祥興咖啡室

營業中

休息中

早排多左去跑馬地，去咗間懷舊茶餐廳食個早餐～裝修格局保留到懷舊嘅款式得黎，又好新淨。🥢早餐方面，選擇不多，叫左個平時既沙嗲牛肉麵，但哩到變咗牛柳絲。點知見到雞批出爐，忍唔住又叫埋。先講下個芝腿治，望落去平平無奇，但塊火腿係較厚既火腿，食落滿足多左。🥧熱焫焫出爐既雞批，內容豐富，個白汁都岩岩好，唔會太多，亦唔會太少。皮夠鬆，食得到一陣牛油香。🍜沙嗲牛肉絲麵，滿心期待，可惜無望，沙嗲汁唔夠味，牛柳絲un ，失望😞仲有杯唔記得影相既檸茶，茶味適中，同時飲到檸檬既鮮味。

週末喺跑馬地，成10:30仲未食早餐，肚仔餓，試吓呢間懷舊老字號茶餐廳先，攞咗飛，大約等10分鐘便有位。店員哥哥，好敏捷快速落單，點左個「叉燒湯意粉，飲熱奶茶，已包括煎蛋及多士$39」☕️ 奶茶先到，查色都幾靚，飲啖先，都幾滑，但係唔夠香。多士同個蛋🍳，睇得出，牛油唔係喺熱嘅多士上面塗嘅，因為牛油仲未溶😆。最失色，就係叉燒湯意粉，幾乎係冇味。最後，好似仲未飽，我想食蛋撻，店員姐姐話要等，之後就走咗。可唔可以話俾我知等幾耐？🥲 我等咗幾分鐘，放棄，轉食「菠蘿包$8」菠蘿包外型都幾好，味道都Ok。

一早跑完步係時候食番個豐富早餐！來到一間老字號茶餐廳，假日十點門口已經大排長龍等位，另外有一排龍排隊外買馳名包點。今次就入來食兩個簡單西早：叉燒湯意粉&沙爹牛柳絲米，早餐跟餐仲有煎蛋配多士，但加$3可轉其他包點，我今次就加$4轉菠蘿包，再配飲懷舊茶餐廳至有凍谷咕。菠蘿包外脆內軟，甜度適中，食一個已經好飽，絕不是外間空心包；凍谷咕香濃朱古力味；叉燒湯意粉叉燒出奇地多，！大滿足～ 今日input 咁就cover我朝早既output，打和～～

返工行開跑馬地，十二點幾搵晏食時見到依間茶餐廳，好似菠蘿油好出名，就入去試吓！淨叫菠蘿油驚唔飽，所以叫咗個常餐，最後發現太高估自己，下次再嚟叫個菠蘿油餐算。先講常餐，就普普通通，正常味道，炒蛋唔老，叉燒通粉好大碗！跟著就到我最期待嘅菠蘿油，睇樣好靚仔，上枱就唔係熱辣辣，不過都暖暖哋嘅，菠蘿皮就唔算好脆，個飽身好鬆軟，加埋咸鮮油，好夾，唔食常餐可以直接食兩個菠蘿油！港島嚟講價錢唔算貴，加上平日唔使排長龍，聽講蛋撻都好出名，下次再嚟試吓

星期日下午到跑馬地馬埸附近，路過此食店裝飾懷舊，門口也有人在輪候買出爐菠蘿包蛋撻，記得此店好似好多明星幫襯過便入去食下午茶，4點有位直入，食客也頗多。地方不大，裝潢都好懷舊，也見了一些明星簽名。鮮油菠蘿飽確係不錯，我們切開也不見菠蘿飽皮碎，但鮮油不是很大塊，我切開了一半，有一邊完全沒有鮮油😒。蛋撻$8，個蘇皮不厚，食落不油膩，但中間蛋就沒有蛋香。至於瑞士汁雞髀，個瑞士汁非常👍唔鹹剛好，但雞髀肉好鞋，最失望就係杯熱奶茶，過多奶冇乜茶味。價格一般啦，有好多服務員，但都好忙，但態度親切。

好多年無去。今次去懷舊一番，感覺很好。室內的佈置，也有留下一些舊有的裝置特色.如汽水冷櫃，牆上的鐘，明星的簽名，舊時的通告牌，地下磚仔等。。。我們點了一個豉油煎荷包蛋午餐肉飯,凍鴛鴦，港.式熱奶茶，當然一定要食的蛋撻。蛋撻新鮮出爐，熱辣辣,蛋漿鋪滿個蛋撻, 酥皮非常香一層層，非常好。我們又想食花生醬西多，但因是午飯時間，無供應，要等到下午兩點半才有。我們便等了四十分鐘才食到！也可以。不過一定要食的當然的蛋撻和菠蘿包.

今日跑馬地見客正好午飯，來到祥興咖啡室被門口的懷舊吸引了，我們便推門內進。迎面而來的男店長好有禮貌叫我先量體溫再招呼我們卡位雅座。男店長非常詳細介紹今日午餐然後比空間讓我們考慮。🥛凍鴛鴦這個凍飲杯是兒時用來裝紅豆冰的久沒見過了。☕️熱鴛鴦奶茶有錫蘭紅茶香，咖啡有咖啡香各執其位，兩者份量恰到好處，正所謂茶香奶滑好喝。🥢咖哩雞飯 $59咖哩香氣四溢，椰汁味不多汁底甜微辣惹味餸珍珠飯一流。🥢南洋叻沙湯米 $52配炒滑蛋牛油多士😋魚片爽口彈牙，叻沙湯底比較重咖哩粉味。👍滑滑有蛋香。🥳新鮮出爐熱辣辣蛋撻 $8不得了蛋香幼滑不太甜，千層酥皮鬆香可口，真心回味無窮。😍😍整體蛋撻同鴛鴦最出色。👍

好耐冇去過行山，今日消耗咗成五百幾卡路里，梗係要獎勵吓自己，朋友今日介紹咗我嚟呢一間茶餐廳，我上網睇啲人話佢嘅紅豆冰唔錯，可惜嚟到嘅時候已經賣晒，唯有試吓佢杯凍鴛鴦，朋友考試一百分所以請大家食蛋撻，非常之幸福，唔使錢嘅蛋撻特別好食嘅，今日出爐嘅菠蘿油都好好食，嗰個牛油簡直係超邪惡嘅美食大家如果有機會去跑馬地度行山不妨去依間度試吓，人多可以嘆番一杯食返個包過返個優哉嘅下午

人生第一次寫食評，食物質素OK但係啲服務人員工作態度好似全世界欠左佢哋咁，沒有禮貌呼呼喝喝，眼神串串貢⋯⋯而家疫情期間，叫你搭枱嘅時候中間亦冇膠板間住，只是裝修懷舊食物風味都係普通茶餐廳，唔覺得佢個菠蘿包特別出色

咁啱係跑馬地附近搵野食，見到佢地餐廳門面唔錯，懷舊風格而且應該有唔少名人幫襯過（牆身好多簽名），所以就入左去試下。先唔講佢地食物質素點樣，服務態度真係差到核爆。帶眼鏡果位侍應一直用不耐煩嘅語氣回答你問題＆幫你落單，餐牌有大部份野都唔知幾時有得叫（有d寫某段後供應但係叫果陣先知道無），坐到食完都唔會主動比杯水你，一來一回令你咩mood都無曬。當你比佢地見到你d食物就食完，佢地就會不停埋黎想收走你d野，十足十趕客咁，仲要講d客閑話（好心就等人走左或者細聲d講啦）。總結一下，價錢可接受但食物質素同屋企自己整差唔多，同較美觀嘅餐廳環境形成巨大落差。重點係服務態度令到用餐體驗極差。

以前都偶爾去幫襯，但今日同朋友去食嘢，絕對唔係繁忙時間所以當時冇乜人，但D伙記好似全世界欠左佢哋咁！坐低左連一杯水都唔俾，黑口黑面不特只仲要叫佢哋落單， (個位四眼高大哥哥仔) 扮睇你唔到，但又唔係有嘢做！好似行 catwalk 咁！十問九唔應。之後我哋見叫咗個菠蘿油好耐都未到，咪問吓另一位伙記，睇吓張單又係唔出聲又走咗去！呢D咁嘅茶餐廳如果唔鍾意做街坊生意，咁就唔好開係平民百姓生活嘅地方。去將軍澳電視城又或者去九龍灣展貿開鋪，淨係招呼娛樂圈D人攞簽名做牆紙囉！啲嘢依家又唔係十分之好好食，水準又降低，態度又極其差。其實佢一間餐廳除咗啲食物之外，啲員工嘅態度都好重要囉！之前有疫情嗰陣時候，啲態度都好啲嘅，而家生意好返啲就咁，真係好趕客囉！

電視&電影場景，懷舊味道濃厚，別忘記預留少少時間排隊等位，卡位ok同樣不算闊落，但仍可以一邊食一邊傾計，環境不算嘈吵，名物是西多士丶蛋撻丶菠蘿油，但由於蛋撻已售罄，只可以食西多士及菠蘿油😘

去開跑馬地，專程幫襯經常有明星嚟食嘢嘅祥興咖啡室。今日一入去，環顧四周，都見唔到明星。😆😆😆😆😆唯有乖乖入座食嘢算。佢啲早餐款式真係咁耐都冇轉變，好在我個人都比較詳情，照舊嗌左我最鍾意嘅叉燒湯意粉 + 菠蘿包及煎蛋🍳。佢嘅早餐有維他奶可以選擇，都叫幾特別。不過今日喉嚨唔係好舒服，叫咗熱檸水。叉燒湯意粉，上面啲叉燒個份量好足。可惜菠蘿包就好普通，一啲都唔脆。🥲煎蛋都係即煎嘅，熱辣辣。其實做得咖啡廳室，啲麵包真係靈魂嚟㗎，希望佢會有所改進啦！

跑馬地食野 其實都無咩平同抵食既地方不過個人黎講 佢係我心目中既第一位環境方面：懷舊 港式 有人情味 地道價錢方面：跑馬地黎講算係好抵食 lunch都係$5x-$6x雖然係一D好普通既碟頭飯 不過我就覺得幾有誠意 米都用左珍珠米 份量又夠多奶茶雖然未到講驚人同優秀 不過絕對好過好多茶餐廳最後一定要提既係佢既蛋撻我本身唔鐘意食蘇皮既蛋撻見佢幾靚仔 就叫個黎試試8蚊雞 大大仔 熱辣辣蘇皮唔會太油 蛋醬有味 唔會好甜我覺得係必食我講好多其他食評講到間野好差咁我真係要幫佢平一平反大佬 跑馬地 50-60蚊食個lunch你想要咩質數呀🤔

作為喜愛飲奶茶的人，星期日走到跑馬地，就是為了品嘗這間小店的奶茶。這間的奶茶，無論凍或熱都同樣出色！！！當然，個人覺得凍奶茶比較好味！！！ 配上菠蘿油或咖映厚多士就更住佳！！！個人十分推介這裡的菠蘿油！菠蘿油上枱時，外皮仍然保持香脆，使我想太子金華的菠蘿油。另外，這兒也合適外區人入去，因附近有大量的泊車錶位， 基本上星期日入去就一定會有位 。不過要提一提，這間小店很早就會關門，若要品嘗，就不能太晚去了。