禾牛薈火煱館 (南角道) (已結業)

有親戚黎左香港，話想食啲比較特色嘅嘢，想同內地有啲唔同。咁我都明嘅，成日喺內地食，嚟到香港咁梗係想食啲其他款式嘅嘢啦。但係另一個角度就係就算同一間餐廳，同一樣食物，香港同埋內地嘅分別都可以好大架。今次我就帶佢哋嚟試吓香港嘅火鍋，雖然內地都會有火鍋，但係我要話俾拒聽香港嘅火鍋有幾正。佢又食辣，我又食，咁梗係揀番個麻辣湯底啦個麻辣鍋，一放落黎嘅時候嗰陣強烈嘅麻辣味道已經令我個親戚覺得好震驚，甘香嘅？又夠麻又夠辣，同內地只有層油嗰d爭好遠。配料中的牛雜都係正，起碼食得出邊個部位打邊一個部位，每一個部位都係非常之大件，唔似內地嗰啲牛雜，剪到碎晒都唔知自己食緊啲乜。仲有啲特色野，好似呢個水晶包咁樣，見都未見過。入邊仲有包芋頭，奶王同埋叉燒，幾個口味好特別。超好嘅牛，肥瘦剛好，入口味濃。仲有自家製嘅水餃，大大隻，好足料。食完呢餐之後，表弟同我講，點解同一樣嘢真係爭好遠，真係香港好，大陸比錢都未必食到甘嘅質素。