稻八日式火鍋炸物放題 (已結業)

呢日黎左太和附近食晚餐，呢邊都有好多餐廳見未試過食呢間，又想打下邊爐，就忍唔住入左去喇我地揀左特級美國穀飼牛放題 $208有牛，有羊，有豬，有雞，真係好豐富！湯底就揀左牛乳牛骨湯好香～開餐！出去拎野食選擇都算多，仲有我好愛既魚皮添Ｄ肉既份量真係好多，好飽好滿足！呢度仲可以俾我地炸野食添，可以親自出去拎食物去炸正呀～～～真係好食又好玩呀！好過癮Overall 餐廳環境舒服，食物亦都好新鮮仲可以DIY炸野食，呢個真係加分呀！

📍 稻八日式火鍋炸物放題 (大埔)見到有呢種日式炸鍋就好掛住日本(｡ ́︿ ̀｡) 但應該有排都未飛得😫😫呢間日式火鍋放題結合咗打邊爐同日式炸鍋🤩 係香港我都係第一次試😙😙 原本佢有八款湯底可以選擇 但近排佢哋新出左南瓜忌廉湯底🍲咁我哋就一於試吓佢啦🙆🏻‍♀️ 呢個限定湯底果然無令我地失望 ‼️一到咗打開蓋已經聞到勁香嘅忌廉湯味😙 然後見到勁大隻蟹腳係鍋到 真係哇咗聲🤣 雖然自己都唔係好鍾意食海鮮嘅人 但係見到都覺得相當吸引😍 飲落去唔會好膩 做湯底真心好香好正！然後炸物佢有腸仔，燒賣，蝦🦐，午餐肉等等比你自己揀然去個炸鍋到點漿再炸 仲有唔同嘅調味粉俾你揀添🥰 有得食之餘仲有得玩 都咪話唔正😏而火鍋配料都離唔去嗰啲啦🤣但overall黎講 佢價錢唔貴又有兩款食法任君選擇黎講都算幾抵食😎

朋友介紹呢間日式牛肉放題, 係大埔同區入面的質素及價錢都係好合理.  餐廳裝潢有日本風.  我地揀左頂級澳洲和牛放題 , 任食價錢都係$318位. 比起一般連鎖店的價錢差不多.  至於$298以上套餐仲有無限追加海鮮盛合, 及刺身.  唔使只食牛同菜咁單調.  我地都加左$30/位就可任飲清酒, 梅酒, 生啤, 真係抵到爛.  首先揀湯底, 每款都好吸引.  我鐘意蕃茄湯, 夠清新.  而朋友揀左壽喜燒甜醬油湯, 話壽喜燒甜醬油來配牛肉, 令肉質更入味.  牛肉種類有好多款, 包括特選M9和牛牛小排, 肉色鮮紅新鮮, 油脂分怖平均. 只須灼二十秒左右, 肉質超腍, 好juicy濃郁, 食到lumlum脷.  M6和牛都係好吸引我, 油脂多返少少但就再腍再香口一D.   美國穀飼牛, 肉質嫩,且無咁多脂肪, 食落感覺健康D.  羊肉都好嫩滑, 沒有酥味.  個海鮮盛合都好豐富, 海蝦新鮮爽口, 青口, 蠔都好肥美. 食完肉再食下海鮮, 感覺真係滿足.    刺身方面多選擇, 而且質素都唔差, 好鐘意甜蝦夠肥美大隻.  好飽都再encore, 所以呢個價錢真係物超所值. 飲品選擇都好正常大

在大埔有不少連鎖的牛肉放題火鍋, 而我心目中攞冠軍既呢間, 就係日式火鍋放題稻八. 原因係牛肉認真高質, 價錢都係合理. 頂級澳洲和牛放題 , $298以上套餐可無限追加海鮮盛合, 及刺身. 另外喜歡飲酒的可以加$30/位就可任飲清酒, 梅酒, 生啤. 牛肉方面經已有5款不同, 有特選M9和牛牛小排, M6和牛盛盒, 美國牛肉, 穀飼牛. 極上安格斯牛小排, 豚肉片, 北海道雞片. 羊肉.還有包海鮮盛合, 包括青口, 元貝, 海蝦, 蠔, 魷魚串, 蚌. 海蝦好鮮甜. 有配料點綴下, 非常滿足. 刺身也非常多選擇, 愛不惜手, 由於想集中吃牛, 我們只點了肥美甜蝦, 帶子. 甜蝦想不到有質素, 肉很肥美鮮甜. 呢個價錢簡直超值. 湯底方面有多種選擇, 每款都好吸引. 蕃茄湯, 味噌芝麻豆乳湯, 北海道3.7牛乳牛骨湯. 我們選了蕃茄湯及壽喜燒甜醬油湯. 壽喜燒甜醬油用來配牛肉簡直是絕配. M9和牛牛小排, 肉油脂非常均稱, 光澤新鮮, 看上去已知是高級貨色, 非常吸引. 只是輕輕灼二十秒,肉質軟腍, 肉味濃郁, 令人回味無窮. M6和牛, 脂肪比較多一

日式火鍋炸物放題美國牛肉 沙嗲湯底鍋 $168/1人沙嗲湯底香濃，有花生香味，令到材料入味。自助式拎材料，有丸類菜類等，非常齊全。牛肉有牛味，好食！仲有自助既天婦羅，自己點漿自己炸。自己加唔同調味粉，都ok。。📍荃灣分店已執，得大埔一間。📍120分鐘限時

平時我都好少會來大埔食野，之前聽朋友介紹稻八日式火鍋的放題幾好食，任飲任食可以打邊爐、食刺身、炸物好多選擇，一間餐廳就可以食齊晒我想食嘅嘢實在太正啦，我地18:45入去已經坐滿7-8成，好彩一早打去BOOK位，如果唔係等Walkin真係唔知要等幾耐先有得食。 我地今日就選左$318特選M9和牛放題，呢個價錢除左可以任食和牛之外，最正係可以任飲酒精類飲品，如清酒、梅酒及啤酒等，依度最有心思係有一個自助天婦羅吧，可以比大家自製天婦羅及炸物，非常有趣。 坐低後待應就主動送上M9澳洲和牛小排、M6和牛盛合、雞片、羊肉片，侍應送餐的速度值得一讚，我地之後點選的食物亦都好快送上。和牛好新鮮，用黎打邊爐真係好好味，仲有帶子刺身夠鮮味，我地都叫左幾轉。最後仲有每人一杯Movenpick 或Haagen-Dazs 雪糕。

外賣火鍋開到成行成市，今晚屋企人話想打邊爐，我就落左樓下叫左呢度既外賣Set😋😋可自選食物🤩壽喜燒❤️清清地叫左Sukiyaki湯，驚喜地好鮮甜，又夠濃味😋牛肉❤️份量都好多，肉質新鮮，厚度適中😀👍🏻羊肉卷❤️騷味唔會太重，充滿油脂，出色😍配料❤️有好多款，包括丸、菇類、腸、餃子同烏冬等等，全部同湯底都非常夾，蘿白煮左半個鐘以上又淋又入味😍😍😍雪糕❤️店員好好人送左雪糕比我地食，仲有得揀Haagen-Dazs, Dreyers or movenpick😋😋

疫情期間想打邊爐但又唔想出街，朋友推介呢間火鍋外賣，食材全部用獨立盒包裝，衛生又安全！ 😁我地叫左壽喜燒湯底，甜甜地味道好正宗！ 肥牛雪花紋出色，入口即溶，豬肉片無So味，同湯底好夾😛仲有大量蔬菜包括蘿白，粟米，娃娃菜等等，為湯底提鮮之餘，每一款蔬菜吸哂壽喜燒精華，又甜又好味😋😋丸類有唔同款，牛丸由其出色，彈牙更有淡淡牛香，餃子皮薄多料，更有鳥冬～好豐富！😋😋整體食材新鮮，價錢親民，湯底亦出色～下次唔想出街又來打邊爐又懶買餸，呢度係一個好好嘅選擇😍😍

之前食過，相當唔錯，所以今次有少少期待，想食埋刺身又想食好啲嘅肉，豪返一餐，叫左298個餐，再每人加30蚊任飲生啤，清酒及梅酒揀咗牛乳鍋同壽喜燒，加多18蚊，試多款湯底。壽喜燒表現正常，適合煮牛肉及羊肉！牛乳湯底亦幾重牛乳味，但係唔係好啱啲羊肉及牛肉，最後用牛乳鍋黎煮海鮮及響鈴，估唔到又幾夾～298餐起送一份海鮮拼盤，全部未融雪，不過對打邊爐來講冇乜問題，但海鮮質素一般，係果兩隻蝦較爽口，其他我地都無乜點食一開始佢會問你要咩肉，我同店員講淨係要牛肉同羊肉，大約5分鐘左右就上肉，睇落已經好吸引，食落幾林幾有牛味，算有驚喜，牛舌雖然切得簿，但都有咬口及彈牙，牛肉粒一般，羊肉亦正常質素，整體肉類表現好滿意我哋再落單點第二次牛肉，質素同第一次相差無幾，任食來講算幾難得炸嘢幾好玩，香港黎講算係幾新鮮，我哋轉攻炸蝦炸秋葵，炸爐旁有教學，好簡單就整到，調味有三四款，包括七味粉及紫菜粉，最後我哋食咗10隻炸蝦，易整又好味，好有成功感！刺身表現算合格，款式唔算多，可以一試我哋三款任飲酒都有點，表現都正常無酒精飲品有兩個雪櫃，唔算多款雜物種類不多，雜丸類賣相正常，亦有冷盤日式凍魷魚及凍螺肉等，但全部都無試

第一次外賣邊爐對於邊爐入血既香港人，要喺今日咁既時勢去打邊爐，實在有啲挑戰。所以今晚試下呢排既外賣火窩，買個外賣番屋企，唔使驚要出街食。今次黎到呢度，見佢已經推出左唔少救市套餐，我要左個四人份量既套餐。職員建議可以試下豉油湯底或者牛乳湯，見今次有大肚婆食客，就要左牛乳湯。等左大5分鐘，啲料就執齊曬，好足料不過好多膠盒，下次再黎都係自己帶定個大盒好啲，建議大家keep番啲盒，可以重用。番到屋企，簡單倒個湯落鍋就可以起動，超方便。一次過黎個top shot俾大家睇下，感覺上外賣仲重份量過堂食，呢度已經少左一盒半既肉，暫時放左雪櫃先。（雖然最後都係食唔曬，留番聽日Lunch淥烏東，一樣咁正。幫餐廳講明先～人地話明最好即晚食㗎）Sorry, 我唔係咩食家，未能好細心咁一款一款肉講埋咩部位咁去評，但整體黎講真係食得好滿足。一餐有齊豬牛羊雞，連啲菇都好好味。要點樣形容啲肉好味？就係打邊爐打到後期，差唔多連啲湯都想飲埋，因為啲肉夠高質，成個湯甜而不油，不得了。烏冬都好高質，重點係，都好夠份量（sorry, 我好膚淺，但呢點的確令我好滿足）簡單黎講，如果要安心地過邊爐癮，呢度係值得推介，免卻你去買料揀

打邊爐就係人都食過 無論係一人火鍋定一大班人一齊食😏今次外賣火鍋真係第一次試😂😂😂我哋今次試咗個美國穀飼牛火鍋外賣套餐（$348）二人份我哋去到餐廳填完外賣紙 坐咗十分鐘 餐廳就準備哂啲湯底同材料俾我哋拎走 絕對係好高效率👍🏻👍🏻👍🏻湯底—味噌芝麻豆乳湯呢個湯底好濃郁😻😻我哋打邊爐嗰陣加咗幾次水 都唔覺得淡味肉嘅份量都好多 所有肉加埋有成700g咁多 個款美國穀飼牛真係唔錯 牛味夠濃👍🏻👍🏻墨魚滑好香 有松露味 好驚喜🤩🤩😍😍因為有包咁多肉同埋兩個稻庭烏冬 我哋食到中後期已經好飽 依個外賣餐好足料 而家有依個外賣邊爐選擇 真係無得彈🥳🥳🥳 仲慳埋堂食加一

自從疫症爆發之後都唔太敢出街食飯，但又好想食火鍋，今次又俾我發現左火鍋外賣。稻八因疫情而推出火鍋外賣套餐，唔洗周圍走，又唔洗迫人多既街市就可以買齊晒所以火鍋食材，而且選擇都有好多，真係貼心特級美國穀飼牛火鍋外賣套餐(2人份) $348(美味指數: 😋😋😋😋)唔好以為二人餐份量就好少，相反足夠4個人食湯底方面，我就揀左北海道3.7牛乳牛骨湯，湯底會用兩個大樽膠樽裝住，唔洗擔心拎走既時會瀉非常方便。湯底清清地有淡淡牛乳味肉類方面有牛肉、豚肉、雞肉同埋羊肉，而且份量都唔算少。餐廳好貼心甘係我地表明唔食羊肉之後幫我地換上牛肉，如果唔食羊肉既朋友都唔洗擔心。牛肉同豚肉切成一卷卷甘擺放，唔洗擔心解凍左之類會痴埋一舊舊火鍋配料選擇都好多，二人餐可以揀12件丸類、4款蔬菜及麵食類仲有4款時令限定，一定夠晒飽。其中不得不提既就係炸魚皮，大大塊完整既，好香脆。其他配料都好新鮮，真係仲好過自己去買😋整體食物質素：4.5 / 5💰性價比：4.5 / 5👍推薦指數：4.5 / 5

#稻八日式火鍋炸物放題 (大埔)依家防疫時間，出去食飯都人心惶惶。想打邊爐又唔想堂食。好多火鍋店都出咗外賣。去到用點餐紙揀，特級美國穀飼牛火鍋外賣套餐。揀咗4人份/$688。有齊晒牛肉、豚肉、雞肉同埋羊肉。我哋唔食羊肉，都可以揀其中一款肉代替。牛肉同豚肉切到一卷卷，尤其係牛肉好大一卷，而且都幾厚，似係厚版肥牛。跟住可以揀24件丸類。6款蔬菜或者麵食。3款餃子或者滑類。鍾意佢嘅蔬菜好新鮮生菜好爽口。雖然話只可以揀24件類，但其實為咗填滿食物盒，佢地有多比到。原來都好正常。最後揀埋湯底，湯底會用兩大樽膠樽裝住，如果係用一個大煲既話，應該勉強夠用，我哋用鴛鴦煲，淨係放落一邊就有半枝多左。我哋揀咗牛乳牛骨湯，味道唔算唔係濃郁嘅湯底，清清地打邊爐都幾好。鍾意嘅話可以加$5/份打邊爐。分量方面好夠食，兩個男仔兩個女仔食，但都食淨左唔少野。整體來講，其實咁樣外賣火鍋材料都係好方便，每人淨係拎隻碗同筷子，免卻左好多買材料處理材料洗碗嘅時間。

#稻八日式火鍋炸物放題 (大埔)懶到出汁嘅我，好鍾意打邊爐，但每次喺屋企打邊爐都要搞一大輪大龍鳳，又好唔鍾意打完邊路對住啲碗，而家火鍋店都紛紛出外賣。啱晒我啲懶人。稻八出左特級美國穀飼牛火鍋外賣套餐。2人份/$348，4人份/$688，6人份/$1028。揀咗壽喜燒湯底，甜甜鹹鹹。唔錯。肉類方便每樣都會有啲牛肉、豚肉、雞肉同埋羊肉。牛肉方便嘅份量會係最多，始終係主角，我最鐘意牛肉同豚肉。牛肉大大一片，食落好有滿足感。而豚肉薄薄地，好易熟，豬肉味都幾香。反而雞肉就有少少鞋，不過煮耐左都幾入味。唔少得有不同嘅丸類、蔬菜、麵食。餃子係急凍餃子所以冇乜驚喜。蔬菜類都幾新鮮。蝦滑或者墨魚滑都唔錯。開頭揀嗰陣時覺得其實唔係咁多選擇，但係識落先知原來多到都會食唔晒。

如果近排想食火鍋又唔想煩，我估這裡提供嘅選擇絕對合適，今晚就係在這裡透過WhatsApp 落單，去到付款，咁都十分方便，而份量都絕對足夠，同家人一齊吃，點了個特級美國穀飼牛火鍋四人份套餐，而食物選擇除了跟餐嘅美國穀飼牛400g，亦有美國自然豚肉100g，北海道滑雞片100g，羊肉100g，就係餐內必跟食物，再配埋自選口味丸類自選24件、野菜類及麵食自選6款，還有時令限定食物自選3款，同自選湯底1款，都係一個價錢，就可以避免在人多嘅街市內四圍走買材料，而去到店舖就可以付費取回家中享用！在現時嘅疫情下又係另一個唔錯嘅選擇！回到家中打開包裝，有肥美嘅穀飼牛，配埋個濃味沙嗲湯底，非常入味，而豚肉都係十分肥美軟熟，雞肉肉質十分嫩滑軟熟味道濃郁，羊肉當然都係味道十足，帶點膻味！而丸類亦十分有水準，牛丸彈牙爽口，墨丸夠煙韌彈牙，當然還有最愛午餐肉配上濃味湯底，味道更佳！而個款時令限定就係軟熟嘅花膠，彈牙煙韌嘅蝦滑同爽口嘅墨魚滑，放湯大大粒，超有口感！最後食物個稻庭烏冬，烏冬十分彈牙煙韌，食得十分滿足！家人十分滿意今次安排！