稍息 (已結業)

星期五下午兩點想醫下肚，我是但走入上環地鐵站對面的餐廳，居然係一間打卡網紅店 🤭 可能係因為過左午飯時間，得返一枱客，冇幾耐，我包場 😂2:30 之前都有free drink，叫特飲話有得減$20 我叫嘅綠茶latte，認真，好有驚喜。拉花拉得好靚，因為拉花師將綠茶latte斟到好滿，攞過嚟嗰時，超有動感 👍 我叫咗走甜，綠茶味勁出👍因為我係蛋包控，所以叫咗蛋包飯食。呢個真心有少少失望，啲飯偏硬身，但係我個人口味鍾意腍身啲嘅飯。如果你下次都要叫蛋包飯，可以特別備注一下 😅一個人食，好似170幾蚊，OK啦，環境靚，有風味，適合打卡，係可以encore嘅舖頭嚟嘅 🫶🏻🌟另外一提，$200以下，舖頭係唔收卡㗎，要俾現金或者PayMe ✨…查看更多

喺上環地鐵站附近嘅呢一間日式昭和風Cafe裝修方面係有一點點昭和風嘅感覺但睇佢哋餐牌就比較似多國菜少少今日after lunch 時段去人手得兩個招呼一定唔會到位除了想落order無人回應上菜速度都有啲慢建議佢哋考慮QR code落單免得客人等待點知我自己全日定食包括有：❇️火炙蟹肉冷蒟蒻麵 $98❇️濃厚雞湯烏冬配柚子雞扒 $118跟餐會送埋一杯飲品價錢算係中規中矩我想講嘅係個份量真係超少蒟蒻麵兩三啖食得晒個雞扒烏冬湯是否濃厚我就唔評論但佢將啲烏冬放鐵兜度都係薄薄地鋪到一層可想而知份量幾咁少味道嚟講屬於唔差嘅屬於一般Cafe嘅食物水準只係份量方面的確係有待改進而加香港呢個艱難時間呢個價錢同埋呢一個份量的確有啲失望…查看更多

意外發現上環一間昭和復古風Cafe，店內擺放榻榻米，配上柔和嘅燈光，感覺非常溫暖🇯🇵🏯好啱lunch time/ 下班時間同同事去稍稍休息🥰🍱鐵板燒鰻魚玉子🐟有3大塊鰻魚肉質鮮嫩肥美，2件厚厚嘅玉子燒質，超級足料，配埋口感軟糯嘅日本米，簡直冇得輸，如果可以，我會為咗個鰻魚添飯🫣🍱辣蕃茄汁火炙蟹肉蒟蒻麵🍅蒟蒻麵卡路里低，而蕃茄湯底比較清淡，啱哂減緊肥嘅我，麵質彈牙又掛汁，仲有2隻我最愛嘅蟹鉗，私心推介想瘦身又愛吃的美美💕💕…查看更多

✲ﾟ*。☕️
日式昭和風cafe🤎呢間cafe 喺上環嘅cafe有兩張榻榻米位 不過我冇book到坐唔到🥺 有興趣記得一定要book位呀！呢度lunch set 有好多選擇 $78起包咗一杯咖啡或茶～我試咗個清酒煮牛筋配烤牛舌心丼同鐵板燒明太子忌廉湯鳥冬個人鍾意個烏冬多啲 好creamy非常邪惡😈飲品必叫富士山貓配玄米茶latte😍富士山貓其實係蛋白餅嚟好得意 打卡一流😆甜品推介伯爵茶巴斯克芝士蛋糕 🧀 Earl Grey味好濃！另外呢度仲有 @lovever_patisserie 嘅可麗露同達克瓦茲架✨
-
✨ 清酒煮牛筋配烤牛舌心丼($98)✨ 鐵板燒明太子忌廉湯鳥冬($138)✨ 伯爵茶巴斯克芝士蛋糕 ($65)✨ 可麗露 ($42)✨ 3D富士山貓配玄米茶鮮奶拿鐵($68)+10% service charge-📍Relieve 稍息 @relieve.hk上環永樂街77號OVEST地下1號舖…查看更多

就喺上環站A出口對面👍🏻地理位置非常好嘅餐廳入到去有好多日本昭和嘅poster餐廳燈光和暖超有復古感覺但食物水平質素就不過不失😂餐廳比較安靜 適合和朋友小聚傾心事🫶🏻…查看更多

踏進「稍息」，濃濃昭和風情撲面而來。招牌「野菜咖哩蛋包飯」值得一試：咖哩辛香溫潤，辣度恰好提味而不嗆喉，搭配的野菜種類豐富且新鮮爽脆，整體風味均衡，令人滿意，好評推薦。然而，「帶子明太子鐵板燒忌廉烏冬」則稍顯失色。新鮮帶子雖誘人，但忌廉汁實在過多且質地偏稀，如潮水般徹底淹沒了明太子應有的鹹鮮風味與存在感，喧賓奪主。整體口感變得單調，頗為可惜，評價一般。整體而言，「稍息」環境獨特，咖喱飯出色，但忌廉烏冬的醬汁平衡需再斟酌。…查看更多

一個簡單的relax lunch set，令第一次光顧嘅我，意外地感受到平凡生活中的小確幸，當日嘅照燒雞扒don，肉同飯嘅比例恰到好處，雞肉厚身，卻被出奇地煎到外炸內軟，兼juicy，再加上雞蛋嘅陪襯，令呢個非常平凡嘅don，非常有驚喜，喺一間相對寛敞嘅cafe/bistro? 只係承惠$78，絕對係城市驚喜～…查看更多

位於上環嘅朝啡夕酒餐廳，裝修走日式昭和風路線餐廳佈滿懷舊擺設，亦有榻榻米座位，打卡一流午市 $98起 包一杯咖啡 / 其他飲品 -$20❛ 辣蕃茄汁火炙蟹肉蒟蒻麵 ($98)有兩隻蟹鉗、三文魚籽同蟹肉啖啖蟹肉配彈牙冷蒟蒻麵清爽開胃蒟蒻麵竟然幾掛汁，醬汁辣D就更好❛ 麻辣牛肉他他四色野菜蓋飯 ($138)蔬菜烤至微微焦香，牛肉他他帶微麻辣 增添風味層次營養豐富得嚟唔單調，蛋黃撈埋飯食簡直係大滿足❛ 提拉米蘇拿鐵 (+$38)有驚喜！啡底醇厚好香，上層係輕盈嘅芝士泡沫入口順滑，甜度啱啱好，直程係提拉米蘇嘅飲品狀！❛ 凍抹茶拿鐵 (+$35)—ʜᴋᴅ $150 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 7/10—📍 稍息 Relieve上環永樂街77號OVEST地下1號舖…查看更多

三訪呢間日系復古𝓬𝓪𝓯𝓮 ᵔᴥᵔ 環境打卡又舒服而且好鍾意佢哋嘅榻榻米位 次次去都指明要坐 哈哈呢排有新品同優惠 𝑫𝒊𝒏𝒏𝒆𝒓更抵食 可以6折加小食甜品.🕰️一人晚市套餐 $238 ✿ 前菜｜味醂海膽醬魷魚刺身✿ 主菜｜帶子明太子鐵板燒忌廉湯烏冬 +$18✿ 特飲｜奶蓋水蜜桃紅茶 +$13✿ 追加甜品｜開心果心太軟伴雪糕 (6折後) $51.其他單點｜芝士年糕 $36｜草莓荔枝特調 $68叫左個鐵板燒忌廉湯烏冬 超香又夠𝙘𝙧𝙚𝙖𝙢𝙮 麵質煙韌 好吃呢芝士年糕都好味 外脆內軟糯 內餡芝心半溶好香甜品有開心果心太軟～超流心 滿滿嘅開心果醬！新飲品有超可愛嘅3D飄浮公仔ʢᵕᴗᵕʡ 唔會太甜 好睇又好飲…查看更多

呢間位於上環嘅日式昭和風cafe最近出咗多款新品, 叫甜品仲可以寫上「Happy Birthday」, 好適合嚟呢度慶祝生日🎂！環境佈置充滿復古風, 更可以揀榻榻米座位打卡, 一於趁假日過嚟呢度稍息一下～𓌈⸝⸝ 明太子魚籽玉子燒玉子燒香甜軟嫩, 帶有三文魚籽嘅鹹香𓌈⸝⸝ 燒芝士免治雞肉棒雞肉肉質幾嫩, 有醬油香氣, 加上表面嘅燒芝士🧀, 非常惹味！𓌈⸝⸝ 松葉蟹膏甲羅燒飯🦀賣相吸引🤩！蟹殼入面有滿滿嘅蟹膏, 撈埋三文魚籽同埋橙紅色蛋黃🥚, 鹹香十足, 整體口感有層次！💚開心果心太軟伴雪糕一切開就有開心果醬流出嚟, 流心效果佳！開心果味都幾濃郁, 蛋糕口感鬆軟濕潤, 將開心果味帶入蛋糕裏面, 整體唔會太甜膩🤎伯爵茶可麗露外殼酥脆, 內裏柔軟, 表皮帶有焦糖香氣, 入口感受到滿滿嘅伯爵茶茶香氣🍃～…查看更多

「昏暗的燈光，五彩斑斕的梳打汽水，糖漬櫻桃布甸，這大概就是昭和風的代名詞了。」上環地鐵站對面的稍息cafe，是一間擁有各種昭和元素的珈琲店。這次趁平日晚上前來，人比較少，也幸運地可以坐在榻榻米區靠牆位置！內有多樣昭和單品，像是帶有西洋美學的海報及壓花玻璃窗，我特別喜歡桌子上的座枱燈及玻璃古董吊燈，把整個環境照得暖烘烘的，極有時代氛圍感！除了環境很美外，食物也很好吃（大推牛舌）！🍮 𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 ——京蔥牛柳壽喜燒汁忌廉蓋飯 ▸慢煮牛柳非常嫩滑多汁，牛味濃郁。忌廉蓋飯口感很像risotto，口感濕潤令人胃口大開！燒牛舌 ▸超厚切的6片燒牛舌，爽口彈牙，完全不會韌，而且牛汁很入味～ 主菜雖然很好吃，但牛舌更令人驚喜。昭和布甸配雪糕 ▸點綴著櫻桃與雪糕的布甸絕對是拍照的必點品項！布甸有濃郁蛋香味，焦糖味甜度剛剛好，吃下一整顆也不會覺得過於膩口！…查看更多

今日同朋友去試咗呢間餐廳，整體體驗真係令人失望，完全唔値呢個價錢！一入到去，店員嘅態度已經冷冰冰，好似唔多想招呼客人咁。落單時問多兩句關於菜式嘅問題，佢哋已經露出不耐煩嘅表情，答得敷衍了事。期間完全冇人理會我哋需要咩，連落單都要舉手舉到痺先有人理。食物味道真係普通到不得了，完全冇驚喜。最離譜係份量少得價錢卻唔平，一個飯要成百幾二百蚊，但食完完全冇飽肚感，呢間真係性價比極低。總結：唔會再幫襯！服務差、食物普通、份量少兼貴，完全冇一樣值得回頭。如果想搵間好餐廳慢慢享受，建議大家慳返時間同金錢，去其他選擇好過！…查看更多

📍稍息一間好日式嘅餐廳🎌🍡🎏牛肉蛋飯都超級打卡 見到就好想食🤤牛味超濃郁蛋糕綠茶味超香 好值得食😆價錢都相宜 係上環搵到咁既價位既Cafe 性價比查高👍👍👍…查看更多

不會再光顧！！！對服務感到非常失望！女服務員的態度冷漠，當時店中不是很忙，但她也一副很不滿的樣子，好似客人得罪了他一樣，令人不敢叫她過來點餐。此外，食物質素也很差，咖啡味道一般，拉花圖案十分醜，味道令人失望，甜品份量也相當少，但價錢相當貴！我希望你們能改善服務質素和食物品質，讓顧客有更好的用餐體驗。希望能夠收到回覆。…查看更多

discover @relieve.hk cute showa-era cafe in Sheung Wan, Hong Kong ☕️ vintage aesthetics and cozy ambiance 🕰️ with retro posters, patterned tiles, wood accents, and tatami mats 🎏 offers lunch sets for only $78 ‼️ indulge in delectable mains and desserts 🍰香港上環打卡日式昭和風咖啡店 @relieve.hk ☕️ 充滿復古風 舒適氛圍 🕰️ 懷舊海報、柔和色調、木質設計、榻榻米等 🎏 推出 $78 午市套餐 ‼️ 還有多款日式主菜和甜點 🍰 🍖日式豚肉生薑燒丼飯 + 日本茶HKD$78japanese stir-fried pork with ginger donburi + tea午市套餐逢星期一至四12:00 - 14:30每日有一款 附送凍或熱日本茶豚肉鮮嫩 份量幾多 生薑燒汁鹹甜平衡 薑味微辛 非常下飯🦀 松葉蟹蟹膏甲羅燒 HKD$148japanese kanimiso korayaki with rice蟹膏濃稠 蟹肉滑嫩 三文魚子蛋黃拌飯 增添層次 鹹鮮醇厚 🥘 帶子明太子鐵板燒忌廉湯烏冬 HKD$138mentaiko cream sauce teppanyaki scallop udon帶子柔嫩 微微焦香 明太子鹹香忌廉湯香濃 烏冬吸湯 煙韌彈牙🍳 迷你玉子燒 套餐+ HKD$18mini tamagoyaki炙燒焦香 柔軟滑嫩 甜鹹平衡☕️ iced cappuccino + oat milk ($5) 套餐包括卡布奇諾 配燕麥奶 香醇順滑☕️ flat white + oat milk ($5) 套餐包括平白咖啡 配燕麥奶 綿密香濃🍑 奶蓋水蜜桃紅茶 HKD$68milk foam peach iced tea果甜清香 厚滑醇香 可愛吸睛🍰 焦糖巴斯克芝士蛋糕 HKD$68creme brulee basque burn cheesecake炙燒焦糖 焦甜硬脆 奶香柔軟半熟效果 入口即溶 層次豐富📍上環永樂街77號OVEST地下1號舖 🇭🇰 *…查看更多