祥興咖啡室

祥興咖啡，奶茶，極非常難飲，淡而無味，多士，及波羅油，是番熱，不是即做即出，午䬸肉煎定，再用番熱，每日下午四点没有東西賣，没有奶茶，没有咖啡，没有檸茶，是甚麽都没有，什至飯都没有，公司營業到五点，我來光顧什么都没有，這叫做做生意，真令我不滿，扣了印象分，其他出品可以讚下。…查看更多

這家是跑馬地出名遊客長期排隊的茶餐廳以前很多明星來過打卡，牆上都是明星簽名，所以很多遊客慕名而來。環境是茶餐廳懷舊風。今天平日11:45到，難得沒有人排隊，便帶朋友來試試▫️常餐午餐肉公仔麵，配炒蛋牛油多士，熱奶茶多奶不過不失，下次可以不點😂▫️豬扒菠蘿包餐菠蘿包很鬆脆，做得不錯。熱奶茶也是茶餐廳的水準▫️蛋撻x2今天來就是為了他們的蛋撻，皮是酥脆的，蛋也很紮實，味道蠻好的👍服務員態度也不錯，不會催單…查看更多

雖然排咗足足30分鐘隊先有位食嘢，但都覺得非常值得，因為一坐低就見到麵包師傅捧住盤新鮮出爐嘅蛋撻出嚟，即刻叫咗2個！新鮮出爐嘅酥皮蛋撻真係無嘢好挑剔，配埋一杯熱茶走，贏晒！茶走嘅茶色好靚，茶味香濃帶回甘，甜度啱啱好，好飲！另一樣招牌菠蘿油就略為失色，個包唔夠熱，牛油亦偏薄，做唔到冰火效果~~常餐叉燒出前一丁屬於正常發揮，隨餐仲會跟一份炒蛋多士，不過最後呢份嘢我哋係無食到嘅，因為真係無辦法擺入口… 我哋都係第一次見到炒蛋入面仲有可以拉絲嘅蛋白喺度（好似鼻涕咁），而且仲有好多黑色一點點黐咗喺底，所以只好直接放棄😨…查看更多

酥皮蛋撻嘅好味程度簡直可以話係港島區嘅No.1，酥皮唔會太厚，夠晒鬆化，蛋漿甜度適中，而且keep住新鮮出爐，超級正！常餐嘅叉燒湯螺絲粉中規中矩，不過跟餐嘅火腿炒蛋厚多士就幾出色，炒蛋炒得好滑，唔錯！蕃茄濃湯通粉嘅湯底偏清淡，但好足料，食得出蔬菜嘅清甜，配埋沙嗲牛柳絲同滑滑嘅炒蛋，完全無違和感，幾正！菠蘿油係冰火+咸甜嘅衝擊，好好味！奶茶茶味偏淡，無回甘，唔係我心目中杯茶！…查看更多

最近好hit嘅冰室，終於有機會試到！酥皮蛋撻好掂！佢哋嘅蛋撻果然係港島區名物，機乎枱枱都有叫，真心好味！餐蛋菠蘿包有啲普通，個包本身唔熱，肥豬餐肉煎得唔香，煎蛋係全熟蛋，一啲流心效果都無，不推薦！常餐雞扒湯螺絲粉，冰室有螺絲粉揀並唔常見，所以心思思叫嚟試吓，雞扒幾好味，螺絲粉唔會煮到爛晒，幾唔錯！至於跟餐嘅肥豬餐肉炒蛋厚多士就十分麻麻哋，塊多士唔夠牛油，甚至可以話係無牛油！唔熱又唔脆，個人認為似厚方包多過厚多士！肥豬餐肉同菠蘿包個問題一樣，都係煎得唔夠香，食落只係微暖，似係輕輕煎一下就起餐，唔好食！炒蛋嘅問題最嚴重，蛋漿根本無拂勻，成份炒蛋中間仲有一撻透明嘅蛋白都可以照起餐，無辦法接受🤢 …查看更多

終於試到呢間日日排隊嘅網紅店，都有少少感受想分享吓～～菠蘿油、蛋撻2樣都好正，然後望一望全場，機乎檯檯都有叫，屬於鎮店孖寶！西多士，一邊勁燶，一邊根本未炸夠，味道偏甜，有啲後悔叫咗！熱奶茶好飲，奶同茶嘅比例幾好，幾順口，不過見到好多人叫凍奶茶飲，所以又後加咗杯凍奶茶，果然唔錯，唔會好甜，但又有茶味，唔怪得咁多人叫！最後有少少嘢想講返，食食吓嘢見到有個女員工企喺度食雪條，其實我哋只係唔覺意望到，唔係特登望佢，但佢即刻怒目相向望返我哋，嚇到我哋都唔敢再周圍望！不過其實一邊揸住條雪條一邊做嘢都唔係咁好啦～～…查看更多

平日嚟祥興咖啡室食早餐，幸運地唔使排太耐隊，一入到去就感受到濃濃嘅老香港茶餐廳氣氛。今次我哋簡單叫咗菠蘿包、蛋撻，加一杯熱奶茶作輕早餐。呢度嘅菠蘿包同蛋撻喺社交媒體上面超紅，我而家完全明白點解。菠蘿包外皮香脆鬆化、入面嘅牛油溶得啱啱好；蛋撻酥皮香脆、蛋心滑得嚟唔會太甜。再配埋香濃順滑嘅熱奶茶，真係完美嘅香港式開始。整體而言，祥興咖啡室絕對係值得一試嘅懷舊早晨好去處 — 無論係打卡、歎早餐定感受地道風味，都會令人滿意而歸。…查看更多

出左名都係會變劣既定律，無時無刻都係排隊，諗住飲杯茶走啦，入口係暖既，茶唔熱上枱真係比起茶唔靚劣囉。蛋撻依然keep得住 但已經加到$12。要食唔好揀星期日，客多就粗製濫造，無質素。…查看更多

作為住喺跑馬地嘅街坊，對祥興有少少有感而發！菠蘿包、蛋撻喺呢區已經出晒名，排得隊嘅都必定會叫，所以其實都唔使特別再讚！今次想講吓佢哋嘅服務態度，祥興班伙記其實個個都好好人，好有禮貌，每次見到啲客人一坐低就有茶飲有包食，就會好配服佢哋記性了得，會記得晒客人嘅喜好，今時今日咁嘅服務態度真係好貼心！不過最近去幫襯嘅時候，有一位比較新嘅員工（我呢度就唔特別指明係邊個，因為見到上一篇食評已經有人批評過佢嘅工作態度）嘅行為令我有少少睇唔過眼，所以想抒發一下！如果閣下真係覺得客人落咗單就唔能夠改嘅話，麻煩你真係檢討吓乜嘢叫做服務態度！份餐未出，改到咪改囉，真係改唔到嘅話，只要同客人講返聲，我唔覺得有咩問題！大大聲咁喺自己個工作崗位度話客人有問題，其實你自己本身都好有問題，比人嘅觀感真係好差…查看更多

希望管理層能正視員工的素質，避免不愉快的事情再次發生！星期日早上到達祥興咖啡室，雖然要排隊，但大約15分鐘便被安排好座位，感謝店員！之後我們點了咖啡、金獎菠蘿油、超級餐蛋麵以及蛋撻作為我們的餐點，10分鐘內，飲品、蛋撻及餐蛋麵均已上桌，過了差不多20分鐘，菠蘿油還未到，只好找來為我們點餐的店員查詢，店員便去問主理菠蘿油的員工是否漏了單，但那位身材矮小、綁着馬尾的員工態度超級惡劣（內容大致是只是過了幾分鐘就要催單，是否有問題）！連累店員被呼喝，我們也覺得很不好意思，所以快速的把餐點吃完就離開了。這次的用餐體驗實在很不愉快，希望餐廳的管理人員能正視問題，別讓情況惡化下去，謝謝。…查看更多

去探店的時候是香港的颱風天，沒想到還是要排隊🤷🏻‍♀️ 還好，排了15分鐘就進去了菠蘿油 — 菠蘿皮挺酥脆，配上冰凍的黃油，咸甜咸甜的，很好吃！酥皮蛋撻 — 酥皮是一碰就掉渣的那種，蛋撻芯不太甜，很不錯港式常餐 — 雞排湯公仔麵，雞排好吃，公仔麵正常發揮，隨套餐會附送炒蛋吐司一份，本來還是挺期待的，之前看過別人的貼文，應該是港式炒滑蛋搭配黃油厚吐司，可上桌後發現炒蛋乾巴巴的，完全不好吃，不推薦咖咉吐司 — 咖咉醬超級甜！吐司烤得有點太焦了，乾到吃不了，不推薦隨餐附送的飲料選了凍奶茶，奶茶的口感很絲滑，雖然是冰的，但還是能嚐到濃濃的茶味，甜度也是剛好，不錯整體用餐過程還是蠻愉快的，希望下次再來嚐嚐別的餐點！…查看更多

【2025 年 1 月。香港 跑馬地】早前與老爸去咗跑馬地 ...祥興咖啡室撐枱腳嘆個下午茶 ~~冰室仍然維持舊式冰室的風格木板卡座牆上掛滿名人的簽名新鮮出爐麵包餅食好出名架精選下午茶餐 ... 。金獎菠蘿油 + 熱奶茶 HK$32啱啱出爐菠蘿包加埋大大塊切厚鮮牛油邪惡又好食 ~~午市碟頭飯 ...。柱侯牛腩飯 HK$59老爸就鍾意柱侯牛腩飯牛腩煮得入味又夠腍，拌飯一流 ~~馳名酥皮蛋撻 HK$10也會每枱必點千層酥皮 + 滑嫩蛋漿，甜而不膩…查看更多

平日中午十二點幾去食常餐，叉燒米粉厚切火腿太陽蛋加熱奶茶，質素同普通冰室無分別，個多士幾脆幾好食，可惜間餐廳好似冇開冷氣咁，一路食一路流汗想快啲食完走人！但來都來了，想試埋 order signature 蛋撻啦，但話要等25分鐘先有唯有放棄。 建議夏天自攜風扇先好去否則會中暑🥵上一次來已經係4年前，今次服務態度有少許改善，叫做正常發揮…查看更多

相隔3年，再訪跑馬地人龍店 — 祥興咖啡室！揀咗午市去，試咗喇沙同鮮茄濃湯系列！喇沙湯底好濃，雖然唔算正宗，但個湯底好夠味，微辣，唔錯！反而跟餐嘅炒蛋多士就好失望，份炒蛋勁老，厚多士一啲都唔似多士，食落軟淋淋（似係擺咗好耐咁），又唔夠牛油，我哋最後無食到鮮茄濃湯我哋要要咗豬扒螺絲粉，湯底味道屬於偏清淡嗰種，不過有雜菜嘅甜味，都算有驚喜，豬扒煎得好香，肉質軟淋，味道不錯！菠蘿包蛋撻水準依然好好，就算好飽都要叫！凍奶茶好滑好好飲，甜度適中！凍檸茶茶底夠濃，係出色之作！後話，侍應們雖然好忙，但依舊笑容滿面，感覺好親切！揀得午餐時間去，都預咗人多會好嘈，但係企喺水吧嗰個姐姐麻煩下次講電話講得細聲少少，已經滿口鄉音（絕對唔係歧視），仲要勁大聲，唔多唔少會影響食客心情！而且佢全程夾住個電話嚟邊講邊做，都唔知啲口水會唔會噴咗落去啲食物度，感覺好唔專業！都知道而家飲食業不斷輸入外勞，估唔到祥興都唔例外…查看更多

位於跑馬地的這家茶記，絕對是港式美食愛好者的必訪之地。這裡的傳統裝潢保留了濃厚的復古風情，讓人一走進來就感受到濃烈的懷舊氛圍，彷彿時光倒流，回到那個簡單美好的年代。這裡不僅是品嚐美食的地方，更是內地劇「難哄」的取景地，許多劇迷愛好者都會特意前來捕捉這份獨特的美感。談到這裡的招牌就是鬆化嫩滑酥皮蛋撻，絕對讓人垂涎欲滴。酥皮外殼鬆脆可口，輕輕一咬就會發出清脆的聲音，配合內裡濃郁的蛋香，讓人一口接一口，根本停不下來。每一口都能感受到新鮮蛋液的細膩與香甜，完美融合，形成了一種令人陶醉的口感。這款港式蛋撻不僅口味出眾，更是對傳統工藝的一種致敬，非常值得一試。無論是作為下午茶還是隨意的小點心，這個蛋撻都能帶給你一份滿足與幸福。若你來到跑馬地，千萬別錯過這份美味！…查看更多