祥興記上海生煎包 (樂道)

營業中

休息中

本身唔係太特別鐘意食生煎包，但自從食過呢間后，便愛上了！皮薄肉汁豐富，多汁到爆！！一盒4件，熱辣辣，先咬一小口，唆一小口汁，好味至極，忍不住一個接一個！每次行過都一定忍唔住買嚟食，「招牌生煎包」係必食的！

同朋友食完嘢，想再食d小食😂佢就推薦左呢間生煎包 🤗佢之前食過話好正好好味😝於是就帶我嚟試下，原來呢間#祥興記 都幾出名😉仲有被米芝蓮 推介過，同埋都有成7間分店最出名當然係生煎包😍！有招牌,鮮蝦同黑松露三款，今次就同朋友揀咗雙色生煎，選了招牌同黑松露味，一次過試2隻味😋😋 .✨招牌+黑松露生煎包(各2隻) $45生煎包超級熱辣辣，要小心咬開，以免辣親嘴👅因為包入面真係超爆多湯汁😍湯汁非常鮮味濃郁😋😋😋而且皮整得薄，底部就煎得香脆，超正👍🏻👍🏻👍🏻！另外黑松露生煎包，更是我至愛，生煎包入面有勁多黑松露，好足料，超香的，大推喜歡黑松露的朋友一定要試試😍😋❤️❤️❤️

係尖沙咀既一條小巷子內樂道個頭...見到好多人係度等行過去睇下係食咩係生煎包耶~~~比錢點餐後就是等......佢係開放式廚房，睇住佢包好之後會放進圓形的鍋子去煎個鍋子好大....一次可煎好多粒我點既係黑松露生煎包口感上半部分的皮係薄既、底部係脆既一咬...D湯汁係會飛黎既..我覺得行街經過係可以買黎食下

祥興記既生煎包真係無得輸🤤🤤🤤不愧為米芝連一星食肆尖沙咀呢間舖既出品特別好可能係因為果陣喺荃灣俾人加租迫遷第一間重開番就係喺尖沙咀呢度啦🤷🏻‍♂️所以次次經過間舖頭無論食左飯未都要整番盒口㾗下滿足下自己先🤤🤤佢有多左兩款味其實一路都好想試下佢不過驚無原味咁好食所以次次都食番原味😂😂今次都係食原味🤤買果陣生煎句岩岩整好熱辣辣新鮮出爐正呀！企埋一邊嘆番個包先食果陣第一啖一定要細細口咬開個皮然後大大口啜佢啲肉汁肉汁真係好好味吸晒所有精華🤤啜完湯再大啖包連肉一齊食包皮煎得夠脆肉仲有淨餘既小小湯汁一齊食真係無得輸呀！

第二次食祥興記 真係冇得輸！4隻招牌 只係$32 每隻都有好多湯！啲湯仲要係極滾！我通常都係用筷子夾實，咬一啖個頂先，之後慢慢吸啲湯出黎😋😋勁多汁，直情好似飲緊湯咁！雖然有少少咸，不過真係好濃郁好惹味👍🏻豬肉大大啖，個皮底有少少脆脆地，燶燶地，好有咬口！唯一要注意就係好熱，好易辣親個咀！👅同埋冇位坐，要企喺街度食，夏天既話會食到好火辣辣🔥

招牌生煎包 $32終於食到呢間心怡已久既米芝蓮街頭小食 今次米記真係無介紹錯生煎同小籠一樣最重要既質素指標係汁多 呢個生煎汁多且味濃 令人相當滿意 個人最喜歡既食生煎包習慣係咬開一道小口子散熱 稍為不燙口就即刻成件放入口 變熊地享受口內爆漿零汁耗果份滿足 招牌中標榜皮薄汁多 我覺得可以加上皮脆一項 皮身少見地香脆可口 由於皮身太脆增加左咬開一小口子既難度 多少有啲汁提早爆左出黎 唯有吹兩下啜兩口湯汁再吹再啜地慢用曾經去過上海食地道生煎並驚為天人 祥興記生煎既方形賣相加上煎面唔煎底既做法(雖然煎起果面入盒係面向盒底) 在我看來已經接近上海地道整法 係外地加成因素之下好難得係香港食到一份同上海地道版有可比性既生煎 所以大推呢份平民小食俾大家

在尖沙咀樂道，隠藏著一間米芝蓮推介食肆－祥興記上海生煎包，其招牌食物生煎包皮脆肉汁多，每天都吸引不少本地人和遊客排隊購買。當你急不及待打開盒子拿一粒來吃的時候，一咬開生煎包，裡面的湯汁隨即從缺口湧出來，吃的時間要小心被熱湯灼傷嘴巴，豬肉餡料鮮味，不帶豬羶，以價二十幾元四粒，價錢尚可接受，大家不妨途經尖沙咀時順路試一試。

這家小吃店大有來頭，是米芝蓮的推介之一。本來我對這小店不抱太大期望，點知一試之下，真的是尖沙咀必食的小食！實在好食了！這是我近期食過最好吃的生煎包！我點的是雙拼生煎包（鮮蝦生煎包及招牌生煎包）一客$32有4件。這招牌生煎包很小巧，熱哄哄，外層煎到金黃色，還有少少芝麻。估唔到一咬即爆汁！湯汁多到流囇出來，而且極之鮮味！！餡料又多又充滿肉香！加上飽底煎得十分香脆，真的十分香囗又好食！！！而鮮蝦生煎包也十分美味，爆汁而鮮美！加上蝦肉大大粒的爽彈口感，又帶點鮮蝦味，與招牌生煎飽的味道有所不同，但同樣美味！我找不到理由唔encore,唯一缺點，無位坐，只能外賣。

famous Michelin little cage fried pork buns 32$ for 4 pieces tonight at 9:30pmEvery thing sold out Only signature porky buns left Many white men love ❤️ their bread I have bought 4 And standing at the front bar eating reading howMr Li Shun YanDescribes the signature style But mine is a bit burned perhaps it's the 3rd day of the dog year 32 dollars 💵 No one cares much!Ok 👌

吃飯時間未到，朋友說有一間很好吃的生煎包，說比我們在上海吃的還好吃，就馬上去試一試！雖然已經是食飯時間，但還是有不少食客排隊，店外有幾個企位都不斷有人在，我們只能企在一旁吃～2個人share 了一份，招牌（也就是原味）和黑松露各2粒！打開才發現其實根本不能從外表分辨2種味道🤷🏻‍♀️我們也是靠估的每人2粒，好彩大家都食到2粒不同的味道～黑松露的真的很香！朋友咬下去的一剎已嗅得到松露香！湯汁很熱很多，喝了3口都還有湯在包裡面！相比之下招牌就顯得很普通了～就是普通的生煎包喇～價錢方面，黑松露的單價其實要HK$15/pc! 招牌的也要HK$7.5/pc～偶爾吃一下就算了～

冷鋒襲港，多天不散，越來越凍。天寒地凍，最好吃點熱食來暖肚。夜了下班，不想吃太多，加上年近歲晚，四處都人頭湧湧，只想快點吃完快點回家鑽被窩。嚴格來說，祥興記沒有堂食，只能說是在店外有少少位置，讓你放著食物盒來站著吃。他們的生煎包是新鮮包製的。女工們默默的在包，煎的時候，餃子的封口位向下，煎得金黃香脆。每天限量供應，這晚我來的時候已差不多到要關店的時候間，職員都已經開始收拾廚房，只餘招牌生煎包，其他味道都已賣光了。雖然要立食，但只不過是吃幾粒生煎包，需時不多，最重要是皮厚薄適中，包內肉汁豐盈，咬一小口包皮，啜一口溫熱的肉汁，是冬日的幸福滋味，足以彌補站著吃的累。

見難得唔多人等就走去試下$30/4粒生煎包，價錢尚可。一口咬入去，真係好多汁好豐富，肉都幾多，皮亦香脆，唔會太厚 。份量夠, 食完四粒都好飽下！唯獨湯汁太咸太重口味，食完勁口喝！輕手啲好嗎？味精會好好多！第一口吞已經覺咸得誇張！啲湯咁重手，食左咩肉都唔知，完全食唔到乜嘢肉汁,招牌仲話SELL 鮮味,完全食唔出味，除咗味精如果只係叫生煎包，這個質素合格。如果叫米芝蓮，就真係名過其實！生煎包皮重要，湯多重要，但味道先係主打！一試可以

我特別鍾意食上海野，特別係生煎包同小籠包，所以成日都會搵好食嘅生煎包同小籠包，而祥興記咁出名嘅生煎包當然要試一下今次我叫咗4隻必食嘅招牌生煎包（32蚊）+2隻黑松露生煎包（15蚊/隻，兩隻起）招牌一咬落去熱辣辣，爆曬汁，而且皮好薄同埋剪得好脆口，建議小心d食，先試真d湯嘅香味，如果唔係真係熱到個嘴。而餡料方面，都幾多肉，而咬落唔會死實而黑松露生煎包真係十分值得推介，d肉汁勁重黑松露味，雖然價錢貴咗d，不過真心值得食，兩隻岩岩好佢除左生煎包之外仲有其他小食，下次一定會再去試埋佢ps：本身以為係有得堂食，點知去到原黎係外賣/立食

in this place, tourists can order only after native peoples finish. thank you for not taking my order. and also, giving me an extra box of pan-fried bums that I don't order.4 box of them and a can of oolong tea costs me 216hd! this is a great place to be!

心血來潮好想食生煎包， 之前食開係喺荃灣嘅， 宜家搬咗嚟尖沙咀第一次幫襯， 但質素大不如前，周邊環境很不衛生，而生煎飽厨房衛生也麻麻，生煎飽沒有了以前熱辣辣很香口的感覺。亦再沒有想追加一份的衝動，今次後，我對新煎包的欲望巳幻滅了。-T