神虎麺商店

《神虎麺商店》神虎拉麵🍜📍大角咀埃華街74號大同新邨大成樓地舖唔少拉麵迷，都會趁店家推出期間限定版拉麵時撲去試試。我都有類似心態，不過都要睇睇👀啱唔啱食同價錢如何。《神虎麺商店》嘅期間限定拉麵普通價格都頗進取，可能因為每次都係用貴料。店家近來推出和牛拉麵，我睇到個價錢真係有d欲步，所以決定食返招牌拉麵算了。《神虎拉麵🍜》香味 (4/5)豚骨，白胡椒，山椒嘅香味都有，豚骨味為主軸，好香。湯 (4/5)都係豚骨味道為主軸，香濃，鮮，鹹甜度剛好。見湯上麵有浮住睇落似背脂嘅白色野，我相信係店家為左提升個湯嘅香濃度而加，而且更順滑，好味嘅，又唔會話好油膩。麵條 (3.5/5)中細麵，直身，形狀偏圓。口感同味道同車仔麵食到嘅油麵接近，我就覺得還好，唔係太有個性。配料 (4.5/5)豬叉燒就近乎完美。用嘅部份係豬肩肉，肉質鮮嫩，肉味濃，好好食。肉丸呢，淡淡嘅山椒味，正常，幾好食。溏心蛋係我鍾意嘅調味，調料偏輕手，所以蛋本身嘅味更容易品嚐到。生熟程度完美。最後當然完食冇難度。整體 - 值得推薦 👍👍👍👍…查看更多

成日聽朋友講大角咀有間拉麵好得，但因為唔係正正喺旺區，所以一直都未有機會試。今次終於的起心肝，專登入大角咀搵呢間「神虎麺商店」。鋪頭唔算好大，坐位唔多，但裝修行日式簡約風，坐得幾舒服，有啲日本街頭小店嘅感覺。我二話不說就叫咗個最豐富嘅神虎精選，再加個小食炸雞。等咗一陣，碗拉麵熱辣辣上枱，個賣相已經好吸引！個湯底呈奶白色，面頭有層薄薄嘅豬油，未飲都聞到陣陣濃郁嘅豬骨香。飲第一啖湯，嘩，真係冇介紹錯！個湯底超級濃郁，豬骨味好突出，但又唔會死鹹或者油膩，飲得出係用咗好多時間去熬製，飲完成個口都係滿滿嘅膠質同鮮味，層次感十足。麵條我揀咗偏硬，口感好彈牙，而且掛湯能力一流，每一啖麵都索晒啲湯嘅精華，非常過癮。至於配料，「精選」呢個名真係冇改錯。叉燒有兩款，一款係傳統嘅薄切叉燒，肉質軟腍；另一款係厚切火炙叉燒，呢塊先係戲肉！經過火炙之後，啲肥膏迫晒啲油香出嚟，半肥瘦嘅口感入口即溶，焦香四溢，真係不得了。隻溏心蛋都做得好出色，蛋黃呈橙紅色嘅啫喱狀，蛋味香濃，恰到好處。跟住上嘅炸雞都冇令我失望。即叫即炸，上枱嗰陣仲熱到辣手。個炸漿好薄好脆，咬落去「咔」一聲，但入面嘅雞肉依然保持到非常嫩滑多汁，完全冇炸到乾晒。佢哋嘅調味亦都做得好好，唔會太鹹，點少少沙律醬一齊食，可以中和返少少油膩感，真係會食到停唔到口。總括嚟講，神虎麺商店絕對係一間好有誠意嘅拉麵店。雖然價錢喺大角咀嚟講唔算平民，但無論係湯底、麵條定係配料，都食得出師傅嘅功架同心機，完全係一分錢一分貨。如果你係一個鍾意濃郁豬骨湯底嘅拉麵控，呢間鋪頭絕對值得你專登過嚟試一次，包你食完會好滿足！…查看更多

喜歡濃味、背脂、重蒜，絕對要吃重量級的二郎系拉麵 🍜 ！灣仔三虎拉麵首選一定係神虎，今次為了吃分店限定，每日限量供應20碗 (午市10碗｜晚市10碗)的《二郎系拉麵》，專程來到大角咀神虎麵商店分店，早去的肥肥就有麵吃。《二郎系拉麵》湯底濃郁豚香，但入口不會油膩，配搭少許的辛辣的韮菜中和了不少油膩感。去神虎必吃的西班牙肥叉燒(伊比利亞豚肉)，口感肥美嫩滑，肉味濃。而麵條換了新款，更為有韌勁，美中不足掛汁力不足。海老虎拉麵 🍜 湯底濃郁蝦香味，西班牙叉燒(伊比利亞豚肉)口感OK。可以加$6試下秘製辣醬，加些少更為惹味。今次試完《二郎系拉麵》，再次對神虎刷新高評價。大角咀分店期間限定 🌟 每日限量供應20碗，吃一碗少一碗，絕對唔可以錯過！🍜 神虎麵商店大角咀埃華街74號大同新邨大成樓地舖…查看更多

琴晚好想食拉麵，突然諗起大角咀有間神虎未試過，就決定去試吓。個廚師係日本人，我見到佢係咁用日文同另外一個Staff溝通。服務其實都幾OK。我哋兩個人一個叫咗赤虎（辣味）一個叫咗黑虎（黑蒜），兩件炸雞同埋一份餃子。真心我都認同佢啲拉麵有少少鹹，不過其實我重口味所以我接受到。但係要讚嘅係佢嘅炸雞同埋佢個餃子汁。個炸雞勁大件同埋非常Juicy，攞上台嗰陣仲要熱辣辣，都真係算係日式拉麵店食過其中一間最好食嘅炸雞。絕對值得推介。跟住餃子，餃子本身就尚算可以，但係佢個餃子汁係胡椒沾醬，味道中和返餃子嘅油膩，我覺得好加分！呢個又係好值得大家嘗試！然之後佢哋送咗個辣芽菜俾我哋，都真係幾辣，但係我覺得醃得幾好，如果食得辣嘅人可以試吓。加加埋埋計埋支$100.300毫升嘅清酒，平均每人$190。我覺得可以接受。同埋佢嘅味道都真係好食，只係個湯底可以稍為唔好咁鹹。👏👏希望佢都keep到啦，都唔想有一間食肆頂唔順執笠😐😐…查看更多

神虎麵商店主打豚骨湯麵並由日本師傅駐守把控品質，大角咀及灣仔店每月都有限定拉麵讓花心的港人保持新鮮感，亦因此是不少拉麵迷固定的食堂。—————————————————————✨好味醬油✨$96大角咀平日限定口味，海報上呈現清澈的湯底吸引了炎夏當前希望來一碗清爽的拉麵的我。拉麵即叫即製，出餐比想像中長，但溫熱的碗和熱燙的湯底保證每一口也同樣鮮美。湯底入口帶豬油香，醬油適度的鹹鮮尾調帶蔥/蔬菜的焦香。麵質少許勁道帶小麥香並吸收了湯底，叉燒肉質偏瘦但不會乾柴，在口腔咀嚼時肉香越見突出。蔥絲未見有特別加成，如果使用生紫洋蔥絲或會更有層次，菠菜則是不錯的搭配，獨有的甘苦襯托出湯底的鮮味。味玉略嫌過熟，大概是烹調十五秒內的差距。✨炸雞塊✨$35結實多汁的雞髀肉塊頭十足，醃製入味並沾上太白粉保持滑嫩，唯獨外皮不夠酥脆，如稍作調整油炸時間和溫度會更出色。—————————————————————餐廳對拉麵的每一環明顯有設計不同的巧思，以扎實技巧展示不同派系，當中以背脂為中心發揮了關鍵作用，整體執行穩定，是安心可靠的味道。餐廳為品控考慮並無外賣服務，在寸金尺土、錙銖必較的營商環境下是相當罕見的堅持。…查看更多