福岡漢堡扒 (鴻威大廈) (已結業)

人氣過江龍石燒漢堡扒專門店「福岡漢堡扒」除了尖沙咀厚福街店外，旺角都有分店了！原來該店已在韓國有30間分店，絕對非一般的韓燒！已預熱的鐵板上擺放著一顆⾼達約380 度熱⽯，將預先球體形狀的生肉取一小部份（圖3-step1)放在熱石上、用鏟仔的平面部份輕輕按壓成扒狀態，記得唔好用鏟頭會變成炒牛肉，要盡量保持住一塊扒的形狀，有需要可用匙羹幫手，然後三秒（個人覺得可以煎內少少先）翻一翻，自己控制生熟度！另外和牛旁有半熟蛋漿，可以伴漢堡扒一起食用有得食又有得玩！漢堡扒餐包含主菜漢堡扒、白飯一碗、沙律、麵䜴湯、配菜（韓國醬汁、泡菜和鹽巴）漢堡扒分為大中細size: S130g, M160g, L190g，可以按自己需要選擇份量，我自己細就足夠。另外熱石難免會降溫，當吃得差不多的時候店員會替你更換一粒新的石。店員小心翼翼地替換，但大家也不忘要注意安全喔！🍚菠蘿煙肉和牛漢堡扒 (細) $126和牛波波上有幾片煙肉，又有幾粒菠蘿，酸酸地開胃！🍚芝士蛋和牛漢堡扒 (細)$112雪花芝士，有了芝士世界更美好！芝士的咸香味在熱石煎熟的烹調方式發揮得淋漓盡致，除了拉絲外，將芝士加入在外層煎香脆好好味！🍹百香果

〰️二人套餐 （$355）二人套餐都有好幾款，最後揀咗ver2，包一個中size嘅墨西哥辣椒和牛漢堡扒、芝士蛋蒜和牛漢堡扒、和牛乒乒乓拌飯同兩罐裝嘢飲。每個座位都設有一個小通風管，剷漢堡扒之後平舗上熱石。煎嘅時間會影響漢堡扒嘅口感，可以自行控制香脆度。和牛味道香濃，配上墨西哥辣椒後味道層次變得更豐富，微微嘅辣味更加可以醒胃。另一個漢堡扒，就帶有濃郁嘅蒜香味。芝士份量唔會太多，所以食完唔會話好漏。黑松露薯條足半磅，醬大大兜唔使就住就住點，大滿足！拌飯勁大碗，兩個人都食唔晒。和牛粒炒過，油香味更出。〰️蜂蜜紅棗茶 （$10）〰️金橘檸檬特飲 （$18）〰️〰️📍 福岡漢堡扒 (旺角)旺角花園街3-5號鴻威大廈地下7號舖

新興的韓國石燒和牛漢堡扒，在旺角開了分店，今日終於同朋友到來一試。室內裝修簡潔，令客人坐得好舒服！而每一個座位枱面都有一個小小的抽氣銅管，感覺十分新穎！我同朋友叫咗個兩人套餐（ver 4) 都係$366，非常抵食！套餐包括：-菠蘿煙肉和牛漢堡扒-芝士蛋蒜和牛漢堡扒-芝士泡豚丼飯-特飲（加$10）另外加$38仲可以有特製小食，我們選了足半磅黑松露醬薯條！📍和牛漢堡扒我第一次食這些韓式鐵板黃牛漢堡扒，感得十分新奇興奮，來自澳洲一個圓波波形狀的和牛漢堡扒非常吸睛！先從和牛波波取一小部份的和牛放在三百度的鐵板上燒，一放落去咋咋聲啲已經聞到很香的肉味，只要每邊燒幾秒，再反覆動作，即可以熱辣辣的放入口中，隨套餐奉上燒汁、海鹽等調味，食落去入口即溶，有和牛的油甘香味！真是十分味美！而旁邊的芝士蛋蒜亦都比想像中香口惹味！而朋友的菠蘿煙肉亦都感覺清新。📍芝士泡豚丼飯隨套餐的這個丼飯亦都絕不遜色，泡菜的酸辣味加上芝士，以及一片片薄薄的豚肉，要來送漢堡扒，實在絕配！📍百香果特飲，蜂蜜柚子茶特飲方面，我們加錢選了百香果特飲，大大杯的非常清甜解渴，酸酸甜甜的配襯熱辣辣的漢堡扒，消除油膩感覺，實在選得不錯！而蜂蜜

這間人氣餐廳人氣仍然不減，由尖沙咀來到旺角分店，仍然大排長龍，深受大家歡迎！這間餐廳用上鐵板上，上枱時牛肉還是生的，由你用附有既小石頭自己烹調，有得食又有得玩！二人套餐(ver. 4) ，這個套餐有2份不同味道的漢堡扒、1個丼飯和2個罐飲品，另外亦有每人一個面豉湯和沙律菜！菠蘿煙肉和牛漢堡扒 ，漢堡扒肉上面有芝士碎、蔥花，燒肉的時候加入芝士碎一齊燒，肉扒入面就可以有芝士拉絲的效果！燒的時候每3秒就反一反，那就不怕肉會黏著石頭！大概煎1分鐘到就能夠煮熟及有脆邊的效果！菠蘿鮮甜，煙肉咸香！芝士蛋蒜和牛漢堡扒，我們還加了墨西哥辣椒，燒肉的時候再加上，肉扒就帶有辣辣地，非常刺激味蕾！再加上蒜片一齊食，味道更惹味！芝士泡豚丼飯，丼飯的份量足夠2個人食，份量超多，入面有大量泡菜和豚肉片，加上拉絲的芝士，咸香得黎又酸酸辣辣，味道豐富！飲品可以加$18轉做特飲！金橘檸檬特飲，味道酸酸甜甜，加上梳打，飲落透心涼！蜂蜜柚子茶，點了熱柚子茶，食完熱辣辣又脆口的東西，飲返杯舒緩熱氣的感覺，喉嚨舒服！足半磅薯條，套餐加$38就可以有小食！薯條的份量都好多，雖然是幼薯條，但是都好脆口又軟綿，點上黑松露醬，味道更正

福岡漢堡扒聽個名以為係日本嚟原來係韓國過江龍人氣店唔怪得用咗好多泡菜入饌除咗前菜小食有泡菜仲有芝士泡菜豚肉丼飽滿的米粒上鋪滿了泡菜和豚肉片加上半溶芝士 辛辣芝味無窮圓轆轆嘅漢堡扒自己燒先切開一小份 按平燒係石燒上⽤100%澳洲和⽜造成的漢堡扒即時油香四溢隔離支槍即刻吸走晒啲油和油煙油煙拜拜～燒幾秒後兩邊脆脆地就可以食入口鬆軟多汁 肉味香濃漢堡扒可以配搭唔同口味嘅蛋有菠蘿煙肉和芝士蛋蒜片前者充滿夏威夷風味後者又香脆蒜片

又有得食又有得玩🤩 講緊既就係呢間來自韓國開到來香港既福岡漢堡扒！呢度既漢堡扒特別在除左係鐵板上，餐廳提供既漢堡扒本身係生，會係一大原球在鐵板上，然後要你自己放上去熱石度燒! 而每個位都會有個風口吸走油煙，唔怕太熱會出汗~ 咁過癮咁好玩，叫返個二人餐，我地一人一個漢堡扒玩下燒下唔駛爭😜.呢度既二人餐都有5款，我地既二人餐包括以下:🥘芝士蛋蒜和牛漢堡扒 x 2🍱月見味噌牛丼飯🥤罐裝飲品 x 2我地另外仲叫左1款小食 - 原味炸雞!.先講講漢堡扒，可以揀走芝士/蒜或其他自選，方便唔同人士! 漢堡扒餐來到之後，本身枱面既紙都會有示範煮法，而店員都會好貼心咁詳細介紹同示範，然後我地就開始玩啦! 一大原球既漢堡扒好得意😍 鐵板上有大量既蛋同芝士蒜蓉，我就先取一小攝漢堡扒肉，放上熱石燒，煎3秒就要反去另一邊燒3秒，每3秒就轉，好快就食得! 撈埋蛋同芝士食好惹味!.月見味噌牛丼飯好大碗好足料😱 D牛肉多到瀉出來咁，仲有金菇同雜菇，中間有個生雞蛋，撈勻來食，簡單既美味!! 牛肉好juicy，成碗係好好味! 原味炸雞都有幾多件下，件件都大大件👍🏻 外脆內軟，好香好滑! 我地轉左2杯特飲 - 西柚特飲同金

之前去尖沙嘴嗰間長期都好多人排隊，好難試到，最近見旺角新開張，人龍少好多就試下。有得自製漢堡扒，睇落好簡單，原來都有啲技巧😂技巧係最好切開4-6份，細細件煎同埋反得密啲避免煎燶，煎第一塊係最難，唔好壓咁大力，1-2秒就反下，之後開始多油就好易煎。二人套餐好豐富，多到3個人share都夠，兩隻唔同味和牛漢堡扒分別唔算好大，菠蘿煙肉就fresh啲；芝士蛋蒜就惹味啲。個飯多到食極都食唔曬，泡菜唔係好辣，豚肉唔會太肥，份量好多，米係珍珠米低估左啲份量，仲追加左份薯條，又係超級多！！食極都食唔曬，黑松露醬好好味，creamy香濃黑松露味。

呢間見過不少IG POST 出現過，一直都好麓試，得知旺角有新店。今日與久違的朋友相聚，決定一於去試試。餐廳主打是石燒和牛漢堡，選用100%澳洲和牛。原來這一間來自韓國的，之前仲以為是來自日本。哈哈餐廳以木系裝潢。每張枱有一個獨立抽油煙的系統和牛的份量，仲可以揀大中細， 可以按照自己的食量，不會浪費。原來一個餐還包有沙律菜、湯和飯。職員知我地第一次黎食，為我地細心講解。把吸氣和石頭的位置對準把適量的漢堡扒放在石上，然後每隔3秒迅速返一下。石頭的最高溫可達400度，所以真係要小心。除去石頭上嘅食物和焦，再把牛肉放上面。需更換石頭時請店叫店員，但基本上我地唔需要叫店員，店員會自動自覺地過黎換。和牛漢堡可以加上不同的配料，不同的配搭有著不同的味道。1.芝士蛋蒜和牛漢堡扒（ L $138)蒜香味濃，配上和牛、芝士和蛋簡直一流。有得食又有得玩，過隱2.菠蘿煙肉和牛漢堡扒（L $138)喜歡清新一點，可以叫菠蘿煙肉，是最佳配搭，可以減低油膩感。非常好送飯3.韓式甜辣炸雞（$48）小食我們選了韓式甜辣炸雞。雞肉多汁嫩滑，醬汁非常有韓國的味度，甜甜辣辣地，會不自覺想一口接一口。4.西柚特飲（$39）勁

去左旺角呢間韓國餐廳，餐廳裝修新穎，乾淨企理，最重要當然係啲食物，所有食物包括飲品嘅質素都好高質芝士蛋蒜和牛漢堡扒漢堡扒要放喺石上面燒，夠石好夠熱，燒5至7秒就已經熟，熟度自己控制，我自己鍾意燒到外皮嗰層脆脆地，放入口，和牛味超香超好食，肉質好Juicy，好食到唔捨得吞落口！！漢堡扒下面都鋪咗一層芝士蛋，份量好多，我最鍾意食芝士，一大享受。值得一提嘅係，餐廳設計好好，每張枱上面都有獨立嘅抽油煙機，絕對唔會食完之後成身油煙味芝士泡豚丼飯用料一啲都唔吝嗇，芝士多到可以拉絲，泡菜唔會太辣，適合香港人口味，豚肉好香，無雪味兩個人食到攬住個肚，大推呢間餐廳

韓國過江龍💥福岡漢堡扒🐮和牛漢堡扒專門店係旺角原來開左新分店，主打自助燒和牛肉扒，搓成球狀嘅漢堡扒球，由客人在300度嘅熱石上燒😄🍍燒菠蘿煙肉和牛漢堡扒 💰1️⃣2️⃣6️⃣一共有6款口味，仲有3款size和牛漢堡選擇（130g, 160g,190g)我食咗最豐富嘅口味，有拉絲芝士、蛋、煙肉同juicy嘅菠蘿，動手煎和牛，用個剷仔將部份免治牛肉放上熱石，再壓一壓佢，兩邊煎3秒左右重覆3、4次就食得🧄芝士蛋蒜和牛漢堡扒 💰1️⃣1️⃣9️⃣漢堡扒均配飯、麵豉湯、泡菜鐵板上有雞蛋、芝士同蒜片，和牛漢扒牛肉味濃又多汁，連埋香脆蒜片乾，每個餐桌位都有通風口位置，油煙會馬上被抽走，店員好細心留意熱石嘅熱度，主動幫我哋更換👍韓式甜辣炸雞 💰4️⃣8️⃣甜甜辣辣好惹味，超多醬汁包住細細件嘅炸雞百香果特飲 💰3️⃣9️⃣超超超級大杯，一隻手要拎實好有難度😂🎈福岡漢堡扒🎈旺角花園街3-5號鴻威大廈地下7號舖

呢排天氣有啲凍凍地 小編好想食啲熱辣辣嘅野 其實之前經過呢間餐廳已經好想試 因為佢地個漢堡波波好得意 仲可以用佢地個熱石板燒 有得玩又有得食😂 除咗單點 仲有多款二人👫🏻套餐可以選擇 我哋就揀咗情侶套餐 ($366)芝士蛋蒜和牛漢堡扒🧀🍳🐮（中）上枱已經聞到好香蒜片味 鐵板會附上一個小剷仔 方便係熱石上面小 其實放上去大概10秒左右就已經食得 冇技巧可言 餐廳員工仲會定期望下你個熱石 如果太油或者太燶 會主動過嚟幫你換個新 服務一流 味道方面原來芝士同蒜片都幾夾😋菠蘿煙肉和牛漢堡扒🍍🥓🐮（中）菠蘿煙肉和牛漢堡扒呢個組合真係第一次見 啖啖肉嘅漢堡扒配埋多汁嘅菠蘿 除咗多咗分清新感覺仲可以解膩芝士泡豚丼飯 🧀🐷呢個簡直係小編至愛❤️ 因為有泡菜 而餐廳嘅泡菜唔會好酸 剛剛好 加埋芝士同豚肉 咸咸辣辣🌶 呢個組合無得輸🤙🏻蜂蜜生薑茶, 蜂蜜柚子茶 (各加$10) 🐝🍯天氣當然要飲番d養生野潤一潤口 呢2杯飲品就最啱小編呢d老人家 雖然蜂蜜但唔會勁甜 食完熱氣野就最啱🤗

呢間位於旺角頭油街附近漢堡扒主打係和牛漢堡扒，二人餐好抵食我地叫一人一個芝士蛋蒜香和牛漢堡扒，芝士份量同蛋响石板上燒熱，漢堡扒餐仲配埋泡菜同埋點牛肉既醬汁，店員會教我地用將適量既牛肉放响石燒既石頭上面燒熱每隔三秒就反一反甘煮法就好快可以食得，而且石頭燒到差唔多唔夠熱職員會幫客人換過另一塊石頭飲品推介巨峰提子梳打，唔會好甜又大杯。炸芝士薯條芝士醬超香濃，仲有一碗好大碗既月見牛肉飯加埋蛋混合飯一齊食，牛肉好多片佈滿成碗飯。

前排黎呢頭食嘢 已經比呢一間漢堡扒吸引仲企咗喺度一陣 睇住佢嘅電視介紹嘅漢堡扒雖然個名係福岡 估唔到原來係韓國嘢！真。和牛 漢堡扒坐低見到每張枱都有支抽油煙機管即使每台都食鐵板都唔會污煙漳氣兩個人最好就梗係食個二人套餐啦五款套餐全部都已和牛漢堡為主食 另外再揀埋沙律或者丼飯 唔同款式 有豬有牛任你選擇我哋今日揀咗套餐version 3！QR CODE落完單好快就已經上菜超大舊既patty!!! 見唔見到嗰啲芝士再配上蛋汁同埋蒜頭 食落去嘅感覺就同平時食韓燒嘅蛋漿差不多 蛋味勁香濃～～食法好簡單！因為係和牛 店家特別比我哋適合自己去烹煮 自己控制 最適合嘅熟度只需要將和牛漢堡扒 放喺用高溫燒熱左嘅石頭上 用匙羹按壓至扁平 翻邊 兩邊煮熟即可月見味噌牛丼飯估唔到套餐份量都咁大份！滿滿嘅肥牛 套餐本來附送兩罐飲品但係超想飲佢嘅柚子梳打～ 超大杯 又唔會好甜 飲落好舒服Overall 食法新穎有趣 分量對於兩個女仔來講10分足夠 而且店員好主動幫手 同解釋點樣用石頭烹煮 CP值好高！

🤎 啱啱去完日本福岡！前幾日就去旺角福岡😂 不過係福岡漢堡扒😆初頭以為係日本餐廳，點知原來係韓國過江龍。聽講店主個名有個岡字，所以取其名。🤎 第一次嚟食，見到隔籬枱整漢堡扒好似好好玩，急不及待就睇Menu有咩揀~首先要揀唔同大細嘅和牛漢堡扒 (大/中/細)之後可以加唔同嘅配料🤎 我就揀咗芝士蛋和牛漢堡扒，🐼就揀咗菠蘿煙肉和牛漢堡扒~免治和牛來自澳洲，送上枱時係跟鐵板一起上，呈一個球狀🤣 隔離就放上300度嘅熱石！用個剷仔將一少份免治牛肉放上熱石，再壓一壓佢，兩邊煎一陣，就可以食啦！🤎 因為本身和牛漢堡已經有調味，所以就咁連白飯食已經好好味😍 🐼還未到比想像中好😍 味道仲真係有啲似佢喺澳洲食嘅漢堡扒，可以令佢好好懷緬一番😜🤎 一邊煎，枱面亦都有抽油煙機吸走啲煙。店員亦都好主動會更換熱石。唔驚煎煎下唔夠熱~🤎 除咗和牛漢堡餐仲有唔同嘅小食，或者其他飯或者意粉可以揀~我哋揀咗原味炸雞 $48 同 黑松露醬薯條 $48兩樣都好香脆惹味👍🏼🤎 嘢飲就帶咗巨峰提子汁飲同埋蜂蜜柚子茶~巨峰提子個杯真係超級大🙈 好似有兩杯份量咁🤎 自己煎下煎下幾好玩，有幾好食，下次再同老公黎先😁

一直誤以為這間「福岡漢堡扒」是來自日本，入內先知道原來是韓國過江龍。餐廳主打用380度的熱石DIY出石燒的和牛漢堡扒。每枱都設有抽風系統，唔怕食到一身油煙味。我們選了一份二人套餐，$366 就有兩份和牛漢堡扒，一客芝士泡菜豚肉飯及飲品，套餐還包了麵豉湯及沙律，份量十足。菠蘿煙肉和牛漢堡扒及芝士蛋蒜和牛漢堡扒都是選用100%澳洲和⽜打成肉碎再調味，搓成球狀再放於鐵板盛上枱，之後把蛋汁與其他材料一同放上。職員會細心地指導客人，從肉球中切一塊肉片，放上高温熱石上每邊燒3秒便可，肉質熟度剛好，入口肉汁滿滿，跟上一片雞蛋與漢堡扒同食，更好味！客人可因應自己喜愛來做出不同大小，不同厚度的漢堡扒。菠蘿煙肉和牛漢堡扒，雞蛋醬加上菠蘿和煙肉，味道酸甜清爽，中和肉的油膩感，煙肉微燒至金黃色，更惹味。芝士蛋蒜和牛漢堡扒，配上大量香蔥，蒜片及熱熔芝士有拉絲效果，比較邪惡！另外芝士泡菜豚肉飯份量十足，滿滿的芝士蓋在泡菜豚肉飯上，味道微辣惹味。