神虎麺商店

營業中

休息中

開咗好一排，最近先有機會一試。辣芽菜好入味，送燒酹一流！特選拉麵係咖哩牛肉拉麵，牛肉好淋好嫩，入口即化。咖哩湯好香，好夠味但唔鹹，飲晒！粗身拉麵掛湯，勁好味😋加埋蛋花，好索湯😄下次要試吓原味拉麵。拉麵同日本一樣！

同男朋友一齊去試，叫左一個神虎拉麵🍜，一個黑虎拉麵手同辛辣荳芽拉麵湯底好飲易入口、麵質爽口、肉丸特別 、叉燒肥瘦適中。而荳芽爽口偏辣，好食😋🥰Overall good,仍然會繼續支持去食☺️

都知道大角咀好多好嘢食而拉麵比較出名就係博文街嗰邊嘅兩間呢間就比較小人提 今日特登入去呢間一探究竟我一望個Menu發覺呢一間拉麵店個價錢都比較進取喺大角咀區一碗拉麵都差唔多$100嗰精選拉麵仲要$120今日同女朋友兩個食咁基本就叫一人一碗拉麵仲嗌左個小食芽菜同埋炸雞首先我叫咗個海老虎拉麵試一試啖湯 佢個湯有好濃郁嘅蝦味餸就唔算多有啲雲耳櫻花蝦紫洋蔥嗰啲配菜仲有舊叉燒同埋兩粒豬肉丸個豬肉丸唔錯 入面有啲軟骨有啲咬口同埋唔會實的的不過要彈一彈佢個麵底佢個麵底有少少鹼水味同埋唔係好彈牙 食落比較淋好似煮得耐得滯同埋掛湯能力都唔係好夠海老虎拉麵- 🌕🌕🌕🌖🌑咁女朋友就叫咗個神虎拉麵啲餸都同我個海老虎一樣只不過湯底唔同湯底豚骨味都好出但唔知點解我飲到有少少雞骨湯嘅味道但係同樣個麵底都係比較令人失望神虎拉麵- 🌕🌕🌕🌖🌑反而個芽菜好出色喎佢有啲似平時食韓國菜嗰前菜佢呢個芽菜比較爽口同埋佢個辣味啱啱好如果唔使錢我一定會係咁食辛辣大荳芽菜- 🌕🌕🌕🌕🌗本身唔諗住叫炸雞但係見人隔離枱上菜個炸雞好似幾正我哋就帶叫咗嚟食佢total有四大舊雞 食落都好滑嘅只不過有少少油膩 因為佢浸油索咗喺表面但係都唔算差嘅

住係大角咀都幾開心，因為有幾間拉面店係附近，今次都第3次食嫁啦食lunch最好就係唔使點等位，入到去次次都係坐bar台，因為感覺好似日本feel d牙嗎之後就寫紙仔落單，如果叫埋小食就真係好飽，所以食個面都ok嫁啦例排我都係食神虎個拉面，同行既肥熊都係鐘情沾面。今次都係第3次食，水準一路都keep到！可能係日本人搞既關係，有個份堅持怪。個湯底我次次都飲哂，過左個幾鐘都唔口渴，所以我次次都飲哂佢如果食個面加埋個湯真係堅飽嫁！！！

今日難得可以2個人拍下拖 , 就揀左近近地屋企既呢一間拉麵店因為我地曾經講過 , 要試云曬香港既拉麵店其實呢間就係上次經過見到有間新開的 , 所以就今次過來試下~我就叫左個''黑虎'' (黑蒜拉麵) $93 , 男朋友就叫左''神虎拉麵'' (佢食完話係豬骨湯底) $98再加多客神虎餃子(5件) $42說真的 , 吃完真的非常飽....唔係話佢碗麵大份 , 算係正常拉麵份量男朋友仲話好細碗炸wo .... (可能係我細食啦~)黑虎既湯底係比神虎既重味 味道較咸 , 但我就覺得黑虎比較岩我口味但2碗湯底來講都好正 , 由於男朋友對於味精係較敏感~佢食完都唔覺得口乾 , 所以就算係無乜味精啦~而我最欣賞既係佢塊叉燒 真係好正 , 又好嫰又好咬口 真係好yummy如果可以 , 下次可以試下佢個''海老虎'' (即係櫻花蝦湯底) , 聽講係香港限定的

這次介紹的是來自大阪的過江龍神虎麺商店🍜 聽聞主要原材料均由日本本店提供，而本店製作的叉燒原料則選用西班牙空運到港的豚肉，並堅持每日新鮮製作😉.神虎精選神虎精選配料有木耳、洋蔥、味付溏心蛋，湯底是用上白白的豚骨湯，入口唔咸，反而很有豚骨味，一點都不油膩👍🏻當然還不少得他們的西班牙豚肉，入口嫩滑，肉味香濃😋而他們的手打肉丸，師傅用新鮮豬肉製成，入口彈牙😋最後他們的拉麵硬度適中，掛湯力高，整體不錯😋.辛辣大豆芽菜口感爽脆，麻油味濃，還帶點辛辣感🌶

本身諗住食餃子，點知冇開，就是佢對面嗰間神虎拉麵店舖空間好大，唔會人貼人，拉麵店來講算坐得還可以本身諗住食神虎（$98）加荀（$10），見神虎精選（$128）多$20有荀有多塊叉燒，感覺抵食啲就揀呢個個湯好濃豬骨味，唔錯厚叉燒整得好淋又入味，荀就正正常常不過份都幾多如果要彈就彈佢個面底，好普通嘅拉麵面底，食唔到麥香味淨係得浸鹼水味，日本過江龍來講應該算唔合格可能香港搵好食嘅拉麵貨唔容易啦，如果面底改善到就大大加分

本身唔食蛋，好開心有拉麵店唔係所有拉麵都要跟蛋，因為好多時會就咁浪費咗。冇蛋又加上香港限定，就叫咗碗海虎老。湯沒有好濃厚，沒有好張口，但就好濃味，應該講係好咸，我本身都食得味濃。餸係肉丸，叫做特別啲囉，唔洗次次都係叉燒，味道都可以。木耳係原片，呢樣就唔鍾意，都係切條好食，攪到好似屋企自己煮，唔好食得嚟，冇哂feel。另外加咗筍，平時淨係食日本筍，汗淨得嚟唔會有陣臭味，佢就未至於臭，但就好多渣。作為拉麵店真係唔應該，第一次食唔哂。味道呢家嘢見仁見智，又或者係當日失準。最令我受唔到係抽風，我直頭油焗到醃眼，要不停飲冰水先抖到氣。呢碗麵有啲捱食。

-{大角咀魚介沾麵🍜}又黎大角咀食拉麵😚今次依間係分店黎 總店係灣仔 嗌左沾麵食🤓🤤神虎沾麵🤤 ($116)要左300g同熱嘅魚介湯湯嘅鹹香味較重 適合重口味人士 麵好夠彈 會掛湯~湯入面有2粒叉燒加筍 仲有2片叉燒就乾柴啲 沾啲湯汁食會好d☺️最後隻蛋 係神級好味😍😆蛋味勁香濃完全冇腥味 個蛋好滑又流心好正😝👖褲評: 8.8/10成個麵都好正 尤其隻蛋🥰😍但定價有啲貴😭同埋等野食嘅時間耐啲👀性價比: 8/10服務: 8.3/10環境: 8.2/10🚩神虎麺商店🚩地址: 大角咀埃華街74號大同新邨大成樓地舖灣仔大王東街6-16號安東大廈地舖

之前有晚嚟大角咀已經想試，但無位唯有放棄呢日lunch終於食到喇~#海老虎 +辣醬 🦐(其實有好幾款都想試，但今次試咗呢個先)個湯底真係食得到蝦味，而且都幾濃麵上面仲堆滿櫻花蝦麵質無得揀軟硬，但食落我覺得恰到好處，適中至於其他配料都表現正常，無咩特別，可惜佢原配無溏心蛋(嗰個加錢要嘅"辣醬"真係好愚蠢😂)#炸三文魚塊 🐟嚿三文魚本身係幾好食，不過個炸粉太厚雖然表面炸得好脆，但中間仲有層好厚嘅粉，搞到嚿嘢食落個口感都唔似三文魚肉😂總括而言，拉麵係唔錯，會再嚟試吓其他款式🤤

🍽 神虎麺商店 (大角咀)大角咀埃華街74號大同新邨大成樓地舖神虎麺商店 (灣仔)灣仔大王東街6-16號安東大廈地舖🐽今次黎到大角咀呢間拉麵店！主要就係想試下傳說香港拉麵界最好食嘅日式炸雞！大家有睇開我嘅拉麵食評都知🐽好鍾意食日式炸雞，而呢度嘅炸雞果然有返兩道板斧，炸得香脆多汁！可惜嘅係拉麵嘅水準真是一般般！黑虎 $98（🧡🧡🧡）最基本的拉麵只有肉丸、木耳、薄叉燒及蔥等配菜，這次另加了$10的味付荀。這個價錢來說配菜略少，唔太抵食。配菜表現正常，手打肉丸帶有薑味，但口感不夠彈牙。叉燒肥瘦均勻，肉質還算鮮嫩可口。湯底黑蒜味不濃，但黑蒜油令豬骨湯的醇厚香濃帶上一些苦澀味，而且略咸🥲麵條粗度適中、微曲，不算太掛湯。神虎精選 $124 (🧡🧡🧡🤍)​ 精選拉麵係代表全部拉麵配料都會包含哂係呢碗拉麵入面，而當中比較突出嘅就係果舊肥肥嘅豚腩肉！經過炙燒後嘅肥豬肉，每口都充滿油脂香氣！而其餘嘅配料則表現平平，而神虎湯底則為最基本的豬骨湯，飲落是濃厚嘅豬骨味，但味道層次不足，亦冇加入魚介以提高鮮味，水準比較普通。炸雞 $48（🧡🧡🧡🧡）一路聽講係拉麵界最好食的炸雞，果然名不虛傳！首先係4件都大大舊！外

放工黎到神虎，諗住快快手食個好味嘅拉麵就返屋企。我地Order了兩個拉麵，可能人客太多嘅關係，都等咗大概15分鐘先有得食。兩款拉麵湯底還可以，但只有一塊叉燒同兩粒肉丸，拉麵既份量都好少，唔係好夠飽。🌟神虎拉麵 $98🌟黑虎拉麵 $93

大角咀其實都幾多嘢食，今次搵咗間食沾麵嘅舖頭，入面仲有日本師傅坐鎮😍😍佢係水準出式既魚介湯沾麵.味道,價錢都好好..湯底夠濃夠香，係好重嘅魚介湯味，但又唔會好鹹。神虎沾麵有配瘦叉燒,但瘦叉燒驚喜唔大.反而加配既肥叉燒卻係超級好味!!燒過既肥肉好香,而肉質超腍超嫩.加配價係$48，超級建議加配！！.以佢嘅麵質就係粗身曲麵，好掛到汁，有得揀200g同300g.正常份量200g已經夠晒.神虎沾麵 $116

神虎我一直都想試好耐見到唔少網民都話好食 但其他分店有啲遠 就一直都未有幸試到知到佢係大角咀開左 梗係要去試下啦-門口好有日本feel 好日式 連內部裝潢都係好日式 好似真係黎左日本咁❤️我就試左 香港限定既口味—海老虎係蝦味噌呀❤️❤️❤️聽到個名都覺得正-⭐️海老虎 $92 +蛋$12哇 好多蝦仔 份量多到嚇親蝦味噌湯好香好濃 好正仲有塊好大片既叉燒 但叉燒就鞋左少少拉麵入面仲有2粒豬肉丸 有驚喜！又幾好食配料木耳有陣好香既芝麻油味 又爽口又好食我另外加左隻蛋 連隻蛋都好高質 係有味蛋黎❤️$12總對值呀 隻蛋黃又大又香 好正😋-整體黎講我比5⭐️真係好好食呀😋❤️❤️❤️❤️一定會再返轉頭食呀

想食拉麵，見網上推薦神虎麵商店。復活節期間去大角咀分店，7點左右到埗，不用等。海老虎🐯- 豚骨湯底加蝦味，加了很多櫻花蝦，味道很濃，湯底有似酒店龍蝦湯味道。雖然相片像是量不多，但其實麵量足夠，配料有肉丸和叉燒，糖心蛋是另外加的，整體來說好吃。黑虎精選 - 黑蒜油湯底，味濃但偏鹹，精選的配料亦較多，比普通多了筍、紫菜、味蛋和燒豬腩肉，燒豬腩肉很膩。很飽。炸雞 - $48份量很多，有五件，大大件！而且即叫即炸，夠熱，但不好的是很油膩，廚師沒有把多餘的油隔掉。整體來說不錯，湯底很夠濃，而且份量也多。我們兩人吃，每人一碗麵加炸雞，絕對是叫多了。吃完大概8時多，見要等位了。不知是否湯太濃，吃完後超口渴。