影片
港鐵大圍站 C 出口, 步行約9分鐘
繼續閱讀
電話號碼
54483666
營業時間
今日營業
12:00 - 15:00
18:00 - 22:30
星期一
全日休息
星期二
12:00 - 15:00
18:00 - 22:00
星期三
12:00 - 15:00
18:00 - 22:30
星期四
12:00 - 15:00
18:00 - 22:00
星期五至日
12:00 - 15:00
18:00 - 22:30
以上資料只供參考, 請與餐廳確認詳情
-
網上訂座服務暫停
上星期日約左前同事食飯～舊地重遊大圍區～先前番工都無為意有呢間日本野入到去都幾多人～我地坐bar枱我地叫左燒鱈魚棒$38香脆可口～最佳送酒小食蟹肉海膽沙律$138海膽肥美鮮甜，好有驚喜蟹肉份量十足，沙律菜新鮮爽脆自家製免治雞肉棒$64/2見到必食咁梗係要試下口感唔錯唔會好實，食落有咬口，蘸埋日本生雞蛋＆醬汁，好圓潤～正芝麻雞翼$38/2隻咬開仲有肉汁，火喉剛剛好，仲有沙律菜伴碟壽司盛$138三文魚、帆立貝、赤蝦、立魚各2件朋友食左兩件三文魚，話肥美軟糯我食左兩件赤蝦，肉質爽口鮮甜帆立貝拍得住珍寶size，緊緊包裹壽司飯吱d青檸汁更突顯帆立貝本身既甜～清酒煮蜆$98湯底帶甜，好多昆布蜆肉隻隻都好肥美無沙～呢個都幾驚喜安格斯牛肉稻庭烏冬$108牛味濃郁，烏冬係幼身款但好幾煙韌店員親切有禮，用料新鮮食物有水準，性價比高，價錢親民，下次會再嚟😍
繼續閱讀
蟹肉海膽沙律 HK$138份量大，而且蟹肉新鮮🦀海膽味道濃郁唔苦🥰加左柚子汁沙律好清爽🍋七味魚翅干 HK$48平時食得多雞泡魚，第一次食七味魚翅，原來係日本乾身魚翅同七種味粉製成，肚腩比較喜歡呢個😎💓因為比雞泡魚乾身少少，而且好香口👍🏼等人一試再試😆壽司四盛 HK$138有北寄貝、帶子、三文魚同赤蝦，四款壽司質量都好高😋肚腩最欣賞北寄貝，師傅切到好似心形咁😍而且好彈牙爽口🤯朋友最欣賞帶子，夠厚切同鮮甜🥳三文魚厚切🔪而赤蝦都大大隻🦐自家製免治雞肉棒 HK$32 pp外國朋友好欣賞呢個串燒，肚腩就覺得擺碟幾靚😆啖啖咬落去軟熟又有雞軟骨，加埋月見蛋一流🥚牛柳粒串 HKK$28pp性價比都幾高，偏瘦，唔想太油膩嘅朋友都可以試下哦🤓雞腎 HK$28 pp外國朋友仔未試過雞腎，梗係要叫番串俾佢啦😜味道都唔腥，有咬口，處理得幾好，加啲七味粉好正蟹肉忌廉薯餅 HK$33天氣凍食下呢個香脆爆汁忌廉薯餅真係大滿足呢燒羊架 HK$48冬天第二樣野必揀就係羊🐏抵食😇而且好大件😆羊肉都好juicy，肉質岩岩好，推介🔥雪椿。花 200 ml HK$138最尾都開左枝清酒配今日嘅小菜，兩個女仔口味都偏甜，呢枝清酒帶花香，又唔烈口，份量都幾適合小酌🌸🍭神戶日本料理🍭大圍田心街20號雲疊花園商場地下5號舖
繼續閱讀
大圍🚇呢間神戶日本料理，係一間好用心🥰經營，而且好抵食嘅日式🏮居酒屋小店。佢哋菜式款式好豐富，🐟用料又新鮮，而且性價比十足👍！🥗雜錦刺身沙律用嘅沙律菜🥬好新鮮清爽，刺身非常鮮甜，配柚子醋汁，🤤酸酸甜甜好開胃。🍶清酒煮蜆一上枱就充滿濃郁嘅🤩清酒香味，蜆肉大隻嫩滑，清酒嘅香氣😋滲透入每一隻蜆肉，真係令人回味。🍣呢度嘅壽司質素都唔錯👏，刺身用料新鮮，我哋食咗🐟三文魚、帆立貝、油甘魚、🦐海蝦、海膽魷魚🦑、深海池魚、鯛魚同埋北寄貝，每一件🍣都係咁鮮味！🦪廣島蠔海鮮鍋🍲入邊除咗有廣島蠔之外，仲有虎蝦🦐同埋帆立貝，用料豐富充滿🌊海洋氣息，蠔肉肥美多汁，🥄湯底香濃，加上入味嘅高麗菜🥬，真係好啱我口味。🔥呢度仲有多款串燒供應，👅串燒厚切牛舌燒得啱啱好，😍十分之嫩腍，味道香濃，🤤好好食。串燒羊肉🐐香氣四溢，入口肉質肥美軟嫩😋，而且唔會有羊臊味，🥰非常唔錯。
繼續閱讀
位於大圍❣︎神戶日本料理❣︎真係一間隱世高質嘅日本🇯🇵菜😋👍🏻重點性價比高🤑店主採用日本空運到港嘅高級食材，再由擁有十幾年資深經驗嘅壽司🍣師傅主理，超推薦比大家☺️你地來食過就知店主對食客真係好好🫶🏻❣︎刺身盛❣︎優惠價$228呢個真係超抵食😋👍🏻內有活赤貝，海膽墨魚，赤蝦，三文魚腩，飛機魚，全部都新鮮肥美😍仲要厚切架，擺盤精緻。❣︎海膽魷魚❣︎魷魚黏滑加埋海膽嘅淡淡海水鮮味😋👍🏻鮮甜味更突出。❣︎白子刺身❣︎$98😍必食推介👍🏻白子即係魚類嘅精巢，日本人視佢為美顏補身珍品，口感綿密柔，入口即溶，口感軟軟黏黏。❣︎燒物❣︎呢到嘅燒物一定要試，燒得相當出色😋👍🏻▪️雞皮$52 鮮嫩多汁，燒得好香脆。▪️厚切牛舌$58 牛舌燒得爽口彈牙，濃郁惹味。▪️😍👍🏻必食推介活鱔$48 火喉掌握得岩岩好😋👍🏻燒得金黃香脆，肉質鮮甜嫩滑，一啲都唔腥。❣︎大蜆稻庭烏冬❣︎$108大蜆多到成個面頭都係😍洗得好乾淨無沙，湯底清甜。❣︎鵝肝多士❣︎$168😍👍🏻必食推介，鵝肝仲大塊過件多士😆飽滿肥美，入口綿密，細膩滑嫩，佢係我今年食過最好食嘅鵝肝多士👍🏻❣︎海膽甲羅燒❣︎$118擺盤超靚😍蟹膏味濃郁👍🏻鋪滿海膽同三文魚子，味道鮮甜creamy，跟埋多士比你一齊食，減低油膩感。❣︎壽司❣︎座吧枱位置就可以睇埋師傅👨🏻🍳即場握壽司👍🏻佢地嘅技巧好好，壽司口感緊實有嚼勁。▪️三色三文魚$48 除左三文魚，仲有厚切同炙燒，三文魚控必食。▪️春子壽司 口感柔軟，味道較輕身。▪️深海池魚壽司 肉質鮮嫩肥美，脂厚油香。▪️海膽壽司 海膽味濃郁😋入口即溶。
繼續閱讀
餐廳細細地小店形式，乾淨企理，有吧檯及卡位，我哋當然會揀吧檯喇😄，因為可以近距離睇到師傅表演，有視覺及味覺雙重享受😆。當晚兩個前菜有牛蒡漬物及紅酒蕎頭，前者鹹香爽脆，後者帶點紅酒香，爽甜開胃😋。🥢鱈魚白子 白子幼滑creamy口感整像布甸，配上酸醋汁、辣椒蓉、蔥花及食用花，清新唔膩👍。🥢深海池魚2食1 刺身 - 鮮甜爽口，魚味濃郁，魚油甘香豐盈。2 池魚蔥苗卷 - 除咗魚味濃郁之外，蔥苗嘅清香隨著咀嚼慢慢滲出，多咗份清新爽香嘅味道，正👍。🥢活赤貝非常新鮮，師傅只加咗少少岩鹽及青檸汁，已經夠哂鮮甜，而且肉質爽脆無比😋。🥢岩手縣赤崎生蠔蠔身脹卜卜非常肥美，新鮮爽口，蠔味濃郁之餘海水味亦偏重，並帶着豐富嘅礦物味，呢款咁新鮮嘅生蠔師傅話只係响呢兩個月最當造💫。🥢燒鱈魚棒新鮮燒起嘅鱈魚乾香口又脆卜卜 ，一定要點埋沙律醬一齊食😆。🥢秋刀魚3食坐吧檯確實有好處，見師傅即席將條秋刀魚解體並將骨拔起，每個步驟都好小心，真係越睇越肚餓😄。1 刺身 - 魚味濃郁並充滿脂香，配上薑蓉使得整體清新唔膩亦增添份香氣😋。2 磯邊卷 - 外型超靚，用香脆嘅紫菜卷住秋刀魚、蔥芽等食材，紫菜獨特嘅芳香再加上濃香秋刀魚，非常好味😋。3 壽司 - 脂香嘅秋刀配上紫蘇花，唔膩之餘亦多份香氣🥰。師傅話呢一兩個月秋刀魚係最肥美，所以要食就趁當做，過咗聖誕後就無咁肥美😜。🥢厚切牛舌串燒厚厚嘅牛舌燒到內裡粉嫩juicy，外面焦香，肉質爽彈。🥢茶碗蒸非常滑溜又有蛋香嘅茶碗蒸，配上新鮮鹹香嘅三文魚子及creamy 鮮甜海膽，好味👍。我哋今次所食嘅都係正值時令嘅魚生及生蠔，所以想食到最新鮮嘅食材，記得直接向店家問下。另外仲發現有個好優惠嘅刺身盛🤩，原價$388而家都只係賣$228，性價比超高🤑，咪執輸下次再去食過🏃♀️。
繼續閱讀