稻八日式火鍋炸物放題 (已結業)

係最近打邊爐變成高危事件後，都唔太夠膽喺餐廳打邊爐，好在呢度推出左個‘家心鍋’外賣打邊爐套餐，即刻買返屋企食。外賣盒設計精美，將不同食材擺放得整齊，肉類亦得以分開兩個盒裝，湯底亦得以煮滾左先至入樽，好細心嘅安排。一返屋企攞個爐出來就可以馬上食啦。四人餐已經有齊特級美國殼飼牛肉、美國自然豚肉、日本北海道滑雞片、羊肉等，在自選丸類、蔬菜類。美國穀飼牛肉質素高，牛味濃，淋身。豚肉亦唔會鞋。最特別係滑雞片，無論煮佐幾耐肉質依然保持嫩滑，口感一流。墨魚滑口感彈牙又結實。炸魚皮薄脆，唔會太咸，空口食又得，放湯之後魚皮變得煙韌。日式拉麵亦有質素，煮得耐都唔會太淋或發脹。試過今次外賣之後，覺得堂食更加抵，因為有自製炸物、刺身及雪糕等，疫情过好可以来堂食的任食套餐。