祥興記上海生煎包 (樂道)

營業中

休息中

同朋友星期六去尖沙嘴行街。經過樂道好多人排隊，原來d人係等緊生煎包！哇，自從幾年前係上海食過小楊生煎包之後就無再食過好食既生煎包，一於排隊試試！店內無位坐，可以見到員工在內整包的過程，4隻包$28，都唔算太貴。除左包仲有其他野食，不過今次試左包先！要等15-20分鐘！好，好嘢唔怕等，熱辣辣既包出爐啦！出晒煙啊！咬一淡超多汁漏出黎呀！真係好熱，d肉好鮮甜，而且皮唔會好硬，我食到有少少小楊生煎的味道，下次再試試其他野先！