真味日本料理 (已結業)

終於可以鬆一口氣，有時間岀外吃晚飯，撐下枱腳。 機緣巧合下，發現了荃灣一間日式料理店，賣的壽司全部都像到了巨人村一樣，大大件，而且價錢十分大眾化，是荃灣街坊的心水之一。男友比我早到，已經預先拿了位進去，到我8點左右去的時候，門口無人在輪候。餐廳裝潢家庭風，沒有甚麼華麗裝飾，牆身貼的都是餐廳菜式的照片及明碼實價的菜名。餐廳空間少，枱和枱間比較近，右手邊是貼牆的火車椅。菜系供應廣，壽司，卷物，刺身，丼飯，炸物，鍋物也有，而且價錢相宜。三文魚壽司(2件) $32: 呢到一舊三文魚壽司 等於3舊普通嘅三文魚壽司咁大舊 而且2舊都係$30 左右。吃下，三文魚質感實在飽滿，不過魚脂不算豐富，吞罷不會有油腴感。 總體來說，除了體積比一般大之外，味道不會令人感到太大的驚豔，但過過口隱也不錯。火炙三文魚腩 (2件) $48: 本來想點兩件的，但那天去到，店員說三文魚腩只剩下一件，真是可惜呢。三文腩比先前介紹的三文魚壽司長身，如生了一條燕子尾巴般，一樣是大大件。面頭介了花，用火炙燒過，令魚油脂溶化。吃下，先是火炙的焦香，繼而是三文魚的魚油香。 三文魚綿軟，油甘腴潤，令人愛上。油甘魚(2件) $50: 雪白

今日同D朋友食飯. 有人話荃灣有間日本野D壽司全部都好大件..所以就去試下泊低架車後到鋪頭門口, 等左20分鐘到就入去LU~第一點左個三文魚刺身.超大件....唔係講笑..入口啖啖肉, 都未試過食三文魚可以食到啖啖肉咁GA FEEL...但又幾好食..之後叫左軟殼蟹覺得麻麻地..厚燒玉子...都幾好味,但睇到佢唔係燒囉..係蒸..!!章魚小丸子...一般般鰻魚都可以接受呢個火燒三文魚腩就不得了啦....睇下佢幾大件...塊魚腩咬入口啖啖肉,重有D油走出黎...呵呵..!!正!!其實三個人都唔係食好多野, 只係D野食太大件, 食到咁上下都飽LU但總括黎講係等位時間長左DD...食物可以, 下次都會再去食試下其他野...

荃灣經常排長隊既餐廳~ 呢度既特色就係"大"!!!😼😼 一件sushi size 等於3倍正常sushi, 而且魚生一d 都唔吝惜, 真係厚厚切大大舊😎😎👍 所以menu 都有提醒客人唔好叫太多😂😂 當晚我同fd 2人食左以下sushi 各一件再share 左軟殼蟹反卷($38)同一個海鮮烏東($72) 完全撐到12成飽😂😂 最後淨係食魚生走飯🙈🙈.... 所以來到真係要量力以為~~ udon 普通, 海鮮同其他料唔算多, 但好彩udon 都唔會過林, 所以都ok.三文魚, 甜蝦壽司 $16件帆立貝, *火炙三文魚腩 $25件玉子壽司 $10件火炙三文魚腩加左⭐⭐ 係因為我地一致贊同佢係全場highlight~ 🌞 魚腩新鮮肥美, 經過火炙更加滋味, 性價比好高😋 相反三文魚就唔太新鮮, 食落仲有筋, 唔推薦... 其他都係 average😛~ 呢個份量同水準都對得住價錢, 經過tw 想食sushi 可以一試頭先好似顯示唔到佢既份量🙈 其實每件有成隻手掌✋咁大份😂😂隻碟差唔多仲長過隻手臂

以往想試呢間都太多人，放棄等。 今晚七點左右黎到，門口無人排喎，正，一於即食啦！不過都要拎飛等一陣，大概等左兩三枱先到。座位係有少少迫既，不過都還可以。餐牌列明只收現金。特色係巨大刺身同壽司。叉燒烏冬，都幾好味，夠彈牙。角切三文魚刺身，好厚身，正。壽司黎啦！梗係用包紙巾做比例影張先 真係幾大舊下架，女士可能食幾件都飽。中段想嗌個厚燒蛋食下，見到好多枱都有嗌，點知話賣曬，殘念！！！下次再試啦唯有

今天天氣很好，所以和老公決定去行山。行山前去吃少少東西。叫了火炙三文魚壽司及火炙蟹棒壽司。刺身大大件，啖啖食，好正！食咗一件，都已經飽左一半。之後叫了一個軟殼蟹。軟殼蟹有羔的，而且炸粉不算好多，不錯。

同朋友聚會當然再食好啦，佢介紹左一間響區內出名抵食既餐廳排隊當然少不了，出名大件夾抵食點了 三文魚刺身 、 甜蝦壽司 、 魷魚筒 、 牛肉鍋三文魚刺身一上枱，真係驚訝了，好大件，厚身，質素食落也不失望，魚脂均勻，魚香十足，鮮味程度高甜蝦壽司也不輸蝕，壽司大到和包裝紙巾有得比，甜蝦大隻，鮮甜味道足之餘，爽口彈牙三十幾蚊兩件，真係抵食熱食嘅燒魷魚筒原隻上，燒完後也覺大隻，香氣十足，醬汁有點濃，但不減其滋味 牛肉鍋味道則有點油膩，底下的蔬菜吸了牛油的油份，邪惡感好大整體來說，食物質素不錯，尤其壽司、刺身，值得再到

朋友帶路好快搵到仲要係閒日去 啱啱去到就有位lu 成日聽朋友講話大粒壽司、巨型壽司，聽到已經覺得好笑，今日終於的起心肝去試下，講真食飯除左好味，話題性都好重要。就好似呢餐咁，懷住睇下咩咁特別嘅心情，點左幾款壽司，上菜來到嘅一刻我真係笑左出來。好，笑左一陣，又左睇右睇，開始食，本身以為佢淨係賣外表，食落又幾好味一定好食過某啲放題!最特別嘅係火炙三文魚，點解咁講? 食火炙三文魚壽司，都係食佢啲油香，你幻想下咁大舊充滿油香港壽司俾你大大啖一野啪左佢，呢種滿足感真係第一次享受。最後兩個人食到飽飽，好似叫左12件左右啦，都係二百零蚊，我諗以後如果食放題，我不如來食巨型壽司仲抵，又食得開心，都係同一句啦，見到已經想笑!!

book 左都等3個字，實在太多人喇。雖然佢係book 左位都照比飛，不過佢都係會差唔多時間比你入去食。呢到出名d sushi 好大件，所以去睇睇。叫到黎真係好impressive。d 三文魚唔單只要用 "厚切" 黎形容，應該叫 "巨切"。完全冇諗過一件sushi 可以去到咁大件，個味食落係超級嫩口，啖啖三文魚肉，食到我 我同d fd 一人兩件，已經飽左一半。食落真係好滿足好想再食多幾件。本身以為就咁食sushi 未必飽，叫左d 飯，之後發現原來根本唔駛叫飯，淨係食sushi 都已經差唔多飽肚。另外有叫左d 蟹籽蟹棒sushi 同魚子sushi。蟹棒好鮮，唔會好似放左好耐個種感覺。加埋少少salad 醬，個味會冇咁寡。魚子軍艦d 魚子大大粒，有番魚子一向既苦苦地澀澀地既味，都係同其他sushi 一樣咁，大大件。除左sushi，仲叫左個滑蛋鰻魚飯。d 滑蛋比想像中乾左少少，不過食落都可以，珍珠飯都有一向既水準。仲食到好耐冇係日本店舖食到既鰻魚，感動。滑蛋有燒汁鰻魚的配搭，總算加番d 分數。個人認為呢到都係主打大大件sushi，基本上都可以淨係叫sushi，人均100 內。

和家人一行四人到真味吃晚飯發現原來這裡的壽司都是巨型的，平時正常size的兩件 才等於這裡一件，點了一客鰻魚壽司，味道很好！ 另外點了切角八爪魚和切角三文魚，三文魚雖肥美卻很多筋。豬軟骨拉面，值得讚的是麵很彈牙有咬口！清淡之選—豆腐雜菌煲，份量很足，內有黃芽白、金菇、豆腐、菇片，味道剛好不會太淡口！鹽燒三文魚水撥，有三大件，燒得香口，不錯！海膽蝦炒飯，香噴噴送上，presentation很好！日本飯粒炒得粒粒分明，很乾身，大蝦的蝦肉切粒加到飯裡炒，添上蟹子、很細很細粒的蘿蔔、青椒粒，使整個飯口感大增，！推介！四個人一共$540，下次會再來！服務員執枱、加水、下單的服務很快，很好！

荃灣不嬲都多食肆, 食盡唔同美食, 左搵右搵終於搵到黎呢間小店唔好睇佢好似冇咩特別, 但就響區內都幾有名氣, 我今次就係冒名而黎 去到要等左一陣, 大概15分鐘, 唔算耐 入到去位都唔太迫, OK GA~ 魚生當然要食啦~ 叫左巨型三文魚, 火灸三文魚壽司同劍魚腩手卷巨型三文魚刺身 ( HKD$118 /5件)三文魚一上台真係大到O左咀 唔但只大, 仲要係靚, D魚生好厚切之餘, 仲要魚脂分布均勻, 質素好好! 食落去口感好強, 新鮮唔腍身, 魚香食完仲響個口度停留, 大舊過足口癮讚! 火灸三文魚壽司 (HKD$38)壽司唔係淨係個飯大舊就算, 個三文魚都係厚切, 大塊, 不欺場火灸三文魚, 剛烤得三文魚表面輕熟, 入口更香, 帶一點脆, 口感更好, 亦覺三文魚既魚香劍魚腩手卷(HKD$35)手卷一上台就見魚生切成粒, 賣相不錯之餘, 仲要係睇得見既新鮮, 魚肉光鮮~手卷既魚生唔係得面個層, 佢食到底都會有啖啖魚生 魚腩香滑不膩口, 鍾意食魚生就唔好錯過啦~

又係一家三口出去食飯既時間，今次目的地荃灣一間出名大大壽司的日本料理舖頭今日係閒日, 老公、我同仔仔係2點後既時間先出去揾野食, 咁就唔洗等位,唔怕BB嘈住人食飯LA..我地3點去到, 店內真係一個客人都冇，望下佢個營業時間，下午四點係落場時間,咁我地都急急腳坐底查住個餐牌諗食咩..店舖四面牆就好似餐牌，貼左好多寫住食物名同價格的紙條, 大部分紙條下面都有相做參考，除此之外，仲有張午市餐牌比我地。每個午市餐平均5,60蚊, 由於E間舖出名D 分量大大舊，我同老公決定叫一個午餐加幾件壽司E個好似叫什錦刺身便當$68:-粟米沙津-刺身有三文魚、墨魚, 甜蝦同唔記得咩魚 ,-飯-麵鼔湯粟米沙津好清新, 刺身都新鮮,鮮甜...麵鼔湯唔覺有味精，又幾好味喎, 可能就落場, 佢見我地兩個人所以比多碗麵鼔湯我地, 正...火炙蟹棒壽司$28同火炙三文魚壽司$34, 係今日佢地寫在黑板推介黎到枱面，真係比平時壽司舖既大件, 上面有對BB手做比例,同BB手差唔多大..大件係佢賣點, 但唔代表特別好食.佢舊飯太大舊, 自問自己唔係櫻桃小咀, 都要分開2,3啖食, 飯傘左壽司味道, 只感覺係汁飽我FEEL

是日打保齡後，和朋友來到真味。早前聽朋友說這裡的壽司特別巨型，今天一嘗大大壽司啦 二人由於不想麻煩，就點了真味雜錦壽司，一共14件，有三文魚，蟹子軍艦，蛋壽司，甜蝦壽司等，全部也十分新鮮。三文魚壽司真的十分巨，刺身也厚切，落足料，啖啖肉。而海膽壽司亦不腥; 蟹子軍艦的蟹子多之餘亦好爽口，在口裡感受到啪啪聲，也不錯。不過吞拿魚就較遜色，刺身雖厚切但十分鞋。另額外加點小Rab最愛的火炙三文魚壽司，雖然等得耐少少，但也值的， 燒得剛剛好，又啖啖肉，加上帶點醋味的壽司飯，正啊！由於每件壽司也大大件，只吃壽司，吃到尾經已非常飽肚，幸好也沒浪費，成功吃完枱上食物。

今天和朋友E探完朋友M剛出生的BB之後,約了朋友S到荃灣區食日本料理，她介紹我們吃這間，因為這間價錢便宜，可以吃得很飽，其實本想吃放題，因這區放題較多，不過朋友真心覺得好吃就無所謂啦！我到那里時因時間比較早，還有很多枱，朋友介紹這里的壽司必吃，我覺得很奇怪，為什麼要到這里來？這里的刺身真係大過包紙巾,很抵食！一碟有五塊壽司都比普通店舖大很多！睇到這三張圖片，我想大家都明白，這個地方真係好有趣，當然只有這些當然唔夠飽，當然老實講,這里的刺身，鮮味欠逢，只是如果三五知己，想搞一些新意思，就可以到這里開心一下，最後我們還加點了兩款這兩款味道和普通日本餐廳相差不遠，最後結賬時，見到芝麻八爪魚，我真係睇到眼突突，很大碟呀！這間日本料理，我一定會再去，朋友說中午更抵，因為唔需要收加一，今次每人百二蚊都唔需要，都算可以接受。

真味在荃灣已屹立多年，以三文魚壽司/刺身大大件為招牌菜，而且食物價錢經濟實惠，一直有不少捧場客！但由於太受歡迎，門口長期都有客人在等位，尤其是happy friday 和weekend 的晚上更是人山人海，娜娜已好一陣子沒有光顧了！食日本野當然要點一兩客壽司「應景」一下，我們選了吞拿魚及三文魚。沒有令人失望，大大件依然！吞拿魚壽司比三文魚貴$10，不過娜娜卻覺得吞拿魚的口感有些少「梅」；三文魚壽司則不過不失，價錢亦只是$28，質素已算是不錯！娜娜以往通常都會點一個野菜牛肉鍋，但味道偏甜不是娜娜愛吃的味道，所以是次選擇了泡菜豚肉鍋。鍋裡豚肉不算少，另有豐富充足的配料（菇類、豆腐、娃娃菜），且泡菜味不會過濃或太辣，讚喔！小食方面則叫了一客鹽燒牛舌。牛舌厚薄適中，容易咬開、完全不會有韌的問題，而且非常香口！娜娜吃完一串還嫌不夠呢食物整體質素很好，選擇夠多而且價錢非常合理，算是抵食之選！但環境方面則始終是小店，空間十分有限，而且冷氣略嫌不足，娜娜和男友邊吃邊流汗，吃飽便急急腳走人了。

其實黎食過好多次 但成日都唔記得寫返食評！今次終於記得啦！難得今次唔洗拎籌直入，可能係因為12點幾日頭太熱掛～ 我地一行5人都係叫返我地嘅例牌首先叫左個和牛定食餐 包左個湯 沙津 小食 同飯另外刺食當然唔少得😂呢個角切三文魚刺食大大份 勁野味！5個人一人一件都已經勁夠XD梗係有埋壽司啦～鰻魚壽司味道岩岩好 再加埋d飯沾有鰻魚汁 就算咁大舊 唔會覺得太濟～個人認為火炙三文魚壽司係邊食！入口即溶！仲要好juicy !不過每次黎完呢度食 要隔一段時間先可以再食日本野😂因為太飽同濟!