稻八日式火鍋炸物放題 (已結業)

今日近近地去左好耐冇去既稻八日式火鍋炸物放題，位於大埔舊墟直街4-20號美新大廈地下A2號舖，由太和火車站步行約5分鐘左右到達，5:30到達，已經全場滿座，好彩一早訂左位。朋友同我都主要食牛，所以點了特級美國穀飼牛放題，已經有齊豬肉、牛肉、雞肉、連羊肉都有，豬肉切得夠薄，豬肉好淋，而雞肉一d都唔柴口，都係夠滑，另外牛肉我特別喜歡手切牛、牛肉味濃，又嫩滑。鴛鴦鍋（沙嗲鍋/九洲豬骨濃湯）沙嗲鍋味道夠濃小小辣，好惹味，另外九洲豬骨濃湯都好濃郁，不會愈食愈淡味。情有獨鍾既炸物區，食材有魚旦、茄子、青椒、蝦、午餐肉、腸仔等等，款式都好多，而且已經串好，簡單又易整，我見其他小朋友都玩得好開心，最欣賞佢d油唔會周圍彈。