禾牛薈火煱館 (南角道)

營業中

休息中

天氣持續寒冷，決定今晚三五知己來九龍城共聚一鍋。先來選個鍋底“坑南鮮茄薯仔濃湯”，香氣撲鼻，來不及要先喝一口，味道不錯，十級䁔胃，鮮茄味十足，坑南沒有卡在牙逢間。推介！等候人齊時，最好點一下小吃，當晚點了酸薑溏心皮蛋，，女生們比較喜愛這道菜，讓人回味無窮。齊人便開始揀選火鍋配料及下單，這裡選擇甚多，朋友點了多款配料，豬、牛、雞、丸、菜心苗、油蜜菜、唐山菜...等等。 “脆炸響鈴卷” “炸魚皮” 鬆脆可口，不油不膩，點湯吃或是淨食也同樣美味。“雪花牛肉粒”  粒粒佈滿雪花，粒粒買相討好，牛有咬口，不過小孩牙齒未足夠把牛肉粒處理。“稻庭烏冬” 由於當晚有小孩出席，所以點來烏冬滿足孩子們的肚皮，烏冬入口彈牙，配上我們的蕃茄薯仔湯，個烏冬好美味啊。最後埋單，小二送上一碟糕點，可惜無影相。糕點不知什麼名堂，但有驚喜喎，晶凝通透的糕點是用椰子制成，內有椰絲，一條條的椰子絲啊。

今年冬天終於凍LA, 又到食火煱打邊邊時間芫茜馬蹄皮蛋湯$68足料，好香打邊爐係比較熱氣，所以特登選個皮芫茜皮蛋湯清下熱牛拼盤$168牛脷扣+牛胸爽+特紐雪花牛肉粒我認為係必叫必試之選,牛胸爽及牛脷扣平時在出面好少食咬落堅爽口，牛肉粒無筋易咬有牛味靚貨極品特級手切肥牛  $258/例"禾牛薈"的牛肉果然係冇得輸肉片紋理好靚，脂肪分佈平均稻庭烏冬$38 水晶粉$38打邊邊當然唔少得烏冬而水晶粉係待應推介比我想像中好食

天氣凍想打邊爐，見網民寫得呢間禾牛薈咁吸引，今次一行六人嚟試試。見到湯款好多選擇，真係唔知揀邊款，最後見有小朋友，叫了個坑腩鮮茄薯仔湯，湯底唔錯，足料、多坑腩，坑腩好淋。另外叫咗個刺身併盤，賣相吸引，刺身好新鮮，海膽鮮甜。火鍋料都好多選擇，見佢好多食物都係自家制，我地試了個手打黑白墨魚丸，好味彈牙。另叫咗個雲吞，內裏有帶子和蝦，大粒好食，另一款老友鬼鬼，朋友話淨食好脆好味，我就覺得放湯即撈，有D湯精華好味D。而極品特級肥牛同牛肉粒顏色鮮紅，脂肪均勻，完全無根。同佢自家制竹䉀水都好飲，服務很好，收拾很快。太多款式，一次食唔晒，下次會再試!

呢排咁凍，緊係去打邊爐啦，之前都聽朋友講話呢間啲火鍋料勁好味，所以今日約埋三五知己去左禾牛薈呢度打個邊爐選擇非常之多，湯底仲唔係非一般咁簡單，我地叫左個「寒天翅瓜滑雞煱」，仲當湯黎飲，𥚃面好足料。又叫左好多野食，有老友鬼鬼，炸響鈴，手切牛，牛肉粒，稻庭烏冬，魚皮。材料夠哂新鮮，牛肉嫩滑，煮一煮就食得~烏冬彈牙我覺得老友鬼鬼呢個好特別，店員教我地就咁食或者放落個火煱度浸一浸嚟食都可以！本身佢已經係熱，所以我就選擇左就咁食！啲蝦釀咗入油炸鬼上面，口感唔錯，但係我覺得個油炸鬼硬左少少~~~仲叫左好多既刺身，三文魚肥美又新鮮。甜蝦又鮮甜

冬天, 一班朋友出來聚會, 天寒地凍想搵地方打邊爐, 朋友一家大細住九龍城, 我地就就佢去九龍城搵野食啦朋友話就黎過年食好D啦, 就帶左我地黎左呢間禾牛薈, 佢話有和牛食, 仲有魚翅湯底, 魚翅湯底打邊爐就真係未試過, 佢咁誠意推介, 真係要試下...入到黎同某D茶餐廳一樣, 有波睇, 都唔錯...入到黎先叫左支竹庶茅根水, 打邊爐唔小得佢, 又幾足料, 好飲D和牛真係有D質素, 牛肉料和牛肉片都好靚, 入口即溶, 正最緊要個湯底啦, 叫做寒天翅瓜滑雞鍋, 上枱個賣相都幾靚, 當我地影完相之後, 有位哥哥仔服務員, 幫我地用鉸剪剪開入面舊冬瓜, 等我地易食D, 又幾服務周到喎...其實我地打邊爐好小叫丸類, 因為一般火煱店丸類都係好行貨, 所以今次叫左佢地幾款自家製手打丸, 彈牙同新鮮好多, 正...呢個糖心皮蛋又係必試, 幾好食佢地發覺唔夠喉, 叫左魚生翅身, 都幾新鮮, 但我主力都係火煱呢個餃, 入面有魚翅和黑松露, 幾得意總體來講, 幾滿足的一餐, 一班朋友開開心心, 試下D新野, 最好味個魚翅火煱湯底, 就咁個湯我都飲左2碗, 下次有機會會再黎幫襯

好不用易又團年，今年日子比較凍，所以一致揀咗打邊邊。既然是年尾飯，一於嚟九龍城食好啲啲。話晒今餐為團年而食，我哋未開爐之前決定豪一豪，叫咗個大刺身拼盤，堅大個，入面有海蛋、帶子、三文魚腩、油甘魚等等。。。見到都漏口水。禾牛薈之前有聽朋友介紹過，佢哋嘅鍋底有翅食。寒天翅瓜滑雞鍋絕對推介，都有幾多翅嫁，唔會肉肉酸酸貓毛三四條，總之人人分到翅。咁啲雞呢？唔洗驚，雞都好足料，中國人話齋，大時大節必食雞，所以個鍋有雞都好重要嫁！我哋仲叫咗老友鬼鬼，係油炸鬼嘅制成品，有魚肉係入面。仲食咗松葉蟹皇包、黑松露魚肚包，新派菜色，都盞鬼，但又不是非食不可。有個叫水晶包，呢個可一試，奶皇味好食到再來一客。另外極品特級手切肥牛、手打墨魚丸、自家制餃子都好好味。首先肥牛是打邊邊佳品必點，薄薄的肥牛肉配上魚翅底。墨魚丸是手打，值得一食。最後昰自家制餃子，確係自家，絕非一般超市餃。餐廳食飽飽後送上椰子味甜品，唔知係米枱枱都有，清新好食，為晚餐畫上句號。

今日同幾位姊妹去左九龍城食火煱！本來唸住都係個啲好普通嘅大邊爐，點不知一坐底見到張order 紙發現原來咁多野食！我地幾個因為第1次食， 知道佢地最出名係牛，所以都叫左好多牛黎食！係呢度真係要同大家俾足一百分力度推介：「至尊本地招牌手切肥牛」，正都無朋友，我好多時都會去一啲連鎖式火鍋店食火煱，啲牛一般，志在同D朋友仔傾吓計，但呢間嘅手切牛肉，另我order 左三次，因為真係好好味！好多汁因為幾個女仔食，除左牛肉之外仲叫左小小丸同菜！真係好滿足，好多質呀！後記：同埋啲職員佢地都好細心，好有service ，畢竟第一次去食，我地問嘢問得多咗啲，😛職員都唔覺得我地煩

前幾日因為有朋友仔生日，而佢又係住喺九龍城附近，所以我哋就決定去咗九龍城食飯。我哋有四個人..又想搵一個地方可以舒舒服服傾吓計食得耐少少，最好不過就係去打邊爐啦。而且九龍城呢間禾牛薈仲可以訂房坐..雖然我地唔算多人..但佢都比左間細房我地..房入面仲有電視睇，啱哂我地！其實今次已經係我第二次去度打邊爐，至講服務係唔錯既，侍應生好有禮貌..縱然我哋成日多多要求要拎呢樣拎果樣..佢都冇反白眼..哈哈！野食方面都有質素既..當然就唔會係話好平啦。下面就係個menu喇～當晚我哋係冇食到刺身嘅。點左兩款不同既肥牛第一款係好食既..第二款就有少少銀...不過呢啲都好個人既。另多仲有點呢個象拔蚌同埋花膠..象拔蚌非常爽口，值得推介！其實其他食物都唔錯既..不過普普通通平時打邊爐都有啦，所以我覺得都冇需特別介紹。整體黎講..唔介意價錢貴少少..呢間係唔錯既選擇！

禾牛薈火煱館於早前曾經去過尖沙咀分店食火煱食材新鮮，鮮味令我回味至今今日去到九龍城分店 原來e間有蒸氣火煱食蒸氣火鍋8人套餐$2988加埋一，其實每人都要$4XX,看似係貴, 但食完整餐飯,你會明白咩叫貴得有價值首先A-P中，16樣食物有10樣係海鮮佢既海鮮絕對唔係雪藏貨, 件件都係新鮮靚料除左海鮮, 仲有牛肉粒, 豬腳筋豬柳條, 雞件簡直係物有所值 非常細心每樣食物都會有牌仔提示蒸煮時間唔怕蒸得太熟影響口感條多寶魚厚肉嫩滑仲非常大條哦肉蟹 (2隻)肉蟹夠大隻，蟹肉豐滿、爽滑鲜甜蕃薯蜆 (8隻)番薯蜆又大隻又肥，而肉也似番薯，黃色的而且較厚較大，用蒸既方法烹調，不用調味已很甜。鮑魚及海中蝦食落都係彈牙, 有鮮味除海鮮出色,禾牛薈牛肉都非常出名, 雪花牛肉粒,牛肉粒脂肪紋真係好靚,分佈得好平均易咬冇根, 仲保留到肉汁

這晚又來到交通不太方便的九龍城搵食素知九龍城出名多好吃的餐廳，雖然交通不便，依然有人慕名而來。(例如我)在眾多湯底中揀了胡椒豬骨煲，一上枱已經看到真材實料，整個煲滿滿都是料，想灼片肥牛都沒空間唯有一人先解決一件大豬骨，空出位置來下料。是日精選，法國生蠔，hkd15/隻還是那句，雖然我不是特別喜愛食蠔，但這蠔沒有嚴重腥味而我可以吞下去我覺得非常好！朋友想再encore已經沽清，手快有手慢無！自家製響鈴，非常之脆口，而且一點也不油膩平時都有食過好油淋淋的響鈴，那些都要放在湯中浸一浸去油，今次這個不浸直接食都無問題鴨血糕豬紅吃很多，鴨血糕我是第一次食。口感有少少軟，但完全不會一夾就爛，好值得encore3色水晶包分別有芋頭，奶黃同叉燒！我食到的是芋頭，而且還有芋頭粒粒，好香奶黃沒我份，但朋友說味道都幾好安格斯雪花牛頸脊要舉雪花分佈好平均好漂亮灼一灼，完全不會韌，嫰口到不得了值得encore 2號首尾呼應一下，雖然真是交通不方便，但下次依然會為了吃而來

有親戚黎左香港，話想食啲比較特色嘅嘢，想同內地有啲唔同。咁我都明嘅，成日喺內地食，嚟到香港咁梗係想食啲其他款式嘅嘢啦。但係另一個角度就係就算同一間餐廳，同一樣食物，香港同埋內地嘅分別都可以好大架。今次我就帶佢哋嚟試吓香港嘅火鍋，雖然內地都會有火鍋，但係我要話俾拒聽香港嘅火鍋有幾正。佢又食辣，我又食，咁梗係揀番個麻辣湯底啦個麻辣鍋，一放落黎嘅時候嗰陣強烈嘅麻辣味道已經令我個親戚覺得好震驚，甘香嘅？又夠麻又夠辣，同內地只有層油嗰d爭好遠。配料中的牛雜都係正，起碼食得出邊個部位打邊一個部位，每一個部位都係非常之大件，唔似內地嗰啲牛雜，剪到碎晒都唔知自己食緊啲乜。仲有啲特色野，好似呢個水晶包咁樣，見都未見過。入邊仲有包芋頭，奶王同埋叉燒，幾個口味好特別。超好嘅牛，肥瘦剛好，入口味濃。仲有自家製嘅水餃，大大隻，好足料。食完呢餐之後，表弟同我講，點解同一樣嘢真係爭好遠，真係香港好，大陸比錢都未必食到甘嘅質素。

說過很多遍，筆者一年四季都可以吃火鍋，今個星期就已打了兩次邊邊，快活過神仙。 是晚選去禾牛薈，當然不是第一次惠顧呢個品牌，九龍城與尖沙咀店，我也到訪過好幾次。 或許是平日，更可能是仍有人覺得夏天不應打邊爐，所以是晚店子未見太旺場。 做好打邊邊指定動作「混醬」後，湯底也馬上要端上來。有人喜歡辣，也有人吃不了太辣，來個鴛鴦湯底就至好。四川麻辣與什菌鍋是也。麻辣鍋香氣撲鼻，稱不上很辣，卻滲出麻香。清清的什菌鍋也來得不俗。 香港人打邊爐唔可以無牛，尤其在座不乏牛魔王，前後來了兩份牛肉。牛頸脊多一點雪花，肉質比較嫩滑，忍不住一片又一片吃下去。另一碟是本地牛，瘦一點，但牛味更出眾，兩者各有捧場客，我就兩碟都中意。 以為兩碟牛就可以滿足到牛魔王？那就錯了，再來多份牛柳粒就差唔多。質素很高的出品，油份足，即使淥很久也不會變韌，又吃了不少。 喜見這裡有牛雜供應，眾牛魔自然開心，我還是首次以牛雜作火鍋配料。牛雜要燙耐啲，至少二十分鐘才行。牛腸甘香，牛肺豐腴，牛肚爽脆，配上麻辣湯底，更加適合。 獅子狗打邊爐，從來不錯。再加入埋芝士的獅子狗，自當更加吸引，但吃時要小心燙口。 有別於一般蝦丸，因這蝦丸內有乾坤

上次食完尖沙咀分店之後，公司同事又喺度叫話打邊爐啊，我梗係極力推薦啦，為咗方便大肚嘅朋友仔，我哋轉移到九龍城分店。為什麼會這麼牛。打邊爐點少得食牛，但係今次我地由牛食到都係牛。其實呢度嘅湯底又真係無得輸，新出左兩三種嘅湯底都係有滋補又好味，今次朋友要挑戰麻辣，麻辣湯底又香又惹味，最重要嘅係唔會好似某啲餐廳咁樣，成個湯底都係油。但係又唔會輸蝕味道。湯底裏面附有鴨血，好香又夠滑。前菜朋友挑戰嘅係獅hum ~ 我挑戰左一粒咁大把，未到同平時食嘅潮洲版有啲分別，醬汁有少少似鮮露，能夠帶出鮮味而不會腥。先來嘅係頂級牛肩脊，牛味突出，口感和脂肪溶化的過程係一流嘅。而且厚度剛剛好！正！第二個上場嘅牛係牛什，牛休勁大碟，牛蒡牛腸牛肺牛肚樣樣齊，最重要係乾淨，而且夠清潔。實在二想唔到幾個女仔竟然會食啲咁"佬"嘅嘢。不過做自己又有咩所謂。同麻辣湯底10分匹配。滿足呢一眾牛魔王嘅慾望。仲未挑戰完咖。估唔到幾個女仔仲要再挑戰牛骨髓，每條牛骨髓都肥嘟嘟白雪雪。食食下，我先醒起問職員有冇生蠔食，記得上次喺尖沙咀食生蠔食到爽$15 隻法國蠔即叫即開，好彩呢度都有架。而且仲有兩種俾我哋選擇，今次食咗綠寶石。肥味新鮮，

香港人不分寒暑、無論什麼季節，均十分享受火鍋之樂，這已是不爭的常態！當晚老公和我跟幾位朋友恰巧式演著許多經典中的經典之香港人，只因在三十多度的悶焗天氣，大家反而興致㪍教地去嚐火鍋！ 其次是我們選擇了富有香港味道的九龍城！九龍城火鍋店眾多，不過作為地道香港人都會了解到，九龍城的火鍋店多以務實招來，沒有豪華裝潢，但食物卻來得有水準。這晚友人挑選了「禾牛薈」，店面不大，設有卡座，四至六人的中型檯佔大多數。 法國生蠔 通常到火鍋店，個人習慣都是直接嚐火鍋，不過友人是熟客，由她發辦之下，生蠔、刺身、餐前小食等盡出，令火鍋的前奏變得多姿多彩！ 法國生蠔清爽中帶 Creamy，配上小許檸檬汁已不錯，每隻才 HK$15，特價優惠，抵吃之選！ 刺身拼盤 （小） 刺身拼盤甚為精美，尤其是左手邊的魚冰雕，還亮著燈的！ 刺身拼盤 （小） 刺身拼盤不單備有常見的三文魚、帶子、甜蝦、海膽、油甘魚，與別不同的是泰式生蝦，對於泰癡的我，它當然成為我的焦點！ 家鄉醃螄蚶 螄蚶粉絲必吃的餐前小食，非家鄉醃螄蚶莫屬！全生的製作，經醃製後鹹鮮風味盡出，當晚螄蚶雖然比較細小，但席上的螄蚶粉，不消一會便把它消滅了！ 秘製涼拌海蜇

人哋話夏天唔好打邊爐，因為好熱，會無唒心情。但係個人就真係好衰，最鍾意就係夏天打邊爐，冬天食雪糕。甘先過引架麻！雖然熱，但都要去打邊爐，仲要係食麻煩火鍋果隻，咁先夠正架嘛！呢度嘅麻辣火鍋都幾正，叫左小辣都好夠激激，未食已經問到陣味好正，我最鍾意就係入邊嘅鴨血，吸收晒所有麻辣嘅味道，更加正。未開始打邊爐之前，就食下啲刺身refresh 一下自己先。講到最refresh 到嘅當然係生蠔。呢度嘅生蠔有兩種選擇，一種就係寶石生蠔，第二隻就係法國嘅黃金生蠔。我地就揀咗法國嘅黃金刪號佢啲肉雖然冇咁飽滿，但係非常之新鮮，口感非常之滑。一隻？兩隻？起碼食夠一打。仲有個螄蚶，作為冷盤我就最鍾意，啲老人家話夠補血啊，食得到嘅可以食多幾隻。呢度嘅配料選擇都好多，必要嘅當然有手切肥牛。呢度除咗有片裝之外，仲會有一粒粒嘅牛肉粒牛肉片更加會有口緊去中間會有更多嘅牛肉汁爆出嚟。呢度仲有自家製包嘅餃子，有韭菜味同埋鮮蝦味，每一隻餃子都係大大隻，咬落去啲餡非常之飽滿，好足料。仲有不得不提嘅就係呢度嘅牛雜，好少地方會有牛雜可以食，呢度嘅牛雜，除咗有牛肚，牛腸之外仲會有好難得見到嘅牛磅。食物不一定要貴，吃的不一定要高級，就