稍息

營業中

休息中

discover @relieve.hk cute showa-era cafe in Sheung Wan, Hong Kong ☕️ vintage aesthetics and cozy ambiance 🕰️ with retro posters, patterned tiles, wood accents, and tatami mats 🎏 offers lunch sets for only $78 ‼️ indulge in delectable mains and desserts 🍰香港上環打卡日式昭和風咖啡店 @relieve.hk ☕️ 充滿復古風 舒適氛圍 🕰️ 懷舊海報、柔和色調、木質設計、榻榻米等 🎏 推出 $78 午市套餐 ‼️ 還有多款日式主菜和甜點 🍰 🍖日式豚肉生薑燒丼飯 + 日本茶HKD$78japanese stir-fried pork with ginger donburi + tea午市套餐逢星期一至四12:00 - 14:30每日有一款 附送凍或熱日本茶豚肉鮮嫩 份量幾多 生薑燒汁鹹甜平衡 薑味微辛 非常下飯🦀 松葉蟹蟹膏甲羅燒 HKD$148ja

日式和風打卡café🇯🇵 主打日式甜品同特調咖啡，另外入面有榻榻米嘅座位，成間餐廳都以昭和復古風做主題，好啱大家去打卡！🥢辣蕃茄汁火炙蟹肉蒟蒻麵 $98（6.5/10）蒟蒻麵質地唔錯，夠彈牙而且掛汁，適合減重人士，面頭加上兩隻蟹鉗同三文魚籽，蟹肉都幾多，不過感覺唔到有火炙過，雖然配上辣蕃茄汁，但蕃茄味偏淡，同時辣度不高，個人認為不吃辣人士都可一試！可惜份量偏少，女仔食都可能啱啱好，大食人士可能要再加配小食先夠飽🥢鐵板燒鰻魚玉子 $128（6.5/10）旁邊配上翠肉瓜同玉子燒，玉子燒質地可以更嫩滑，但甜度拿捏得幾好，鰻魚肉質唔錯，配上鰻魚汁再加飯一定唔會輸，但略嫌鰻魚汁偏少，食完成舊鰻魚仲靜低唔少飯🥢奶蓋水蜜桃紅茶🍑 $68 (7.5/10)配上可愛蛋白餅，造型滿分。奶蓋口感綿密，配上水蜜桃紅茶層次豐富，入口清涼解渴，融合水蜜桃嘅果香同茶香🥢抹茶鮮奶 $50 (6/10)入口順滑，但抹茶嘅味道偏淡，香氣唔夠濃郁。雖然面頭上有拉花嘅圖案，但形狀不夠美觀，整體比較普通，性價比不高💸avg spending per headl: $200環境：🫶🏻🫶🏻🫶🏻🫶🏻服務：🫶🏻🫶🏻🫶🏻氣氛幾好，裝修簡

全程要寫個食評幫佢哋平反一下，lunch hour時段訂位食飯，店面都有一部份客人眼見得個女員工工作所以都要等咗一陣先招呼到落單落完單十分鐘到快就有嘢食到都接近食完晒啲嘢食先上飲品員工仲好有禮貌咁講，唔好意思要我哋等我哋都唔覺得存在服務差呢啲問題甚至嘅係朋友生日，我哋臨時臨急想畫碟，店家都好樂意幫我哋安排比驚喜我哋同事甚至嘅係見佢哋咁忙都很落力幫我哋安排所以就算要等都覺得值我哋食飯途中都眼見其他客會好急躁催單但眼見員工都係盡力解釋盡快完成客人嘅要求的確佢哋未必有好親切嘅笑容但絕對唔會其他食評話呼呼喝喝咁誇張一定會多啲嚟幫襯你哋先得！

非常失望的晚餐！永不幫襯！滿心歡喜到餐廳慶祝生日，因見到有生日畫碟服務，網上介紹畫chiikawa好可愛，朋友很喜歡chiikawa，所以特別提早幾日向餐廳預訂畫碟服務，註明畫chiikawa。結果下圖👇🏻我地一見到個公仔全部人呆左😵(畫碟服務加$10) 重點留意生日碟上有一點燒燶的痕跡，比爛碟客人慶祝生日嗎？！再者，撇除生日畫碟，其他主食、甜品都唔好食，少份量，但中高價錢，完全唔值得。例如上述生日窩夫$68，一共有2小舊，一人一舊都少得可憐。服務態度差，晚餐時段其實都多客人，但人手唔夠。想請店員收拾主食餐碟再上甜品，我哋幫忙疊起餐具及紙巾垃圾，讓店員容易清理，但店員極度不滿咀臉，最後連檯上垃圾都不願意為我哋收拾，由得檯上一堆垃圾一齊上窩夫慶祝生日🙃總結: 完全不是慶祝生日好去處！十分不滿、失望的經歷！

星期日經過上環剛好入去前比門面裝飾吸引，感覺幾復古的一間日式小店，但係幾靚嘅門面都比店員的服務態度打破，簡直係地獄服務的一餐。店內的一位黑長髮店員全程店員黑口黑面，完全冇笑容，態度極差。當然我唔係當自己係貴賓要求每間餐廳的店員都要好親切有禮笑容滿面，但係呢位服務員完全冇服務可以放低餐牌一句都唔講就走咗，點餐嘅時候可以完全冇反應，都唔知落唔落得成單，見佢對所有客人嘅態度都係一樣，所以個個客人都睇望望佢覺得佢冇禮貌，我喺呢間舖度食咗30-40分鐘嘢，期間有三個客人入過嚟坐低佢飛完個餐牌俾人，人地都直接走咗可想而知佢態度幾有問題。唔知以為呢一餐免費唔使錢，價錢又唔係好平都唔叫抵食，唔會覺得係要有咁嘅服務態度。連出名態度差嘅澳牛都好佢十萬八千倍。食物份量相對細，如果一個正常男人食量就唔會飽，如果係女仔都還可以接受，食物味道普通絕對唔會再黎，奉勸大家黎之前諗清楚，除非鍾意俾人黑面受氣嘅隨便入內。

我只係去過嗰間餐廳一次，但係嗰次用餐體驗真係令我非常失望。當日我對某啲菜式有啲疑問，就問個女服務員，但佢嘅回應非常粗魯，完全冇禮貌。佢講嘢嘅語氣唔單只係冷漠，仲帶住一股急躁同唔耐煩，好似完全唔想聽你講咁。另外又見到有客人向佢要求攞餐牌，佢竟然用一種憤怒嘅口吻回應，真係好唔應該。除此之外，餐廳嘅食物分量又實在太細，味道亦都只係平平無奇，完全對唔起佢哋收取嘅高價。經歷咁一次糟糕嘅服務，再加埋餐點質素唔過關，令我決定以後絕對唔會再踏入呢度，而且都會提醒身邊嘅朋友小心。

上環有一間日系cafe推出左新年限定特飲！係超級可愛嘅3D貓貓達摩😍見餐牌仲有招財貓超可愛… 初初以為凍飲同熱飲分別係招財貓同埋達摩貓，但原來唔係咁運作🥲比左兩隻一樣嘅我🥲紅棗拿鐵冇咩紅棗味都係普通咖啡熱🤔奶蓋水蜜桃紅茶比較味道清甜，配搭綿密奶蓋唔錯👍🏻食物方面全部賣相都好吸引不過份量偏細…壽喜燒牛肉忌廉飯口感似risotto😂蟹肉蒟蒻麵係冷麵黎，啖啖蟹肉加埋彈牙蒟蒻麵都幾好食🦀甜品試左個新年限定嘅大福烏龍巴斯克芝士蛋糕🍰大福口感煙韌不過個人覺得有d太多😅 就咁食個烏龍芝士蛋糕更加好食，茶味濃郁，口感順滑！餐廳位置唔多，建議預先預約！有榻榻米位置打卡都唔錯！

本身開開心心拍拖，點知比人搞彎哂，真谷氣到要開openrice 寫食評投訴，服務超級唔得，都唔預期你有咩好好既服務，但最基本禮貌都要有啦掛。真係冇㗎喎，入到門口冇人招呼企喺度呆等仲要等啲員工施施然咁走出嚟，落單同樣都係。睇住一男一女係水吧玩得好開心都唔幫我哋落單😁然後食物到齊飲品仲未到，以為慢工出細火點知唔好飲😅然後飲品叫走甜就冇走甜，唔知真係以為貴店員工好忙，難怪夜晚拍烏蠅啦🤣大家想食之前諗下要嚟自助服務架🤣

想試好耐嘅Cafe~上環地鐵站永樂街出口一出就係以日本昭和風作裝飾主題🇯🇵Menu多為飯類，飲品款式都幾多另外仲有日式甜品▶️ 慢煮鴨髀高湯稻庭烏冬 ($128)鴨髀超多肉🦆成條骨易起有鴨味，肉質唔乾柴稻庭烏冬煙韌彈牙，超索湯汁入味高湯底味道濃郁，帶壽喜燒鹹甜味▶️ 京蔥牛柳壽喜燒汁忌廉蓋飯 ($158)忌廉蓋飯有似risotto京蔥牛柳失色少少，有啲韌同埋唔夠粉嫩🥲生蛋黃流心，令蓋飯充滿蛋香另外有甜豉油可以自己加整體份量偏細唔夠飽肚▶️ 熱蜂蜜紅棗咖啡拿鐵($60)新年新品🧧飲落奶味較重，latte嚟講偏甜冇咩紅棗味，只係底部有啲紅棗渣加咗貓貓蛋白脆餅，超打卡Able😻味道都唔錯，咬落脆口，甜度適中，一場嚟到值得試吓▶️ Tiramisu latte ($58)賣相真係似Tiramisu，面頭大量朱古力粉不過味道正正常常，冇話特別好飲😅-鴨肉烏冬好食，牛肉飯就麻麻咖啡正常發揮，唯獨賣相靚好啱打卡環境幾靚，有個榻榻米corner，牆壁以黃色為主帶啲復古元素服務一般般見好多食客都係一個人嚟嘆Cafe😌享受me time價錢偏貴，平均$200/人Cafe不定時會出節日新品，有興趣可以follow佢

稍息😘😘😘日系喫茶社上環永樂街、鄰近地鐵、非常方便、入內有種日系咖啡feel、微黃淡淡燈光、品嚐日式美食、人生一樂👍🏻Dinner set for 2 $238/1人前菜✨和風牛肉他他日風味、鮮艷蛋黃、撈日式牛肉、清甜牛肉、更滑滑✨味醂海膽醬魷魚刺身濃濃味醂、帶鹹香海膽醬、鮮魷魚🦑刺身、別有一番風味、彈牙有嚼口主菜✨帶子櫻花蝦燴飯櫻花蝦被稱為「海中寶石」，因為它含高鈣、磷、粗蛋白質、甲殼素、蝦紅素等營養成分，是最佳天然補鈣食材。除了其營養價值高之外，肉質也鮮美甜嫩、配爽甜鮮帶子、燴飯、錦上添花、yummy yummy ✨京蔥牛柳壽喜燒汁忌廉蓋飯牛柳清甜味濃、淋上壽喜燒汁、配埋濃香忌廉飯、特色京葱清香、口感層次分明、飽肚滿足飲品✨Matcha latte 心心拉花、濃香抹茶、不澀澀、creamy ✨Pistachio lattle清香開心菓、咖啡配搭、口感新頴又幾夾！稍息上環永樂街77號ovest地下一號舖港鐵上環站A2出口，步行約1分

有朋友recommend我去試下呢間餐廳 話食物質素唔錯咁我就試下 支持下小店點知 d餸菜一來 個waiter 就連放餸都唔太識 次次都要個客幫手 已經扣哂分食物還可以 但成個dinner set 佔左3/5 都有egg yolk. 應該要改善下 令人覺得你間餐廳淨係得雞蛋？🤣🤣然後，本身我訂台果陣已經好清楚講明件cake 要咩款，因想比個birthday surprise 我屋企人。跟住當時個staff 超唔醒目，surprise 變咗唔係surprise 仲要問番我個cake咩款…真係食到一吐氣..上cake果陣又冇誠意，講聲生日快樂都得掛，又冇要求你唱歌跳舞.個staff hea樣咁放低就走左勁冇heart.. 其他我都去過好多香港餐廳幫襯，呢種birthday service 係令食客加分的重要位置真心 野食味道係ok ge , 但呢個體驗會令我唔想再幫襯

上環地鐵站A2出口，有一個比大家食好西又可以好好休息既好地方，稍息主食方面，我地嗌左3款，黎到賣相已經好吸引！分別係北海道和牛肉眼定食，松葉蟹膏甲羅燒飯，慢煮鴨髀高湯稻庭烏冬！和牛定食係用肉眼做，可以揀5成熟，上菜見到色澤已經好靚！食落牛味好夠，肉汁豐富，份量都唔少。另外仲有茄子同蛋，配飯一流！甲羅燒都冇令人失望，第一啖已經食到好濃既蟹膏味，入面再撈埋蛋黃同三文魚子，每一啖都好豐富。最後鴨髀烏冬係用慢煮整法，鴨肉輕輕一叉就散，好方便食，高湯都好清甜，好健康既感覺鍾意打卡嘅，一定要嗌佢哋嘢飲，有超級可愛糖公仔咖啡，聖誕仲有聖誕造型！另外仲有多款小食炸墨魚脆，雞翼，海膽魷魚，味道都好不錯

當日入去食個lunch，叫咗個牛柳壽喜燒汁蓋飯$158嚟講只係單點唔係set，有啲貴，而且portion都唔係話好大味道OK但唔值呢個價，因為牛肉唔係話好多片，飯做咗忌廉汁risotto style咁係唔錯的，但除此之外就毫冇特別，味道亦單一。如果跟個味噌湯、濃湯或細沙律，起碼成個lunch嘅味道都豐富啲。而家咁樣覺得不如去茶餐廳食碟頭飯算。但最大問題係，一入去已經超大陣油煙味。由於近日我成日都去咗啲好大油煙嘅餐廳食飯，成日食完啲衫都臭晒覺得好忟所以一入去就好留意到佢陣味剛好當日我帶咗件風褸喺身，即刻著起佢，仲笠埋頂帽好似癲佬咁坐喺度極速清咗個飯，因為唔想坐咁耐會越臭結果離開餐廳後除咗件褸，真係超大味，直到夜晚回家都仲係佢陣油煙味，即刻入洗衣機洗。

今次去到上環一間日系風格餐廳——稍息。餐廳內以日式復古風設計，營造舒適既氛圍。餐點以日系主食輕食為主，如果你係雀仔胃及輕食主義既人，則非常適合京蔥牛柳壽喜燒汁忌廉蓋飯牛柳燒得非常好，肉質結實，牛味濃郁，搭配壽喜燒汁的甜味，令整個菜層次更豐富。蓋飯上加入左日本溫泉蛋，配埋忌廉蓋飯，口感非常濃厚手打北海道和牛芝士漢堡咖喱蛋包飯呢個蛋包飯係限量供應，和牛漢堡肉質軟嫩，和牛味很重。炒蛋嫩滑，而且份量亦算大份，配搭的日式咖喱汁帶出先甜後辣的口感，非常特別Wonderland (熊仔糖特調）飲品混合咗熱情果、橙、菠蘿汁，口感非常清新，飲落好似飲緊熊仔糖飲品咁，再加上面頭上面嘅熊仔糖串，視覺味覺有着雙重嘅非一般享受

喺上環地鐵站一出嚟就比呢間餐廳嘅裝修吸引咗，佢嘅門口已經係一個好靚嘅打卡位，裏面仲有榻榻米可以坐，啲佈置好有聖誕氣氛！餐廳過咗夜晚六點仲會將啲燈光調暗，真係好有feel！呢度好啱同朋友傾偈飲嘢！佢哋嘅聖誕Menu $328有四道菜，我最推介佢哋嘅「北海道A5和牛肉眼扒配烤蔬菜」，超級Juice又夠腍，加埋檸檬忌廉醬真係好夾，個份量都唔少㗎！佢哋仲有唔同嘅特色嘢飲可以用嚟打卡，叫咗「黑糖肉桂鮮奶」，上面仲有隻好得意嘅貓仔㗎！