石鍋堂

營業中

休息中

天氣凍當然要吃些熱騰騰的，朋友介紹這間出名食石鍋飯或烏冬的, 當然還有其他選擇，例如蛋包飯、茶漬飯等，還有其他小食。我們點了煎餃子🥟一份有五件，餃子啖啖肉餡，肉汁飽滿😋外皮薄薄的一層，配上木魚絲及沙律醬，是日式餃子的味道。一鍋裏面有雞扒有鰻魚，一次過滿足貪心的我兩個願望🤭看圖就知足料啦！鰻魚也是啖啖肉。石鍋上枱時還是很熱的，要小心呢，趁熱的時候撈一下個飯，想吃脆飯焦的可以把少許飯輕壓在石鍋邊，薄薄一層就可以，待一會吃完了飯就有飯焦吃。說到最出名的當然是石鍋烏冬啦，用的是讚岐烏冬，上枱的時候湯底還是滾的。烏冬有幾款湯底選擇，因為一進店就聞到濃濃的黑松露味，所以就決定選黑松露香菇湯，烏冬吸收了湯底的味道，非常入味😋，烏冬控必試呢。這間店很適合天氣凍時暖暖胃，下次再試試蛋包飯和茶漬飯😝

石鍋堂 (旺角)旺角通菜街2A-2P號鴻光大廈地下D號舖蒲燒鰻魚雞扒石鍋飯 $84熱辣辣上枱，石燒聲音炸炸聲，熱氣不停冒岀，材料足夠，鰻魚同雞扒大大份，夠兩人食。蒲燒鰻魚醬汁相當惹味，雞扒肉好滑。飯香撲鼻，有飯焦，正。黑胡椒煮活花甲 $72黑胡椒煮湯超好飲，暖身，花甲超大隻，夠過癮爽口，清甜冇沙。脆味軟殼蟹 $45酥炸原隻軟殼蟹，未食已聞到勁香的蟹味，炸軟殼蟹香鮮可口，熱辣辣，討人歡喜，蟹肉軟滑細嫩。酥炸原隻軟殼蟹，勁脆，肉軟滑細嫩。

趁天氣仲係陰陰寒, 今晚同丫妹又再encore石鍋堂。係坊間食過好幾間石鍋, 但印象中唔係間間都可以做到石鍋滾滾下上檯。所以石鍋堂亦係我地bookmark會encore嘅餐廳。餐廳樓面小, 座位有限亦唔算闊落, 要預時間等位啊!八款手打鳥冬選擇, 配搭自選五款湯底, 總有一款啱口味另有石鍋飯、冷烏冬、追加配料、蛋包飯、茶漬飯、小食等…最最最吸引嘅當然係呢度嘅石鍋手打烏冬【安格斯牛肉石燒手打烏冬】HK$82湯底揀咗和風咖哩濃湯, 上檯時湯底還是熱得滾下滾下, 咖哩香甜微辣濃郁, 非常惹味; 烏冬好滑帶少少口感, 新鮮嫩紅嘅安格斯牛肉放面, 熱辣辣湯底令牛肉滾至自己想食嘅熟度, 即時入口, 口感嫩滑。+$8 追加粟米粒放入湯底配搭同時入口, 增加層次, 多一份粟米清甜。【海鮮石燒手打烏冬】HK$86湯底揀咗魚介豚肉濃湯, 充滿魚介鹹鮮味, 海鮮包括有帶子、兩隻原隻海蝦、蟹棒、日式魚片、蠔, 蝦爽口實肉, 帶子大大粒, 所有海鮮吸了湯汁, 令每款海鮮夠哂入味。

今日同男朋友去左食呢間餐廳，本身都期待已久，因為聽講都好好食，果然完全唔會失望!我叫左一個安格斯牛肉烏冬，男朋友叫左豚肉烏冬，兩個烏冬黎到都熱辣辣，過左陣都仲係咁熱😋 個湯好正，我地兩個都係叫黑蒜油豬骨湯，本身諗住冇乜特別，就係平時拉麵店咁嘅味，點知我地兩個個湯個味有d唔同，我果個一飲就發現好有牛味，豚肉烏冬嘅湯就好有豚肉嘅味道，好有驚喜🤣 豚肉烏冬個湯味道比牛果個濃d，但係我都係鍾意牛肉烏冬嘅湯多dd牛肉都好食但唔算好特別，d烏冬好滑，overall 呢間烏冬真係好好食啊！我地另外都叫左個鹽燒牛舌，都幾好味，不過個人略顯texture韌左D咁der

今日寒流襲港，天寒地凍我和同事重要去旺角見客，辦完事經過石鍋堂，見到有不少客人在等位，咁凍天氣食返個熱辣辣石鍋烏冬，真係想起都暖笠笠，我哋即刻加入排隊行列等入座。店內地方不大，環境整潔乾淨。主打的日式石鍋烏冬之外還有石頭鍋飯及其他日式料理。吉列豬扒石燒手打烏冬，石燒手打烏冬可配五款不同自家泡製濃湯底，揀咗黑蒜油豚骨湯，湯係用石鍋上，所以夠晒熱辣辣，上枱時仲滾起泡泡，湯底係用咗日本青森縣黑蒜，配以自家製豚骨湯底熬製，飲落帶有黑蒜獨特嘅酸甜味道，濃郁香醇。而另上嘅吉列豬扒係厚切，外脆肉嫩好香口。手打烏冬口感彈牙。石鍋堂海鮮石燒手打烏冬，湯底係魚介豚骨濃湯，用咗柴魚乾、小魚乾、鰹魚乾、魚乾粉、乾貝粉、昆布等熬煮10多小時而成，味道濃郁鮮甜。海鮮亦好豐富，有鮮蝦、帆立貝、蟹柳、蠔和蜆，味道鮮甜。唐揚炸雞，炸雞炸得不油膩，一口咬下外酥內軟保留肉汁原味。

過多十天八天就新年了，有什麼想食，就食了再算，減肥？等新年後，再減吧，哈哈。所以昨天外出食晚餐都食個飽飽的，有沙律，有石鍋烏冬，而且豬手特別大，食過飯後，感覺150分飽滿，超級飽，哈哈。醬油豬手石燒手打烏冬 $108配低溫慢煮流心蛋$10配赤板魚蛋 $8平時食手打烏冬都是配雞扒豬扒，今天就想食別的，所以就叫了豬手。醬油甜甜的，讓豬手的皮帶有甜度，易入口又開胃。另外，想說的是，豬手超級大，相當於三個拳頭大喔，真的一個人很難食完，不過我食量大，全都食在肚子裏，哈哈。肉質嫩又不老，帶微咸感，配熱騰騰的烏冬，也是很滿足的，很有飽肚感。蟹棒青瓜沙律$38這碟沙律我食得一絲不剩，挺特別的，裡面有平常食沙律的青瓜絲，又有沙律菜，又有其他椰菜絲等，再加粟米粒和少許蟹籽，當然也有切到一塊一塊的蟹棒，全部攪拌一起食，清新又爽翠。再加一罐Zero $14，實在滿足的一個晚餐。

首先一開頭因為比咗風口位我地坐，之後我地見有人走就想轉去嗰張二人枱，個waiter就話落咗單轉唔到位，仲話陣間食烏冬會好熱就唔會凍。好明顯係懶，都算，諗住如果食物好食就算。兩碗烏冬到咗，一試啖湯，完全係劣質味精湯，仲衰過出前一丁/辛辣即食麵，兩碗都係味精到爆。一碗係雞扒烏冬，d雞扒雞皮好厚，係嗰d頹雞扒。另一碗係蜆烏冬，d蜆好多沙，食到我成口沙。同老闆反映咗蜆有沙既問題，佢話佢地d蜆不嬲都係咁處理，會叫伙記下次浸耐d，hea9我地就算，冇誠意。總結，唔明d like係點黎，因為真心差，仲要唔係特別平，生意唔係咁做的。講真要食味精湯底我番屋企煮個即食麵都得。

天氣轉涼，👦🏻👧🏻係旺角買完野，想揾間食完個人會暖笠笠既餐廳～ 咁岩見到通菜街呢邊有間鋪頭排長龍，主打石燒烏冬和石頭鍋飯，就試吓佢～ 排隊等候個時，店員會俾張點餐紙你揀陣間食咩，☑️好之後，俾番店員～ 到你入去個時，等5至10分鐘食物就到～小店天花掛咗好多日式燈籠，牆壁有幅可愛壁畫，充滿日本風情。店舖面積不大，座位坐得較擠迫。安格斯牛肉石燒手打鳥冬配黑松露香菇湯 $86上枱時超級熱騰騰，湯底仲不斷滾緊，要逐啖吹凍，先入到口😂 湯底方面，好重冬菇味，唔係好食到黑松露味… 烏冬煮得太耐，好淋，無咗彈牙既口感。牛肉重牛味，不錯。吉列豬扒石燒手打鳥冬配魚介豚骨濃湯 $77魚介豚骨濃湯味道清清地，幾好。吉列豬扒皮脆但肉質偏乾身。📍 石鍋堂 (旺角)旺角通菜街2A-2P號鴻光大廈地下D號舖

這天晚上我約了朋友在旺角吃晚飯，經過家人的介紹，我們便決定來到這間日本菜餐廳試一試，店內清潔衛生，店內客人很多，證明食物質素應該有一定保證照燒雞扒石燒手打鳥冬黑蒜油豚骨湯($74)紅蘿蔔爽口，栗米粒鮮甜，食物是即點即煮所以夠熱，湯底經過長時間熬製，十分入味，有很香的黑蒜油味，照燒雞扒用黑芝麻白芝麻鋪面，十分香稔軟嫩十分新鮮，烏冬軟彈煙韌，整體份量十分多原條鰻魚蛋包飯($98)用紫菜碎鋪面，鰻魚軟彈煙韌，十分大條，蛋包飯，軟綿綿的蛋，日本米飯飯粒分明，質素十分高，份量非常多，非常抵食關西風石燒流煎餃子($38)用新鮮的章魚鋪面，豬肉餡餃子口感煙韌，十分新鮮，這個價錢吾貴脆味軟殼蟹($45)軟殼蟹十分新鮮，炸得很脆口，份量十分多，配上沙律醬，味道酸酸甜甜，令人十分開胃整體來說，食物的質素非常高，食物的選擇廷多，食物的份量非常多，食物的用料非常新鮮，食物的賣相非常吸引，食物都是即叫即做，食物的定價十分合理，而店員亦有良好的服務態度，所以我認為這間餐廳是值得再去惠顧

天氣凍除咗打邊爐食雞煲之外，仲可以食石鍋烏冬😗都有一排冇食，但都好多人排隊。不過2人既話好快就入，始終間鋪位置細同埋都比較窄🥲如果4個人既話就可能要等耐少少今次食返好耐冇食既魚介湯烏冬，朋友就食咖哩烏冬。魚介湯上菜個陣仲好滾，要等一陣先可以食。食落味道會似拉麵既湯底，不過食完成個就覺得好鹹而咖喱湯就係日式咖喱味嚟，唔算好特別既湯底配菜整體上算少，得紅蘿蔔少量蔬菜。朋友食完話好似唔夠飽🥲感覺好似冇以咁好食，但凍冰冰嚟食想暖吓身都係唔錯既選擇

石鍋堂顧名思義主打石鍋系列烏冬或飯🥘主要用石鍋盛載可以保持食物熱度♨️而揀烏冬有5種湯底可以自選😂一上枱見到湯底不停滾到起泡🫧開始食的時候要小心唔好辣親😳鮮活蜆石燒手打烏冬+黑松露香菇湯🍄🥘湯底用雜菇🍄去熬成，再加1湯匙黑松露醬令味道更加濃郁，蜆肉味道鮮甜約有12隻份量都算多，烏冬質感煙韌彈牙，索晒湯汁更入味😋 吉列豬扒石燒手打烏冬+山地獄辛辣湯🐷🥘湯底用左泡菜去熬成，覺得辣度唔夠辣🌶，反而酸味比較重，好開胃😋吉列豬扒🐷炸得好脆，雖然無肥膏但食落唔會覺得柴口太乾，再配埋沙律醬更滋味😋

成日去旺角但都唔知有乜野啱食🤣行行下見到呢間店主打石鍋烏冬🤩本身都幾中意食烏冬😗👍🏻而且見佢都幾多人食決定試吓😚🐮 安格斯牛肉石燒手打烏冬 (黑蒜油豚骨湯) $𝟖𝟒送到過嚟嘅時候係出曬煙熱辣辣😍遲啲凍啲嘅時候食應該暖粒粒好滿足😋食落湯底偏向濃味有牛油味🧈而且烏冬滑溜彈牙吸曬湯底😻牛肉肉質厚實重牛味😎如果牛肉再嫩滑啲會更好食😙🦐 海鮮石燒手打烏冬 (魚介豚骨湯) $𝟗𝟎海鮮份量都唔算少🤪淨蜆都有四隻🧏🏻‍♀️蝦都有兩隻🦐🦐蜆蝦如果再新鮮啲會更好食🫡湯底同樣味道偏濃海鮮味重啱晒我🤤但如果唔鍾意濃味嘅未必鍾意個湯🥣

鮮活蜆石燒手打烏冬-魚介豚骨濃湯$88石鍋上嘅烏冬，黎到果時仲滾緊真係新鮮滾熱辣，物一時間梗係試下個湯底，奶白色湯底好鮮甜豬骨湯味濃好好飲！烏冬好彈牙掛得住啲湯，好多蜆同埋都新鮮鮮甜😋日式炒雜菜$40勁有鑊氣好好味，個醬帶到菜嘅甜味，炒菜黎講算好味！唐揚炸雞 $38外面炸得夠脆，雞肉應該有醃過，好入味，調味都做得好好，食唔停口！

星期一放工突然天氣轉涼🌬，而且還下着雨🌧，最好當然是食一些熱辣辣🔥的東西。這個時候，剛好在女人街(通菜街)附近看到一間主打石鍋料理的小店，太好了，馬上去試下先🥰。小店地方雖然不大，但是裝修上略見心思，用盡所有空間之餘，也花了不少心思在牆壁上，畫了一大幅非常可愛的壁畫😍。餐牌📔選擇唔算多，主打石燒烏冬和石頭鍋飯，今次我就選擇了石頭鍋飯，朋友就話想試下蛋包飯，另外我地再叫了吉列芝士豬扒。唐揚炸雞蛋包飯(咖哩汁) $664️⃣件炸雞炸得皮脆肉嫩，而且還是熱辣辣的🔥，非常好味😋。另外，蛋包飯大得有貼誇張，再開一看，白煙馬上冒出，原來入面所有的珍珠米都和炸雞一樣，都是熱騰騰的，再加上所有珍珠米上面全部都沾上了咖哩汁，所以非常入味😋，整體十分好食☺️。燒牛仔骨牛舌石鍋飯 $80份量同樣地大得誇張😮，2️⃣塊大牛仔骨和4️⃣片牛舌已經鋪滿了整個石鍋🥘。牛仔骨肉質嫩滑，有好香嘅牛味🥰；至於牛舌，厚薄適中，有口感，不錯😊。飯的份量同樣多得驚人，飯入面有很多飯焦，加入豉油，十分惹味😍；當中最厲害的是，食到最後一口飯，飯還是燙口的，超讚👍。吉列芝士豬扒 $28吉列豬扒中間夾了一塊燒過的火腿和芝士🧀，口感十分豐富，

/食物/安格斯牛肉石鍋烏冬 +黑松露香菇湯 $86牛肉比想像中有牛味🐄但有少少靭🤏🏻烏冬味道夠 煙韌😙但稍嫌少少淋淋🤏🏻湯底重黑松露味😋 可以一試用石鍋裝夠熱♨️份量OK！🉑/環境/ 位置不太寬敞😿推薦指數：3.5/5