盛記酒家

營業中

休息中

這是一間位於佐敦的中式酒家，餐廳主打的一定是中國菜，而我這天和朋友一同到來定必好好品嚐。首先每一台也會送上前菜，就是花生，和一般的花生大不同，全因為他是滷水醃製，入口味道份外豐富，還帶點爽脆。欖角冰梅骨，一字骨，配上橄欖和冰梅的味道，入口味道份外豐富，帶點鹹香，又不失酸甜的感覺，加上烹調時間剛剛好，糖漿還會黏着一字骨，入口份外豐富。金牌拆肉鮮泥鯭粥，大推薦的食物，無骨已是一大特點，另外不帶泥味，還是鮮味十足，懂的朋友也知道味道是如此豐富和美味。

今次和朋友到灣仔試試一間老牌酒家，幸好有訂位，閒日都座無虛設。欖角冰梅骨，好香欖角的味，肉質嫩得來感覺幾彈牙，不會太咸，十分惹味，排骨雖然是走過油，但不會油膩，拿捏得不錯。椒鹽豆腐粒，是侍應介紹的，細細粒，一口一件，外面酥脆，裏面熱辣辣，超嫩滑，炸得夠乾身，果然無介紹錯。盛記小炒皇，我想是這店的特色菜之一，料頭十足，蝦乾幾大隻，加上一些小魚乾和腰果，好香口，韭菜很爽脆，整體食味相當好。香煎蓮藕餅，份量都幾多，大大塊，肉碎混和蓮藕碎，再配合些馬蹄，煙韌中帶爽口，味道調得不錯，沒有油膩感。翡翠蝦球螺片，蝦球幾大隻，而且新鮮爽口，西蘭花炒得軟硬適中，口感不錯，好夠鑊氣。食完還有糖水送，南瓜西米露，不甜，南瓜味香濃。整體價錢算合理，菜式有質素。

最近我去咗灣仔盛記酒家慶祝父親節，雖然外表比較平實，但係真係幾好食，食得好滿足。首先係金牌炸子雞，雞肉滑溜，雞皮好有光澤，炸得好脆口。紅酒燴牛尾煲，牛尾煮到好入味，肉身夠曬腍。紅酒醬汁香濃，撈飯食好過癮。欖角冰梅骨，酸酸甜甜，開胃又肥美，食到停唔到口。蝦乾魚肚浸時蔬，非常足料，好多蝦乾，仲有魚肚同蘑菇，口感味道都好豐富。椒鹽百福豆腐，外脆內軟，椒鹽好惹味，值得一試。餐後糖水叫咗芋頭蓮子紅豆沙，煮到起哂沙，好好味。

盛記酒家專注於乳豬，招牌菜即燒乳豬非常受歡迎。此外，各種新鮮海鮮和小菜都有提供，選擇多樣。用餐環境既乾淨又寬敞，讓人感到十分舒適。乾隆醉雞醉雞的份量相當充足，雞肉鮮味十足，肉質滑嫩。調味方面，恰到好處，還帶有淡淡的酒香和甜味，食落特別愉快。蒜香爆龍躉球龍躉魚塊鮮嫩可口，煎至金黃的表面令人垂涎。每一口都很滿足，底下的香蔥和韭菜吸收了魚肉的肉汁和香氣，特別好味。盛記即燒乳豬乳豬皮脆香可口，搭配一層餅，味道類似刈包，香甜軟糯。這一脆一軟的組合，再加上甜醬，讓味道層次感相當豐富。濃味海皇雜菜煲這道雜菜煲配料非常豐富，除了白菜、菜心、西蘭花和粉絲，還有蝦、魷魚和龍躉魚塊等海鮮，湯底的鮮味更是十足。

已經很久沒有來到這裡吃小菜，今晚便專程來到。土魷蒸手剁肉餅$168 ，手剁肉餅同免治肉餅的分別，在於手剁肉餅的質地比較爽口彈牙，機制的肉餅好感比較細緻，個人喜歡手剁的質感。肉餅配合醬油的香氣，很有家常小菜的味道，如果土魷份量再多一點更好。侍應告知要等25分鐘，所以另一個小菜等到肉餅差不多上枱，先落單，兩款小菜差不多同一時間上枱，這個安排非常窩心，值得點贊。啫啫生菜煲$138 ，熱騰騰的砂鍋，盛載著生菜、蝦乾、肉碎和蝦醬等等配料，令到香氣四溢，旁邊的食客都被吸引了。吃這個惹味的小菜，一定要點白飯來吃，天衣無縫。是日免費糖水，蛋花馬蹄露，甜度適中，適合炎熱夏天，就算免費都一點不苟且。值得一提：這裡的女侍應大都是從大陸移民過來的，不過反應很快，遠遠看到客人招手，第一時間衝到客人的面前，而且很有禮貌，如今這種服務值得推薦。白飯$24每位茶介$19可樂$18，忌廉$18。

酒樓要搭lift上3樓，一出lift門就見到保留住老派酒樓格局，晚上黎講坐位差唔多坐滿。菜式選擇算多，店員推介我哋食帶子，做緊優惠，見到隔離兩台都叫咗好大粒，但我哋無咩興趣，我哋叫咗前菜，海蜇燻蹄，爽口煙韌有啲麻油味。咖喱鮮牛腩煲，份量很多，牛腩同牛筋超腍身，而且咖哩好入味，上枱時熱辣辣，連埋爽口洋蔥撈飯一流。盛記小炒王，有韭菜，蝦乾，菜脯，魷魚，蝦，口感豐富鑊氣十足。係灣仔區來說價錢非常合理，味道一流。

這次與友人再次來到實而不華的盛記酒家，菜式保持高水準，價格親民，服務不錯。燒乳鴿皮脆肉嫩，物超所值，乳鴿火候掌控極佳，外皮烤得金黃酥脆，咬下時肉汁溢出，鴿肉柔嫩，醃料鹹香適中。鹹魚雞粒豆腐煲濃郁惹味，豆腐超嫩滑，鹹魚鹹香十足，加上嫩滑雞粒同冬菇粒，香氣撲鼻，超下飯。楊州炒飯鑊氣十足，炒得乾身，料多實在，炒飯粒粒分明，蝦仁、叉燒等配料給得大方，加上蛋香，粒粒金包銀，令人滿意。 最後還有南瓜椰汁西米糖水送俾我哋。

表姐從美國來港旅遊，今晚特意請佢去食飯洗塵，盛記酒家以傳統酒樓為設計格調，燈光明亮座位舒適，主打廣東燒味和鑊氣小炒。即燒乳豬¼隻：乳豬即叫即燒，乳豬皮色澤金黃，表面光滑，油亮且酥脆，肉質細嫩。酥脆的乳豬皮夾入白色包片，再配以乳豬醬一同食用，口感層次豐富，外皮酥脆、內裡柔嫩，風味十足。錦江海鮮豆腐煲：炸豆腐塊，外層呈金黃色，沾滿濃稠醬汁，非常滑溜。鮮蝦、珊瑚蚌色澤橙紅，肉質爽口彈牙。還有魷魚和魚塊，用料豐富，西蘭花翠綠新鮮，濃郁的醬汁覆蓋於豆腐、海鮮與蔬菜上，顯得油亮誘人，令人食指大動。奉送糖水：馬蹄露的味道是清甜爽脆的，甜而不膩，並且有著獨特的口感。

朋友喺灣仔做嘢，於是我哋幾個老友就約咗喺呢度食晚餐，叫咗以下菜式:是日老火湯 - 老火湯好足料，飲落有香濃嘅椰子味，加上紅蘿蔔同粟米嘅清甜，同埋豬肉嘅香味，簡簡單單已經好好飲。百花窩貼小棠菜 - 是一道結合蝦膠和小棠菜嘅傳統手工菜式，蝦膠彈牙，小棠菜爽口，配上酥脆嘅外層，令人忍唔住食完一件又一件。盛記小炒皇 - 小炒皇炒得好有穫氣，韭菜花脆嫩無渣，魷魚和蝦仁爽彈，蝦乾鹹香，銀魚仔及腰果炸得香脆，仲有惹味嘅菜脯，整道菜微辣，送飯送酒都一流。新鮮菠蘿咕嚕肉 - 新鮮菠蘿好甜美，咕嚕肉肥瘦適中，掛晒酸酸甜甜嘅醬汁，好開胃。綠豆沙 - 食完飯侍應就送上免費糖水，呢晚係綠豆沙，糖水唔會過甜，食到清香嘅臭草味同陳皮味，估唔到免費都有咁嘅質素。

今晚約左朋友黎到灣仔食中菜地址位於會展站天橋下面十分方便菜式選擇多，我哋樣樣都想食🤤✨金牌炸子雞半隻必點炸子雞，金黃色炸子雞，皮脆肉嫩，食落有少少咸口調味剛剛好，難怪大家都推介!✨黃金蝦球蝦球新鮮彈牙，鹹蛋味香郁，配搭西蘭花或白飯簡直一流，咸蛋控必點!✨椒鹽鮮魷熱辣辣即炸出黎，鮮魷爽口彈牙，炸得又夠脆，香口好食。✨金薯牛柳粒薯仔炒到金黃焦糖色食落酥脆，牛柳粒肉大細適中，一口一粒肉質鬆軟，有少少黑椒味，送飯一流！溫馨提示: 有茶芥收費的唷😊

上星期和家人去灣仔食中菜，上到酒樓人氣超旺，閒日都有咁多客，果然是老字號。盛記小炒皇，夠鑊氣，香噴噴，用料豐富，蝦乾、魚乾、魷魚、腰果、韭菜等，相當惹味，入口爽脆可口，值得試下。新鮮菠蘿咕嚕肉，用新鮮菠蘿比罐頭的好得多，鮮味香濃，酸酸甜甜好開胃，咕嚕肉炒完仍微脆，好快就食清光。香煎蓮藕餅，好大塊，份量夠，煎得好香口，但又不會覺得很油膩，有一種傳統的味道，令人回味。西蘭花蝦球螺片，賣相吸引，都幾大碟，蝦球夠大隻，而且相當爽口彈牙，西蘭花夠新鮮，食味平衡，顯出廚師的功力。海蜇汾蹄，海蜇爽口，汾蹄彈牙，加些白醋，開胃美味，簡單中又覺不平凡。食完還有糖水贈送，雖然是送的但很有水準，南瓜味香濃，濃稠度適中，最重要是不太甜。

上星期朋友帶我到灣仔食中菜，他說是老字號，味道夠傳統好味，讓我充滿期待。海蜇汾蹄，先來一個小食，看似沒多大特別，但海蜇帶麻油香，又爽脆，好好味，汾蹄也不錯，加點香醋更正，爽而不膩。新鮮菠蘿咕嚕肉，酸酸甜甜，是我最愛的口味，用新鮮菠蘿炒，有一種清新的感覺，咕嚕肉有口感，外皮仍微脆。香煎蓮藕餅，一碟有八大去水，份量足，入口爽彈，夾雜著蓮藕、豬肉、馬蹄等，煎得夠香口，但不會覺得油膩。生炒菜遠牛肉，普通菜式最能看出廚師的功力，菜心軟硬合適，牛肉軟滑得來有口感，不會像茶餐廳的牛肉軟到無質感，汁水剛好掛在菜式上，確實不錯。椒鹽豆腐，細細粒，食起來更香，外脆內軟，入口惹味香滑，不油膩，令人食上癮。還送南瓜糖水，為該餐畫上一個完美的句號，我朋友果然好介紹。

**若週末想和親友食吓傾吓，絕對不建議來這裏**星期六晚飯時段光顧，4人訂座6時，酒家沒有提及有用餐時間限制。餸菜上得得快，我們也邊吃邊傾。餸菜未吃完，侍應已頗頻繁收碟。後來更出現未食完已想收走碗碟。用餐未夠一小時(已吃完餸菜)，侍應表示送糖水並請食完埋單離開(態度OK)。但糖水食得一半，態度不友善的染金髮女部長急急拿賬單過來，不太禮貌地叫埋單並說好多人等位，請現在埋單離開😡雖則免了我們2人茶錢，但比錢食飯食到一肚氣，以後不會再幫襯了。之前星期一晚飯時段惠顧，沒有時間限制，也沒有被請離座，一行人食得十分開心，因此再次幫襯。想不到這次，簡直不知所謂。整體食物是OK的，倘週末不介意吃光速晚餐，也可一試。

放工後約了舊同事吃晚餐，地點就在他公司附近的盛記酒家，這家酒家是老字號，所以平日食客挺多。這天都不例外，晚市來到酒家幾乎滿坐，幸好酒家佔地大，不用等位就能入座。椒鹽香爆鮮魷魷魚份量挺多，外層薄薄一層漿粉，酥化不油膩，魷魚爽口Q彈，超惹味，非常適合佐酒。鮮菠蘿咕嚕肉咕嚕肉外層酥脆，內層鮮嫩帶油花，非常甘香，配上青椒、紅椒、洋蔥及新鮮菠蘿，味道酸酸甜甜，超醒胃，馬蹄露吃飽飽後，待應為我們送上馬蹄露甜品，味道清甜，馬蹄片爽口，夏天喝消暑解喝。

幾個同事做到夜，收工係附近搵野食，去左呢間酒樓，叫咗幾個餸配啤酒！ 欖角冰梅骨好有特色，欖角嘅甘香同冰梅嘅甜酸，味道係偏酸，排骨肥瘦適中，醬汁濃郁但唔膩！ 乾撈海王粉絲煲粉絲炒得夠鑊氣，海鮮料足，每啖都食到魷魚同蝦嘅鮮味，見隔離檯都有嗌。 金牌炸子雞，皮脆肉滑，雞胸位都唔會「鞋口」，果種薄皮同肉汁，宜家寫住食評都依然回味。 蝦乾魚肚浸時蔬湯底清甜，魚肚軟滑吸湯，蝦乾嘅鹹香，仲有啲菇菌白菜仔，係健康之選。 最後仲有糖水送，當日係綠豆沙，煲到起沙，而家多豆多料岩哂我，甜度適中，暖胃又滿足。