稻八日式火鍋炸物放題 (已結業)

約朋友在家吃飯相聚，一於來過最relax 食法，就係輕輕鬆鬆留在家中打邊爐，慢慢食慢慢傾。 不過食得輕鬆，但準備材料絕不輕鬆，尤其最近緊張時間，更加唔想周圍走去買料。 竟然無意之中發現稻八有外賣火鍋，而且又做緊優惠，真係合晒我心意。買外賣買得多，但打邊爐也有得叫外賣，這個也真的未試過。 食物可以選擇款式也多，而且時令限定中有花膠可選擇，好吸引。4人份量，三大袋，擺放齊整又穩陣，更细心把凍及熱分開放。用獨立透明盒裝，乾淨企理。 而且肉類分成各兩份，方便打邊爐時2人share 一盒。牛丶豬丶羊丶雞也擺放得整齊又高質。帶到回家，湯底仍然十分熱，真的方便快捷，可以即時開動，吃得。

❄ 天氣好凍，好想打邊爐，但係不願意出街。阿仔之前在稻八試過堂食，火鍋及炸物自助餐，話好好味，原來餐廳都有做外賣打邊爐。哈哈， 梗係要試下啦。😋🥩 阿仔最鍾意食肉，有牛肉、豚肉、北海道雞肉及羊肉， 北海道雞肉真係好得, 好嫩滑，好有雞味👍🍡 丸類之中，"芝士丸"係大家的至愛。值得一讚的是炸魚皮，特別鬆脆，在水中拖一拖，好有咬口呢！🍜 日式拉麵都不錯，煙韌有香味，就算overcook咗，都不會淋曬。仲有花膠可以選擇 , 都幾抵食呀!🍦 阿仔話堂食更加高興，因為可以自己親手製作"炸物"(任食)、好多款壽司刺身，仲有雪條任食， 每人仲送多一杯movenpick式dreyers。哈哈！餐廳好有新意， 形形式式，適合一家人不同的口味 👍

抗疫火鍋外賣套餐.近期疫情比較嚴重，大家都較少上街打邊爐，在大埔好出名嘅火鍋放題推出左外賣火鍋套餐，只需要提前一個鐘WhatsApp預訂，可自取或餐廳代安排call車送到府上。大家唔想去人流多嘅地方，以下呢個外賣火鍋套餐好適合大家。.有兩個套餐可選擇，特級美國穀飼牛套餐及美國極上安格斯牛小排刺身套餐。.特級美國穀飼牛套餐 二人份 (HK$348)套餐包括了牛肉雞肉豬肉羊肉及其他火鍋配料。.湯底有多款選擇，而我就選擇了北海道3.7牛乳牛骨湯。湯底奶味香濃，又不覺油膩，很適合打邊爐。.主打菜美國穀飼牛肉(400g)，份量頗多，大約淖十多秒，牛肉便熟了，牛肉入口鬆化，有牛肉味。兩個人400g份量剛剛好。.除此之外還有豬肉雞肉羊肉各100g，各款肉類都非常新鮮嫩滑，吃下去不會覺得嚡口。.除了肉類外，還有丸類，野菜類，麵食類及時令限定供大家選擇。 .總括來說，整個套餐份量頗多，優質，方便，又可避免在疫情下多人聚集，兩個人在家中享受美食。

係最近打邊爐變成高危事件後，都唔太夠膽喺餐廳打邊爐，好在呢度推出左個‘家心鍋’外賣打邊爐套餐，即刻買返屋企食。外賣盒設計精美，將不同食材擺放得整齊，肉類亦得以分開兩個盒裝，湯底亦得以煮滾左先至入樽，好細心嘅安排。一返屋企攞個爐出來就可以馬上食啦。四人餐已經有齊特級美國殼飼牛肉、美國自然豚肉、日本北海道滑雞片、羊肉等，在自選丸類、蔬菜類。美國穀飼牛肉質素高，牛味濃，淋身。豚肉亦唔會鞋。最特別係滑雞片，無論煮佐幾耐肉質依然保持嫩滑，口感一流。墨魚滑口感彈牙又結實。炸魚皮薄脆，唔會太咸，空口食又得，放湯之後魚皮變得煙韌。日式拉麵亦有質素，煮得耐都唔會太淋或發脹。試過今次外賣之後，覺得堂食更加抵，因為有自製炸物、刺身及雪糕等，疫情过好可以来堂食的任食套餐。

天氣寒冷朋友說這間餐廳提供火鍋外賣打包 慳了不少時間 方便之餘 可以在家享受一舉兩得價錢方面分有兩種Menu ： 特級美國穀飼牛和美國極上安格斯牛小排刺身 後邊那種有刺身和比較高級的食材經過考慮後 決定選擇特級美國榖飼牛套餐四人份 $688等了一會兒後侍應細心的幫我們包好之後就回家了我們四人份有三大袋 放在枱面上甚為壯觀每一種都排列得整齊 漂亮附上兩大瓶湯底一定夠打火鍋每種食物都非常新鮮 芝士丸很好吃 芝士不斷流出肉類有兩大盤 羊肉牛肉豬肉和雞肉 方便貪心的我們想吃什麼肉就自己夾吃得出非常新鮮 大力推薦雞肉 非常彈牙好吃份量夠多夠大 我們四個人也吃不完極力推薦想在家打火鍋你們 花了不少時間購買和處理食材價錢亦便宜 ！

近日天氣轉涼，打邊爐就岩曬！不過肺炎關係都唔太敢出街打邊爐之前都有食過呢間稻八，不過今日來到發現佢新推左出火鍋外賣套餐，價錢仲幾優惠，叫左4人份， 除開人均都係$170 左右，拎番去同家人烚下烚下一流！湯底款款都好吸引啊，掙扎之下湯底選了北海道牛乳豬骨湯，湯底外賣用樽裝好，唔怕倒瀉，外賣火鍋料包裝先好委當，乾淨企理！丸類選擇多，屋企人指定要叫芝士丸、龍蝦丸，同埋午餐肉。平時打邊爐最鐘意食烏冬，呢到既烏冬好煙un! 仲叫左份炸魚皮，大大塊，好脆口！呢到仲有得叫花膠！配埋個湯底感覺好養顏！肉類比得好足，好夠食！雞片好滑！係屋企打有個好處 就係想買咩都可以自己加料呀！ 超開心 買左海鮮返黎加餸

近排外出晚餐次數少左，成日係屋企，但又好想打邊爐！ 路過見到稻八而家有自取火鍋外賣！即刻叫番個黎同屋企人係屋企食！外賣套餐係得一款，係特級美國穀飼牛火鍋套餐，湯底有成8款咁多，今次食北海道3.6 牛乳牛骨湯，湯底奶白色，好濃郁。肉類佢包左4款， 有肥牛啦、雞片、羊肉豚肉。外賣分左2大盒裝肉類，肥牛另外盒裝，份量都幾多！4人食最後仲食淨少少。丸類可以簡24粒，叫左d龍蝦丸、芝心丸、貢丸、午餐肉等等。叫左d打邊爐基本丸類。菜類叫左娃娃菜、白蘿蔔、粟米。4人份可以任簡6款！菜一盒盒咁裝，份量都唔少架！最值得提係佢時令推介個到！墨魚滑同蝦滑好彈牙！好新鮮呀！建議大家如果都想係屋企打邊爐都可以試下佢個外賣自取套餐！一次過包曬咁多款，唔洗自己行暈街市先買到！

香港有一個好特別嘅文化就係鍾意烚下烚下 意思就係打邊爐 所以今日我就同朋友嚟到大埔呢間稻八火鍋餐廳 試下烚下烚下嘅滋味喇呢間餐廳主打就係食材新鮮而且高級 入面嘅牛肉大部分都係世界頂級嘅 所以非常之吸引 入到去就有一個牛肉拼盤 有特選澳洲和牛同埋鹿兒島牛柳粒 全部食落都好重牛肉味 牛柳粒嘅油脂非常之突出 食落口感亦都一流之後就有一個海鮮拼盤 有青口有蝦有北寄貝 有魷魚串 同埋扇貝 全部食材都幾新鮮 只係烚完之後海鮮嘅鮮味好似少咗啲之後就嚟多一個羊肉 羊肉有少少蘇味 對我呢個羊肉控 非常之好食 唔錯唔錯之後就同朋友叫咗個清酒 酒味都好重 但係亦都有淡淡嘅果香之後就嚟多一個刺身拼盤 有三文魚油甘魚帶子同埋魷魚甜蝦 全部都好新鮮美味 尤其是三文魚值得一讚

今日咁高興就去咗大埔嘅呢間稻八日式火鍋度打邊爐啦星期六嘅夜晚嚟到門口已經為咗好多人好在預先訂咗位如果唔係就應該要等位等好耐入到去枱櫈嘅安排比較迫夾可能因為太多人食啦 揀咗m9澳洲和牛放題 一坐低唔使點菜就已經有預設嘅和牛 牛展 手切牛頸脊 雞肉 豬肉片 羊肉片 海鮮等上菜 非常豐富 豬肉片肥瘦適中雖然比較厚 但食落一啲都唔韌 而且冇豬騷味主角梗係m9澳洲和牛 油花分佈好平均 而且牛味 比起日本和牛更加濃郁 雖然無咁入口即溶 不過同樣無咁油膩叫呢個價錢已經包埋食刺身 三文魚 帶子等等都幾新鮮當然唔少得自助蔬菜丸類啦 蔬菜翠綠唔錯 最特別係有炸物放題 不過比較熱氣 我就冇試啦 食飽飽仲有一人一杯movenpick 雪糕非常滿足

小K今次想向大家介紹大埔呢間放題，去之前最好先打電話去預訂，因為小K book左5點9，入到去見到都幾多人，所以建議大家如果比較夜去光顧的話記得先訂位！！！

大埔真係多美食，呢間稻八真係唔錯CP值幾高下，平日經過見都勁多人等位，尋晚就同屋企人去咗稻八打邊爐試試。呢度打邊爐都分咗不同等級的放題套餐，同屋企人選擇左最新出的澳洲 M9和牛餐。呢個套餐包咗特選 M9澳洲和牛牛小排、海鮮盛合、刺身、M6和牛盛合、雞片、羊肉、炸物等等。M9澳洲和牛牛小排一上菜就會有兩碟牛小排。M9澳洲和牛好高級，雪花牛肉結構肥瘦相間無筋膜，雪花油脂分佈得好靚，食落入口即融，實在至高享受好幸福。海鮮盛合有八爪魚、北寄貝、鮮蝦、青口、元貝、生蠔等等。元貝肉質爽甜，八爪魚落彈牙好有口感。炸物呢到最特別就可以自己炸嘢食。炸物可以選擇的款式有魚蛋、燒賣、麻吉燒、蝦、秋葵、雞髀菇等。自己上炸漿，再上麵包糠，炸到黃金色，就可以享用了。當中魚蛋最出色，爽口彈牙。而麻吉燒炸到中間的年糕綿綿的，好好味。

雖然睇落平平無奇嘅一間火鍋店，但係入到去你就會發覺呢間係一間非一般嘅火鍋店點解咁講？因為呢度除咗有得打邊爐之外，仲有得自己炸天婦羅嚟食！而且仲有詳細教學，包保你一定識得自己炸得脆卜卜我哋叫咗個冬陰功毛蟹湯，估唔到入邊真係有兩隻原隻毛蟹！湯底酸酸辣辣勁開胃基本上你想食乜嘢都有，嚟到揀放題就一定唔會錯！最特別嘅係連羊肉都有得食，鍾意食樣嘅朋友就一定唔可以錯過啦梅酒/清酒/啤酒放題都係其中一個吸引我哋入嚟嘅原因，我個人最鍾意就係梅酒，因為唔會太烈配火鍋食簡直係絕配

稻八位於大埔美食天堂舊墟直街，就近太和火車站！我哋5點半左右，入座率已經達５成！到7點左右已經全場爆滿，非常旺場！建議大家要預先book枱！有多款湯底選擇，我哋揀咗壽喜燒湯底，有微微嘅甜味，同多款肉類同海鮮都好夾！坐低一陣，店員已經上咗豐富嘅頭盤！包括有美國進口牛肉，特級美國穀飼牛，極上安格斯牛小排，美國自然豚肉片，日本北海道雞片，羊肉等等，每款都可以一試，食完頭盤都已經好飽！主角澳洲Ｍ６和牛嘅雪花紋已分佈平均，色澤嫩紅，賣相一流！牛肉片切得夠薄，烚一陣就食得！牛肉味濃郁，油香四溢，very nice! 澳洲Ｍ９和牛牛小排，同樣出色！之後我哋再食Ｍ９同Ｍ６和牛好多次！惠顧$259套餐，刺身可以任點任嗌，三文魚、劍魚腩、帶子都係好鮮甜！我都食咗好多轉！選擇$298套餐，海鮮盛合都可以無限任點，有墨魚仔，青口，扇貝，蠔等等，不錯的！自助區有大量新鮮蔬菜、菇類和丸類可以選擇！配料醬料也是自助的！自製天婦羅也是稻八的賣點，自己上粉自己炸，熱辣辣，脆卜卜，幾過癮！除了每人一杯名牌雪糕外，也有雪條任食！

上星期嘗試了一間高質的日式火鍋放題，今日就同大家開心分享。 這間火鍋位於大埔墟和太和站中間，從太和站到餐廳大約走十分鐘的路程 🚶拿到座位後，就可以自選套餐及鍋底的口味🍲 。套餐價錢不同，當然肉質質素也不一樣。 選了HK$318的頂級澳門和牛放題。這套餐包括了和牛牛小排，和牛盛合等，更可以任食刺生及海鮮盛合。刺生選擇多，甜蝦大大隻🦐，很鮮甜，三文魚更是三文魚腩，很肥美。海鮮盛合有海蝦，扇貝，蠔，北寄貝，象拔蚌等等，款式豐富。 和牛雪花分明，肥瘦均勻，十分軟熟，食唔停口，令人想不斷追加。記得外面有火鍋菜款比大家選擇，食得太多肉之餘，記得食返啲菜Balance 下啦🥗。特別一提，加HK$30便可的清酒，梅酒及生啤任飲，喜歡飲酒的朋友絕不能錯過🍻。最後仲有movenpick 雪糕提供比大家，大家記得留肚食雪糕呀🍨。

我最喜歡就係食任食放題～可以食唔同款食物之餘仲有魚生刺身任食🤣不過依家有好多邊爐都可以任食刺身因為有朋友住係附近 所以今日就去大埔的稻八打邊爐稻八的裝修走和風估唔到平日嚟都咁多人證明無揀錯餐廳👍🏻澳洲M9和牛套餐有特選M9澳洲和牛牛小排，M6和牛盛合，雞片、羊肉、海鮮盛合、魚生刺身、炸物M9澳洲和牛牛小排呢款和牛係亮點！牛肉有雪花紋，唔需要碌太耐，見熟咗就可以點少少醬汁食。一入口即融，太好味。魚生刺身有三文魚、大蝦、帶子、希靈魚、北寄貝、榮螺等。其中我最喜歡就係帶子，香甜有咬口。炸物自己動手來炸～！！炸物可以選擇的款式有午餐肉、燒賣、秋葵、雞髀菇等。首先上一層炸漿，再沾滿麵包糠，放入滾油，炸到黃金色。記得帶小朋友嘅就要小心啦。加埋調味粉就大功告成！炸到外面香脆入面彈牙。好正！