稻八日式火鍋炸物放題 (已結業)

#稻八日式火鍋炸物放題 (大埔)依家防疫時間，出去食飯都人心惶惶。想打邊爐又唔想堂食。好多火鍋店都出咗外賣。去到用點餐紙揀，特級美國穀飼牛火鍋外賣套餐。揀咗4人份/$688。有齊晒牛肉、豚肉、雞肉同埋羊肉。我哋唔食羊肉，都可以揀其中一款肉代替。牛肉同豚肉切到一卷卷，尤其係牛肉好大一卷，而且都幾厚，似係厚版肥牛。跟住可以揀24件丸類。6款蔬菜或者麵食。3款餃子或者滑類。鍾意佢嘅蔬菜好新鮮生菜好爽口。雖然話只可以揀24件類，但其實為咗填滿食物盒，佢地有多比到。原來都好正常。最後揀埋湯底，湯底會用兩大樽膠樽裝住，如果係用一個大煲既話，應該勉強夠用，我哋用鴛鴦煲，淨係放落一邊就有半枝多左。我哋揀咗牛乳牛骨湯，味道唔算唔係濃郁嘅湯底，清清地打邊爐都幾好。鍾意嘅話可以加$5/份打邊爐。分量方面好夠食，兩個男仔兩個女仔食，但都食淨左唔少野。整體來講，其實咁樣外賣火鍋材料都係好方便，每人淨係拎隻碗同筷子，免卻左好多買材料處理材料洗碗嘅時間。