祥興咖啡室

祥興咖啡室 @ 跑馬地朋友是要見的…有台灣朋友過黎香港玩…當然要盡下地主之誼。 朋友酒店近跑馬地…醒起跑馬地祥興…到達時見到長長既人龍…一行7人等左一粒鐘就分批入座…重點係仲趕到食早餐…無論舖面…舖內…水吧…紙皮石地板…木檯木凳…全部都散發懷舊色彩…牆上仲掛左好多名人既簽名。 最緊要係成個地方保持得好整潔…絕對懷舊唔殘舊上網摷過資料蛋撻…菠蘿包出名。 不過對麵包zero feeling既…更興奮係喜見"沙嗲牛柳絲"。非常期待既沙嗲牛柳絲米黎到……外觀好特別…好乾身…一d汁都無…唔緊要…好可能入哂牛柳絲度。 食一啖…zero satay味牛柳絲…飲啖湯…淡而無味。 可能我年紀大味蕾無咁靈敏。 朋友既叉燒意都係咁上下…跟餐既多士煎蛋就一定發揮到正常水準。 不過都有驚喜…食菠蘿油既朋友讚好味…另外男"熱心禮貌"店員服務態度由內至外…再由外至內…由排隊…座位安排…落單…都睇到將熱心同禮貌都發揮到極致。 有位婆婆問下係咪要俾錢先再去排隊攞包…男店員就答: 食野梗係要俾錢。 雖然我撐香港依然有好多真心禮貌小店…總難免唔好彩遇到例外…食物質素+服務態度=一次就夠…未去過既都建議去一次…真係執一間少一間#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #祥興咖啡室 #港式茶餐廳 #懷舊 #nostalgic…查看更多

希望管理層能正視員工的素質，避免不愉快的事情再次發生！星期日早上到達祥興咖啡室，雖然要排隊，但大約15分鐘便被安排好座位，感謝店員！之後我們點了咖啡、金獎菠蘿油、超級餐蛋麵以及蛋撻作為我們的餐點，10分鐘內，飲品、蛋撻及餐蛋麵均已上桌，過了差不多20分鐘，菠蘿油還未到，只好找來為我們點餐的店員查詢，店員便去問主理菠蘿油的員工是否漏了單，但那位身材矮小、綁着馬尾的員工態度超級惡劣（內容大致是只是過了幾分鐘就要催單，是否有問題）！連累店員被呼喝，我們也覺得很不好意思，所以快速的把餐點吃完就離開了。這次的用餐體驗實在很不愉快，希望餐廳的管理人員能正視問題，別讓情況惡化下去，謝謝。…查看更多

去探店的時候是香港的颱風天，沒想到還是要排隊🤷🏻‍♀️ 還好，排了15分鐘就進去了菠蘿油 — 菠蘿皮挺酥脆，配上冰凍的黃油，咸甜咸甜的，很好吃！酥皮蛋撻 — 酥皮是一碰就掉渣的那種，蛋撻芯不太甜，很不錯港式常餐 — 雞排湯公仔麵，雞排好吃，公仔麵正常發揮，隨套餐會附送炒蛋吐司一份，本來還是挺期待的，之前看過別人的貼文，應該是港式炒滑蛋搭配黃油厚吐司，可上桌後發現炒蛋乾巴巴的，完全不好吃，不推薦咖咉吐司 — 咖咉醬超級甜！吐司烤得有點太焦了，乾到吃不了，不推薦隨餐附送的飲料選了凍奶茶，奶茶的口感很絲滑，雖然是冰的，但還是能嚐到濃濃的茶味，甜度也是剛好，不錯整體用餐過程還是蠻愉快的，希望下次再來嚐嚐別的餐點！…查看更多

【2025 年 1 月。香港 跑馬地】早前與老爸去咗跑馬地 ...祥興咖啡室撐枱腳嘆個下午茶 ~~冰室仍然維持舊式冰室的風格木板卡座牆上掛滿名人的簽名新鮮出爐麵包餅食好出名架精選下午茶餐 ... 。金獎菠蘿油 + 熱奶茶 HK$32啱啱出爐菠蘿包加埋大大塊切厚鮮牛油邪惡又好食 ~~午市碟頭飯 ...。柱侯牛腩飯 HK$59老爸就鍾意柱侯牛腩飯牛腩煮得入味又夠腍，拌飯一流 ~~馳名酥皮蛋撻 HK$10也會每枱必點千層酥皮 + 滑嫩蛋漿，甜而不膩…查看更多

平日中午十二點幾去食常餐，叉燒米粉厚切火腿太陽蛋加熱奶茶，質素同普通冰室無分別，個多士幾脆幾好食，可惜間餐廳好似冇開冷氣咁，一路食一路流汗想快啲食完走人！但來都來了，想試埋 order signature 蛋撻啦，但話要等25分鐘先有唯有放棄。 建議夏天自攜風扇先好去否則會中暑🥵上一次來已經係4年前，今次服務態度有少許改善，叫做正常發揮…查看更多

相隔3年，再訪跑馬地人龍店 — 祥興咖啡室！揀咗午市去，試咗喇沙同鮮茄濃湯系列！喇沙湯底好濃，雖然唔算正宗，但個湯底好夠味，微辣，唔錯！反而跟餐嘅炒蛋多士就好失望，份炒蛋勁老，厚多士一啲都唔似多士，食落軟淋淋（似係擺咗好耐咁），又唔夠牛油，我哋最後無食到鮮茄濃湯我哋要要咗豬扒螺絲粉，湯底味道屬於偏清淡嗰種，不過有雜菜嘅甜味，都算有驚喜，豬扒煎得好香，肉質軟淋，味道不錯！菠蘿包蛋撻水準依然好好，就算好飽都要叫！凍奶茶好滑好好飲，甜度適中！凍檸茶茶底夠濃，係出色之作！後話，侍應們雖然好忙，但依舊笑容滿面，感覺好親切！揀得午餐時間去，都預咗人多會好嘈，但係企喺水吧嗰個姐姐麻煩下次講電話講得細聲少少，已經滿口鄉音（絕對唔係歧視），仲要勁大聲，唔多唔少會影響食客心情！而且佢全程夾住個電話嚟邊講邊做，都唔知啲口水會唔會噴咗落去啲食物度，感覺好唔專業！都知道而家飲食業不斷輸入外勞，估唔到祥興都唔例外…查看更多

位於跑馬地的這家茶記，絕對是港式美食愛好者的必訪之地。這裡的傳統裝潢保留了濃厚的復古風情，讓人一走進來就感受到濃烈的懷舊氛圍，彷彿時光倒流，回到那個簡單美好的年代。這裡不僅是品嚐美食的地方，更是內地劇「難哄」的取景地，許多劇迷愛好者都會特意前來捕捉這份獨特的美感。談到這裡的招牌就是鬆化嫩滑酥皮蛋撻，絕對讓人垂涎欲滴。酥皮外殼鬆脆可口，輕輕一咬就會發出清脆的聲音，配合內裡濃郁的蛋香，讓人一口接一口，根本停不下來。每一口都能感受到新鮮蛋液的細膩與香甜，完美融合，形成了一種令人陶醉的口感。這款港式蛋撻不僅口味出眾，更是對傳統工藝的一種致敬，非常值得一試。無論是作為下午茶還是隨意的小點心，這個蛋撻都能帶給你一份滿足與幸福。若你來到跑馬地，千萬別錯過這份美味！…查看更多

話說今日晏晝同朋友喺跑馬地打完波之後，見有少少肚餓，就打算到附近嘅祥興咖啡室食個下午茶。去到門口，除咗見到有兩名人士正在旁邊排隊買蛋撻、菠蘿包之類，另外有幾個年長嘅人士正從門口嘅位置以抱怨嘅語氣正在準備離開，我隱約聽到佢哋喺度講：「去第二間食啦，唔係剩係得佢一間啫」。我當時不以為然，只係以為冇位，但既然嚟到就即管入去睇吓啦。入到裏面發現有好幾張吉枱，於是我就隨便揀一張坐低。突然有個女侍應（類似阿嬸咁嘅物體）問我：「你幾多位啊？」，我答完佢之後，佢就叫我攞飛出去排隊。跟住我反駁佢話：「呢度咁多張吉枱都要排隊？」佢就話門口有好多人等緊位，費事其他客人嘮嘈。我心諗，唔通門口嗰兩個人唔係買蛋撻，而係排緊隊等位？我費事同佢一般見識，就即管攞張飛出去門口等一陣睇吓咩料！出到門口，旁邊排緊隊買蛋撻嘅人繼續排緊隊等蛋撻，而另一邊就完全冇人企喺度。我等咗兩三分鐘之後都冇人招呼我就開始唔耐煩，於是我就衝入去問個阿姐，我話：「門口啲人走晒囉喎，都冇人排隊，你咁多張吉枱都唔俾我入嚟坐？」。個阿姐就話：「係呀，未得啊，等多陣啦」。我即時火都嚟埋，就快想爆粗咁鬧鬼佢：「懶巴閉咁，剩係得你先至有得食咩！」。眼都唔望佢多眼我就轉身即走。今時今日，大家成日聽到有好多餐廳、食肆執笠，當然經濟周期同埋旅客嘅消費模式改變多多少少都有影響，但係喺舖價同埋租金都下跌嘅大前提之下，其實服務態度同埋食物質素先至係關鍵，或者令到生意難做嘅主因。呢類型嘅食肆，恃住自己係所謂嘅老字號，以為唔優做！ 所以啲人成日瀨市道唔好，但你見人哋兩餸飯同埋新興嘅茶飲店排晒大隊、開到成行成市。所以啲人墨守成規、一成不變，唔去檢討自己、自我反省，遲早都會變成歷史、被社會淘汰！…查看更多

祥興咖啡室位於跑馬地奕蔭街，是一家歷史悠久的傳統港式茶餐廳，已有超過40年歷史。店內保留懷舊冰室風格裝潢，光猛整潔，氣氛親切，適合日常用餐和悠閒下午茶，堂食及外賣服務齊全，深受本地食客及不少名人歡迎。通常要排隊約15-20分鐘。我的最愛：菠蘿油鬆軟鬆脆的菠蘿包，配上厚切鮮牛油，是熱愛港式經典小食的必點。番茄湯通份/出前一丁番茄湯夠濃，配厚切午餐肉和煎蛋/炒蛋，份量足夠，飽肚感強。港式奶茶茶香濃郁和奶香平衡，入口細膩順滑，為整餐添上畫龍點睛之筆。餐廳裝潢帶有濃厚的懷舊冰室風格，牆上多名人簽名，氣氛親切人均約$50至$100港元，提供性價比高的經典港式餐飲。…查看更多

成日聽人講祥興屹立半世紀好好好好食咁係真唔係啊 ⁉️即刻拉男朋友入跑馬地 食過嘅佢表示：還好咋喎 使唔使講到天上有地下無 🤨但講到咁神 點都要試吓㗎！！第一次 Weekday 衝線 4:15pm 到已經唔畀入話所有嘢都賣晒今次星期日下晝 3:15 pm 到 攞完籌排咗廿分鐘花磚 · 吊扇 ·「四人座位 二人請坐一邊」玻璃檯面夾住嘅餐牌菠蘿油 港式蛋撻 沙嗲牛麵 凍檸茶 🍹粗聲粗氣但好肯幫手嘅哥哥姐姐成件事懷舊到不得了嘢食不過不失 菠蘿皮唔夠脆麵包欠缺鬆軟同彈性 輕輕撳落去就扁咗好嘅係牛油畀得超足 🧈靚牛油唔係好易融嗰種 尚算合格反而蛋撻有驚喜 正宗港式做法千層撻皮非常鬆化而且重牛油香蛋撻餡香甜嫩滑 好味 😋第二隻蛋撻餡未熟 都有換返畀我哋對舊式咖啡室嘅絲襪奶茶好有期望 可惜飲落好淡 茶底唔夠香個人覺得特登入去可能會失望 👀…查看更多

以前中學時期已經會黎呢度食，年紀越大就越覺得舊式冰室嘅環境、裝修真係好吸引，雖然係舊情懷但好唔好食都好重要，唔係香港節奏甘快一樣被淘汰。叫左幾樣必食之選：金獎菠蘿油-外脆內軟超級邪惡，果然係金獎，真係必叫。咖央奶油西多士-唔係差，不過好似咖央醬加奶油糖漿甜到有啲膩，可能叫咖央厚多士或者係花西醬西多士比較好。蛋撻-撻皮酥脆蛋味濃，就係好食。我老公叫左杯凍咖啡，自己叫左杯茶走，滑溜香濃茶味又不澀，總括來說各樣都係出色。…查看更多

—滿心歡喜睇完戲行去跑馬地食tea餐廳入面內櫳幾大 所以排咗陣就有位點知已經賣晒最想食嘅蛋撻🧈金獎菠蘿油($19)一大塊牛油夾喺入面很邪惡脆皮薄身酥香鬆化 麵包綿密濕潤口感好好 好耐冇食到咁高質嘅菠蘿包就咁食個包已經很ok5點收鋪 當日紅日4點去到就已經要下次請早好多嘢都已經賣晒 準備清潔收工又要bookmark再嚟過食蛋撻🥧——————————————————————祥興咖啡室 跑馬地奕蔭街9-11號地舖…查看更多

出名嘅蛋撻，酥皮十分鬆化，蛋漿香濃。 作為香港其中一間蛋撻名店，當之無愧。除咗蛋撻以外，推介嘅仲有菠蘿包餐。 菠蘿油包入面，可配㙮各種涵料，如豬扒、沙嗲牛等等。 揀咗最鍾意嘅餐蛋菠蘿包，餐蛋嘅軟硬程度同菠蘿包好夾，加埋流心嘅蛋黃，令菠蘿包嘅美味提升一個層次。此外，奶茶同常餐都好有水準。關於服務態度，作為傳統茶餐廳，好多嘢都好人性化。 入到嚟對佢地客客氣氣，佢哋對你自然亦都唔會差。 但如果一入到嚟自己態度都唔好嘅，你亦自然會受到對等待遇。…查看更多

蛋撻由九元一個，買五送一，加價飛快，最近又加百份之二十，有點不合理，不要盲目跟隨網上推介搶購。附近麪包鋪都有不錯的蛋撻，九元一個，買五送一。排隊等候時間較長，通常超過15分鐘，餐廳人員安排時也不是好好禮貌，可能不愁冇生意吧，食物也祇是一般，性價比不高，附近街市大廈樓上熟食市場大排檔食物更好，奶茶多士都好，已經經營四十多年，值得推薦。餐廳服務也祇是一般般，不要盲目跟風。希望餐廳能儘快改善，不要祇顧賺快錢。…查看更多

呢間祥興咖啡室已經book mark左好耐，終於都有機會試下😌平時都中意去啲懷舊冰室😙呢間茶餐廳係跑馬地已經有好耐歷史，牆上面都掛左好多名人嘅簽名✍️入面嘅裝修都好有懷舊feel, 但係感覺都幾乾淨🤪🔻同一般茶餐廳一樣乜都有得食，不過一場黎到要試下佢馳名嘅酥皮蛋撻$10🤩平時蛋撻我都係中意曲奇皮多啲，不過佢嘅酥皮真係非常鬆脆，入面嘅蛋漿fill到好滿，食嘅時候仲係熱的，一拎起手又唔會散曬😛🔻另外仲點左佢嘅惹味豬扒菠蘿包$45，呢個餐仲包左杯熱飲，所以點左杯熱咖啡☕️呢個菠蘿包真係物有所值🤩出面個皮好脆，但個皮唔會一咬就散曬，入面塊豬扒都係炸過黎，好香口好脆☺️值得一試！…查看更多