祥興記上海生煎包 (樂道)

營業中

休息中

生煎包看似沒有特別，食落就知道，皮薄肉多汁多而且即叫即煎，保持騰騰的感覺，而且脆脆的不過味道較鹹減少會更好，最緊要加辣醬-自製豆瓣醬，不是太辣又不是太甜，咁就超正

行過樂道，就想吃一份生煎包，一個人吃不完四個，一定要跟朋友開心Share只會點原味招牌生煎包不要整古做怪的黑松露味道現在什麼也有黑松露的份，唉‼️不要自欺欺人吧‼️況且，黑松露有那麼好吃嗎⁉️真不覺得喔‼️發現香港人很喜歡在街上吃東西，沒有位坐，站著也願意，就是愛那新鮮熱騰騰的感覺，相信吃什麼也是一樣吧‼️不過今次，朋友說水準低了，味精重手了‼️我們才第二次光顧，真不明白，為什麼要保持質素是那麼困難⁉️其實香港很多店也是有此弊病‼️‼️

入到間舖頭，感覺麻麻，以為食物一般，又趕時間就隨手買外賣。見到餐牌，諗住咩都試下，就揀左原味，鮮蝦同黑松露。一口咬開生煎包表面的薄皮，超多汁😊皮底特別香脆😬黑松露味十分香，但係有小小漏，但係都值得一試😚😚如果想無咁漏，就試原味😬

今天行開尖沙咀見到間寫著米之連嘅生煎包，便買了一盒招牌生煎包4個28蚊，由於佢地係冇位坐嘅，唯有企住食，打開個盒，唔知係咪放耐左，個包都唔夠熱，個包底又好硬，我估可能放得時間耐左，完全唔同我上次食嘅感覺👎🏻，真係有點失望，但呢樣都算喇，食完4個包冇耐，發覺勁口渴，拿拿聲去7仔買支茶解下渴，我估應該係落得太多味精了👎🏻，仲諗住米之連應該唔差得去邊，應該冇下次喇，食咁多味精會甩頭髮㗎，講到尾，始終都覺得荃灣是最好食的，變左就係變左，點都搵唔返個時個味道！

一盒四個的脆底生煎包, 皮薄多汁而且底很脆, 一口咬開生煎包表面的薄皮, 瞬間爆出肉汁, 是我愛吃的上海生煎包。但始怎麼始終感覺在荃灣舊址的祥興記, 才是他們最好吃時期呢。

踏入三點三這關鍵時分，雖然頭腦開始不清醒，但突然傳來一陣香氣，在我探頭而看的同時，發現同事竟一口氣買了近二十個生煎包怎吃得完? 對，就是吃不完......-此店名為«祥興記上海生煎包»，真抱歉，在此之前還真不認識。聽說好像是米芝蓮一星食肆，外賣盒也印有米芝蓮logo，不知有否付版權費。雖買回來只剩下微溫，但外皮仍然香脆，咬下去能充分感受到肉汁的彭湃，如瀨尿牛丸般爆發，一發不可收拾。調味得宜，味道也蠻不錯。

第一次行過，見到d生煎飽， 細細粒、好精緻， 所以試一試。一盒4粒，紙盒上，只可以門外立食，一口咬落去，立即爆汁……奶嘢，淥親個咀。買支凍野飲，再繼續食……第二粒，小心食，咬開小小，吮小小湯，再加d醋，慢慢食……，掂，皮薄但唔穿，個底又夠香脆，多汁，夠熱，味度啱啱好。雖然唔會係正宗上海舖的版本，但極力推介。ps, 因皮薄，唔飽肚，只宜當小食，當正餐當飯食最少要一打先飽唔記得飲咗支什麼凉茶，味道比較淡，如再濃一些就perfect.

Randomly walked into Lock Road in TST and saw a bunch of people eating these crispy fried buns outside the shop. So we ordered 3 fried shrimp buns and 1 truffle bun. There is a crispy base and there is very hot soup inside. My girlfriend said it was great but I still think it's not as good as the branch I visited in Tsuen Wan. But no harm trying these cheap snacks for fun, especially when you are with someone special!

係好食嘅！ ！但係我覺得入邊包生煎包嘅員工應該要帶返髮網， 唔好成日喺度撥完頭髮又喺度包生煎包。 仲要我短短食咗四個包用咗5至8分鐘時間佢哋不斷喺度傾計唔戴口罩。。。。。

同朋友星期六去尖沙嘴行街。經過樂道好多人排隊，原來d人係等緊生煎包！哇，自從幾年前係上海食過小楊生煎包之後就無再食過好食既生煎包，一於排隊試試！店內無位坐，可以見到員工在內整包的過程，4隻包$28，都唔算太貴。除左包仲有其他野食，不過今次試左包先！要等15-20分鐘！好，好嘢唔怕等，熱辣辣既包出爐啦！出晒煙啊！咬一淡超多汁漏出黎呀！真係好熱，d肉好鮮甜，而且皮唔會好硬，我食到有少少小楊生煎的味道，下次再試試其他野先！

自從祥興記荃灣店舖抵受不了租金壓力，另覓地點再開舖，好耐都冇食過生煎包了。今日路過，自然要幫襯下，睇下水準如何啦～ 舖頭唔大，裝修同之前荃灣嗰間差唔多，喺出面set有少量位置供客人進食。嗰侍應態度好好。是日因為約咗人夠鐘食飯，所以只係嗌咗一份例牌生煎包，有4隻。望嗰賣相就keep到水準啦，唔知道品質又如何呢輕輕咬開，d肉汁擠、流出來，皮唔會厚更唔會乾，肉鮮嫩。作點綴嘅黑白芝麻&蔥花也起到錦上添花的作用。

係樂道的祥興記生煎包，係個尖沙咀必食嘅小食店每到放工時候或者假日都好多人食，今次襯佢係平日，黎到尖沙咀就當然要食啦！呢間標榜係2016年米芝蓮推介，係皮薄、餡鮮、汁多、底脆 ...... 祥興記生煎飽，價錢大概係28-36蚊左右，價錢偏貴。除咗有生煎飽，仲有粉絲湯、雲吞。但今次都係嗌左佢地最出名嘅招牌生煎包！生煎包嘅盒以米芝連食神做代言人，未食都覺得吸引！賣相可以，但開盒已經聞到生煎飽既香味。咬咗一啖，包皮係好薄，但要小心因爲入面係好熱好多湯！我飲左一啖湯，唔鹹、好甜，有少少甘香。而底皮係好脆，成個生煎包做到岩岩好！整體而言，推薦大家都試下呢個招牌生煎飽

約咗朋友係附近食飯, 經過此店時被其他人手上拎住嘅生煎包所吸引, 此店面積細細, 又沒有位置可坐, 只可在店外站著吃, 都能吸引那麼多人, 所以決定先試一試佢!叫咗招牌生煎包 $28 生煎包熱辣辣, 生煎包面上灑上蔥花, 可以自己加醋及豆瓣醬, 一咬落去湯就流出黎, 非常多肉汁而且肉汁清甜。生煎包面鬆軟, 底部又煎得脆脆的, 口感非常好。 難怪咁多人排隊! 下次會再試其他味或者湯粉!

食過咁多間生煎包 祥興記 一定係最好食😋皮薄但唔易穿 底勁脆 湯多到啜唔哂😍餡料唔多唔少 食到少量酒味 好香好特別$28 四隻唔算貴 是旦mk搵間都$3x啦🙆🏻下次會試有黑松露個隻

在尖沙咀樂道，隱藏著美味的生煎包。我差不多隔日也會到附近做Treatment, 朋友說這裡是米芝蓮级的生煎包，今日決定一試。店面小小，沒有坐位，買後可站在旁邊吃。一盒4個的鮮蝦生煎包$36, 真的是一口咬下去是爆汁的。皮簿，底脆，入面真的有一隻蝦在。生煎包內肉汁滿滿的，吃的時候要小心，稍一不慎，不小心真的會爆汁出來。這裡還有招牌生煎包，松露生煎包，上海湯雲吞等，一定要找機會遂款一試。喜歡這裡食物的也不要錯過，