真‧章魚無雙 (太安樓)

營業中

休息中

之前喺另一間分店食完失望過之後，今次嚟到太安樓又忍唔住好想試吓🤣🤣🤣好彩今次完全冇失望！我哋叫咗六粒蜜糖芥末同明太子味雙拼大概等咗10分鐘到就可以拎得。明太子就不嬲都食開，水準依舊，好味！蜜糖芥茉就第一次食，但係我都覺得好好食。而且因為佢酸酸甜甜咁，唔會太膩。今次個章魚燒真係做到外脆內軟，而且佢入面嘅章魚粒有成兩粒咁多，好飽滿，熱辣辣食超正😝😝希望上次喺另一間分店嘅不愉快經歷只係個別事件，今次再次食完呢個章魚無雙，又變返我喺香港嘅章魚燒世一🤣🤣🤣

今日帶個女去上興趣班後有一個鐘me time,趁呢一個鐘去咗西灣河太安樓掃街😍😍😍今次我揀咗去真·章魚無雙食吓章魚燒🐙🍡呢度有好多款章魚燒選擇,我就揀咗人氣no.2 明太子章魚燒🐙🍡呢個明太子章魚燒面頭加咗大量明太子醬and沙律醬,仲有海量嘅木魚絲😍😍😍章魚燒入面粒章魚又大粒又爽,試過一次真係返唔到轉頭😂有咁多口味下次真係要試埋其他先得😋😋😋#openrice#hkfoodie

西灣河太古樓最出名章魚燒 定期試試佢地質素 今次試試⭐️明太子章魚燒 同⭐️黑松露章魚燒 今次叫咗八粒共$46 雙拼加兩蚊(用貴啲個款去計）.呢間試過好多次 每次想食都係試佢地 由以前原隻章魚仔 變到得番一小粒章魚👍🏻而今次每粒章魚燒有2粒粗章魚 甚至三粒（加分位）👍🏻大量醬汁鋪滿成粒章魚燒👌🏻木魚碎份量適中足夠 🤣但貪心會想要多d😍黑松露同明太子醬都濃郁 整體好評.#真章魚無雙 (太安樓) (西灣河)地址：西灣河筲箕灣道57-87號太安樓第一街A25A號舖.⭐️評分：味道：4.2/5環境：-/5服務：-/5 抵食：3.8/5.（記住Like同分享 係我繼續搵好嘢動力 感謝支持🙏🏻）.

史努比都有一段時間冇食章魚無雙對上一次食已經差唔多系一年前嘅事😳曾經佢被譽為史努比Top1嘅章魚燒知道佢開咗分店原本好開心點知今次再去食真系非常之失望差咗好多🥺一於等史努比講下發生咩事🫣因為最鐘意嘅蟹膏sold out所以揀咗另一款味 👎🏿真.黑松露章魚燒(6粒) $38章魚燒夠熱嘅 但明顯見到木魚嘅份量少咗勁多🥺記得以前系毫不吝嗇咁落架🧐上面鋪滿松露醬 黑松露味就幾濃郁嘅～但略嫌醬汁要有啲太多咬落去竟然冇咗史努比以前大讚嘅脆皮🫢章魚燒系淋嘅 唔知系咪因為太多醬整淋咗入面嘅粉漿比較流質似系半熟狀態 口感欠佳🥲而且感覺上都幾多粉🥺佢哋確實有堅持每粒小丸子都落3粒章魚粒冇錯就有3粒但竟然一啲都唔爽口 系淋架omg🤦🏿‍♀️章魚淋咗真心唔好食章魚無雙幾時變成咁…🥺味道: 2/10性價比: 3/10*不設加一服務費*呢度都有個小型立食區不過張枱系會郁嚟郁去嘅有人行過就郁😅系咪一開分店水準就會下降🥲定系小店冇咗初心🥲🥲但真系超級失望以前比好高分架今次食完回頭率可以0佢整體評分：味道: 2/10環境: 4/10服務: 6/10衛生: 6/10抵食: 3/10回頭率: 0/10

買原味章魚燒外賣，返到屋企打開盒先見到冇落章魚燒醬汁、沙律醬＆海苔，激C左！ 5點幾見冇乜人才買，等左10分鐘先取！章魚燒最緊要既醬汁竟然吾記得落，唯有落屋企沙律醬

講到章魚燒我就會諗起真・章魚無雙，自從係葵廣食過一次之後就念念不忘，咁啱最近路過太安樓，點可以唔買返盒止下癮🤤🐙八粒雙拼 - 明太子＆黑松露($46)每粒都好脹卜卜同熱辣辣，最緊要係超多醬!!!!無論係明太子定黑松露醬都淋到成個面都係，務求粒粒都可以被醬包實曬😳明太子作為人氣Top2，味道有保證，鹹香同鮮味俱備。黑松露就比較creamy啲，每粒章魚燒都有啲黑松露醬係面，一入口已經香味大爆發，但味道唔會太搶，鐘意黑松露味必試💖除左醬汁之外，佢地既章魚燒依然係啖啖章魚，唔會食到成口粉漿，仲每粒都夠大粒同夠脆夠實身，欣賞佢地一直keep得住個質素，好好食👍🏻👍🏻👍🏻

今日咁難得去到西灣河，當然要入去太安摟食好嘢啦！入到去我就一枝箭就衝咗去真。章魚無雙🐙 我之前食過佢嘅章魚燒，勝在外層鬆軟，入邊章魚大大粒，質感爽得來好過癮。我叫咗份明太子x 柚子章魚燒 （六粒）$37。勁大粒章魚😋 明太子真係超正，可以話係招牌中嘅招牌。柚子醬係平時飲開嗰隻柚子蜜，再喺上面加日本柚子胡椒，味道酸酸甜甜，好清新。加埋上面嘅木魚碎，同埋兩中場一齊食，真係好好味🤭 可惜當日冇蟹膏，如果唔係一定會試 😤

掃街第一站食章魚燒🐙口味幾多仲可以雙拼最後係明太子同蜜糖芥末之間揀左後者😚等左五分鐘就有得食外層微脆 唔會食到一層厚漿裡面平均有三粒章魚粒幾真材實料不過個醬唔得⋯⋯唔蜜糖都唔芥末🤨🤨但整體章魚丸都係好食既～

聽個名就知道，真章魚無雙餐廳最出名的就是大阪風章魚燒，一口咬下去，章魚新鮮Q弹，章魚大小剛剛好,不會太老或太硬😋最厲害的是餐廳自家研發的獨門醬汁,不像一般章魚燒會有稍顯濃郁的魚膠味，醬汁清爽可口，把章魚的鮮美凸顯了出來，而且醬汁的酸甜口感層次分明，值得比個Like👍好味指數：9/10性價比指數：8/10餐廳名稱：真•章魚無雙餐廳地址：西灣河筲箕灣道57-58號第一街A25A號鋪太安樓地下電話：9544 7356

🇭🇰真‧章魚無雙 ·真‧明太子章魚燒$40/8粒呢間嘅章魚燒我之前已經喺旺角食過㗎啦 太安樓呢間就冇咁多人 唔使等咁耐 而且佢一樣都係咁好食🤤佢中間真係好大粒章魚 而且佢個章魚燒個粉漿都做得好好 質感好好 熱辣辣好好味 而且佢上面嘅明太子醬都勁多 食得好滿足🐙不過佢附近勁多餐廳等嘅時候好熱 建議大家去買住其他野先 之後再返去攞😈😈·📍真‧章魚無雙 (西灣河筲箕灣道57-87號太安樓第一街A25A號舖)

今日收早，一心想去試蟹膏味章魚燒，點知去到冇，好可惜，咁就試左第2隻味，等左10分鐘就有得食，今次揀左明太子味，醬汁好多，每啖都食到明太子味，同埋現場食，好夠脆

🇭🇰Hong Kong - Sai Wan Ho📍top1_takoyaki 真。章魚無雙真。大板風章魚燒_____________________________每次去掃街必食，章魚燒。每次去太安樓必買真。章魚無雙，呢間係我食過最足料嘅一間！最中意就係食原味大板風，章魚燒上滿滿嘅章魚燒醬，同沙律醬，完全係致肥命點但無醬嘅章魚燒不如唔好食。除左滿滿嘅醬仲有超多木魚碎，每一粒都可以夾埋滿滿嘅木魚碎超滿足。另外，超足料，平時食個啲得啲碎碎嘅章魚碎而呢間係有三粒大大粒嘅章魚粒。因為太好食每次去都要大排長龍，起碼要排15-20分鐘。但佢值得我排隊。📍 西灣河筲箕灣道57-87號太安樓第一街A25A號舖觀塘協和街33號裕民坊YM² 1樓裕民里1B5號舖旺角彌敦道688號旺角中心1期2樓SB02號舖葵芳葵富路7號葵涌廣場2樓C07B號舖

一直睇人fb，見到介紹依間章魚燒，好吸引，終於有時間去試。去到人多，都排左陣隊，我揀左蟹子章魚燒，賣相好靚好吸引，即場食左2粒，好脆口好多蟹子，其餘果到拎左返屋食，返到屋食冇咁好味，因為已經淋左，所以好建議即場食，下次會再試其他味。

➲ 西灣河 真·章魚無雙➳ 真·蜜糖芥末章魚燒⁽⁹/¹⁰⁾木魚好足，每粒都平均分到，芥末醬唔會比蜜糖搶曬戲，芥末微辣中帶點甜，味覺碰撞。➳ 真·黑松露章魚燒⁽⁹/¹⁰⁾好香黑松露，但唔係爆石油氣嘅味，面頭仲加咗啲黑松露，裡面粒粒都有章魚粒，好香口。⤵ @top1_takoyaki_taion西灣河筲箕灣道57-87號太安樓第一街A25A號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #terapancake #香港美食 #香港食評 #西灣河美食 #太安樓美食 #太安樓 #章魚無雙 #章魚燒

現時擁有多間分店的章魚燒專門店 真章魚無雙，吸引人的不只是香脆且內涵豐富的章魚燒，還有超過10款不同的自選醬汁口味。除了傳統的大阪燒風味，還可以選擇多種極具人氣的款式，包括加入沙律醬中和辣味的明太子口味，以及用料絕不手軟、粒粒都品嚐到熟蛋粒的蛋沙律口味，難怪在一級宵夜戰區太安樓仍保持極高人氣。Top 1 Takoyaki is more than just crispy and rich-with-filling takoyaki, but also offers over 10 toppings and sauces for you to customize, such as the spicy mentaiko flavor and the egg salad flavor with generous portions of delicious egg. No wonder it remains extremely popular in the bustling late-night food hub Tai On Building.