祥興咖啡室

營業中

休息中

見唔多人排隊咪去食呢個咁出名嘅蛋撻，排隊外賣嘅人都好多，接近蛋撻出爐時間嘅話就唔知點解突然之間會好多人，一場嚟到順便試埋個餐蛋菠蘿包，姐姐話焗爐壞咗所以菠蘿包唔熱唔好食架，不如你哋下次先食啦，但我哋好遠嚟嘅，所以都照食啦。講返重點先，蛋撻配奶茶真係好夾，亦係我至愛，蛋撻好好食好香滑，奶茶好香濃，我略嫌蛋撻酥皮唔夠厚身，唔夠火候，未係好酥同鬆，但唔油，而且我覺得個size好似細隻咗啲啲咁，忍唔住仲叫埋西多士，真係好食，如果唔係焗爐壞，我想信個餐蛋菠蘿包會好好食，呢一餐差少少就非常完滿，我食完相信點解會咁多人食佢嘅蛋撻，當日最不幸唔係焗爐壞，而係遇到衰男人外賣蛋撻，唔知係咪買比sammi食。

今日同朋友晏晝去開跑馬地，離遠已經見到條人龍，等緊新鮮出爐既蛋撻😍咁啱有啲餓，我地就入左去食下午茶☕️咖啡室內有好多充滿懷舊既設計 eg 舊式鐵飲品櫃，復古地磚同牆磚等😍😍- 肥豬餐肉煎蛋菠蘿包🥯 💰$39✨招牌菜之一！菠蘿包皮非常酥脆 香口😍內裏軟熟餐肉煎到脆邊☺️成個組合都好match☺️- 瑞士汁雞髀🍗 💰$38雞髀肉質鮮嫩，一拆就散！瑞士汁非常入味😋- 馳名酥皮蛋撻 💰$8啱啱出爐新鮮滾熱辣🤣層酥皮真係好酥 好香口😍內餡口感香滑，蛋奶味香濃！☺️- 凍奶茶 💰+3正☺️- 凍檸茶 💰+3簡簡單單enjoy 平民高質既下午茶☺️

我同朋友間中都會來這間餐廳食午餐或下午茶。今日大约2:15pm到門囗拿飛等入座。等了約15分鐘就有位了。侍應已向我們介紹午市套餐(以往沒有介紹的 自己睇果隻) 之後就話今日冇"常餐" 冇"叉燒" 冇"豬扒"。初時不以為意，因為今日不算太餓，吾想叫午市套餐。以往都會叫常餐或碟頭飯轉湯米。但今日冇"常餐",冇"豬扒",冇"叉燒" 真係吾知可以食咩。侍應過來落单，建議我食"豬扒"菠蘿包！奇怪 冇豬扒但有豬扒菠蘿包？我再望牆上午市套餐，原來過了2:00 pm， 套餐ABCDE 全部未售罄。所以话乜都冇，要你食午市套餐！(相片是约2:45pm影 已售罄－款)

入到餐廳被安排坐左係個好逼既位，之後轉枱竟然被人用粗口鬧 😵‍💫😵‍💫 「你轉枱搞到我d單亂X哂呀！」我當下呆左，完全唔識反應。因為從未試過係間餐廳比店家鬧，仲要用粗口😦 係咪持住自己有d名氣就可以咁樣既服務態度？講真，食物質素除左個波蘿包比較出名，基本上同其他茶餐廳一樣，並唔特出。好多食客其實都係慕名而來，佢咁樣既服務態度，真係好趕客。d人成日話香港茶餐廳就係出名鬧人，聽落好似好有特色，好搞笑咁。但真係到自己比人鬧既時候，真係好難受 😣

一講到comfort food，我就會諗起茶餐廳嘅菠蘿油同菠蘿包。跑馬地嘅祥興咖啡室係我不時會去嘅傳統茶餐廳，今次叫左我最愛嘅餐肉煎蛋菠蘿包同埋芝士炒蛋菠蘿包。菠蘿包外層好酥脆，有牛油香，麵包嘅話好軟熟，包雖然唔係話烘到好熱，但配上熱辣辣嘅餡料我覺得啱啱好。餐肉煎蛋菠蘿包好香口，餐肉煎到脆邊，食落唔會話好油膩。芝士炒蛋菠蘿包炒蛋幾滑，加埋半溶芝士，好滿足😍佢哋嘅酥皮蛋撻都好高質素，蛋漿好滑好香，熱辣辣出爐嘅話，真係食到停唔到口。

我並唔係跑馬地街坊，過了午飯繁忙時間去到，點了午餐選擇之一：所謂馳名瑞士汁雞中翼，蛋撻、奶茶1.食物質素冇乜好講，可能將白飯轉做湯米，整個瑞士汁冇特別味道，雞翼本身亦唔多汁，無乜嫩滑感覺，吃了半碗就無食。2.蛋撻酥皮做得還可以，鬆脆唔油膩，但蛋黃並無特別蛋香。好多外面嘅蛋撻冇乜分別！3.奶茶亦一般，一啲茶香都冇，最貼切茶餐室feel,係攞嚟嘅時候，未飲第一啖，好多奶茶已經浸咗隻杯碟，真係要小心飲。唔知道餐室嘅伙記係咪祥興啲老闆？伙記態度認真…差！好似客人在麻煩佢哋咁嘅樣，有時唔會對答，有時叫你遲啲先講！所有嘅嘢都慢吞吞，除咗擺張單在檯面俾你就至快。按疫情要求餐室內本應係將客人分開些空間，但長興就索性間封餐室內一部份的空間，大概100英尺的7-8張枱，在餘下嘅空間，方便伙記只在較細的地方工作，令客人繼續坐迫夾，根本唔係規定要求達到嘅分隔效果。唯一可以讚嘅地方😉！伙記好有隊形，大家都係好差，唔會有一個想做吓嘢，提供服務比客人。好難得有一個夥計睬下你時，另一個就唔會聽佢講！可能這枇伙計老闆，以為出爐蛋撻係寶，出爐個刻，每一個蛋撻都話係有人訂咗，你2個人，想堂食補多一個蛋撻都話唔得，好似要求佢

蛋噠只是一般水準，但服務奇差，其他食物更是普通到不能再普通，不值一提，下次一定不會再幫襯，就憑牆上的明星簽名就以為是名店，不知所謂，當日叫了個瑞士雞翼米粉，雞翼都係柴嘅，只吃了一隻就唔想再食

一諗到咖啡室，就即刻有朋友介紹咗我去食呢一間餐廳！好多人喺社交平台上面都有介紹過，所以一嚟到就叫咗呢一個金獎菠蘿油！呢一度嘅菠蘿油真係好吸引，係熱辣辣嘅菠蘿包，而且上面嘅脆皮金黃鬆脆！再加埋中間嘅牛油一齊食真係非常之吸引！牛油嘅香味再加埋菠蘿包嘅香味真係絕配

🧈 菠蘿油關注組熱推 跑馬地懷舊咖啡室常常看到社交平台上「菠蘿油關注組」熱推的祥興冰室，適逢假日懷着興奮的心情由新界過海，再搭叮叮到跑馬地，一心想吃大熱「金獎菠蘿油」。下午15:45，餐廳外有等候入座的顧客。取過籌號，大概等了10分鐘已安排入座。🧈 金獎菠蘿油下午茶餐 $30店員稱焗爐剛好壞了，菠蘿包只剩下凍的，蛋撻亦已沽清。飲品方面，維他奶及汽水都缺貨。想吃菠蘿包是有的，但都不能翻熱了。 （內心在淌淚）好吧！既然一場來到，凍的也照吃吧！看到菠蘿包的外觀金黃圓渾，脆皮厚薄得宜，牛油🧈也大概有0.6-0.7厘米的厚度，吃一口麵包……沒有想像中鬆軟，大概就是沒法翻熱的緣故。再嚐一口菠蘿皮，香酥結實，不會太過鬆散。配上鹹味牛油，鹹甜交融，味道不錯。可惜沒有冰火的感覺，失色了不少。☕️ 熱奶茶 （跟餐）熱奶茶茶香奶滑，味道不會過於澀，略嫌淡奶的比例不夠多，筆者較喜歡奶茶中奶味的厚重感。🔸小總結： 咖啡室充滿懷舊氣息，餐廳牆壁、地磚和掛扇都是香港的歷史印記。牆上掛滿了明星的親筆簽名，筆者也只好慨嘆這次遇上焗爐壞，正去得不是時候。或許筆者再次找一個空閒的日子，試試新鮮出爐的菠蘿包和蛋撻，為大家再作介

上次食午餐，瑞士雞翼好味。汁濃度啱啱好，掛在雞翼上。今次食下午茶有瑞士雞翼麵麵上菜時未冧，等一陣冧，軟硬度適中，好正。呢種整法，好耐無食過。應是老廚師才會這樣整可惜雞翼不是分開上，失去瑞士汁

跑馬地超過70年歷史嘅懷舊冰室🤎好復古、有feel！裝修有好多特色、details位✨招牌菠蘿包真係好好食😍已經好掛住喇！🤤肥豬餐肉煎蛋菠蘿包 $39菠蘿包好軟熟😍加埋餐肉同蛋汁，真係好正🤤要無限encore!!馳名酥皮蛋撻 $8酥皮出色，幾好食🤤下次要外賣埋比屋企人食💛鮮茄濃湯沙嗲牛柳絲炒蛋通粉 $56吸引呀！好足料🤩 蕃茄湯濃郁！不過有啲咸🙈食完好飽🤣另外一讚係，出餐速度快！下次再嚟食👍🏻

知道跑馬地有間舊式茶記幾出名！有想過去試，但又一直冇將佢排係頭幾位，今日意外地去跑馬地先順便食到～嘩！入面嘅環境真係好舊式呀！！肥豬餐肉煎蛋菠蘿包$39既然出名菠蘿包，當然係試菠蘿包啦！但我又唔能夠咁寡淨係食個包嘅…呢個肥豬餐肉煎蛋就岩晒我啦！首先，包嘅賣相有90分！如果餐肉露少少出黎就滿分啦！菠蘿包食落鬆軟，頂部又香又脆！餐肉同煎蛋係襯托，冇話有啲咩特別！熱檸茶幾好飲～係會想飲完再飲嘅味道！呢餐係今日嘅第一餐，但呢個包食到一半就突然覺得好飽👀係我細食咗？又或者係我冇胃口吧～本來想堂食埋蛋撻，但真係食唔落LU～唯有買走啦！順便買比屋企老人家試吓～四個蛋撻、雞尾包、豬仔包～蛋撻係新鮮熱辣架😲個樣好靚！！我夜晚食嘅時候都仲係好好食呀！！酥皮蛋撻迷必試！！雞尾、豬仔我冇食，佢地話係舊式個啲味，蒸返熱好食喎！

好有味嘅湯，同埋非常好味嘅蛋撻，一層接一層， highly recommend the 蛋撻，服務員態度友善，值得一來，環境企理, super tasty egg tart

食物質素高是日午餐有籠仔排骨飯，估唔到茶餐廳可食到籠仔。味道ok,不太咸是日午餐也有瑞士雞翼飯.雞翼唔錯，無雪味，唔會浸汁太耐，所以肉質保持鮮嫩。汁恰到好處，與瑞士咖啡室的瑞士雞翼一樣咁好味。牆上掛滿明星簽名，原來這茶餐廳是出名。叫了咖央多，唔太同出面的味道，但又好味食完所有食物，唔覺太咸，太口渴，不錯食完後已是兩點半，門口見多人排隊等下午茶時段

星期日朝早係附近獸醫診所探完貓仔，行下搵早餐食。 遠處見到有條人龍，再望見到裝修幾懷舊，即刻心諗要試了！等佐5分鐘入得，叫佐個常餐，果日無哂叉燒要轉雞扒，再加個我最期待熱奶茶。野食好快黎到，賣相都唔錯，炒蛋都好滑，最鍾意係杯奶茶，係我expect 既味道同埋個茶膽ok 整體黎講，環境食物都理想，可以再來。