真‧章魚無雙 (太安樓)

營業中

休息中

呢日夜晚10點有啲餓，就去左宵夜好地方－太安樓去覓食。見到呢間章魚燒大排長龍就決定一試。之前係旺中葵廣好似都食過。呢間選係多口味選擇，今次就揀左人氣第二嘅明太子章魚燒，一路排隊都見好多人揀呢隻口味。但當時太餓急住買，無睇到原來可以雙拼，咁下次再試其他口味啦😅唔好睇少呢個時間，都要等15-20分鐘，大家都係外賣偏多。熱騰騰嘅章魚燒呀，佢係有兩粒章魚係入面（外面通常得一粒），醬料好入味充足，唔算太多粉個種。但今次有其中三粒係比較散，夾唔起（唔知係失準定點，我係即整即食）。但章魚燒黎講係幾好食嘅，下次再試其他口味

必食人氣章魚燒🤩講到章魚小丸子啦喎 小妹第一時間就諗到章魚無雙😍佢絕對系食過最好食嘅小丸子😋-♥︎ 蟹膏章魚燒 $44/8熱辣辣即叫即整 食嘅時候仲有啲辣嘴😛外皮有少少脆🤤粉漿唔會太厚入面超足料每粒小丸子都有3粒章魚😳粒粒爽口彈牙😆蟹膏醬都系落勁多架啖啖都食到香濃蟹膏味🥰雖然邪惡但都忍唔住食😜真心正🙌🏿味道: 10/10🥳性價比: 9/10-另外喺葵廣 旺中 同觀塘裕民坊都有分店 小妹次次去親呢啲地方都一定要食😂回頭率: 10/10🤩-

太安樓成日去，新年期間線有一啲舖頭係期間限定，不過亦都會有好多野無開。本身打算買牛雜食，不過無開，行返去第一街見到呢間章魚燒排隊超多人，所以買黎試。開頭以為要等好耐，點知5分內點到野食，女店員超快手，等左10分鐘內拎到野食，章魚肉夠大粒，我點左三款唔同口味，其中一盒係雙拼，分別點左蜜糖芥末、蟹籽同牛油粟米，全部都好食。點完之後發覺有一款係蟹糕口味，因為要再食其他野無試到。有讚有彈，如果係果度食就預左同人迫。同埋我嫌佢啲沙律醬太多。

講起掃街，章魚燒可以話係必食而章魚無雙嘅口味真係勁多選擇😍最鍾意嘅口味係黑松露同蟹膏兩個口味雙拼$45黑松露章魚燒嘅醬汁係黑松露白汁香氣撲鼻之餘濃郁又飽滿🥰咬落外面脆卜卜入面軟綿綿章魚肉都大粒爽口喔～～而蟹膏口味當然充滿鮮味感覺蟹膏醬無以前咁濃厚不過仍然好香口好吸引呢-🐙 真‧章魚無雙🏡地址:西灣河筲箕灣道57-87號太安樓第一街A25A號舖舖☎️電話: 9544 7356🕙營業時間: 12:00-23:00 (Mon-Thu) ; 12:00-23:30(Fri-Sun/PH)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️

雖然太安樓有好多嘢食，但係一見到有章魚燒🐙忍唔住又要食企咗喺個門口度諗咗好耐要食咩味定食雙拼好呢？諗咗好耐終於叫咗六粒嘅明太子，呢個唔係第一次食但每次都會忍唔住encore太安樓出面有張枱仔俾你企喺度食，因為係即叫即整嘅關係，都等咗大概有15分鐘嘅時間攞到上手全部都係熱辣辣嘅章魚燒，有勁多嘅柴魚，再加上滿滿嘅明太子醬，如果唔係重口味嘅人應該會覺得有少少鹹，但係我就覺得啱啱好，每一粒都有章魚，加上明太子醬，再加上少少柴魚，一啖接一啖唔使5分鐘，就KO晒啦

必食人氣章魚燒🤩講到章魚小丸子啦喎 小妹梗系撐章魚無雙啦😍佢絕對系食過最好食嘅小丸子🫶🏿-♥︎ 蟹膏章魚燒 $37/6 $43/8熱辣辣即叫即整 食嘅時候仲有啲辣嘴😛外皮有少少脆🤤粉漿唔會太厚 入面超足料 每粒小丸子都有3粒章魚😳粒粒爽口彈牙😆蟹膏醬都系落勁多架 啖啖都食到香濃蟹膏味🥰仲有呀 隔離啲木魚多到好似唔使錢咁🤓我哋最後將啲木魚點晒啲蟹膏同沙律醬食 食到舔舔脷😋都系覺得有啲唔夠喉 決定嗌埋明太子食😝味道: 10/10🥳-♥︎ 明太子章魚燒 $34/6 $40/8唔同味道嘅分別在於面頭嗰sauce 明太子比蟹膏濃味好多 明太子醬鹹香中帶有少少辣味 夠晒惹味🤪連平時唔系太重口味嘅小妹都覺得好好食🤤佢絕對唔系死鹹 搞到我哋食唔停口🤣味道: 9.5/10-呢間小丸子真系令小妹回味無窮 好有滿足感🥰好想試埋其他口味😝雖然比起其他章魚燒佢貴啲 但咁好食乜都抵啦😚性價比: 9/10回頭率: 10/10🥳

第二次嚟呢一間章魚燒店，上次試咗芥末蜜糖味章魚燒，今次試返原味， $31有6粒章魚燒，即叫即整。章魚燒個心仲係非常之熱嘅，出邊外皮好脆，上面有滿滿的沙律醬，鏗魚碎， 十分足料，章魚亦有咬口，同埋食到有海鮮味，唔死實實。我見都好多人幫襯，小店有兩張嘅高枱，可以企住食。黎開掃街可以一試，下次想食蟹膏味。

葵廣都有嘅人氣章魚燒店，因為太多人排而未有機會試。今次喺太安樓行過見到唔算太多人，試一試佢哋嘅章魚燒先。-食咗：▪️蜜糖芥末章魚燒/6粒 $33呢排天氣凍咗啲，要食暖笠笠嘅嘢，食章魚燒就啱晒～章魚燒即叫即整熱辣辣（人多有機會要等耐少少）用紙兜裝住，捧喺手掌心，手都暖埋☺️章魚燒重點之一柴魚片，飄飄吓，集中放喺一邊，唔會遮晒啲醬，可以影相先🤣蜜糖芥末款口味偏甜，每粒章魚燒都有兩粒明顯嘅章魚肉，唔會淨係得粉漿。-章魚燒一共14款口味，可揀6/8粒。門口有一張高腳圓枱，可以企喺度食。不過掃街嘅話隨行隨食都得。外賣拎走的話，膠袋加$1。

今日第一次食呢間舖頭因為太安樓每次經過都好多人排了大概10分鐘隊 再等咗10分鐘🥲今日星期六都唔例外⁡Menu見到平均每款都係～$40當中可以單款亦可以雙拼試了$40嘅蜜糖芥末味章魚燒外賣🥡返到屋企都仲係夠熱夠脆口一打開盒好多木魚又夠醬汁唔會死甜食得出芥末味啖啖都食到章魚仔🐙好夠料又好食😋⁡一個人食晒8粒完全可以當一餐🤣下次想試埋其他味道或雙拼⁡如果同埋其他朋友或屋企人食就可以試多幾種味道啦！

-真·章魚無雙今日放工去好耐都無去過既太安樓掃街，見到有章魚燒賣，行過都覺得好香🤭就買左8粒蜜糖芥末味-果然名不虛傳👍🏼大大粒章魚，仲要即整，外脆內軟，再加埋蜜糖芥末醬，真係不得了！-一個人都可以食哂8粒，可以當一餐！除左蜜糖芥末其實佢仲有多過10款口味可以揀🤤遲下又試下其他味先-@top1_takoyaki_taion 真·章魚無雙｜西灣河太安樓店📍西灣河筲箕灣道57-87號太安樓第一街A25A號舖#top1_takoyaki_taion

今次去咗太安樓掃街，真係好多野食，今次又黎食章魚無雙啦🐙以前食開葵廣同旺中，今次試埋太安樓睇下有咩分別夜晚太安樓都好多人排隊買野食，但都算快，10分鐘就有得嘆，本身我仲預要等耐啲沙律蛋章魚燒 (8粒）$40我自己就好鐘意沙律蛋嘅味道，蛋同沙律個分配好好，有啲咬口咁但今次有d特別，以前食開嗰啲係細章魚，有時會覺得無食到章魚咁，但今次食嘅係章魚腳反而有驚喜，較彈牙。今次食見到起碼係有3粒章魚腳，好足料👍唔會好似以前d細章魚咁有時無乜口感。其他醬料方面就一如以往大方😍😍天氣開始凍，擺落口熱辣辣都咪話唔正😌😌太安樓又開得夜，以後肥仔了🤰🏻🤰🏻

每次黎到太安樓，第一站必定會去真。章魚無雙度買外賣，因為佢哋既章魚燒真係太好食了！佢哋嘅章魚燒係即叫即整，等大約10分鐘左右。每次必嗌嘅係明太子章魚燒，佢哋嘅每一粒章魚燒都好大粒，同埋入邊真係有章魚，而外皮亦都好脆！好欣賞佢哋真係每一粒章魚燒都鋪滿明太子醬，一啲都唔慳！總括嚟講，呢間章魚燒應該係我食過咁多間最好食嘅！

日本人氣章魚燒店登陸西灣河泰安樓。章魚燒粉漿比例適中，每粒夠大且飽滿，足足有8cm大，用上原隻章魚仔製作章魚燒，用料絕不馬虎，可說是相當足料。章魚燒表面淋上醬料和舖上木魚碎，入口軟糯惹味。

星期日去太安樓掃街，買完船麵見到斜對面有章魚燒，即刻買返盒即場食先😎🐙真·大阪風章魚燒 ($31/6粒; $37/8粒)去唔到大阪旅行住食左章魚燒先，即叫即整既章魚燒外脆內軟，入面既章魚粒好爽口彈牙，配埋上面既沙律醬同木魚碎口感豐富，下次要再試埋其他口味😊#章魚燒 #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食 #西灣河美食 #相機食先 #打卡

📍Hong Kong📍#ami港島綫#真章魚無雙#top1_takoyaki_taion 今次黎到太安樓掃街，第一間要同大家介紹係 真。章魚無雙。久仰大名既章魚燒店終於終於開到黎港島區啦。😍次次經過都有人排隊，但就算有人排隊都一定會跟住排買黎食。😋真。大板風章魚燒 🐙呢個味真係每一次黎都會叫，每粒章魚燒🐙全部都佈滿大板燒醬同沙律醬，雖然好邪惡但無醬既章魚燒真係唔得。除左有滿滿既醬仲有超級多既木魚碎😍每粒都可以痴滿勁多木魚碎。最最最重要，超級真材實料！因為每粒章魚燒入邊都有三粒大大粒既章魚😍唔會食左一啖下一啖就無章魚。😚真。蟹子章魚燒🐙呢個款式章魚燒上面分別有超級超級多既蟹子，分別有綠色同橙色。入口既每一啖都卜卜~卜卜~超級過癮。需要每次去都要排隊，但係太安樓掃街落完order買下其他野食再返返黎拎就啱啱好。😚每次都新鮮滾熱辣，就算買返屋企食都仲係熱辣辣超級好味。______________________________
💰價錢: HKD $ 30-50😋味道: ❤️❤️❤️❤️❤️📍地址:西灣河筲箕灣道57-87號太安樓第一街A25A號舖葵芳葵富路7號葵涌廣場2樓C07B號舖旺角彌敦道688號