真味日本料理 (已結業)

雖然不是巨型壽司捧場客但一向喜歡溫馨的居酒屋風格所以亦算是真味常客招牌巨型壽司別樹一格，魚生算新鮮唔係靠嚇(7/10)三文魚鮫必來一客，火候剛好熱辣辣(8/10)軟殼蟹做得唔太油，但厭天婦羅皮太厚(6/10)朝鮮海鮮煱有啲睇頭，鮮味得黎風味夠(7/10)居酒屋就是要有著平民風味才算好如果要求唔高這小小居酒屋其實幾好

星期六晚，又是傷腦筋找地方吃東西的日子。是晚唔知發生咩事，蕃茄麵店子又爆場，想食車仔麵又無位，輾轉下，來到了真味，食壽司。印象中這是幾旺場的店子，都有心理準備是要等一陣，竟然，剛好有張檯埋單，有時食野真係好奇怪。坐低，大家有商有糧，真真正正的選了幾款想吃的東西。呢度既三文魚是招牌，出名厚身，這份三文魚壽司都唔例外，除了飯糰大大舊，三文魚也真是厚得誇張，基本上無可能一次放晒入口。這種噱頭，相信有不少港人會喜歡的。另外點的，是真味牛肉飯。米飯總算圓潤，洋蔥夠腍身，牛肉質素還可，配以微甜的醬汁，送飯唔錯。幸好沒有辜負店家的名稱。再者，我們有蒲燒鰻魚。鰻魚至少沒有腥味，甜甜的汁醬，不管是配鰻魚，或是撈上剛才的牛肉飯，都是可以。飲埋杯暖水，又是時候回家，再工作。

是日只有4姐妹一起食dinner，來到這間妹妹一直想試的壽司。妹妹叫了壽司定食，放在長長的盤子上。刺身厚切，相對地飯也很大舊，壽司飯調味ok，不會偏酸。三文魚不是很肥，但魚味尚可，兩人各咬一口剛好。鱆紅魚很新鮮，魚味濃郁。吞拿魚都係得個鞋字架啦！其他都係普通野，唔多講。妹妹說好食，但個人就不太喜歡太大舊飯啦！又叫了一鍋豆腐蔬菜既鍋物，湯底非常的淡，令我不禁懷疑師父唔記得落鹽。雖然整鍋淡而無味，但材料都很新鮮，而且有很多菇類。當清下腸胃。另外又叫了一鍋辣海鮮鍋，4人均對此鍋俾個Like!湯底好味，微辣，材料有很多種海鮮，而且也頗大塊，絕不欺場。另外叫了角切三文魚，但很快被人食哂，所以無影到相。三文魚不是腩位，魚味尚算OK，不夠濃。

J先生不愛連鎖店的日本餐廳, 唯獨喜歡荃灣區 - 真味!是日,我倆突然想食日本菜, 再次走到荃灣牛肉拉麵似肥牛, 煮得過熟 幸好湯底鮮甜!鰻魚壽司 鰻魚燒得沒有味道玉子壽司 甜香玉子三文魚壽司 肥美的三文魚炸日式南瓜蕃薯薄薄炸粉, 炸到外脆內軟吉列蝦反卷蝦炸到金黃色, 配上外層的蟹籽, 口感好好三文魚水撥 魚肉好嫩滑二人才食了二百多元!真味 總結: 值得一試!

第一次黎真味食 慣常比男朋友發板佢叫左個巨型三文魚刺身加鰻魚炒飯 一黎到碟三文有五大舊 第一次食真係呆左 但食落去得一淡就已經有根 除左大舊 冇咩特別 三文魚味又唔出 冇戈種鮮甜而鰻魚炒飯就一般啦 要試大舊可以黎試 但要味覺上享受 就差d

每次喺荃灣一想食日本菜都會揀呢間。大大嚿刺身同壽司永遠係亮點，三文魚好新鮮。《燒牛舌串》上嘅黑椒調味度適中。《和風泡菜海鮮鍋》最暖胃，《焗蠔》蠔味比沙律醬蓋過，中規中炬。

有些時候，有些日本餐廳，擺到明港式到不得了，或許是價錢不貴，仍然可以人龍不絕，大有市場，荃灣兆和街的真味日本料理就是一例。是日假期，可跟阿妹食午餐，因為之後大家各自有活動，便將就在荃灣搞掂。但，到底吃什麼呢? 大家均問著同一個問題，想了很久，結果決定來這裡。店裡播放著吳雨霏、Twins等歌手的歌曲，真是港式得很。看餐牌，有個溫馨提示，註明該店出售的壽司及刺身份量較其他一般店鋪為巨大，乃該店的特色，不提供個別的再切割服務。究竟刺身有多巨大和厚身，能令大批人趨之若鶩?為了求證這招牌刺身有多厲害，遂點了客三文魚刺身，一碟有五件，真是厚大得誇張，差點兒用筷子亦夾不起，或許就是這樣，能吸引人來品嚐咁抵食的「厚切」三文魚。大啖咬落去，是過癮，但完全沒有味道，而且很多筋，質素欠佳，是噱頭大於一切的出品。另柯打了大蝦海膽炒飯，炒飯之中鋪了不少蝦籽，蝦頭和蝦尾插起來，賣相都仲可以。飯總算炒得乾身，混入粒粒蝦籽，口感更佳，然而海膽的份量極為罕少，且鮮香欠奉，蝦肉亦有欠爽口，很是普通。至於蝦頭，是炸過，卻嫌炸得不夠透，難以吃下。百幾蚊落樓，飽得吃剩東西，又有厚切三文魚食，難怪有人排隊等吃。

平時見到排晒長龍, 可能我地成9點先入去所以即時有位.我地兩個人一坐低就ORDER 左角切八爪魚, 燒魚翅乾, 蟹子沙律, 煎餃子, 甜蛋/帶子/海膽壽司.八爪魚係我一個非常喜歡既食物, 又彈牙又好咬, 咬落有汁. 所以我非常滿意呢個菜燒魚翅乾上碟已經剪成一條條, 易入口, 味道一般啦蟹子沙律大大碗, 兩個女仔食真係多左, 係抵既~ 煎餃子我諗都係大圍入貨既品質, 皮薄肉細, 有肉汁不過唔夠香甜蛋壽司比較凍,所以硬左的的, 如果暖小小好食的喎帶子壽司係ok既, 不過不失海膽壽司都係一般ok 既由於食物偏向大件及大碟, 所以多人喜歡不過都係一分錢一分貨, 都唔算平略高左的.質素係等同於元朗果的大大件壽司店, 一模一樣服務都幾好一來叫職員馬上到, 二來全男班對我地呢的女顧客真係唔錯架

18-9-2012(Tue)同男友遊完廸士尼返荃灣食o野,食咩o野呢?日本o野,o係真同真味兩間揀,都係真味,因為感覺真係比較港式.我o地大約8:00pm o黎到,等第四張枱,我o地不如睇定要咩o野同可能外賣,咁就剔外賣先,剔完o岩o岩開始有幾張枱,咁就o係o度食啦.我o地剔o左:1-3. $25.00o既赤貝壽司, $26.00o既芥末八爪魚壽司.$22.00o既蟹籽伴墨魚壽司全部都幾新鮮,冇問題,而壽司飯調得唔錯.4. $46.00o既炸芝士薯仔年糕呢個趁熱食,芝士味濃,口感煙韌,不過我食唔到薯仔味.5. $50.00o既和風叉燒湯拉麵原來有幾多叉燒,不過叉燒幾實,拉麵食到有蛋味,啖湯夠濃,唔錯o既.6. $13.00o既三文魚卷呢個味詭正常冇問題.但紫菜腍晒,影響口感.7. $18.00o既加州手卷呢個咁簡單,味道係冇問題,但同樣紫菜腍o左,比較遜色.8. 後加$46.00o既牛油焗帶子食到好有牛油香,帶子都有9隻,不過有啲’梅’,唔知係唔太新解定焗耐o左.服務岩o岩坐正冷氣出風口,好凍,請侍應較細啲冷氣,好彩佢o地肯.密密斟水同收碟,唔錯.男友o既畀分係:帶子2分,炸芝士薯仔年

星期天一家三口買完開學課本, 順便食埋晚飯先回家。Menu 註明該店之壽司比一般大, 於是先order 了真味什錦壽司拼(14件) + 三文魚壽司(2件) + 蟹子沙律壽司(2件)壽司真係好大舊, 食幾舊已飽肚。魚有根, 咬一口就散晒, 魚同飯都冇味壽司唔掂轉試燒物, order 雞軟骨 + 原隻魷魚筒, 雞軟骨一般, 魷魚筒又係冇鮮味, 燒汁太甜, 勁失望真味等同冇味, 埋單$303, 貴夾唔好食, 冇下次

可以話係真味常客!!!!每次黎真味都必點大大件三文魚刺身雖然年年加價但係都重係算抵食大大淡食三文魚真係好過引!!另外推介既係佢地個到既壽司又係大件夾低食!!!每次黎到都必點劍魚同油甘魚！建議7點前去食~因為夜晚多樓要等位!!!

經過門口幾次都大排長龍, 那天决定下午5時許去撞手神, 竟然全店無客, 心想難道落場休息 可是有侍應生開門招呼我們入內, 咁就開始了真味日本料理旅程左邊是劍魚腩壽司$34, 右邊是火炙三文魚腩壽司$32 ... 壽司飯粒粒分明, 握得力度適中, 夾起不會散開, 在口中嚐到不攻鼻的醋味。 劍魚腩及三文魚腩的新鮮度是令人滿意, 入口滿口魚脂甘香。海膽大蝦炒飯$78 ... 寧願用相等價錢來叫壽司, 海膽只有幾粒而且是炒熟了, 炒熟的海膽是沒有那陣獨特味道, 大蝦肉也只得少許粒, 這炒飯其實都炒得幾香。炸劍魚翼 ... 質地爽爽地, 帶少許煙韌, 味道不腥, 送sake一流

同男朋友夜晚十點落街食晚飯，因為呢個時間已經無咩野食，見到真味未收就試下，點菜個陣已知佢d野係特別大件，所以每款只點了一碟，壽司點左蟹子、吞拿魚、甘蝦、帆立貝，另外點左一個鰻魚飯、八爪魚小食、鹽燒秋刀魚同埋三文魚刺身。食物好快就黎到，首先既係三文魚刺身，真係好大份，要問侍應拎刀切開，質素只係放題質素，冇鮮味。之後黎八爪魚，冇咩特別。再之後就壽司黎齊晒，大件係好抵食，但講好冇味就一定冇細細件一啖擺晒入口咁好味，而且咬開一半仲會整散晒成舊壽司，好論盡。帆立貝就冇咩特別，蟹子唔好食，吞拿魚腥到哽唔落，甘蝦舊飯就好大舊，蝦就細細隻兩隻最後就食鰻魚飯，飯太硬，鰻魚醬汁冇味，鰻魚食落好似橡膠咁，好難咬開。最後埋單要4百蚊，佢係大份，但唔覺特別抵食，而且仲要唔好味，呢個價錢有好多更好選擇。最後最後想講既係，食完隔左一段時間後，口入面仍然有個陣腥味，好難頂！

昨天我男朋友收工同我去食e間野.加上我男朋友個fd.一行3人.入到去.地方狹窄.叫人落單好似聽唔到咁.我地食左.三文魚刺身:得個大字.根本冇鮮味.計埋加一其實同一個價錢我可以食到更好的三文魚吉列炸蠔:超厚粉.大蝦海膽炒飯:仲衰過街邊d揚州炒飯牛肉湯烏冬:叫做穩陣d.普普通通計埋其他野.total食左$4xx.其實一d都唔抵食.食物質素太差.環境唔好.服務都唔好.唔會再有下次

完成所有小組習作, 食一餐好的當作放鬆一下.與幾名同學仔去了食壽司, 刺身.先來了兩份三文魚刺身, 一見即嚇人. 食下去有如食肉獸般的大啖大啖咬,爽到極.而且脂肪均勻. 之後, 叫了一碗蟹子沙律, 好多菜, 撈埋一齊, 味道不錯第一轉壽司: 帆立貝, 三文魚腩, 吞拿魚, 鰻魚三文魚腩: 脂肪分隔不錯吞拿魚: 一般.鰻魚: 醬汁帶出味道帆立貝: 好大件, 好甜仲以為同學仔會投降, 佢地愈戰愈勇叫了第二轉壽司: 鐵火卷; 希靈魚, 劍魚腩, 油甘魚, 北寄背, 蟹子沙律壽司鐵火卷: 尚可希靈魚: 食得入口的.劍魚腩, 油甘魚夠晒油份, 香味四溢. 北寄背: 無出, 同學仔講可以接受蟹子沙律壽司: 青瓜絲不是雪得太耐果d, 不太冰.不論食了什麼壽司, 今次這一餐令各位回味.本來打算食糖水的同學, 最終也棄權了.四個人去食, 合共473元.