稻八日式火鍋炸物放題 (已結業)

係9點先收工既晚上，都係諗到食稻八！好耐之前食過佢既冬陰公湯底，好想回味一下，諗都唔洗諗就入左去嚕！第一時間揀湯底，梗係揀冬陰公，有原隻蟹係個湯底，個湯底依然咁好味，唔食得辣既我都食到，有少少酸辣咁，真係好開胃架今次試依個係M9和牛特選餐，一上枱就有5碟既牛，我都唔係好記得每種牛既部位，但係！好肯定既係，每種牛都好高質，因為完全唔會靭，碟碟都有牛味架！右邊果兩碟有偏會林啲。左邊果兩碟一片片既，依2碟既部份會爽口少少。而牛粒都完全都一咬一入口，好味呀！不過個人認為如果牛粒係燒會更加好味。自助炸串既位置係稻八既特色，會有圖教大家炸串既步驟我炸左幾串，好玩又好食個餐仲包左海鮮自助區有好多款丸同蔬菜選擇依到仲有我中意食既榴連雪條添呀又係滿足的一餐

平時我都得閒會睇下呢間有d咩新意，因為我成日會入大埔，呢間食過又幾唔錯，所以有新意就會想過黎試下~最近見到佢出左個 ，仲有夜割85折優惠，折左都幾抵，所以做完野就岩時間就過左黎同女朋友食下😎我叫左冬陰功毛蟹湯底，蟹肉唔算多，但湯底杲道唔錯，有哂酸、辣、鮮，但辣味唔會太濃蓋過其他野食既味道，值得一試既特別湯底有85折所以我揀左個貴d既放題餐同女朋友食🤣揀左澳洲m6和牛盛合，有m6和牛、牛柳粒、安格斯牛小排、唔同既肉類等，每樣都好鮮，肉質又好，淥一淥就食係最正，入口即化我次次黎食都會自己拎d串串炸黎食下，呢個diy區可以揀唔同即炸料，炸好又有好多唔同既味粉比你揀，我都幾鐘意海鮮拼盤唔洗講，望落都見到佢新鮮，種類又多，基本上樣樣都鐘意食自助既食物既選擇好多，蔬菜、丸類、粉面、餃子、唔同打邊爐既料等等，最正仲要有沙律自己整，每樣都新鮮衞生，次次黎食都放心食到飽一飽，最後走既時候，你仲可以揀個Haagen-Dazs/Movenpick既雪櫃，每次都開開心心食到飽飽先走，所以話點解我黎完會再黎就係咁解

大埔美食甚多，打邊爐亦有不少選擇，今日就嘗試了一間放題的火鍋。有不同的放題套餐可選擇，而今日我地食得豪氣點，order 了頂級澳洲和牛放題套餐。這個套餐除了和牛任食外，更包括了海鮮盛合及刺身放題。而鍋底也有多款選擇，大家可以各自選擇自己適合的口味。係個湯未滾之前，可以自己出去拎岩自己口味既配料先，好多選擇，擺放整齊。拎完配料後，首輪肉類已經上菜了。首輪肉類會將牛肉，豚肉，雞肉，羊肉及海鮮盛合都一次上。首輪牛肉上菜，望落好靚，M9和牛牛小排雪花分布均勻，肥瘦程度適中，牛香味重，而且真的入口口感非常嫩滑。美國豚肉片及羊肉油脂分佈均勻，唔會太肥。羊肉入口有彈性，非常有肉味，羊肉又不會太騒，喜歡吃羊肉的朋友不能錯過。食左幾輪牛肉都保持高質素，下湯大約淖十多秒，牛肉便熟了，牛肉入口鬆化兼有牛肉味。雖然任食限時兩小時，但店員效率高，上菜速度快，時間足夠又唔會太趕！

稻八喺大埔美食天堂舊墟直街，由太和火車站出發，行幾分鐘就到！未夠６點，入座率已經超過５成！睇黎稻八深得街坊的喜愛，同埋早啲入場，大家都唔洗迫！自助區有大量的食材可供選擇，啲菜超嫩綠新鮮！另外仲有一啲冷盤。配料醬料也是自助的，鐘意點溝都得！自製天婦羅也是稻八的一大賣點，自己上粉自己炸，有得玩又有得食！除了每人一杯的Ｈ牌或Ｄ牌的名貴雪糕外，也有雪條任食，連榴槤味都有得任食！湯底都有好多款可以揀，我哋揀咗壽喜燒湯底，貪佢夠濃又夠甜！頭盤的海鮮盛合，有墨魚仔，青口，扇貝，蠔等等，都幾鮮味的。頭盤的美國進口牛肉，特級美國穀飼牛，極上安格斯牛小排，美國自然豚肉片，日本北海道雞片，羊肉等等，每款都有一碟試下，味道都唔錯啊！主角之一，澳洲Ｍ６和牛盛合，齋睇啲雪花紋已經流晒口水喇！牛肉片夠薄，烚幾秒就食得，入口油份足，牛脂味濃郁，正呀！另一主角，澳洲Ｍ９和牛牛小排，一烚一吃，停唔到手又停唔到口！之後瘋狂Encore咗Ｍ９＆Ｍ６和牛好多次！除咗和牛之外，刺身一樣都係任點任嗌，是日的劍魚腩同埋帶子都係正到無倫，食咗好幾round先識停！

//稻八日式火鍋炸物放題，環境寬躺舒適。一個價錢有哂火鍋、刺身、炸物第嘅野食，全部任食，超級滿足。.澳洲M9和牛火鍋放題精選澳洲M9和牛小排，用質鮮嫩，油脂分明。就算煮耐左都重係非常軟，而且牛味十足。.刺身新鮮高質，有三文魚，希靈魚，劍魚，甜蝦，鮑魚，帆立貝等，入口鮮味，無限任食。.海鮮盛盒內有鮮蝦，蠔，象拔蚌，青口，八爪魚等。其中最推八爪鮮，煮熟後非常爽口。.自助炸物選好串物後，自己加上炸漿和麵包糠，放入油中炸，最後加上自己鐘意嘅調味粉。.

//稻八日式火鍋炸物放題火鍋放題就食得多，但係可以同時食埋炸物就真係勁少。今次去大埔嘅稻八日式火鍋炸物放題就可以一次過滿足晒兩個願望，食到勁滿足啊！.今次係食澳洲A9和牛放題 其中今次最推薦嘅就係A9和牛牛小排，上枱未煮已經比佢嘅雪花所吸引！只要短短嘅幾十秒就食得，入口即溶，就算乜都唔點都已經有好重牛味！.同時重可以點A6和牛，海鮮，豚肉同羊等。外面重有大量自助夾嘅菜，丸，麵食等，非常豐富。.之後就到自助炸物，先揀左想要嘅串串，再自己上粉，麵包糠，最後放落油道炸，望住佢變到金黃色，好有滿足感。而最推薦嘅係炸蝦，外脆內軟，估唔到自己炸都可以咁好食。.最後有多種雪條同雪米糍都係任食嫁！

💁🏻‍♀️ 稻八日式火鍋炸物放題 (大埔) 🍴-今次深入大埔，發掘到一間堅高質嘅火鍋🍲放題，好多野食，用料新鮮，有埋炸物、野飲同movenpic/ dreyers 雪糕，夠曬驚喜啊😝特選M9和牛餐-120 分鐘火鍋🍲炸物放題（$318/位）😋牛乳牛骨湯如果驚打邊爐熱氣，強烈建議大家揀呢個湯底，牛乳夠清，唔會好多油，食落少啲罪惡感😋海鮮🦞盛合有扇貝、魷魚🦑、生蠔🦪、赤貝，夠新鮮，份量都唔少架😋特選澳洲M9和牛超！大！份！牛味夠重，同埋薄薄地一片，易入口，唔錯～😋手切牛柳粒牛柳粒出面少見攞來打邊爐，估唔到又唔錯，有少少脂肪，食落好有咬口😋刺身任叫真係好正，質素都唔錯，帶子夠大夠鮮甜，個人最中意櫻花🌸魷魚🦑，好特別好有咬口，正啊😋炸物呢到嘅炸物係自助形式，有得玩又有得食，種類都幾多，個人最中意蔬菜🥬同芝士丸/📍 稻八日式火鍋炸物放題 (大埔)#大埔 舊墟直街4-20號美新大廈地下A2號舖#小丸子搵食記 #小丸子大埔-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover

今次約埋班fd一齊gathering，但有d人話想食放題，有d人話想打邊爐，有d人又話想食串燒，滿足得一個又就唔到第二個。咁岩又比我睇到呢間叫稻八既日式放題餐廳wor，入到黎真係一次過滿足曬大家三個訴求呀～～～又有刺身，又有得打邊爐，仲有得食下自己親手即炸既串燒tin咁環境就好日式化既裝修，最重要唔係裝修，係倨位夠闊，唔洗成晚坐得唔舒服咁食野（順帶一提，呢度樓底堅係好高，但冷氣竟然都凍到要著冷衫）咁試左佢個和牛餐喇，有2種切法，一個係窄過傳統既切法，一種係大片版，個人就推介大片版，因為大塊先食得到好濃既牛味，薄就口感無咁滿足，牛味都無咁重。即炸串燒方面，得閒玩2串都唔錯，自己即炸即食，就保證新鮮喇

星期五的晚上當然要豪吃一點，天氣轉冷特別想吃火鍋。這間店不單有和牛火鍋，還有剌身放題，還可無限追加海鮮盛合，非常吸引。先選湯底，我們點了牛乳牛骨湯。食物很快送到，有4款牛，雞肉和豚肉，真是吃肉獸的天堂。然後可點刺身和無限追加海鮮。刺身有少見的櫻花魷魚，味道很不錯，帶子、甜蝦也很鮮甜，建議大家試一試，我們都encore了兩次。除了任食牛肉、海鮮和刺身，食客還可自製天婦羅，有蔬菜、年糕等。當然還有配菜、飲品、甜品等。個人認為價錢雖然比日式放題稍貴一點，但食物質素較優勝，尤其牛肉，雪花平均，而且牛味香濃而，另外食物種類很多。最後每人還可吃一款movenpick/haagendazs雪糕。

今日嬲嬲地決定自己一個去食放題洩忿， 見到網上有人說這一間性價比非常高，於是便狗衝去食。叫咗個澳洲頂級和牛放題$318。裝修充滿日式風格。當初見佢端來咁多肉肉，以為這是一個肉肉放題，原來還可以任叫各款魚生，實在太豐富了。而且出面bar 枱除放了很多醬料外，亦都放了不同種類的蔬菜🥬，如果吃膩了可以吃點蔬菜清清口腔。重中之中的是炸物枱，新鮮生蝦供製作天婦羅，既好玩又非常新鮮可以吃到剛剛炸的天婦羅🍤，現在諗起都流口水🤤而且上面有不同的醬料例如孜然粉，以供不同口味之人。個地獄岩湯底幾好夠晒辣，的確真做。和牛紋理均勻脂肪分布完美，咬落去肉質鮮嫩確實是高質和牛。而且還提供了一盤海鮮給你烚吓烚吓，非常豐富滿足，雖然這裏主打的是肉肉但是魚生也絕不兒戲，非常新鮮，我點了很多甜蝦和帶子，新鮮到令人停唔到口。最後還可以加$30免費升級任何酒精類飲料，Sake 梅酒好好飲，而且飲飽食醉的感覺太過癮了，我最後叫了兩支清酒一杯梅酒，以尚餘1分清醒的姿態離開餐廳。

原來大埔都有好多好嘢食😎之前喺旁邊食個燒肉好正，朋友再介紹我食呢間日式放題火鍋!!😍😍😍今次特登再過嚟試下新嘢😆😆我哋嗌咗m9和牛🐂🐂 包埋刺身任食🐟🐠🐚🦐再加咗錢嗌啤酒🍻梅酒🥃清酒🍶 任飲添😋😋先黎當然係刺身😍😍唔錯喎!!!!全部厚切👍👍帶子甜蝦都非常鮮甜😊點幾多黎幾多😆喺等緊壽喜燒鍋底滾嘅時候🥘🥘🥘我哋就出咗去睇下有啲乜嘢好食🤔除咗日色前菜嘅中華沙律/螺肉/八爪魚仔，同埋丸類菜類等等，仲有得自製天婦羅可以自制!!!😲😲😲😲點炸醬同埋炸粉，然後放落油鑊炸😆😆先試玩咗天婦羅蝦，加埋唔同嘅調味粉，成件事非常有趣!!!!! 😎😎 香港好少地方有得試自製天婦羅😆😆😆今次真係第一次，趣味滿分👍👍肉類一上枱已經嚟左好多，雞牛豬羊樣樣都有🐮🐷🐏🐔最正係m6和牛同m9和牛油脂分佈非常平均雪花靚，基本上都唔需要追加就已經食飽咗😂😂😂海鮮都好好食咗，追加左三次桶蠔🙈象拔蚌亦非常爽口!! 讚😙😙我哋最後飽到食唔到甜品😝😝😝真係必食!!

新一年又到啦！當然要揾啲新野試試啦，去到大埔個間稲八日式火鍋炸物放題，試佢新推出嘅頂級澳洲和牛放題，有特選M9和牛牛小排、海鮮盛合同埋刺身都係$318一位，睇到依到就知唔食對唔住自己啦。先講個環境乾淨企理，通風都唔錯唔怕食完一身邊爐味，食物自選吧應有盡有，飲品都款式齊全，而炸物唔洗講又有得玩有得食，黎到都一定要試。坐底第一時間當然睇下咩湯底啦，有成八款一家有款合你心意，如個想要多個味可另加$18蚊要個鴛鴦，咁就食得更開心啦嚴選M6和牛盛盒和牛脂肪分佈平均，肉與油香平衡，牛味香濃，但記得唔好掛著同朋友傾計唔記得佢啊！！！到時老咗就唗咗啲咁好味嘅和牛特級美國穀飼牛美國牛重濃味，賣點是油花豐富、口感軟滑同埋濃濃的原始牛味，真係食過返尋味啊！極上安格斯牛小排肉質鮮美滑嫩、油花分布均勻，鮮嫩多汁的肉質，搭配豐富大理石花紋，特性與其他部位的牛排不同之處，不論您希望品嚐幾分熟的牛排口感，甚至是煎烤至全熟，都能滿足您的味蕾啊！一個字正食到最後記得叫埋個雪糕先好走啊，本人覺得朱古力係最好食！

呢一間位於太和嘅稻八日式火鍋真係可以話係一次過滿足晒三個願望😆😆😆一個頂級澳洲和牛放題，包咗火鍋、炸物同刺身任食！簡直就係想食乜有乜啊！！一入到去就俾個自助天婦羅把吸引左，天婦羅配料有蝦、腸仔、秋葵、茄子等等。自己沾少少炸漿再沾米糠，然後就可以放落油炸，炸起即刻食一定新鮮呀！點嘅套餐連刺身都係任食，有三文魚油金魚甜蝦帶子，都好新鮮，唔會有出面廉價放題嘅雪味。跟住就主打牛肉啦，首先有M6和牛，切得超大塊，肉味比較重同埋油份較少，好有牛味。😍😍😍然後有骰仔牛，骰仔雖然要淥耐小小，不過一樣非常高質，好嫩滑一啲都唔韌。然後到主打嘅M9澳洲和牛，牛肉油花分布平均，食落口又油份慢慢花開，超香牛油味，食完一塊又一塊！😋😋😋然後海鮮拼盤都好正，有小八爪魚，青口，生蠔，生蠔雖然係急凍不過好肥美，忍唔住追加左幾次。😝😝😝除咗肉類出面都仲有好多蔬菜任君選擇我哋仲加咗每位$30照買酒類放題，任飲啤酒，梅酒，清酒，好抵飲！最後埋單每人$300左右，總括來講都真係好抵食。👍🏻👍🏻👍🏻

呢間稻八日式火鍋放題之前都已經食過 今次再翻撻 依然保持初開食物水準 不過上次冇寫食評 今次寫番讚美一番先 佢套餐優惠由$158-$368 價錢平貴等於和牛級數和食物種類 既然都係食 梗係試番最多選擇果set野 M9 M6澳洲黑毛和牛啦 套餐仲包括海鮮雜錦 羊肉豬肉 極上安格斯牛小排等等 以上全部都係任食 鍾意食牛嘅我一口氣叫左N碟 和牛脂肪碟碟都好均勻賣相靚味道也不差真係乜本都回晒啦 除咗食牛 仲有刺身都係任食 三文魚甜蝦好新鮮 開始飽飽地又可以出去揀D半自助蔬菜瓜栗米類 員工上菜收碟速度也值得一讚 最後埋單送番杯Dreyers雪糕 自己揀味

是夜食個早飯,黎到稻八~如果係7:30 前離座或者9:30 後入座避哂D繁忙時間就可以有85折~ 太夜食飯唔得咁就早少少食!~ 店員都好快安排到位置,不過要留意既係張枱都比較細,未必可以一次過放哂你想食既野,如果想拎多D都真係要睇下夠唔夠位放先~同埋唔好浪費!我地叫左$318和牛餐,配上豚骨湯底~仲加左酒類放題同埋食刺身! 揀完湯底之後就出去拎醬黎混, 一般邊爐D醬料都唔難搵~ 混完醬隔離就係飲品! 值得一讚既係佢有無糖茶!咁成餐飯都可以飲下茶解下滯! 雖然我叫梅酒多! 拎完飲品隔離就係D丸呀同菜咁~ 望落同食落都好新鮮~拎到咁上下番埋位就見到個湯到左仲滖緊! D 牛都好靚,叫親加都唔會同第一次個D有好大出入!食落仲好有肉味! 如果唔想食雞同豬就可以先同店員講定,以免黎左唔食又浪費~ 等多陣D海鮮同刺身都到啦~~~海鮮同刺身味道都唔錯~亦都好鮮,不過我就中意主攻牛多D, 海鮮同刺身都係食左一轉~ 食到咁上下仲出去玩左炸野機! 本身個位張紙都有教你點炸~ 基本上D 串串浮左再炸多一陣就熟! 燒賣最好炸耐少少,因為大粒既入面個心都係凍! 有得玩又有得食真係好正! 炸物區隔離仲有好多雪條同雪