禪

營業中

休息中

最近終於有時間同閨蜜去 【襌 ZEN by Tera】試吓佢哋嘅假日二人餐，真係一試難忘！由頭盤到甜品，每一道菜都充滿驚喜，絕對係一場味蕾嘅禪意之旅。 頭盤：三文魚籽子蟹籽沙律🥗沙律菜新鮮爽脆，三文魚籽同蟹籽爆開嘅鮮味，配上微酸嘅醬汁，非常開胃！作為一餐嘅開始，呢道沙律絕對係完美嘅序幕。輕食：手羽先🍗手羽先即係雞翼，外皮炸得香脆，內裡肉質嫩滑多汁，醃料入味，令人食唔停口！美國安格斯牛肉月見蛋丼 🍚安格斯牛肉嘅肉質軟嫩，油脂分布均勻，配上蛋黃嘅香滑，撈埋飯一齊食，簡直係人間美味！每一啖都充滿幸福感，絕對係肉食愛好者嘅福音。吉列豬鞍自家製蕃茄湯烏冬🍜吉列豬鞍外皮酥脆，肉質厚實，配上酸甜開胃嘅自家製蕃茄湯，烏冬彈牙有嚼勁，整體搭配非常和諧，令人食到舔舔脷！甜品：軟雪糕配紅豆+小丸子🍦軟雪糕口感幼滑，奶香濃郁，配上香甜嘅紅豆，甜而不膩，小丸子又.煙煙靭靭。甜品：山梨縣白桃刨冰🍧呢款刨冰絕對係今餐嘅亮點！山梨縣白桃清甜多汁，荔枝椰果增添口感，海鹽芝士奶蓋鹹甜交織，層次豐富，令人一試難忘！