每一碟的質素和分量都係一致😍 我喜歡牛肩肉脂肪比例少 瘦肉多點 牛味濃郁！刺身新鮮肥美 而且種類繁多 有我最鍾意嘅三文魚、大北寄貝、吞拿魚八爪魚、油甘魚、甜蝦等等以最後甜品方面，有雪米糍、泰國直送雪條同Dreyer’s雪糕！泰國直送雪條嘅椰汁紫米味同榴槤味都好好食😍😍 稻八日式火鍋炸物放題地址：荃灣德海街18號富利達中心1樓地址：太和 舊墟直街4-20號美新大廈地下A2號舖

今日幫朋友慶祝生日 一年一度咁大件事就帶咗佢去食日本和牛啦呢間稻八日式火鍋放題係區內少有嘅高質Shabu shabu 重點係超有良心嘅黃店閒夜晚去到餐廳都已經好多人 如果要食就記得book位啦丸類係自取我哋揀咗食最貴嘅a4黑毛和牛放題 睇張相就知道啲牛肉有幾靚幾肥美啦 放落壽喜燒湯底度淥幾秒已經食得 牛肉味濃郁之餘 仲入口即溶 真係超正A4和牛三角腩 超肥美 好似滑入喉嚨咁a4和牛肩肉 比較瘦一啲不過牛肉味就更濃郁除此之外仲可以叫澳洲和牛都係任食 仲有和牛舌夠曬爽口仲有香港少有嘅炸物放題 係自助式有得玩有得食點少得雪糕

出去打邊爐我就一定揀壽喜燒湯底嘅，真係無得輸，好百搭，搭咩食材都好食嘅😬就算唔打邊爐淨飲都會覺得好正😁特別想推薦下呢度d牛肉，肉質鮮嫩，仲睇到有靚靚雪花架 😍另外，呢間稻八有一個自助式既天婦羅位，有個炸爐比d食客自已炸嘢食，有得玩又有得食😬我食返自己整既天婦羅之後，發覺自己原來都有潛質做廚師😙甜品方面，呢度係有Haagen Dazs 同Movenpick雪糕食😋淨係雪糕都夠happy😋餐廳裝修好有日式嘅風格，坐得幾舒服，出面仲有位d停車，如果萬一有人抄牌，揸車嘅朋友都一定走得切😬🤭

太過分了，天氣 very hot 🥵 但心裏依然好想打邊爐，於是即刻OpenRice訂位，去屋企附近的稻八，食日式🐮火鍋、炸物、刺身放題。特級美國穀飼牛放題 $208我哋平平哋揀咗 穀飼牛，都已經包括了特級美國穀飼牛、美國進口牛肉、炸物、美國自然豚肉片、雞件、羊肉。牛肉賣相好，有光澤，肉色紅潤，根本就是高質日本和牛無誤，任飲任食啊🤤好開心！特級美國穀飼牛的大理石花紋也很漂亮，脂肪分布平均，肉質幼嫩，質量高。濃厚芫茜鍋全新推介可以免費選擇，我咁鍾意試新口味當然唔會錯過啦！味道濃厚而且芫茜的香味很有個性，視乎你同佢夾唔夾囉！芫荽味特濃的重口味是新派火鍋店才勇敢的推，芫茜控必試！炸物放題這裏其中一個特色是 自助吧 DIY 炸物，好玩又好食，我自己挑選心水食物，生蝦、秋葵、火腿午餐肉，我都好鍾意！美味炸物，外脆內軟，十分 juicy 。無料追加我同老公有時都鍾意烚吓烚吓，記得望吓枱角，可以唔了追加矜貴的花膠、滿滿的骨膠原，吸收了湯底精華好好味。蝦滑、墨魚滑；必食推介！爽口彈牙，鮮味濃郁，平時打邊爐這些都是貴價之選。同埋唔知點解我好鍾意食水餃，灣仔碼頭水餃都唔錯，食咗我最鍾意嘅西洋菜同埋粟米豬肉

每次去大埔搵朋友食飯，都會想到很多任食的餐廳。而今次來到這間都是任食火鍋，最開心是可以自助炸物，自己炸嘢食都過癮㗎～～我們叫了特級美國穀飼牛放題，價錢都是$250內，抵食！——————————🔸地獄火岩湯 湯底 朋友和我都食得辣，所以叫了這間餐廳唯一的辣湯底。這是日式辣湯底，不油但很香，而且辣得不嗆鼻，沒有想像中那麼辣👍🏼🔹自助炸物朋友推薦炸茄子、秀珍菇、小番薯🍠和蝦，的確不錯！尤其小番薯炸過後，會變得軟中帶甜，一啖就食完😋另外有幾款調味粉可以落，個人比較喜歡落咖喱粉，超香‼️‼️🔸牛肉這裏的特級美國穀飼牛，可以看到有不少雪花花紋，肥瘦半半，食起來牛味很夠，不是平時食的那麼肥☺️而且切得薄薄一片，淥一淥就食得，正！其餘美國進口牛肉和豚肉，也不錯👍🏼但相對來說沒有太多肥肉，會健康一點。

前排去左大埔既稻八食任食火鍋放題，好耐無黎過，吾知質素有無變到呢？今次就揀左最貴個套餐食，貪佢有齊甘多款野食食，湯底為牛乳湯底。刺身：雖然主打火鍋放題，但依度既刺身一啲刀吾輸蝕啊！三文魚極厚令口感加足分，有啲更系腩位黎添！甜蝦大大隻，甜甜地又夠鮮。帆立貝爽口，螺肉口感彈牙。牛類：牛一共有四款，M6和牛盛合、牛小排、進口牛肉、穀飼牛。每款牛既牛脂分佈好平均，焯後牛脂滲出適量既油份，食起黎吾乾又夠滑，牛味十足啊！美國自然豚肉片：食完牛又可以食下豬，依度既豚肉片味道也不錯！口感絕對吾鞋口又吾乾，豬肉味幾香口。羊肉：羊香味幾香口，同樣吾會過鞋。有埋羊肉選擇，的確包羅萬有呢！海鮮盛合：包括海蝦、蠔、元貝、青口。海蝦爽口，蠔幾大隻又夠蠔香味，而元貝幾鮮甜。炸物：又有得玩又有得食既環節，自己炸自己食，吸引左吾少大朋友小朋友添！已經串好左既炸物款式也幾岩大眾口味，而且好快又有得食！蔬菜：皇帝菜簡直系我最愛，味道好香口。最後每一個杯貴價雪糕呢。

對上次嚟呢間日式放題已經差唔多三年前嘅事啦。因為搬咗屋嘅關係，都好少再嚟呢間日式放題食放題。今日同幾個朋友約咗喺大埔食飯，最後揀咗呢間，日式放題，入到餐廳，環境同服務都仲係好好冇乜點變。我哋揀咗$208 呢個「特級美國穀飼牛放題」，可以食嘅肉類都好多，有羊肉同雞肉食，仲有一個自助炸物區，可以自己整天婦羅，佢哋都好窩心，有晒圖片教你點樣整，咁就唔會炸過龍。飲品嘅選擇都好多，唔使獨沽一味飲可樂，仲有好多紙包飲品飲添。而且打完邊路之後，仲有好多雪糕、雪條、糯米糍食添，除咗雀巢之外，佢係你埋單之後，仲有一杯Dreyer’s ，Häagen-Dazs，MOVENPICK俾你揀，我就揀咗MOVENPICK嘅咖啡味，啲咖啡味真係好濃！好好味！

餐廳：稻八日式火鍋炸物放題 (大埔)地址：大埔舊墟直街4-20號美新大廈地下A2號舖今次去咗全港獨有嘅自助炸爐日式火鍋店😍，有得自己炸嘢食，有得食又有得玩🤪，仲要喺黃店💛，唔喺唔幫襯吓啊😎？呢間位於大埔嘅稻八日式火鍋炸物放題，吸引咗唔少火鍋擁躉，我最主要係俾佢嘅日本國產黑毛和牛吸引而去🐂，果然無令我失望🤤叫咗個日本國產黑毛和牛盛合套餐($388加一)，一開始先送上幾款肉食，包括黑毛和牛三角腩、黑毛和牛牛肩肉、羊肉、日本北海道雞片、美國自然豚肉片等，另外仲有海鮮🦐，食完可以再叫，包你食到夠為止🤗我覺得最正嘅喺黑毛和牛三角腩，脂肪分佈均勻， 薄薄一塊但喺牛肉味濃，入口仲軟滑即溶🤤，真係好正，食完一塊又一塊；同時送上嘅美國進口牛肉，入口就相對有咬口，筋嘅部分較多，我就鍾意前者喇💕，唔知你地鍾意邊一款呢？除咗肉類出色，仲有十幾款丸同時令限定嘅花膠、餃子🥟、蝦滑、墨魚滑等，仲有二三十款蔬菜可以自助式去拎嚟食🥬，而最特別嘅當然喺自助炸爐啦🔥，有十幾款炸物已經串好比你揀，蘸上麵漿同炸粉，再自己放入炸爐炸幾分鐘，大功告成🤩，嚟到一定要整返幾串過吓癮😌餐廳一邊播住日文歌🎶，佈置亦好日式🇯🇵，服務員仲好頻