稻八日式火鍋炸物放題 (已結業)

呢間稻八日式火鍋放題之前都已經食過 今次再翻撻 依然保持初開食物水準 不過上次冇寫食評 今次寫番讚美一番先 佢套餐優惠由$158-$368 價錢平貴等於和牛級數和食物種類 既然都係食 梗係試番最多選擇果set野 M9 M6澳洲黑毛和牛啦 套餐仲包括海鮮雜錦 羊肉豬肉 極上安格斯牛小排等等 以上全部都係任食 鍾意食牛嘅我一口氣叫左N碟 和牛脂肪碟碟都好均勻賣相靚味道也不差真係乜本都回晒啦 除咗食牛 仲有刺身都係任食 三文魚甜蝦好新鮮 開始飽飽地又可以出去揀D半自助蔬菜瓜栗米類 員工上菜收碟速度也值得一讚 最後埋單送番杯Dreyers雪糕 自己揀味