盛記酒家

營業中

休息中

最近多咗出街食飯，呢間酒家小菜選擇多，份量十足，味道好。🔸粟米鮮龍躉斑塊龍躉連皮切塊後炸，龍躉斑塊外表炸至金黃色，脆漿薄身。龍躉啖啖肉，肉質滑中帶微韌。粟米汁有粟米粒、蛋白和魚肚，芡汁一點都唔稀，淋上粟米汁。龍躉斑塊仍保持爽身。🔸乾撈海皇粉絲煲上枱時已感到熱騰騰，粉絲較乾身，蛋味濃郁帶有鹹香，魷魚蝦乾份量頗多，口感唔韌。🔸蝦醬香蝦骨腩肉炸得香脆可口，肉與肉之間夾着一層甘香的肥肉，但食後唔覺油膩，蝦醬味道濃郁。🔸黃金涼瓜片涼瓜外表沾滿蛋黃，蛋黃起沙，涼瓜片保持脆綠，爽口味甘。飯後侍應送上紫米露，紫米露足料微甜。

又黎喇 灣仔街坊酒家跟住阿舊灣仔街坊, 已經嚟食咗好幾次~每次嚟到都爆場, 記得要提早訂位啊!"荔枝蜜叉燒”七點幾就已經售罄，所以我哋再食其他燒味啦~啫啫唐生菜煲 $168椒鹽鮮魷 $168金牌炸子雞（半隻）$168鍾意佢夠熟 冇血水又保持到嫩滑嘅肉質 全家食得開心心今晚三個餸都好味, 好啱食 食得好開心~（特別係個生菜煲, 足料 夠晒惹味!）呢度嘅姐姐同照常一樣, 都係親切嘅開心果黎~送嘅糖水（今次係紫米露）都好味架~

最近去咗灣仔「盛記酒家」食晚飯，依度最出名就係有游水海鮮食，所以一於整翻餐鮑魚大餐食吓先。*此餐廳收取加一服務費。鹽香鮮鮑魚（四隻$272），採用山東大連五頭鮑魚製作，好大隻，肉質厚身，口感彈牙，配以椒鹽、炸蒜食用，食落好香口。鮑魚雞粒炒飯（單點$188），好足料，鮑魚粒口感不韌，味道鮮甜，雞粒肉質嫩滑，雞味濃厚，飯粒口感粒粒分明，食落充滿醬油味道，內有菜芯粒、香蔥。芥醬（兩人$8），滷水花生，口感軟腍，食落帶有香料味道。茗茶（兩人$30），香片，茶味濃香。

❤️❤️第二次到訪，發現每次晚上都滿座，盛記果然好旺~餐牌有好多選擇: 海鮮類(旁邊仲有個大魚缸，多款生猛海鮮在內)，撚手小菜/ 其他主食類，實有一款岩你。 🍽️［小菜］金銀蒜粉絲蒸大元貝:元貝很大隻，而且表面鋪了很多粉絲，粉絲軟身及加了蒜蓉後味道惹味。元貝新鮮及質感煮到剛剛好很嫩滑，不會過於結實。🦐🥚滑蛋蝦球:滑蛋炒得很嫩滑，與蝦球一起食很夾。蝦球已去腸而且肉質很彈牙。🥢［小食］海蜇燻蹄：份量剛好，個人很喜歡燻蹄塊皮椒鹽豆腐粒：即叫即炸，味道香脆

店名：盛記酒家地點：灣仔杜老誌道6號群策大廈3樓1.荔枝蜜汁叉燒王 $188叉燒王好好食，店家選用梅頭肉，燒製而成，肥瘦相間，肉嫩甘香，表面仲要淋上麥芽糖醬，入口啖啖肉，好有口感，非常提議大家一要叫黎食👍👍2.銀杏鮮竹浸時蔬 $128啱啱大病初癒，食下菜健康啲，今日嘅時蔬係白菜仔，新鮮翠綠，配埋銀杏，腐竹同埋上湯，清清地好好食，份量唔少㗎，兩個人食都好足夠3.鮑汁薑蔥撈粗麵 $128撈粗麵好好食，雖然佢只有面，但佢有大量芽菜係面，配埋叉燒，再加埋白菜仔都別有一番風味，同埋盛記每一個小菜份量呢都唔少㗎，三道小菜已經夠兩個人食有餘㗎啦總價連加一$488

同家人坐低唔夠一個小時，叫我哋食完快啲走，那位女部長態度當然是十惡劣，加上座位10分狹窄，路口位成日被撞到，因為門外有很多人排隊，但是book位嘅時候沒有說明有限時制度，

位於灣仔杜老誌道的「盛記酒家」，係一間即燒乳豬專門店，同時亦有供應中式鑊氣小炒的酒家。店內裝修係傳統中式酒家風味，晚市時段座無虛席，好受歡迎呢銀杏鮮腐竹浸時蔬是日時蔬係菜心，新鮮翠綠又爽脆～上湯清甜唔油膩，當中有炸蒜粒、鮮腐竹及銀杏，增添口感椒鹽百福豆腐粒金黃香脆的椒鹽豆腐粒，表面鹹香滋味，內裏係超嫩滑的百福豆腐，超正呀自家製荔枝蜜叉燒餐廳招牌自家製荔枝蜜汁叉燒，梗係一定要試吓啦！叉燒切得厚薄適中，肥瘦均勻，肉質香軟，表面有香氣獨特的荔枝蜜，甜美可口，勁好食，佐飯一流

同屋企人食飯，帶咗佢哋去灣仔傳統酒家「盛記酒家」食下小菜🍵.雞油炒菜苗🥬菜苗翠綠，用雞油炒🐔非常香口嫩滑😛😛.盛記小炒皇🔥材料豐富😍😍有韭菜花、蝦乾🍤蝦仁🦐腰果、銀魚仔🐟魷魚🦑加上XO醬🌶️令海鮮更鹹香提鮮，好惹味🤤🤤.金薯牛柳粒🥩🥩蜜糖薯仔炒到金黃焦糖色✨食落酥脆😆😆牛柳軟嫩Juicy😋😋加上香甜蜜糖🍯好味道👍🏻.醬芥(2位)🥜.茗茶(2位)🫖

灣仔特別多美食，尤其是中餐，這晚約了姑媽晚餐，選一家高質素的中餐帶她去吃！位於杜老誌道的盛記，招牌菜是燒味！幸好有訂位，平日晚市都好多人，坐滿人客，不少更是外國人！荔枝蜜叉燒半肥瘦叉燒，甜而不膩的荔枝蜜，叉燒燒到帶點「燶邊」，咬一口，滿滿蜜汁，叉燒又淋又香，果然是招牌菜！立刻點兩碗白飯，有夠滿足的！豉油王鮮鵝腸見到有鵝腸，不是很多地方有，重點是鮮鵝腸！要一讚的是，雖然這裡人客很多，但每碟餸都是現煮的，即炒的！豉油王炒鵝腸熱辣辣，夠鑊氣！一食就知鵝腸好新鮮，好爽脆，充滿豉油香但不咸！加上爽口芽菜好夾！燒汁香辣一口牛這裡的菜式都很大碟，份量足夠，一口牛不少，好嫩好淋，沒有筋，香辣味很惹味，起初以為點了太多肉類，後來發現一口牛有很多西芹，炒得剛好，還保持翠綠，配搭得好好！整體食物都很出色！

同屋企人嚟食冬至飯，野係好食既，但食到一肚氣。人多到行都行唔到，11個人坐張8人枱，完全無位放菜，上菜都俾人撞咗幾次，水又倒瀉，侍應都忙到燥底無任何服務可言。好心無咁大個場同人手，就唔好接受咁多人預訂啦，隔離枱book 8點既人9點半都未入到，想退訂都退唔到，話要1個月內再食。冬至飯食10幾人話轉都轉場都轉唔切啦。野再好食以後都唔會再嚟，咁既管理同服務以後唔會再嚟，唔好管理層見到檢討下。嬲到第一次打食評。

老公之前同舊同事食飯，讚呢度無論環境嘢食都好有以前細個舊式酒樓既特色，d碗碟係舊式，即係公雞或鯉魚嗰種，感受到舖頭好用心咁去做。今日專登再同我嚟食。荔枝蜜叉燒皇$168經理介紹燒味好味，我哋點了碟，好大碟，性價比高，每塊都厚而且少少燶邊，不會太肥，食落唔硬，好軟熟好嫩，蜜汁味真係非常香甜，味道冇得頂。錦江海鮮豆腐煲用料豐富，海鮮包括厚切班塊、鮮魷、珊瑚蚌同蝦，食得出唔係冰鮮既。豆腐用了布包豆腐，炸得外層脆口，內裏嫩滑，醬汁微辣，好惹味，送飯或淨食都正。揚州炒飯配料豐富，大量蝦仁，叉燒，菜心粒，用了靚。炒飯夠鑊氣唔油，大大碟，好滿足。呢餐非常滿足。茶、小食烚花生同贈送嘅甜品芋頭紫米露都係高質素。

乾撈海皇粉絲煲 一端上來還是熱氣騰騰的有嘖嘖響聲 好有食慾！！好大一份！！咸咸香香的味道與柔嫩的粉絲完美結合摻了一些咸蛋碎 夾了魷魚須 大蝦仁跟蝦乾開胃而不油膩 滿滿的鮮香味🤤令人欲罷不能 每一口都充滿了滿足感荔枝蜜叉燒 色澤很誘人～肥而不膩的叉燒淋上了特製的荔枝蜜色澤紅亮誘人 肉質細嫩多汁 甜而不膩口感豐富 吃起來好香 不愧是推薦菜配上一碗熱騰騰的白米飯更好吃了銀杏鮮腐竹浸時蔬🥬小白菜吸收了湯汁的鮮美變得更加甘甜滋潤 銀杏湯汁與豆腐皮的絲滑相得益彰味道清淡但不寡淡 湯汁直接喝都行小白菜煮得也不老 很新鮮軟嫩 狠狠炫了芋頭紫米露 用料好豐富～香香熱熱的糖水好治癒胃口啊不愧是正宗粵菜館 糖水都做得那麼出色不會很甜 味道剛剛好！超級足料～

收工同屋企人去酒樓食晚飯，估唔到平日夜晚都幾旺場，好彩都仲有位。黎到好快就招呼我地飲咩茶，仲好快手上埋碟花生小食。洗完碗碟又好快幫手清左啲盆，服務員真係快手又主動👍🏻欖角冰梅骨冰梅骨大大件，食落酸酸甜甜幾開胃，醬汁入面加左啲欖角碎，但味道唔會太搶，細味先食到欖角果種咸香而又甜甜地既味道。豬仔骨肉食落都幾軟糯，唔硬易咬。濃湯海皇雜菜煲雜菜煲好大份，入面有蝦、魚、珊瑚蚌、魷魚、菜心、白菜、木耳，另外仲有粉絲底，早知唔叫咁多白飯。海鮮食落新鮮冇腥味，濃湯粉絲味道啱啱好，食完冇口渴。荔枝蜜叉燒今次試埋佢個自家製荔枝蜜叉燒，例牌都原條叉燒斬件咁上，比想像中大份。叉燒口感食落軟身有肉汁，同平時食開比較實淨既好唔同。因為全條咁多，可以食哂全瘦同半肥瘦既部位。叉燒汁冇平時食既咁甜身，我覺得幾好👍🏻馬蹄爽埋單時原來仲有糖水送👍🏻👍🏻馬蹄切哂片幾爽脆，入面仲有啲薏米同蛋花，糖水食落清甜，真心唔錯。呢間幾啱同屋企人黎食飯，價錢唔貴，服務又幾好👍🏻推介🥢盛記酒家 🌏灣仔杜老誌道6號群策大廈3樓

如果你有留意叉燒關注組，都會留意到#盛記酒家條叉燒有幾勁😍😍😍其實除咗靚叉，仲有好多撚手小菜吸引不少粵菜之友去開餐，一大班人去會更好，因為碟碟都king size 😅荔枝蜜叉燒皇$168用左梅頭豬肉燒至微微燶邊，肉質軟稔，用上茘枝蜜取代麥芽糖，叉燒甜而不膩，濃稠的叉燒汁充滿甘香，完美地和叉燒融為一體。不過食到一半已經投降，要帶半條叉燒返屋企食發現了老派手工菜碧綠蝦子柚皮$128 聽人講過蝦子柚皮，製作繁複，但又唔可以賣得貴，所以真係買少見少，我都想見識吓。一碟有兩件柚皮，睇得出炆到好稔。柚皮輕輕地已經可以切過一角，口感粉粉的，有點似芋頭，以蠔油及上湯餵汁，味道平實，蝦籽有助提升鮮香，可以話幾特別翡翠蝦球螺片$188估唔會咁大碟，蝦仁爽脆，螺片超多，入口不靭，西蘭花炒得啱啱好，仍保持脆綠可口。

今日食嘅呢間每日放工都會經過，終於搵到機會同同事嚟一探究竟。我哋到得早，後面陸陸續續有人嚟，好快就坐滿咗。感覺周圍都係熟客，大家一嚟就點炸子雞，聽落好吸引，下次有機會一定要試下！🍽 ️ 荔枝蜜叉焼皇 $ 168 ⭐️⭐⭐⭐ ️好有意思嘅叉燒，食落有烤出嚟嘅脆邊同淡淡嘅荔枝香，肉亦好紮實，喺幾乎每間店都賣燒味嘅香港入面做出咗幾分特色，可以一試！🍽 ️ 豉油皇鮮鵝腸 $ 138⭐⭐⭐⭐⭐ ️擺盤青蔥可愛，火候恰到好處，唔同於普遍做法嘅炒，燙出嚟嘅鵝腸鮮脆可口，同豆芽都可以爭個高低。🍽 ️ 乾撈海皇粉絲煲 $ 168⭐⭐⭐⭐⭐ ️願意將全場最佳投畀粉絲煲。炒得特別香，乾濕度啱啱好，分量足海鮮多，仲額外加入類似蟹黃鹹蛋黃嘅口感，好好食好好食！請務必點呢個！兩個人點咗咁多菜根本食唔完，感覺分量可以3-4人食，最後打包咗一大盒返屋企建議多人就餐 or 做好打包嘅準備！