禪

營業中

休息中

平日放假真舒服，同朋友悠悠閒閒四圍遊，見到呢間新開嘅店舖掛咗好多日式燈籠，感覺真係好禪，又見到有下午茶添🤩，於是入去試下😋。🍵下午茶時段14：30至17：30🍵🍲 吉列大蝦白咖哩烏冬 $118面頭鋪滿忌廉薯蓉，滑溜香甜，下面隱藏著濃郁辛甘嘅咖哩湯汁以及煙韌Q彈嘅烏冬，將兩層混合起來，湯汁濃郁不在話下，咖喱嘅味道更為細膩突出；四隻炸蝦熱辣香脆，無論沾湯汁或沙律醬一齊食，都咁正😋。大盛自配定食主食三揀一，我哋揀咗：🍲自家製蕃茄烏冬$88濃郁而鮮甜嘅蕃茄湯底，好似放咗好多蕃茄落去熬製，口感creamy，Q彈嘅烏冬同蕃茄湯底當然係絕配。餸方面有好多選擇，我哋揀咗：🍗南蠻炸雞3件$24及🥚月見蛋黃$10，南蠻炸雞香脆熱辣，脆漿內包裹著juicy嫩滑嘅炸雞，沾少少濃香蛋黃一齊食，減低熱氣之餘仲可以增添風味及口感。🧇大王士多啤梨窩夫$118色彩繽紛，有黑莓、士多啤梨及食用花，另外仲有啲酸酸甜甜嘅士多啤梨果醬；熱辣香脆嘅窩夫配合甜甜地嘅士多啤梨忌廉醬一齊食，再襯埋個咖啡一齊飲，絕配。跟餐包咗$42以下飲品或 味噌湯。☕️Flat White$42咖啡味濃香帶淡淡嘅奶香，奶泡綿滑，配合窩夫一齊食，不錯。☕️

𝖳𝖾𝗋𝖺旗下品牌全新登陸喺新城市廣場喇 一樣以精緻嘅日扇木系裝潢 整體環境舒適食物方面一樣人氣由法國藍帶廚師主理價錢好親民 佢哋呢間店主打白咖哩烏冬濃厚咖哩滋味加上有如慕斯般嘅奶油口咖喱醬汁入面仲有清新嘅南瓜 食落感覺唔會太膩另外試咗美國安格斯牛丼 見到橙黃色嘅蛋已經按捺不住🤤牛肉熟嘅程度剛剛好唔會太韌 一口牛加一口燒肉汁嘅飯簡直係停唔到口～有別於其他分店 佢哋主打係刨冰 今次試咗水蜜桃口味刨冰上面有奶蓋 入口軟綿綿食落入邊仲有粒粒嘅水蜜桃🍑咁熱嘅天氣食完簡直係透心涼🤩𝑰𝒈: 𝒑𝒎𝒎𝟒𝒍𝒂𝒎

最近TERA係沙田新城市開左新店，同樣由法國藍帶廚師主理，主打特色日本料理。餐廳裝修以日式木系風為主，簡約舒適。.🍜白咖哩烏冬 配 吉列大蝦4隻 $128雪白軟綿的奶油慕斯，用馬鈴薯泥和新鮮奶油製成，與下層香濃惹味的咖哩烏冬混合後，入口更順滑富奶香，十分有驚喜。 吉列大蝦好大隻，口感香脆，入面彈牙鮮美。.🐷豚肉生薑燒 $118豚肉份量不少，而且肥瘦適中，肉味濃郁，與洋蔥加特製燒汁炒香後更美味，下飯一流，忍不住一口接一口。.🍧招牌抹茶刨冰 $108刨冰用上日本十大名水白川水源製作，份量十足，口感綿密，配上極尚抹茶醬、芝士奶蓋十分美味，茶味濃郁甘香之外，帶點咸香，入面更有紅豆和白玉，口感層次豐富，感覺清新，最適合炎炎夏日。

落車經過，又係新開，見到有個叫做白咖喱烏冬，睇個樣有幾得意，又唔知咩嚟，加上又想食個刨冰，（竟然有我最愛嘅刨冰，正）咁咪入去試吓囉。我自己就叫咗個吉列豬鞍，冇諗過個豬安大過塊乒乓波板咁滯，笑死。。。個豬鞍外脆內軟，又多肉汁。白咖喱烏冬，上面嗰層係一層薯蓉，加埋食埋嘅烏冬，係非常之滑。成個好有驚喜。而我朋友叫咗個美國安格斯牛肉月見丼，牛肉係一啲都唔韌，又唔會太生，連埋隻蛋一齊撈飯食，係每一啖都充滿層次感，香味可以留喺個口腔裏面，份量係啱啱好最後叫咗我最鍾意嘅抹茶刨冰，刨冰入口軟綿綿，充滿抹茶味，唔會太澀，亦都唔會太甜，做到好有日本宇治某名牌店嘅效果，每一層都有唔同配料，加埋非常有口感。原來佢都仲有其他甜品，可以下次試吓