真味日本料理 (已結業)

荃灣大大件壽司🍣滿載我回憶的荃灣大大件壽司刺身店，會在10月上旬就會結業😢。真的件件都很大件，不論刺身，抑或是壽司。個人推介火灸三文魚腩，帆立貝～大大件，啖啖肉，真的好味！魚腩的脂肪感加上火灸，會有種入口溶化的感覺🤤。上一次沒有吃到，我默默思考了很久為什麼我沒有點🧐，可能因為結業太衝擊。見到隔離枱食左海膽，連海膽都係大大件。已bookmark 了結業前要再吃海膽😗🐷最近懶洋洋沒有分享我吃過什麼，但我其實肚皮沒有怠慢，繼續放了不少好東西入內😆

呢間真味日本料理喺荃灣屹立咗16年，前牌經過舖頭見到老闆張貼左告別message，話舖頭做埋10月就會正式結束10幾年嘅生意😢😢😢雖然我唔係住喺荃灣區，但係同行嘅友人都話間鋪睇住佢大，超級唔捨得！各位見到呢篇食評，就快啲嗱嗱聲出發去食最後一次啦！呢間日本餐廳出名嘅地方係佢嘅壽司同刺身體型都較為巨大🤣但一啲都唔貴， CP值極高！今次同朋友兩個人嚟食晚餐，人均大約$180到$200到已經可以食到飽！一開始已經嗌左碟巨型三文魚刺身，大約100蚊頭，但係有成5件目測3,4cm厚嘅三文魚，比街外買到嘅三文魚，真係大足四五倍有多🤣😂之後我哋仲嗌左魷魚海膽壽司同巨大帶子壽司，佢哋嘅體積都係比出面舖頭食到嘅大少少，唯一美中不足係海膽有d苦澀，但係魷魚鮮味十足，帶子口感同味道都係非常之新鮮㗎！呢度仲有得嗌雞軟骨餃子，個樣就望落似係店主自己整多個現成買來煎，雞軟骨好爽脆，餃子皮都有煎香到金黃色，都幾值得試吓㗎！朋友另外介紹咗樣必定要試嘅甜品，就係燒日式芝士年糕，炸嘅就聽得多啦仲好搵添，燒嘅真係第一次見，仲要係即叫即燒，入口之前會聞到一陣好香嘅炭爐燒味(?)，燒日式年糕煙韌度會比炸嘅更好，仲少咗浸油益味，年

真味日本料理係荃灣地鐵站附近，上次朋友介紹我去試佢地既壽司。因為佢哋既壽司真係巨大化😳包你見到都會覺得嚇親。我從來都冇係出面見過咁厚咁大塊既壽司🍣朋友叫左碟三文魚腩壽司，黎到既時候真係嚇我一跳，我下次黎都要試下佢地既壽司！1⃣️紫菜湯烏冬（$54）烏冬係豬骨湯底，湯底唔會好鹹好好飲🤤烏冬好滑而且夠曬煙韌。面頭有幾片大大片既紫菜，浸滿湯之後食超正。  2⃣️吉列炸蠔（$58）炸蠔有四件，炸得好脆。不過個人就覺得炸蠔細粒左啲，同埋唔係好有汁，同埋唔夠鮮味。

係荃灣基本上唔會搵唔到野食,但唔想排隊,荃灣區地膽朋友帶路去左一間唔太顯眼的日本料理餐廳一入去有種時光倒流的感覺,係港式日餐廳的感覺!由於太餓,我地點左鰻魚炒飯/三文魚壽司/拉麵/炸芝士年糕/鹽燒牛舌憑我地觀察叫壽司抵食過刺身壽司大大件肉 好肥美三文魚壽司 $38/2件三文魚腩壽司 $60/2件火炙三文魚壽司 $42/2件北寄貝壽司 $38/2件帆立貝壽司 $62/2件首推火炙三文魚,叫左幾轉太回味了有火炙的燒味再加上肥美三文魚係口中半溶化 好幸福感覺會再encore!但主力大推壽司比燒物出色!

同朋友行街經過依間在新之城對面內街的壽司店，店面平平無奇像普通的港式壽司店，朋友勁推介於是就試試。店面不太大，之前未禁6點後堂食去試，假期夜晚都坐滿，等咗大概20分鐘才可進入。朋友一再提醒，壽司份量好大，最好食完再叫。叫咗2客壽司同1份芝士年糕，等咗大概10分鐘就有。壽司應是正常size的3倍，差不多有一個拳頭大要分開幾口先可以食完，滿滿的一口壽司十分滿足火炙三文魚火炙三文魚差不多全熟，外面有小小乾身，不過入面魚肉都算嫩，不過不失。火灸三文魚腩壽司外面燒得微熟，入面還是生的，一入口就溶化，成個口都係三文魚油脂燒芝士年糕每次都必食，年糕燒得外微脆，入面軟糯加埋芝士，微甜帶小小粘牙，十分香賣相 4/5口感 4/5味道 4/5番食率 4/5

係荃灣想食壽司就會念起依間，啲壽司勁大件！係抵食，可以滿足我想食壽司GE慾望！壽司味道普通啦，唔可以講好好食，但唔算難食。但我一定會叫油甘魚壽司、醋青魚壽司，我覺得這兩款壽司係最好食！

男友決定要食日本野, 漫無目的走圍盪下天氣好熱, 我又開始餓咁岩經過呢間鋪, 就食呢間算lunch set包一個小食, 一碗麵豉湯, 一個刺身飯小食都係現成買, 麵豉湯我無杯, 所以都無咩好講個餐好似$9x, 刺身份量交足貨刺身未有鮮甜令人興奮,  不過不失無記錯, 好似$3x以咁價錢黎講, 質素叫差壽司飯唔覺有醋味外圍飛魚籽比得好孤寒成粒壽司係靠面果d沙律醬救亡係大大舊, 但只要去過元朗食壽司, 就唔會覺得驚訝面應該有用火槍輕輕燒過, 但又做唔到火炙壽司帶出焦香油潤感魚腩厚切肥美係咁多, 無野想補充

呢間鋪喺荃灣川龍街，出名大嚿壽司一條友試就當然試唔到好多唯有就咁嗌個set lunch 再散叫兩件大三文魚$38 巨型三文魚壽司$80 三色刺身飯（蟹子，三文魚，北己貝）壽司真係好大，飯細嚿魚大一件既size應該等於平時既兩件雖然大件，但唔算鮮甜為左見識件大壽司都值既我一啖咬落去都未咬到一半，唯有分幾啖食啦刺身飯，果然連刺身都大件。厚切三文魚x3 超吸精我會建議多d人嚟食，一來可以share多幾款唔周壽司，二來搵人影相ma提提大家，呢度只收現金

係荃灣想食啲好味啲既日本野，其實選擇都唔算好多。見朋友推介呢間真味，就晚市黎試下。一入就有位，唔洗等，店員都好主動serve我地。.我地嗌左三文魚刺身、帶子壽司、牛舌同玉子燒。.佢一上份三文魚刺身真係嚇親，係厚切，好大份！望到都流哂口水！份三文魚刺身又真係幾好味，因為夠厚，三文魚味都濃，但就講唔上係新鮮，口感方面可以滿足到既。.另外再試埋個帶子壽司先！鐘意食帶子既朋友見到應該會好開心，因為佢同樣地都係好大份既，不過都係唔算好新鮮，但不過不失，見到咁大份都開心哂啦。.玉子燒同牛舌冇影到，但呢兩樣都普通，玉子燒唔太似玉子燒，有少少失望。整體黎講性價比唔算好高，但如果想食日本野既都可以試下。

今日同男朋友食壽司因為唔太肚餓 叫左幾件壽司試下三文魚腩入口即溶非常肥美三文魚香濃郁飯軟硬適中 非常實一件都好飽肚三文魚雖然冇三文魚腩咁多油不過非常新鮮三文魚好香三文魚味八爪魚就普普通通一家要食三文魚腩 同三文魚壽司必推

呢度嘅嘢食算大件，黎食壽司嘅話都OK，因為算大舊，但係味到話抵食，兩個人食得唔算多野3百幾埋單。雜錦壽司$138 八件，可以試晒咁多款，三文魚同劍魚腩都好厚切，個人比較鍾意，其他就還可以。去到居酒屋必食嘅燒三文魚頭，因為鍾意佢有啲軟骨又咬口。呢間嘅都燒得唔錯，肉唔會話太乾 仲keep住啲油脂同水份，外皮微脆。

🤔首先見間鋪好似好舊甘 但原來系食壽司 雖然壽司好大舊 但價錢好貴😑😑刺身又系好貴 雖然我好鍾意食三文魚 但我下次一定吾會再叫 同系度食 食完系吾飽😑😑好吾抵食！🤷🏼‍♀️

叫左饅魚飯，可能佢聽錯，就咁上左條鰻魚之後好有禮貌咁同佢講，唔好意思我地係叫饅魚飯然後佢二話不說，就咁裝碗白飯比我，連汁都冇 - -其實我都預左佢會用翻碟饅魚，但佢已經連樣都廢是做，就咁比碗白飯我，同我講呢個係饅魚飯 - -呢間野D人有冇心做野大家有眼睇另外，個饅魚飯收$82蚊，得4片饅魚，仲要超多骨，同埋咁既態度- -總之餐飯食得好唔開心 - -呢度仲要唔係平，老實講D壽司子左大，完全冇可取之處從來冇食飯食到咁，但呢到真係唔會再黎，貼錢買難受 - -

完全唔知香港有同三味食堂差唔多既舖頭，一樣大既三文魚，台灣要排3個鐘先食到😭依家發現香港都有🤩已收入係我既吃貨list中🤣ps.個軟殻蟹好正超好食！！！但係希望唔好太多人叫 以後太受歡迎會變貴😂😂(第一次好食到寫食評)

呢一間壽司店 位於川龍街 佢對於荃灣嘅居民並陌生 無論平日定係假期入邊一定會坐爆曬人店舖係居酒屋風 入邊會有好多嘅嘢食貼喺牆上面 而最吸引眼球嘅 一定係掂入邊嘅巨型三文魚 由於嗰日只係得兩個人 我哋就叫咗角三文魚刺身 份量都十分之足夠 三文魚好夠新鮮🤤🤤🤤另外叫咗個豆腐鍋 10分鮮甜 仲有一盤壽司 佢係一個set set 好咗 冇諗過壽司會咁大件 件件都圓轆轆好得意😂😂 而壽司刺身部份識落唔係太新鮮 例如吞拿魚🤒但整體味道係可以接受 最後仲叫咗個燒餅 都係一般日本店做到嘅水平 所以呢間鋪頭可以話係中規中矩 但價錢10分抵食