秋田鐵板燒刺身專門店 (已搬遷) 新店位置

這晚跟一位兄弟相聚，原本想去"六本渥"食鐵板燒，誰知即日訂位竟全場滿座，唯有另覓地方，上綱見這店的公衆評語也不差，就試打電話去訂位，幸好還有位，我們兄弟二人才可開餐。入到店內，見到坐位非常擠迫，坐下後曾想過離開，但只怕到其他地方也找不到位，最後要求侍應調換一個較寬半點的位置就算了。店內除了鐵板燒外，也像"六本渥"一樣設有其他項目食品，有和食檯及壽司吧，裏邊還有獨立房間，壽司吧坐位不多，我們剛到達時見到已坐滿人，擠迫程度更甚；坐下後我們點了兩位"橫濱"餐再加一份八安士的和牛，兩人份量已絕對足夠了，店方隨即也送上了三款的餐前佐酒小食。看上去燒板的清潔程度有點不及"六本渥"，而跟"六本渥"一樣，餐前送上一個鵝肝黑魚籽蒸蛋，見師傅做這蒸蛋時，要用叉刺入蛋內作判斷，這動作足以證明這位師傅的功夫級數，但從正面去想，他還是夠細心和盡責的。鐵板餐送的黑魚籽鵝肝蒸蛋，黑魚籽鮮味不足，但師傅就非常重手，份量不小，內裏的鵝肝也不細，鵝肝入口油膩十足，蛋也算嫩滑，單以這個贈品來說，它對比"六本渥"做的算是略勝半點。店方送的三款小食，小魚乾、酸喬頭和醋山藥，三款小食中以小魚乾最差，魚仔太乾，口感如同噬木，味道全

位於尖沙咀的鐵板燒。名氣主要來自於能用飯畫出公仔。是慶祝生日的特別飯店之一。下午來到，不妨一試。叫了兩個不同的套餐。總结分量太少，味道也不算特別特出。如下圖，少少的幾粒龍蝦肉是其中一套餐的主菜。另一套餐主菜是牛柳鵝肝也很細份。不過加埋炒飯，湯和甜品也算是可是可以。不過對於男人就真係吾夠食。

與朋友去慶祝生日，第一次食鐡板，非常期待~先有前菜，非常新鮮的田園沙律~好味!菜色一道一道的上，可以讓你慢慢食不用急住的感覺~主菜先有非常新鮮的龍蝦，仲有反應的鐡板師傅叫我們影相或拍片，會有火燒龍蝦!!再有燒鵝肝，好厚而且好新鮮，面包也燒得好好~配合得very match再有薄燒牛肉，好特別，入面包住杏仁片，也是好好味，好特別。之後就到我們今天來的重點~生日炒飯，先來一個做型，師傅會先問你而且會有真心的意見，又係影相的時間。影完相，炒飯會加蝦亁，配料再炒，脆脆的，好好味!!不過味道有點濃，我係咁飲茶;p最後是甜品了，有主打的雪燃各紅豆燒餅~我覺得very warm的，竟然有一個生日朱古力蛋糕，這是最surprise的~~~ ^^

蟹膏豆腐，味道同質數保持不變，滑溜豆腐帶清香蟹膏味道，好食 ﹗每次黎都可以寧靜地享用我既美味晚餐，但今晚真係超級嘈呀，唔知係咪今晚特別忙呢。就連服務都好似比以前差左，但都中規中句既。師傅同 waitress 都好生面口，我只係半年無黎啫。富士蘋果蟹籽沙律，機乎每次都好叫，唔係蘋果就蕃茄架啦 ﹗先黎個前菜開開胃先，富士蘋果清甜爽口又多汁，配埋清瓜絲同沙律醬，沙律醬份量剛剛包住所有蘋果絲及青瓜絲，絕對唔會過火。再 on top 灑上大量鱈魚料，味道更香甜，好味 ﹗咁啱同上次一樣，都係蟹膏豆腐、富士蘋果蟹籽沙律作 opening ﹗松刺生盛，真係花多眼亂，咩都想食，都唔知叫咩好囉，先食個刺生併盤再慢慢諗啦 ﹗活龍蝦刺生，點解今次切到一粒粒呢？一片片會靚啲、口感又好啲喎 ﹗龍蝦肉彈牙滑溜又清甜，當然好味道。珍寶帶子刺生，又棉又滑，極之肥美香甜。油甘魚腩刺生，魚油澎湃，色澤鮮明，魚味特濃，大愛 ﹗極上吞拿魚腩刺生，入口即溶既感覺只有粉紅色先會有，滑滑既吞拿魚腩一放入口已完全滲進每粒味蕾，餘香久久不散，美味極了 ﹗飛魚刺生，經常飛黎飛去、大量運動既飛魚，肉質特別結實有咬口，只係魚味較淡 ﹗飛魚魚味

黎秋田食飯我較鍾意坐壽司吧，可以睇到師傳既手藝，又可以見到好多 menu 上面無既時令鮮魚呢 ﹗好多海魚既名都未聽過，宮崎石鯛、相馬皮剝魚、宮崎島池魚、勝浦金目鯛。最左邊既魴鮄魚，好似六角形咁架，記得係某套講壽司師父既日劇見過呢，但暫時未有機會試試係咩味道。跟住既係真明聖同系撚鯛都未食過，亦從未聽過囉。一小部份既鐵板燒價目表，終有一日我要試 HKD1680 既 16 安士霜降神牛架 ﹗食左咁多次鐵板燒後，發覺唔係款款都啱口味，都係鍾意食刺生多啲。依家大多都係主要食刺生、壽司，另外再叫一兩款鐵板燒食。師傅送既前菜小吃，鮮淮山、酸喬頭、酸蘿蔔、帶子裙邊，多謝晒，好好既開胃菜。蟹膏豆腐，用蟹膏跟黃豆做成既豆腐，清香既蟹膏味加上滑豆腐，配埋清甜青瓜同鱈魚籽，好好味 ﹗機乎每次都會 order，推介 ﹗富士蘋果鱈魚籽沙律，富士蘋果絲跟青瓜絲撈埋一齊食，清甜爽口又多汁，配上沙律醬同蟹籽好醒胃 ﹗刺生併盤松，龍蝦、極上吞拿魚腩、珍寶帶子、池魚、油甘魚、鱆紅魚，全部極上食材，邊有得輸呀 ﹗超美味啦 ﹗佈置近乎藝術品般 ﹗活龍蝦刺生，晶瑩通透既龍蝦肉，清甜無比，口感滑而彈彈的，想成條自己食晒添呀 ﹗哈哈

路過秋田，當然要食鐵板燒。lunch set價錢由最平的一百三十多元至最貴七百多元，豐檢由人。2人同行會較化算，因為分量亦算多，可叫2set share吃多點類型食物。整餐很豐富，雪魚比想像新鮮。鵝肝煎得香脆。魷魚是另加但絕對值得一食。另外還有燒牛粒忘了影相，亦是必吃之選。其餘炒飯，餐飲，湯等普通，當然lunch set炒飯就沒有砌公仔和其他花巧的表現。但2人叫了2set合共400元有找，實是超值。

上星期五放工, 想同朋友享受一餐正既鐵板燒, 即刻諗到秋田, 其實之前朋友都食過, 味道相當不錯, 所以決定再試，到達時已九點多，所以唔使等, 坐的位置都十分好, 而且開始不是太多人, 可以一邊傾偈, 一邊欣賞師父的表演, 負責幫我整的是一個很年青的師傅, 雖然年青, 但技巧純熟, 而且十分懂得攪氣氛,又健談, 所以整晚都沒有冷場。食物方面, 沒有令我們失望, waitress介紹左日本酒比我地, 最初都驚兩個人飲唔晒, 但原來入口清甜, 最後都飲晒, 十分正。龍蝦球, 鮑魚當然十分可口, 保持水準. 牛柳亦相當出色，五成，可囗無比。而鵝肝多士,令我們更加享受到鵝肝的味道. 最值得一提的就是海膽新鮮得要命，就像即開即食一樣。高水準的一餐鐵板燒。

放暑假，梗係要帶二隻馬騮去食好嘢啦！但又吾想再揀buffet/日式放題，而且自己一直都好想試正宗嘅日本鐡板燒，所以選擇咗秋田日本鐡板燒。中午一時到達，一入餐廳左手邊係鐡板燒，可坐十二人左右，而另一邊係剌身bar枱，我和囡囡安坐近門口牆角，但大家都聞到油溢味，於是寧可轉一排四人直坐，餐廳內應該還有房的，最初我們order咗2 款分別$138&$148的套餐，再+$268（有半隻龍蝦）set，諗住share食，但點知係吾得㗎，待應話有minimum charge,唯有2 set $148+ $138+158, 4 set 都有鵝肝多士食。阿囡好欣賞個魚子蒸蛋 &綠茶雪糕，師傅好貼心會介紹食物吾夠味道，應該點那一醬油, 見到佢煮到滿頭大汗，都登佢辛苦，因為我哋坐正門口位，每有人出入，那股熱風湧入嚟，確不好受，食物是滿意的，但環境舊了，應考慮下裝修。

每次公司的Team Dinner都是吃中菜，今次我們攪攪新意思改吃日本菜。大多數人到秋田都是吃鐵板燒，但其實該店的刺身也不錯。我們一行五人約7點多到達食店，可能時間尚早人不算太多，店員安排我們坐在壽司吧台前，可跟壽司師傅直接交流，有可以看到師傅準備食材的過程。我們先點了一瓶酒，然後店員再為我們送上一些小吃。👉清酒我們點了一小瓶"淡麗吟醸"清酒，容易入口，不會燒喉，帶有淡淡的香甜味。👉燒雞泡魚乾拼燒鯊魚乾兩者都燒至乾身，佐酒一流；前者加了點甜甜的醬汁，後者則較為淡味煙韌。吃過小食後，壽司師傅開始為我們送上刺身。除了師傅為我們選定的刺身外，我們中間也加插了不少自選食品。👉左囗魚+真明堅2款魚同樣是薄切，也屬於味道較淡的魚刺身，放在首位能較容易嚐到其鮮味爽口。 👉帶子珍寶size的帶子，顏色雪白透充，肉質飽滿，而且入口鮮甜。👉金目鯛魚身呈粉紅色，師傅用火熗微微炙過厚切的金目鯛魚皮，魚皮煙韌有咬口，魚身肉質肥美，油份充足，味鮮帶清甜，不愧是日本的高檔次魚類。👉島池魚又稱為池魚王，是普通池魚的3倍價錢。師傅切成厚造，色澤通透白淨，質感腍滑，口感爽脆，味道鮮甜帶有魚油的甘香。👉池魚吃完池魚王，我們

第二年同男朋友慶祝生日 ... 上年草草了事 所以決定今年要整得好好睇睇 ^^我唔係果d 中意食得拘謹既人..記得朋友facebook po 過好可愛既公仔炒飯 就搵下呢間咩餐廳係openrice 見到 ---- 秋田 睇埋其他食家既食評就即刻決定訂枱電話好快有人聽 超有禮貌 ~ 仲會問埋係咪有咩特別日子 ~ 訂枱既時候我問埋 係咪整到布甸狗 (因為男朋友中意) 對方話會幫我remark 翻, 訂完枱輕鬆曬 到27日 11點幾到, 秋田再打黎conflim booking,因為下午時分同男朋友去左isquare 睇猿人爭霸戰 好早就開始係尖沙咀閑逛大概7點20分到 reception姐姐好快就安排我地入座我同男朋友揀左 熊本 二人前套餐先黎兩客前菜沙律 同埋一set三個既 魚仔 竹筍(?) 同 酸meimei (?)呢個時候黎做廚師 開始準備食材 個廚師係個靚姐姐黎 我地一路食野一路睇姐姐整個蒸蛋 加左黑魚子既蒸蛋鹹鹹地 個底唔知係咩黎  然後姐姐開始整我地既鵝肝多士  鵝肝超大件 有我手指咁長^^   上枱既時候 仲會教我地點食 連塊包一齊咬 ~  不過女士應該會幾辛苦 啖啖都有鵝

為了個卡通炒飯，來到秋田品嚐鐵板燒, 價錢毫不便宜,今次有人請客，所以可以豪食!有位師父負責我們的鐡板燒, 十分有型，全程表演一樣，不停玩火，好精彩!鵝肝多士吸收了部分鵝肝油，兩者成了絕配，外脆內嫩，香口無比。活虎般的龍蝦始終敵不過廚師的魔掌，貼貼服服地被按在鐵板上，等著被煎皮拆骨。手起刀落，三兩數，已把蝦肉和蝦殼分離。牛扒吃起來相當嫩滑，愛夾著燒蒜片來吃，層次更細膩鮮甜香口的鮑魚，肉質爽而不韌，師傅把蒜蓉牛油的味道調得很好，又一佳作師傅用了超短時間，製作了hello kitty。吃得半飽後，來一場卡通表演，逗得大家哈哈大笑，的確有助消化

我們11人, 包括一個小朋友~ 都覺得好好食~我地一早訂左房(14人房), 叫左$9百幾蚊位果個餐~好豐富~ 有: 拖羅, 蒸蛋, 鮑魚, 龍蝦, 和牛, 鵝肝, 湯, 炒什菜, 炒飯, 雪糕及豆少餅.份量及味道都係唔錯既~好味~ 食鐵板燒,食材靚既, 一定好, 其次係睇師傅表演, 正~講幾樣啦~ 鵝肝好大件, 不過就唔係頂級貨, 因為唔係入口即溶~ 蒜片和牛粒, 夠香口, 牛肉味亦好香. 鮑魚片炒菌, 鮑魚好爽口. 雪糕同豆沙餅有驚喜.成晚最敗筆係個蝦頭麵豉湯, 超濃+咸....... 可能太多麵豉...... 或木魚精 >.<" 另外嗌左個蝦天婦羅比小朋友食, 佢食到唔停口(成碟食晒)...... 應該都好正 ^^嗌左3支sake~ 侍應哥哥推介, 幾好飲. $12XXX埋單. 好合理.一早訂既時候, 講左有人生日, order埋蛋糕.

難得一天早走, 食番個優閒午餐先回家吧. 走到天文台道, 本來想去柯士甸路, 出名的公廁上海餛飩店, 但中午時段, 實在太學生了, 想食得舒服一些, 決定去Knutsford Terrace 走一走.上到去, 簡直是另一個世界, 十室九空, 好耐無成日本午餐了, 就第一間吧. 有露天座位, 只有一檯客, 天氣不算太凍, 坐得十分舒適.Just copy from the Daily Set Lunch menu (Total 3 courses): - Price: $1181. Standard Accompaniments (Seasonal salad, miso soup, steamed rice, dessert or coffee), Choice2. Choice of one starter, my choice: Tri-Color seasonal sashimi3. Main course: Grilled Teriyaki US sirloin beef steak with garlic啤酒: Sapporo 細枝裝, 收$38/一枝, 有點兒貴.沙律, 一

秋田的鐵板燒很出名，大家都愛它們家慶祝生日、紀念日，可以炒飯畫公仔，寫祝福語呢！因有龍蝦、鮑魚及和牛等，動不動也要$800 一位，秋田諾士佛臺分店就提供Lunch Set，只是約百多元起跳，平日及周末都有。我已經食過好幾次，很喜歡它們的lunch Set, 非常抵食，款式又多，食材也绝不欺場。其實我晚市也在主店那邊食過，氣氛真的很好，很獨特的體驗，但價錢不是太親民。呢邊係新店，地點非常方便，位於尖沙咀的諾士佛臺。環境幽雅，午市人也不多，不過也建議訂位啦！约百元起的午餐，通常已包括餐湯、日式沙律、前菜、主菜及飲品或甜品。我們今次點了一個魚生拼盤set，及兩個豐盛一點的鐡板燒套餐，埋單共約五佰多元。秋田以鐡板燒起家，但此店賣點是多了新鮮魚生！日式沙律有沙律菜、粟米、青瓜、番茄等，當是健康前菜啦！魚生三點，我很喜歡，是我不能不選的前菜，不過不能選擇的，通常都有三文魚、甜蝦等。主菜都很大份，有時還跟飯或烏冬。刺身午餐內裡有三文魚、池魚、油甘魚、赤貝、牡丹蝦等，百多元的午餐有厚切魚生，新鮮度此質素，真的是一般連鎖日式壽司店沒得比的。介紹貴一點的鐡板燒套餐，约200元1位吧！已經有三文魚籽蒸蛋作前

一直想試的鐵板燒，當然吸引到我的是廚師用抄飯既材料來整公仔，真係好有心機先可以整到，仲可以比客人任影相，好開心呀但係個抄飯好油唔夠乾身龍蝦好新鮮，仲有火艷龍蝦頭，好好睇吖鵝肝多士，薄燒和牛，蒸蛋都好好味麵豉湯，抄雜菜都正呀