秘 (偉晴街)

營業中

休息中

齋看名字，以為是走進神秘角度。餐廳位置根據openrice的描述，餐廳是處於柯士甸站附近，但從佐敦站的廟街出口也可以順利到達。食物方面點了1）秘燒黑松露吉列牛配定食(秘之飯素、楓糖流心蛋，櫻花昆布湯) $1862）板燒吉列牛配定食(秘之飯素、楓糖流心蛋，櫻花昆布湯) $146先來了1）秘燒黑松露吉列牛配定食(秘之飯素、楓糖流心蛋，櫻花昆布湯)，小編是第一次看見左上方的爐，十足十大鄉里出城。聽朋友說這是一個來自日本的特色，負責把豚肉弄熟。上方的豬油是用來清洗爐具。好的。先別出醜了，樣子十分吸引，豚肉像是一個笑臉，向我招手👋🏻吃下去也有濃烈的黑松露味道，既豐富了我的口感，也確確實實令味道升華了不少。至於另一板燒吉列牛，就沒有黑松露味，但事實上餐碟設計，其他也是一樣的。服務方面可以說此店只適用於吃美食但不適用於談天的好地方，想約三五知己來這裡摸酒杯底就不了。日期：2020.10.20

平時行過都見到好多人排隊叫過一次外賣又好驚艷今次見朋友ig有金魚湯咁創新既野 吸引左我去堂食因為公司係附近 6點3就行到去 唔洗等位但已經有半個場full左我叫左個吉列牛 $108另外金魚湯晚餐就有飯同溏心蛋 +$58上菜速度超快 個頭叫完轉頭就黎左整體賣相仲好過餐牌 呢個有驚喜😂石板超熱，個火好猛 食到一半服務員仲好主動黎加炭精 keep住個溫度 服務一流！！堂食真係無錯 金魚湯係用墨魚滑做叫既時候服務員主動提左 呢個服務又加一分！不過要小心石板熱油會彈到自己同你既伙伴😢我彈左入隻眼度😭我伙伴就叫左鰻魚飯 加套餐 ，個鰻魚真係好有誠意❤️整體黎講可以encore非常飽肚 抵食好過大型連鎖個啲日本菜

呢間都好出名好多人食，去到都要排一陣，佢最出夠既吉列牛都係104蚊 仲要量多，如果唔加定食就會有碗白飯配既。放上去燒一燒，我就鍾意生少少，食落好軟 吉列位脆脆地，原味既話佢本身有調味，另外都試左黑松露，但我覺得個黑松露未唔係好出，同埋冇調味既，就淡左少少，佢另外就有個醬。個醬偏鹹，我就正係食個白飯，我就覺得個白飯麻麻地，太乾，好似隔夜咁，所以都係食翻主角，佢既牛就真係好正，我會偏向食佢既原味又抵又好食

黎過食幾次吉列牛都唔錯，這次想試下門口招牌既$58鰻魚飯。 order 完先發現原來外賣先有特價。下面講解我對呢間餐廳各方面評分。/食物- 我點左鰻魚飯$78，賣相不錯，但實情鰻魚超多骨，有人話可以連骨食，但我就真係不了，如果你試過卡小骨就明白，拎返出黎係好麻煩。另外個飯好濕，個人不喜歡。不過係用珍珠米既。如果另加$20, 可以有飯素，溏心蛋。其實俾多十蚊已可叫吉列牛$108。/服務- 可能係黃店，多人等位，全程有點趕客。/衛生- 埋單後，發現店員沒有消毒桌面就招呼第二枱客，覺得沒有衛生意識。第二是水杯有油，即是沒有洗乾淨就裝水俾客人。/環境- 油煙很重，場內只有冷氣，沒有足夠抽風，所以很大油煙。/最後我就應該唔會再有下次。

依間板燒吉列牛定食真係幾好食架，一見到個賣相已經流晒口水，吉列牛係半生熟狀態，唔肥膩，燒一燒就食得，煎到小脆加醬係最好味。同埋佢啲溏心蛋雖然要加錢，但係都幾值得，佢性價比都冇令人失望 。

朋友講左好耐想食吉列牛，咁就約左weekend去食啦一去到都見到好多人排緊隊😂係出面都聞到好大陣燒肉味，真係流哂口水店員請我地睇定食咩落左單先，一入座唔洗等好耐就有得食望真啲原來砌左個笑哈哈樣出黎🤣牛大概燒到面熟就可以食，外層香脆內裡嫩滑，忍唔住一舊接一舊咁食有機會要試下黑松露吉列牛

-{黃店💛日式吉列牛🥩}次次去日本都必食嘅吉列牛今次又試下係香港揾鄉下嘅味道😉🤤板燒吉列牛午市定食🤤 ($128)擺盤好搞笑😂好似笑哈哈咁 流心蛋好香😍視覺效果💯吉列皮都算脆嘅 牛都好有肉味 牛脂分布唔錯 就咁食已經好有味🙆‍♀️再點汁就太鹹喇👖褲評:8.7/10🤤板燒安格斯牛午市定食 🤤 ($128)比較鍾意依個！但冇影到😢冇咗吉列塊皮 但係牛香重過吉列牛😋睇大家點衡量喇🙆‍♀️👖褲評:8.9/10整體幾坻食😊一入到去勁大陣味👀店員都頻頻幫手加火 唯一係塊鐵板真係好彈油 有點危險😂性價比: 8.5/10服務: 8/10環境: 7.8/10🚩秘secret chef🚩地址: 佐敦偉晴街11號地下荃灣享成街22號地舖🔔小tips: 要人齊先有得入坐架！建議午市嘅話1點前好入座 食完出黎已經好多人等lu🥺 #fuudjai #fuudjai黃店 #fuudjai日本菜 #fuudjai佐敦 #fuudjai荃灣

本身對呢間期望不大，因為之前食過另一間餐廳，覺得不外如是，但今次食呢間，又覺得呢間都幾唔錯喎😆🖤秘·燒黑松露吉列牛🐮 $148✱ 超級超級重黑松露味😍 佢黎嘅時候，隔住個口罩都已經聞到勁香黑松露味～食落去嗰陣，每塊吉利牛個皮都好香脆同佈滿黑松露！ 一啲都唔輕手😋✱ 牛肉好有口感～有咬口且唔會太過乾身～ 而且牛肉油花分布平均，好靚🤩 個吉列炸漿又唔會有萬年油臭味，又冇甩皮情況出現，夠香口惹味🥰🔥 板燒吉列牛 🐮$108✱ 基本上同黑松露吉列牛喺口感同質地方面都一樣，只係冇左黑松露味～✱ 感覺佢無乜好重嘅調味，入面基本上都似塊牛本身嘅味道，所以我又唔覺好鹹（但個吉列皮係食得出有少少鹹味），我自己覺得蘸上燒汁之後可以中和到吉列牛嘅油膩感同鹹味，而且可以令到吉列牛無咁dry, 轉轉口味🤩佢會喺個爐上面放一塊牛脂，記得要將牛脂肪搽滿成個爐面先好燒～ 同埋建議唔好燒到太熟～咁樣個肉質質感會比較鮮嫩唔會太韌😆🐔唐揚雞件🐣 $38 ✱ 覺得不過不失，就係出面正常質素嘅唐揚炸雞～無油益味，炸得都尚算香脆，同埋入面都有肉汁～🦀秘風塘軟殼蟹🧡 $58✱香脆到有聲又厚肉～😋又夠大隻～我自己覺得都算對得住價錢，

最近好多人都食嘅吉列牛！($108)不過我中意冇炸嘅普通牛多啲，吉列嗰隻嘅炸粉味蓋過咗啲牛味。我加咗晚市定食($38)，個湯有朵花幾得意，但係個飯好鹹！同埋飯素比較多，覺得個定食$38唔係幾抵，午市$20呢就唔錯！隻蛋就不過不失～其實呢間可唔可以就咁加個白飯㗎？

餐廳係屋企附近 每一日都有人排隊係home office 期間終於試到 但非常失望排隊期間已極度混亂 店員又黑口黑面 叫咗個鰻魚飯同吉列牛試試鰻魚飯 非常普通 得個醬好味 自己買急凍番黎煮都好食過佢 飯亦唔夠熱吉列牛更加係名大於實 牛無牛味 仲要好乾 烘多兩烘都柴哂 脆皮亦唔脆停一停手飲幾啖野傾兩句計 就係到執檯 簡直趕客 真係永不再食近排好多ig廣告 都唔明點解咁多人慕名而來 晚晚排哂長龍 條路已經窄 仲要堆哂係行人通道上 讓都唔讓下 店員又唔識安排人龍 搞到附近街坊要行車路先可以穿過人群 極度擾民！！！

相信大家對哩間💛良心小店唔會陌生,但小店係香港島區係無分店架,所以Bookmark 左咁耐,最近先可以去支持一下🙈——————————————————————————-對於無得番鄉下🇯🇵既朋友仔,一定會好掛住當地既吉列豬🐷同吉列牛🐮而係香港有得食,要價錢抵,仲要係💛小店既話,我相信得以上👆🏻哩間啦——————————————————————————-@secretchefs.hk 今次第一次黎當然要試招牌菜：板燒吉列牛🐮(+$20可以有秘之飯素/楓糖心蛋🥚)一份套餐有成十五塊吉列牛塊🐮,雖然係薄薄的一塊,但食落唔會一陣風💨咁,而且色澤肥瘦都好均衡！一餐飯可以有得食,又有得玩一定係最開心🥳同最滿足😋生熟程度自己控制👍👍———————————————————————————同埋仲試左佐敦店既午餐限定：原條鰻魚🐟飯🍚（+$20可以有秘之飯素/楓糖心蛋🥚/汽水🥤)鰻魚🐟肥瘦大小亦係岩岩好,肉質軟淋,但唔會一咬就爛😋飯量唔算少,不過大食既朋友仔,食晒之後應該仲可以有空位去食其他野架😄😄如果我係附近番學或者番工既話,一定會時不時走去食飯😚

平時好少出佐敦 但有朋友介紹呢間吉列炸牛好正 所以就專登過黎試下佢提我要早d去因為會有好多人 所以佢12點開 我11:50 就去到! 好彩咋 因為一到12點就開始要排隊喇 到我食完出去見到有7-8個人排緊!講番d食物先 個吉列牛真係好有水準 好香又唔韌 再燒一燒佢 配埋飯 真係一流😋我去既時候 佢個鰻魚飯做緊特價 無記錯好似係58蚊 一黎到見到條鰻魚超大 絕不欺場! 我屋企人係鰻魚控 佢一道食一道讚!而家睇番d相都好想再食😋真心推介!

呢間吉列牛喺荃灣同佐敦都有分店，呢次去到佐敦分店食lunch，環境唔錯坐得幾舒服。試咗佢哋嘅招牌吉列牛套餐，有個小鐵板俾你自己燒，都幾過癮🤣牛肉有咬口，但牛味唔夠濃，油脂分布平均，份量都幾多，糖心蛋流心程度啱啱好，可惜黑松露味唔太出。整體不過不失，都算對得住價錢，服務唔錯會keep住過嚟幫你加燃料👍🏻————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🐮秘燒黑松露吉列牛（午市定食）$168🐮板燒吉列牛（午市定食） $128💡味道：🌕🌕🌕🌑🌑⠀⠀💡環境：🌕🌕🌕🌗🌑💡服務：🌕🌕🌕🌗🌑⁣⁣⁣⁣⁣⁣⁣💡性價比：🌕🌕🌕🌗🌑⁣

週末係佐敦既偉晴街，經過一間餐廳。門外有一個神祕既黑色門，打開門係一間食日式板燒吉列牛既專門店。當日去到都兩點，唔洗排隊，有店員探熱同提供消毒啫哩清潔雙手後就入得。一入到店內已經聞到牛既油香味。今次分別叫左一份吉列牛同一份安格斯牛。兩個餐都係無飯既，如果想食飯就要加20蚊定食。食牛當然要配飯啦，所以兩個餐都加左20蚊定食(有飯同溏心蛋)，個飯上面仲有d飯素食落唔會無味。不過個人覺得d飯就硬d同乾d，如果多番d水份就更好。 溏心蛋就正正常常，無乜特別。講番個牛，兩個餐既牛分別都有好多塊，大概有15塊左右。以呢個價錢黎講真係好抵食。石板上面首先會有舊牛脂肪，燒之前記得要將舊牛脂塗滿成塊石板，燒出黎既牛肉先會香口d。吉列牛外圍微微炸過。放上石板燒完之後外面脆，裏面就軟淋淋，點埋個汁再加一口飯成好滿足不過有少少略嫌個吉列牛咸左d，影響到個牛味。而安格斯牛比到我更大既驚喜!因為好有牛味，而且食落既口感好淋。燒完一塊就好想食第二塊。💛佐敦同荃灣都有分店，值得一試！

呢幾日成日見到其他foodie介紹依間「秘」，而我又好鍾意食吉列牛，所以就即刻去咗試試！雖然要喺門口排一陣隊，但味道果然啲都冇令我失望！我叫咗一份板燒吉列牛啊再加咗個套餐，套餐包左一隻糖心蛋，一罐汽水同埋一碗飯。嚟到個擺盤靚，牛嘅份量好足，食完都好飽。吉列牛嘅好處就係以自己控制生熟熱度，啲牛都唔會好韌，我最鍾意佢有脆脆嘅口感。配埋醬汁一齊食真係超好味！糖心蛋都好入味。但係我覺得煎吉列牛嗰時，啲油會彈得好犀利，有時仲會彈上手臂，真係幾痛㗎@@同埋會比較大油煙〜不過食物質素的確唔錯，有機會會再encore