神山麺屋 (創紀之城五期(apm))

營業中

休息中

難得和朋友來到觀塘，想試試這間多人推介的拉麵店。晚餐時間，已有多人在外面等候，幸好等了一會兒，便可以入去了。當然要叫這裏的招牌沾麵--神山沾麵，＄85元一碗，十分便宜，份量不算很多，是適合女孩子的份量。先講湯底，沾麵湯底是沾麵的靈魂，一碗沾麵好吃不，很大程度取決於湯底。神山沾麵湯底比較濃稠，像撈汁，偏鹹，而且微暖不熱，不是我杯茶。至於麵身，軟硬適中，沒有鹼水味。麵條有坑紋，掛湯一流。入面有兩大塊燒過的叉燒，十分美味，大愛！而溏心蛋亦十分流心，正！若果湯底可以更好，一定會再encore。

之前次次去到apm都見到排晒長龍，過咗一排有晚放工同男朋友食，明顯少咗些人，等咗半個鐘左右入得一直都知呢間日本過江龍的沾麵好出名。我地點咗限定沾麵同埋黑蒜沾麵。我地仲叫咗好多人都點既牛舌二食，兩種食法都好好味，一邊濃味啲有啲飲燒汁，牛舌好彈牙入味；另一邊比較清，但就煮得好鬆軟我的限定沾麵終於來了！食第一啖已經忍唔住嗌咗出來，真係好好味！拉麵係粗身拉麵，好彈牙好有口感，啲湯夠濃味，男友試過我果碗話食返自己果碗好似無咗味道咁叉燒肉係半肥瘦剛剛好，浸一陣啲湯拎返上來食真係好香好正。佢隻溫泉蛋真係無得彈，剛剛好唔會太生，蛋味好夠。之於男友果碗黑蒜沾麵都好好味，黑蒜味道好香，食得出個湯底一啲都唔馬虎

神山沾麵($85) 暫時係我係香港食過最好食既沾麵呢個沾麵汁，一送上黎係超級熱辣辣，食要小心熱湯底唔係平時食開果隻魚介湯底，點食都覺得有陣魚腥味。佢反而似濃口豬骨湯底，質感比較濃稠，每條麵放落去都吸到好多湯再講麵質都唔錯，都好煙韌~ 再講隻溏心蛋都好正，看圖 ，超級流心，甜甜地超正，仲要每個麵都有原隻溏心蛋！呢度主要有白神山，黑神山同赤神山，分別代表豬骨湯，黑蒜湯同辣味豬骨湯。今次試咗呢個赤神山豚肉片拉面($78), 呢隻辣不太辣，大眾應該可以接受辣得黎都好香，食得岀豬骨湯味。但整體食落有少少似即食麵既味道。面有彈性，口感不錯。豚肉都好入味，仲有隻溏心蛋坐陣，下次會再去試埋黑白神山

呢排多咗去觀塘APM點知就周圍行吓去吓見到呢間拉麵好似幾有水準就去咗試啦一家人晚上七點半左右啦星期日都唔算叫做多人安排位置都好快坐嘅位置都好舒適環境好乾淨整體都係好好嘅已經喺門口外邊睇咗餐牌叫咗兩碗拉麵一碗沾油麵、一疊魚、一疊兩食牛舌講緊三碗一麵都係超水準⋯湯夠熱味夠濃食到好多骨膠原因為黏着個嘴⋯而且不覺得油膩⋯配菜都好豐富⋯食飽飽立刻分享俾一大堆好朋友Q版魚好好味簡直食到停唔到牛舌好味到不得了因為本人基本好喜歡牛舌仲要係兩食兩種食法都係好好味而且又爽又諗口感非常滿意原本我個仔係唔鍾意食牛舌都愛上了（真係好多謝你哋）其實我真係唔想同其他比較但係食咁多間拉麵包括一字頭嗰間我真係覺得你呢間好味

之前麵屋武藏已經唔好食到開左神山 夜夜地冇野食諗住去試下啦（後來發現佢都係麵屋武藏既 中左個大伏）叫左個黑山沾麵 一黎到 個湯唔熱既沾麵啲麵已經唔熱 所以其他沾麵店都有各式其式既方法整熱佢熱石呀 電爐呀乜乜乜但係神山乜都冇 而且一上枱已經唔熱！個味以沾麵汁黎講都ok既因為好鹹但係最後係冇得加高湯架所以有大半碗湯都係嘥左的都算啦 佢啲麵質都好差平時啲沾麵就因為要佢一路都有Q彈口感先凍上姐神山啲麵質係好似街市噹噹烏冬既低檔質地好喇 咁食埋佢啲配料老實講叉燒幾好食 荀都ok但係隻溏心蛋就出事喇之前有friend黎食食到全熟既今次我食佢都係做唔到溏心係流心架！完全流心架！而且一啲都唔入味 冇味架！總結！冇下次！

香港近年興起沾麵, 所以開左一間又一間嘅日本過江龍。星期日下午剛好經過, 難得冇乜人排隊, 就入去試下。呢間出名食沾麵就當然要試下招牌菜。 豚肉好厚身, 但肥瘦太分明, 所以好易一啖瘦肉一啖肥肉。溏心蛋正正常常, 咬開會有少少流心。重頭戲湯底同麵質真係幾高質! 麵質啱啱好, 唔會太淋, 咬落去好有口感。麵條沾完湯汁放入口, 味道好濃郁, 唔會太咸。湯汁亦唔會太稀, 可以每啖麵條都沾滿湯汁。呢個沾麵真係好好食。我地都叫左個黑蒜湯底既沾麵。雖然黑蒜味係幾香, 但同神山沾麵比較就會差段距離。黑蒜湯底味道冇咁豐富, 湯亦較稀。平時去拉麵店我都好鍾意食煎餃子, 但日式湯餃就真係少見。估唔到呢個湯餃都幾好食, 餃子煎好後放入濃湯, 一大啖餃子連湯味道真係幾唔錯。叫左咁多濃味既野食, 諗住試下個淡味D既, 點知淡得濟lol 雞肉唔係特別嫩, 好似熟左少少, 亦都冇咩藥膳味。雖然呢間仍然係比唔上我之前係東京食嘅六厘舍(真係一試難忘T^T), 但係香港食到既水準算係幾高質。

見雜誌介紹呢間APM入面既沾麵店, 趁咁岩去同住觀塘既朋友仔慶生gathering, 終於可以嘗試下! 好彩朋友仔一早拎飛等枱, 但都要人齊先入得. 大家要注意神山係唔可以在堂內切餅同埋冇雪櫃幫你雪住個蛋糕架! (結果我地用餐後再另搵地方切餅!) 神山出名係沾麵, 當然係試佢既名物啦. 沾麵個湯一般都會冇咁熱同埋較為濃, 唔算係我既 favourite, 不過一試無妨! 我點的是辛味湯底, 辣既程度冇得選擇, 食落唔算好辣, 隻蛋值得推介~ 份量唔算多, 大家要留意喇

一開始新開既時候已想試不過之前實在太多人排隊因此遲遲未試當日好Lucky,等左5分鐘唔洗就有位但明明門口仲有人企係到神山湯餃子 ($38)分量唔多,四隻左右沒有什麼特別黑神山豚角拉麵 ($79)分量唔多,男仕可能會唔夠飽湯味幾濃,個蛋好吸引,溏心拉麵口感就一流~白神山叉燒拉麵 ($78)拉麵口感幾款應該一樣不過真係要配小食先夠神山沾汁麵 ($85) 左上沾汁麵偏咸少少可能食唔慣辛味咖哩魷魚足唐揚 ($38)咖哩味有少少,即炸好脆身~我個人幾中意食總結黎講,一個人平均消費太高,$100以上加上唔太特別,我應該一次就夠,未必再試

～觀塘神山麵屋～ 神山沾汁麵評分（最高為5個⭐️）❶湯⭐️⭐️⭐️ 3-味道濃郁，可惜熱度不夠😕😕❷麵⭐️⭐️⭐️⭐️ 4-彈性，有坑紋可吸汁，唯份量不足🙊❸肉⭐️⭐️⭐️⭐️⭐️5-正，必試，難以形容，自己試下🤤❹蛋⭐️⭐️⭐️✨3.5-以為是糖心蛋，原來是流心蛋🤷🏻‍♀️🤷🏻‍♀️❺荀⭐️⭐️⭐️✨ 3.5-喜歡食就會食，不喜歡的就不會，我一般總結： 可以一試，唯正好冬天，而湯不熱真的影響很多。

又係沾麵時間😋😉神山沾麵$85黑神山沾麵$78神山餃子$38由個舖位係麵屋武藏已經想食，到佢變左有d名氣既過江龍，梗係唔好執輸試下啦🤣本身都冇咩特別期待，上網見到人地話同日本既差幾遠，今日一試，果然普通😂😂掛麵係幾好，比出面既麵更容易沾到多汁，神山沾麵個汁好濃好咸好稠，可惜麵既份量較少，叉燒半肥瘦但又唔算整得好香🤔要食埋個餃子再去kfc食葡撻先飽🙈整體一般般，冇咩好講，不過等位都唔算等得耐

APM啲舖頭好多都轉左，又有新店食我至愛嘅沾面，仲要唔洗等位，一定要即刻衝入去試下😃我同老公點左一個小食同一人一碗沾面唐揚豆池魚 實物同相實在差好遠 味道尚可，但口感就絕對唔係想像中咁，因為真係實在太多粉，所以都真係有啲失望，好彩唔係貴！黑蒜豬骨湯底叉燒沾汁面 可另加$15加面底（另一碗仔上）汁底同面質都好味嘅但個汁做沾面就真係太稀同唔夠熱食沾面個汁可沾到面上係好重要，但可惜依個汁做唔到，仲要沾多兩下個汁就已經凍左唔怪知得佢寫湯唔係汁跟住就係神山沾汁面豚角煮好好味肥而不膩蛋係溏心嘅依個汁就真係沾面汁喇，夠杰身，夠晒熱！完全做到沾面效果不過食依碗嘢唔知點解要等成十幾分鐘，我地食完其他嘢，個面都仲未到鍾意食沾面嘅一時無妨

每次經過APM都見到神山麵屋門前人山人海，這晚跟男友早收工就一於在人潮出現前試一試長期出現人龍的真正原因。餐牌上的選擇都頗多，除了主打沾麵之外，亦有拉麵及各款小食。不過沾麵的湯底依正宗做法，所以溫度大概會維持在60度，我向來喜歡食物熱辣辣所以便揀選了拉麵~雙色牛舌冷盤小食先上檯，此為牛舌兩食，有清淡版本亦有濃濃醬汁，酸酸甜甜所以覺得很開胃，牛舌鬆軟不會騷。神山湯餃子餃子先輕煎過然後放入濃湯中，雖然被湯浸住但餃皮都不怕散開。唐揚豆池魚全晚最推介的小食，小魚炸到鬆脆香口，全條魚都可以放入口食~茄子披薩以茄子代替了平日Pizza的餅皮，加入芝士及蕃茄醬等使味道香濃，不過不論視覺上或是口感都太油膩。黑神山沾麵不要被污卒卒的沾麵嚇到，其實湯都只是面頭那一層油份是黑色。底下的湯都是清澈的，而且為免沾麵口感會太膩，所以湯的質感不會過份杰身。入口充滿了黑蒜油香，每一口湯精華都不能放過。蕃茄叉燒拉麵真正落足料的蕃茄湯跟平日食到的色素湯望落截然不同最特別是湯中加入了薯蓉波波，令湯底變得更濃稠。溏心蛋的生熟度準繩，蛋白質感軟滑，蛋黃更是100%流心狀態。拉麵及沾麵的價錢都尚算適中，而且服務十分抵讚~

Snowbellmama 今日去咗觀塘，行完APM之後，想搵個地方食晚餐。天氣寒冷，突然好想食熱辣辣嘅拉麵，就入咗神山麵屋睇下有冇野啱食。原來呢度最出名嘅係沾汁麵，即係我哋平時食嘅沾面。叫咗一碗限量供應嘅神山沾汁麵，店員好細心咁提示我哋個湯底定唔會好熱，而係微溫，本身想食好熱好熱嘅拉麵，但又忍唔住新屎坑想試新野。個湯上到嚟嘅時候，的而且確係冇煙，不過都仲暖暖地。湯底有啲似係用豬骨同魚介等等材料制成，好香濃，而且亦都十分掛湯。鍾意佢嘅日式叉燒，係燒到外層會變到小小脆博博，有caramalised這感覺。但係咬落去又好juicy (^ ^) 麵條係比較硬身， 正好合我意。將麵條沾上湯汁，十分滋味！

說起拉麵，心裡有沒有什麼心水選擇呢？有人獨辜一味，只愛一蘭；有人就偏好魚介湯；有人喜愛濃厚湯底的一風堂，也有人喜歡大阪金龍清爽的口感。無論你偏好那一味，也應該一到神山！這個「神山」說的不是馬來西亞的高山⛰️，而是來自東京的過江龍拉麵—神山麵屋。這東京人氣拉麵店就選址於觀塘大型商場，可謂非常方便，原址也是經營拉麵店，未知過江龍會否長青？店內裝修較簡約，較特別的是廚房有個個疊起的拉麵碗，有如裝飾藝術品，據說一蘭的麵碗是「有田燒」陶瓷器，雖不至於價值不斐，卻也非廉價品，也許這間麵屋的裝飾品也是高價瓷器？立即嚐嚐赤味豬骨豚角煮拉麵的湯底，辛辣味十足，豬骨湯香濃，配料之一的竹筍片切得薄薄的，爽口易咬主角豚角煮，脂肪與豬肉相間，層次分明，很入味再來試吃拉麵的靈魂人物溏心蛋平常只有半隻蛋，這裡的是一整隻！而且外軟內滑，半熟半流心的狀態是最好吃的餃子較沒有驚喜，也算是水準作，煎得一面香脆，而另一面餃子皮仍軟。這裡有限定發售的沾麵，肉看來更好吃，有機會要試試！

第一次食沾麵！好開心遇上了神山麵屋😍來自東京神田的人氣拉麵店，沾麵經常售罄😱今天中午到訪，等了5分鐘左右就有得入座🇯🇵神山沾麵 $85 🍜湯底係豚骨同秘製醬油，非常稠身濃郁👍🏻好濃味，但我個人接受得到，沒有過咸😁配兩塊厚燒五花肉🐷個醬好味，淡淡焦香🤤 都幾香脆👍🏻 肉質都算鬆化 不過一次過食2舊感覺好heavy呀🤣肥豬肉更加係入口即溶！太邪惡了麵條又煙韌而且掛湯力強🍜 係性價比高的沾麵❤️溏心蛋也值得一讚，是原隻上😍 很流心最後還叫了只售$15 的 巨峰椰果特飲🥂🥂🥂由於一碗沾麵已經食到我捧住個肚呢道好出名的神山湯餃子今次無叫到呀😭😭😭下次再試試