祥興咖啡室

營業中

休息中

食評中,有部份會員話侍應態度惡劣，但我嘅經驗係出奇地好。去到嘅時候已經係4:20，原來今日5:00就關，我叫咗沙嗲牛肉菠蘿包，我仔叫咗餐蛋菠蘿包，我就覺得幾好味。侍應態度良好，見到我大仔食得比較「樓覺」，就特登去拎多幾張紙巾俾佢。

下午茶,跑馬地.想什麼？當然是祥與的新鮮蛋撻和菠蘿包！ 到是已是3：30pm, 要等六張枱才有位.要等十幾分鐘. 蛋撻也快賣完,差不多師傅也收工了,好彩還食了兩個再加外賣六個！四時許入內的顧客,再也食不到了,很多人很失望！我們叫了一個下午茶菠蘿包餐加熱齋啡,兩個蛋撻堂食,再加六個蛋撻外賣,因今天非常熱,我便叫了一杯少冰走甜的鴛鴦. 這樣食便要128蚊. 在港島, 如要食酥皮蛋撻,相信祥興出品真是非常好味.但也要$9/個,但可以算物有所值.

店舖食物非常普通，服務態度一個字……….”差”! 個別服務員態度非常負面，抱住希望顧客”快啲叫，快啲食，快啲走啦” 就是這樣的態度！顧客最好把產品百分之一百念熟，否則你講錯一個字，他們會問你很多問題，今時今日，居然仲有這樣的服務態度，真奇怪！非常非常之冷酷的感覺！如果用AI服務員，一定比他們好多10,000倍！如果不喜歡飲食業，為什麼要來茶餐廳工作呢？既然工作在飲食業，又要戴上負面的情緒來工作，我勸喻他還是在家裏休息吧！👎

【灣仔區】【祥興咖啡室】做咗兩年半嘅 foodie，話就話食匀十八區，但其實有好多地方我都未去過，未能夠寫畀大家睇。有啲朋友聽過我講呢樣嘢，話我知我喺呢方面已經做得比其他 foodie 好。我當然係開心，但係我自己把尺係定得高嘅。咁今日講呢間餐廳係茶餐廳嚟，以香港政府個十八區行政劃分上佢係喺灣仔區裡面。不過佢唔係喺灣仔，而係喺我未去過食嘢嘅跑馬地。實情幾個月之前已經坐朋友車經過一次知道呢頭都有啲餐廳，再問埋住呢度嘅朋友就掂。呢位朋友叫我唔好食牛奶冰室，有另一間更好，但我忘記咗個餐廳名。到我去到嗰刻就知係喺呢度喇，因為稍為排緊隊，要等一兩個。一場嚟到就等啦，一位嚟講好快都有得入，menu 唔多嘢，等我叫個 $52 嘅常餐食住先。主食「叉燒湯意粉」正正常常，無乜特別，而「厚切火腿炒蛋」塊火腿係厚過普通嗰啲兩至三倍左右，未到火腿扒嗰隻，個炒蛋炒得唔錯，幾滑。另外仲有「牛油厚多士」，塊包本身好食，烘得都啱啱好，配埋牛油係幾正。個餐仲有餐飲，我飲「正宗港式奶茶」，係幾好飲，奶滑茶底靚。見呢度個包幾好，其他顧客都會買包點，就整個 $9 嘅「馳名酥皮蛋撻」，好酥脆好香蛋味。叫埋 $16 嘅「菠蘿油」

是日路過跑馬地，必試祥興嘅招牌孖寶 — 酥皮蛋撻 + 奶茶！蛋撻全日都會keep住出爐，新鮮熱辣，酥皮鬆化唔油膩，蛋漿香甜軟滑，絕對稱得上係祥興嘅招牌！奶茶茶香十足，飲落有少少回甘，而且夠厚身掛晒杯，讚！只可惜菠蘿包一早賣晒，如果唔係一定會試埋呢個金獎菠蘿油！

第一次食祥興咖啡室，啱啱先知原來巳經好多年歷史。雖然只係外賣嘅蛋撻，但係絕對要俾十個讚❤️ 酥皮咬落去無散到一地都係而且唔油膩，超級鬆脆。蛋香味重而且好滑。蛋撻仲要睇得出出爐時間啱啱好，唔係實的的😅下次一定要食佢嘅菠蘿包同其他美食先得❤️

𝗕𝗲𝘁 𝘆𝗼𝘂 𝗮𝗿𝗲 𝗹𝗼𝗼𝗸𝗶𝗻𝗴 𝗳𝗼𝗿 𝘀𝗼𝗺𝗲𝘁𝗵𝗶𝗻𝗴 𝘀𝘄𝗲𝗲𝘁, 𝗰𝗿𝘂𝗻𝗰𝗵𝘆, 𝘆𝗲𝘁 𝘀𝗮𝘃𝗼𝘂𝗿𝘆 𝗶𝗻 𝗛𝗞? This cha chaan teng is an old-fashioned local coffee restaurant located in the Happy Valley area🏇well known for its egg tarts and pineapple buns in particular, but also serves other classic pastries, milktea and fast meals💨 they rebranded few years ago to a retro cafe, retaining interior that reminds us of 80-90s, with celebrity signatures mounted on the wall🧚🏻‍♂️ overall good value for money but service was brash🥹開業超過40年嘅祥興咖啡廳，

食完午飯，三時左右，朋友和我突然很想食港式花生醬西多士，還有蛋撻。身在跑馬地，當然一定是諗到祥興。我們當然是叫了想食的西多士，和新鮮出爐的蛋撻。蛋撻如常，出爐新鮮，酥皮和蛋漿均勻，非常好味。至於花生醬西多士，今次食便有些失望，上枱時，已不是熱辣辣或是厚厚的西多，而是已扁平了。咬入去，沒有舊時那種感覺。可惜！飲品我叫了一杯熱鴛鴦少奶，這杯有水準，幾好。這茶餐廳，當然有些知名度，也好懷舊。走前便想去洗手間，我便覺得不合格，女廁內，地上全是水非常濕，感覺非常差！其實這一間有名的懷舊茶餐廳，廁所的清潔是否應該可以做得好些呢？

一個悠閒既下午 又點少得一餐下午茶呢去完灣仔做野之後 見有時間可以食個tea 就搭叮叮趕去5PM之前到祥興一踏入餐廳 伙記已經即刻通知我無曬蛋撻同菠蘿包我4點幾到 已經無常餐 但仲有其他下午茶餐既然無曬祥興既名物我就隨意叫左個脆蒜薑蔥牛腩撈麵 加杯奶茶食物係唔係做牛腩專門店食牛腩麵我都無乜期望但有驚喜喎牛腩抆得好淋 好入味 仲有一两舊牛筋係bonus麵底係公仔麵 我嫌佢淋左啲奶茶唔知搞乜 一黎到已經有不祥預感就咁睇茶色唔對路 比一般的暗沉表面無乜張力 唔掛杯第一啖就知唔得 成杯五花茶咁既味exactly涼茶舖既味道 咁我第一次黎唔知佢地平時表現如何係今日師傅失準 定本身茶葉有事明明咁多人讚呢度既奶茶無理由架另外朋友叫豉油雞髀正正常常 無乜特別環境裝修設計好懷舊 下午去唔係太多食客 坐得寬敞啲 兩個人可以坐卡位服務正常茶記水準 遇到幾個伙計態度都ok既  無其他comment講得咁差

堂食雞髀，味道不錯，不用刀叉，用手拿着一口一口吃進肚子，感覺很放縱，好開心。可惜，我的快樂只維持了一段很短暫時間，因為店內的三位員工，不停大聲惡意負面批評每位離開了的客人：顧客一：還有蛋撻嗎？店員：沒有顧客離開後，店員：啲人有病，咁大個牌都唔睇。顧客二走近西餅櫥窗，點了一件包和西餅，離開後，店員：搞咁多嘢賣得兩舊，以為喺大project買20,000件，原來買得兩件。顧客三帶着可愛的女兒外賣雞尾包，離開後，店員：而家啲阿媽冇腦，唔識教小朋友，俾個小朋友周圍摸。(實際上小女孩沒有周圍摸東西)我不想知道我離開後，店員會怎樣惡意批評我；我只知道，以後唔會再去。

跑馬地區高尚及有錢人住嘅地方.亦都係名人出活地.比人感覺好似有啲高攀感.所以一向都好少在這區活動！係跑馬地綱上見到一間好多名人出活嘅餐廳.佢嘅食評都唔錯！今日專程去試吓.去到門口有人群排隊.因為我哋第一次嚟.唔識點樣攞籌或登記.所以入去問下.點知一個男侍應.不由分說.擺動兩手驅趕我出門口.態度惡劣.到攞到籌在門口等.見到蛋撻出爐.又未入得去.便立即買一個試吓新鮮趁熱食.蛋撻夠大隻.蛋漿夠厚夠滑.唔夠蛋香.蛋撻皮酥皮.但係唔係最好嗰隻.只屬於一般般.未有驚喜！（蛋撻唔記得影相）等咗20分鐘都未輪到.見入便餐室有空位.但無人安排入座.好似制造人群效應.再等咗多10分鐘.見到嗰個不禮貌嘅男侍應走到餐廳近門口.都未行出嚟.就叫我哋嘅籌號.我立即回應.喺度.點知佢可能聽唔到.再次叫下一個籌號.我立即再回應.佢即刻鬧我.話唔應籌號.真係佛都有火.我回應.係你聽唔到咋.呢一餐食到一肚氣.見山長水遠.無謂掃我太太興.唔係我就立刻轉身就走.呢間嘢肯定無下次.你驚有錢我無埞使.吹脹！😡😡😡點餐如下：1. 午餐（B）香煎豬扒喇沙米粉 X1 $56元 配：炒蛋/牛油厚多士. 餐飲：熱鴛鴦 （走糖）

Cheung Hing Coffee ShopG/F, 9-11 Yik Yam Street, Happy ValleyPineapple bun. The butter is not too thick, but the taste ofbutter is very good.Egg tart. It has a fluffy crust, not too sweet filling, andthe egg is so thick and smooth, it is the best egg tart I have ever had.Noodle. Good for regular meals! The scrambled eggs are sorich and fragrant.Old decorated café with history.

送完太太係跑馬地返工，有時間係附近食個早餐先自己返工。早上7點，天落緊雨🌧️，隨意泊🚗在小巷，便走入這間老餐廳。還記得20多年前在跑馬地工作，經常在這裹填肚，更不時在餐廳內撞到明星🌟，郭富城、邱淑貞、謝霆鋒、陳奕迅都見過。多年無來，餐廳己重新裝修過。點了個通粉餐，不過不失啦。通粉湯底比較稀，無麼味道，同澳牛、華星無得比，但火腿都幾重手。蛋治就幾好食，雞蛋炒得不會過熟。杯咖啡☕️亦幾香濃。有10多年無來，食個早餐都幾多回憶湧上心頭。

🎈行山前去搵早餐吃，選了跑馬地《祥興咖啡室》，由西灣河出發要轉一次車。食店是一間有歷史的舊裝潢咖啡室，要感受懷舊氣味不失望，但有要求的我，就覺得室內環境衛生麻麻。😆🎈在門口等了數分鐘，被安排坐卡位，算是不錯位置，餐牌就在桌上玻璃面底下，第一個點當然要吃菠蘿包啦！5厚切火腿煎蛋菠蘿包三文治豐富組合，咸甜相當夾菠蘿包包面皮香脆蛋撻酥皮鬆化，餡料不甜早餐雪菜肉絲米粉，配多士煎蛋米粉湯底味較淡凍咖啡食店星期日頗多人，我是早上9時多，出面已開始排隊，可能人多，服務員態度一般般。😂

祥興咖啡室好多年歷史，好多明星都去食過，入面嘅裝修仲係以前嘅茶餐廳格局，雖然喺跑馬地，但價錢都冇特別貴佢嘅酥皮蛋撻真係好出色，酥皮唔會一咬就一絲絲咁散開，而蛋好香濃同滑，暫時係我食過最好食嘅酥皮蛋撻菠蘿油都好正，面頭好脆，食落都好香，牛油雖然唔算好厚，但食落口牛油味都好出最後叫埋去茶餐廳唔少得嘅凍奶茶，好滑，叫咗少甜啱啱好，茶味都香濃如果想食蛋撻可以打去問下幾點出爐，因為有次下午去到賣哂，食唔到，所以希望大家唔好白行啦