石鍋堂

營業中

休息中

同朋友一齊食中學回憶，又貴又難食，叫咗個吉列豬扒魚介豚骨濃湯，啲豬扒薄切切，一啲肉汁都冇，勁乾同硬，食完feel到喉嚨開始痛😂一啲肉味都冇，同食微波爐波仔飯冇分別，嘢食難食都算，服務態度極之差，尤其係收銀嗰個，由入門一入嚟已經態度唔好，眼尾都冇望人嘅招呼態度，到買單嘅時候話趕住收工，朋友喺度睇單，佢一句趕住收工搶咗張單勁冇禮貌咁叫我哋比單上面嘅數就得，其實睇清楚要俾幾多錢都好正常姐，我懷疑佢淨係恰我哋，因為其他有男士嘅枱佢冇咁嘅態度，而且仲有好多人都食緊未走，見佢咁嘅態度我即刻講咗一句其實你態度好啲都得，佢先叫做態度好少少咁找錢俾我哋。成餐飯冇乜服務，態度又差竟然係有收加一服務費，波仔飯水平嘅嘢食接近成舊水一餐，呢間舖真係準備執笠都得。

旺角女人街嘅呢間餐廳 最出名就係食石鍋烏冬同埋有日式飯 呢一間我午餐都係經常會去嘅餐廳 👍🏻👍🏻👏🏻我最鍾意就係佢哋既石鍋手打烏冬 如果係冬天食更加正 個石錫一上到枱仲係熱辣辣咁 啲湯仲係滾下滾下 食完個人真係成身暖笠笠 🍲🍜今次我叫咗吉列炸豬扒 配豬骨湯烏冬 湯底本身都已經好夠味 如果覺得唔夠可以再加七味粉 烏冬口感亦都非常滑身 啲湯基本上大部份飲晒都絕對唔係問題🤭🤭炸豬扒都炸得非常香口 炸粉亦都唔會好厚炸肉質都可以保持肉質嫩滑 再配埋個沙律嘴簡直係Yummy😋😋🥩

這天晚上約了朋友到旺角吃晚餐，我們決定吃位於女人街的「石鍋堂」。餐廳地點方便，適合逛街逛累了想找地方吃飯的人。聽名字就知道這裡是吃石鍋的地方，我們已經打算每人叫一個石鍋美食。店面：裡面裝飾得不錯，牆上的壁畫很有特色：天花板懸掛的燈籠很有日本風：用點餐紙點餐：安格斯牛肉石燒手打烏冬配黑松露香菇湯$86上菜時正好是熱騰騰的，湯底在不斷翻滾。黑松露味道夠濃，看來店家沒少下功夫，喜歡濃味黑松露的人可點這個。香菇夠彈牙，味道十足。趁還有熱力，趕緊把牛肉煮熟，要注重火侯，不要煮得太久。牛肉肉質鮮嫩，有牛味。烏冬軟得來不痴牙，非常好！汁燒帆立貝雞扒石鍋飯$80這個在上菜後不久，就要加醬汁攪勻，否則飯會痴底。帆立貝大大隻，有咬口之餘不會太硬，也不會太痴牙。雞扒加上醬汁去燒，外皮還加上芝麻，很香口。可樂$14包裝是特別版本，我們剛好抽到「女神」，真是太幸運了！不知道還有什麼版本。埋單$198，平均每人$99，有加一服務費，這個價錢算是非常抵食。餐廳氣氛、食物和服務員質素都很高，我們有機會還要再來！

係旺角花園街有間石鍋堂 夜晚8點都仲排緊隊 所以想試下呢度招牌既石鍋烏冬同石頭鍋飯 照燒雞扒石燒手打烏冬 配黑蒜油豚骨湯 $74石鍋上菜 熱辣辣 出晒煙 好滾 湯底都有5款可以揀 黑蒜油都夠晒香濃 雞扒超大塊 照燒汁煎過既外皮 令雞扒色澤金黃 望到都流晒口水 食落 好juicy 手打烏冬夠晒爽口燒牛仔骨牛舌石鍋飯 $80又係石鍋上 所以都係熱辣辣既 再加上秘制醬汁 撈勻食更惹味 牛仔骨份量都唔少 食落一d都唔韌 係出奇地淋身 加分 牛舌都爽口 配埋白飯食 大滿足 跟餐加配OOHA涼一涼

14/7 石鍋堂 -旺角咁耐以來都未試過去一間人氣小店，今日終於同朋友早啲收工去試一試。去到果然不出所料，人氣小店真係高人氣，食客不少。顧名思義，石鍋真係首選，所以我同朋友都叫左石鍋飯同烏冬，朋友亦追加咗溫泉蛋同魚蛋。鮮活蜆石燒手打烏冬：石鍋非常高溫，基本上朋友嘅烏冬湯底由開始到最尾都係keep住出煙，完全唔需要怕因為動而變得唔好食。燒牛仔骨牛舌石鍋飯：石鍋亦非常高溫，加上豉油後，飯嘅底部已經變成飯焦，非常香脆。牛仔骨同牛舌都好有牛味，都幾稔。覺得非常神奇嘅係個石鍋到最後都保持高溫。

燒牛仔骨牛舌石鍋飯🥄份量都幾多，牛仔骨好大塊好入味😋燒錆魚炸蝦手打烏冬🍜湯底似出前一丁豬骨味烏冬夠晒彈牙📍石鍋堂 (旺角)旺角通菜街2A-2P號鴻光大廈地下D號舖

有時晚上唔知大家鍾唔鍾意食麵🍜我本身係好鍾意食湯麵，覺得好暖胃好舒服!😍今晚經過閏角，突然又好想食湯麵，決定食之前朋友介紹過既石鍋堂📍以食石鍋燒為主! 熱辣辣暖胃之選🧡-由於真係好想係湯麵，所以我點了安格斯牛肉石燒手打烏冬+山地獄辛辣湯🌶🧡上桌時都被熱辣辣辣的湯驚喜到!💓而且好香呢!🤭手打烏冬好食，麵質彈牙✅配上滿滿的安格斯牛肉，絕對超滿足!而且牛肉份量十足，而且唔會太熟⚠️剛剛好又有口味!值得一係湯底，唔會太辣，係少辣中帶麻😋所以好開胃，我仲不自覺飲左好多湯呢!推薦大家要試呀!🤩-另外點了蒲燒鰻魚雞扒石鍋飯🍚一樣係熱辣辣上桌，而且材料滿滿，分別有鰻魚同雞扒🍱蒲燒鰻魚帶埋醬汁，當然好惹味!而雞扒肉物好滑，唔好太老‼️配上日式既飯，好食又唔會太啖!😋飲品方面則點了檸檬茶呢~-滿足的晚上，好暖胃之選!😙不過要留意小店位置不多💡如果繁忙時間或是人較多去，要留意位置相對較少呢!🎈🪄

石鍋燒已經很多年真材實料.就是環境比較細.天冷時要大掛長籠先吃到為了吃美味食物.夏天都忍不了來吃熱石鍋手打烏冬。這裡湯底好濃郁又特別。最快賣完的是黑松露和魚介豬骨湯底!厚切豚肉石燒手打烏冬厚切肉有1.5cm厚 ，夾起已經感覺到軟綿綿，入口即溶感覺。清楚吃出用料炆煮時間非常有火喉完全要慢慢品嚐.不捨得一口吃完.黑松露湯底，原本湯底有雜菌味道. 再加1湯匙份量黑松露.香味完全升級！全部湯飲完才結脹。鮮活蜆石燒手打烏冬蜆肉新鮮，鮮甜大隻，份量有15隻左右.最喜歡一湯匙黑松露大愛！感覺像吃打碎磨菇湯感覺.濃郁薰香！手打烏冬名不虛傳.煙韌彈牙就算在石鍋繼續煮也沒影響口感。反而把湯味磨菇味打進烏冬！夏天都忍不到口要吃一口解癮！比起冷烏冬我更愛石鍋堂.熱辣辣才滋味！

去通菜街逛街和吃晚餐。這家小店的內部佈置很別緻，有大量得意可愛圖案。照燒雞扒石燒手打烏冬76元，以高溫石鍋盛載，送上桌時可見到鍋內熱湯沸騰的情況，湯底為黑松露香菇湯，黑松露香氣撲鼻，香菇湯很惹味，手打烏冬煙韌。照燒雞扒分開送上桌，雞皮甘香，雞肉嫩滑多汁，醬汁滋味。300˚c熱石海鮮茶漬飯90元，以高溫石鍋盛載，自行注入石魚介昆布綠茶，即時噴氣。蝦兩隻，蝦肉彈牙。蟹柳味道正常。生蠔漲卜卜。蜆肉味道鮮甜。帆立貝美味。兩款蔬菜均新鮮翠綠。白飯軟硬適中。櫻花蝦香脆，有助提升味道層次。醃蘿蔔爽口。罐裝汽水14元。

今天週日，多數在家休息，額外出了街，難得一位好朋友，可以同我們晚上吃飯，這位朋友平時晚上回家煮飯給屋企人吃，所以就選一間平時她少吃的食物，就選了今晚這間，看了一會餐牌今晚叫了厚切豚肉石燒手打烏冬黑松露香菇湯放上枱已聞到陣陣好香黑松露香菇味，吃一啖烏冬連湯，嘴真的好香黑松露味，烏冬好滑身，豚肉厚身好霖同嫩滑照燒雞扒石燒手打烏冬魚介豚骨濃湯熱湯湯上枱時已聞到陣陣魚介豚骨湯香味，入口一啖烏冬已有鮮甜魚香同豚骨香，雞扒燒得香口，厚身，雞肉特別好嫩滑

見最近旺角通菜街果頭有好多新餐廳都未試過，經過呢間睇落好正咁，又坐滿人，就random入咗去試，好彩啲野都好好食！.💎$105 300度熱石鰻魚茶漬飯上枱仲飄緊煙，好多塊鰻魚鋪喺面，淋埋熱辣辣既茶漬好吸引！仲有隻溫泉蛋，撈埋落啲飯到，啖啖都食到蛋香同茶漬香濃嘅味～最正係底有飯焦，勁香口，口感非常豐富🤤🤤.💎 $84 石鍋堂海鮮石燒手打烏冬上枱個烏冬仲滾緊，feel到係即叫即整既😍有幾種湯底可以選擇，今次就揀咗山地獄辛辣湯🥰海鮮有元貝、蝦、青口、蜆，料好足，煮埋一齊個湯好有海鮮嘅鮮甜味，仲有啲泡菜味，加埋勁濃郁，食辣嘅人一定鍾意❤️手打烏冬好煙韌，好味👍🏻.💎$25 炸芝士年糕外脆內軟，加埋流心芝士，岩岩好，唔會好膩，好滿足🤤

成日聽朋友介紹石鍋堂呢間餐廳，今日終於有時間去旺角試一試。芝麻雞翼加照燒雞扒雪國冷烏冬$78烏冬口感好好軟硬適中，烏冬亦都非常新鮮一啲酸味都冇，配冷麵汁味道好清新，好適合鍾意無咁濃味既朋友，同埋天氣咁熱食冷麵一流。芝麻雞翼炸得啱啱好，香脆又不油膩。照燒雞扒厚厚的一件，皮薄肉質鮮嫩。首爾七味豚 $42/2串串燒豚肉佢用腩肉黎燒，油脂分布好平均，本身已經落左好多七味粉，完全唔駛自己再加調味。關西風石燒流煎餃子$38/5隻餃子皮好脆，有肉汁，大阪燒嘅味道章魚燒嘅醬汁，惹味又可口。吉列芝士豬扒$28/1件吉列芝士豬扒入邊竟然有火腿，脆脆嘅外皮，流心嘅芝士加埋火腿再比豬扒夾住。口感豐富，好值得推薦。

厚切鵝肝野菌石鍋飯鵝肝係法國著名嘅料理，但係用作日式嘅煮法亦非常出色。每一口厚切嘅鵝肝都溶化喺口腔內，用嚟餸石鍋燒出嘅飯焦，滋潤多汁遇上香脆可口，相輔相成。石鍋飯裏面嘅野菌同洋蔥亦炒得相當惹味。岩鹽燒牛舌兩串牛舌分量嚇了我一跳，四片牛舌大大件。燒牛舌技巧了得，能夠鎖住肉汁。岩鹽味道突出。荔枝乳酸味汽水呢一罐荔枝乳酸味汽水簡直係熱辣辣嘅今晚嘅因物。再加上燒得火熱嘅石鍋飯同埋串燒，已清涼荔枝汽水及時降溫，係非常正嘅感官享受。

一個人唔知去邊食好，知道女人街好多野食，行行下黎左石鍋堂，叫左3樣野！1. 醬油豬手冇諗到會係咁大隻，煮到好淋好入味，豬皮變得好重膠質好黏好滑，好正🤣 佢有俾埋刀方便我切開，不過其實用叉都好容易叉開，食完成隻基本上已經幾飽下，佢仲可以配搭烏冬，不過今次我冇叫到～2. 牛舌又係估唔到咁厚切，每件都成1cm厚，但食落又非常爽口3. 黑松露帆立貝黑松露好香🥰 帆立貝又係好大件，上面仲搽左燒汁，呢個會重口味少少，比較惹味總括黎講，3樣都好高質，而且價錢好抵食，環境都乾淨～

手打烏冬早兩天跟同事一起去攀石，攀石後肌肉疲勞，肚子又餓，最想做的事當然是吃個飽肚的晚餐。最後我們去了石鍋堂食手打烏冬，一個熱騰騰的手打烏冬，食完都覺得又飽肚又暖胃。相反他就叫了雪國冷手打烏冬，他說攀石太體力勞動了，攀石後要吃一些凍的東西作舒緩，哈哈。連加一服務收費之後大概每個人$99左右 。石燒手打烏冬照燒雞扒石燒手打烏冬黑蒜油豚骨湯味手打烏冬放在一個燒到熱騰騰的石頭鍋上，由第一口到最後一口吃都是熱騰騰的。手打烏冬質地柔軟，加上有濃烈嘅豚骨湯味，每一條手打烏冬都幾有彈性又有味道。照燒雞扒外皮非常之薄，食後不會有肥膩感，而且肉質不會太老，有口感之餘又有汁燒雞味。雪國冷手打烏冬配冷麵汁餸菜就叫了吉列蠔和吉列豬扒吉列炸蠔和吉列豬扒炸得鬆脆可口，咬下去有脆卜卜的聲音。手打烏冬的份量也不少，麵條比較有彈性，咬下去有質感。加上有冷麵汁，感覺清淡而涼快。