盛記酒家

2025年8月11日 星期一今晚約埋屋企人去咗灣仔前身叫勝記，依家叫盛記既老字號酒家食飯，冇諗到星期一去食都座無虛席，差唔多全場都坐滿晒，好彩一早有訂位，留咗一張大枱俾我哋餐牌除咗馳名乳豬係餐廳推介之外，仲有好多唔同嘅菜式可以選擇，價錢灣仔嚟講都唔算太貴，由於我哋有七個人，所以大約揀咗六至七個小菜，店員都話應該足夠我哋食等咗一陣第一道菜就送到，係海蜇燻蹄，海蜇爽脆彈牙，帶微酸微辣，而燻蹄就煙韌入味，滷香濃郁兩者配合，既清新又開胃，口感層次分明之後有餐廳招牌菜風沙芝麻雞，外皮酥脆帶蒜香，雞肉嫩滑多汁，而芝麻香氣撲鼻，入口鹹香微辣，令人食指大動，一啖接一啖停唔到口呢個係野菌百福豆腐，豆腐滑嫩細膩，吸收晒野菌既醬汁，而菇菌就爽口多汁，配搭埋翠綠菜心，味道清新又富層次，齒頰留香然後有欖角冰梅骨，排骨外層微脆，肉質嫩滑，冰梅醬就酸甜醒胃，欖角咸香濃郁，食落入口即化，令人食完仲想即刻encore！！再黎有盛記小炒皇，蝦仁爽口彈牙，魷魚鮮嫩入味，再配搭蔥段同洋蔥等炒香，鑊氣濃郁，鹹香微辣，每啖都充滿香氣同鮮味跟住有瑤柱蛋白炒飯，飯粒乾爽分明，蛋白滑嫩清香，瑤柱鮮味濃郁，炒香之後更添層次，入口淡雅不膩最後有濃味海皇雜菜煲，粉絲吸收晒海鮮湯汁，滑溜入味，蝦、魷魚鮮甜彈牙，配搭埋菇菌、蔬菜，令到湯底濃郁鮮香，層次豐富，暖胃又滿足埋單食咗千幾蚊，除返每人都係百幾蚊左右，食到個個都飽晒…查看更多

灣仔老牌風味，鑊氣小炒嘅極致演繹🥢今晚同朋友喺灣仔做完嘢，想搵間坐得舒服又有鑊氣嘅中菜館，最後揀咗呢間老字號「盛記酒家」。一入去就感受到嗰種傳統酒家嘅氣氛，燈光光猛，侍應姐姐雖然忙但手腳好快，沖茶遞水都好俐落。坐低叫咗壺茗茶（$15），香片夠滑唔會有澀味，暖暖胃先開始點菜。既然嚟得食小炒，當然要叫啲考功夫嘅菜式。首先上枱嘅係金薯牛柳粒（$168.0）。呢碟真係有驚喜，平時出面食牛柳粒好驚太多鬆肉粉味或者韌到咬唔開，但盛記處理得好好。牛柳粒切得大細適中，咬落去係真係有肉汁「爆」出嚟，肉質軟嫩得嚟仲保雷留咗牛肉嘅咬口。最搶鏡反而係啲「金薯」，即係薯粒，外層有一層薄薄嘅脆糖衣，食落去外脆內軟，薯仔嘅天然甜味同黑椒汁嘅鹹香牛肉形成強烈對比，鹹甜交織得好過癮，真係好送飯。另一道係菜莆蠔仔煎蛋（例）（$148.0）。呢個煎蛋一上枱就聞到好香嘅蛋味同鑊氣。師傅火候控制得精準，蛋角邊位煎到「脆卜卜」，呈現金黃色嘅微焦狀態，但中間依然保持嫩滑。蠔仔份量都幾足，隻隻都飽滿冇縮水，咬落去係充滿海洋嘅鮮味。最妙係加咗菜莆，爽脆嘅口感令成個煎蛋昇華咗，每一啖都有脆、軟、嫩三種層次。因為啲餸實在太好送飯，我哋一人叫咗碗白飯（$14@），啲米飯粒粒分明，撈埋牛柳粒啲汁真係一流。雖然兩個人叫兩樣餸，但份量實在太足，最後食唔晒要叫個外賣盒同環保袋打包返屋企做宵夜。盛記依然保持住老牌酒家嘅水準，鑊氣夠，食材新鮮，雖然價錢唔係大排檔價位，但以咁嘅質素同灣仔地段嚟講，絕對係物有所值。推介菜式： 金薯牛柳粒、菜莆蠔仔煎蛋…查看更多

放假繼續同屋企人周圍飲飲食食，難得兩老話過海，佢哋建議嚟呢一間飲茶。起初以為係火鍋酒家，上到嚟竟然係舊式酒家。呢種感覺好似以前去澳門探親嘅時候去啲舊酒樓咁，相當有親切感。樓底唔算高，坐滿晒人都比較熱鬧。砂礓豬手粒估唔到係啖啖肉冇骨嗰隻。乳鴿火候到剛剛好肉質仍然保持嫩滑。值得推介係個乾炒牛河，有鑊氣同埋老人家覺得似係以前嘅味道，同埋配料芽菜同韭黃都好足。另外炸雲吞粒蝦肉同埋牛肉肉球裏面啲馬蹄粒都幾爽口。燒賣相當紮實，餡料食得出豬肉嘅比例好多。個人口味有少少挑剔，就係個紅豆椰汁糕紅豆嗰層比較甜，遮蓋咗椰汁清甜味。另外，樓面侍應同經理服務相當勤快，雖然我哋唔係熟客仔，但係招呼都好殷勤有禮。整體用餐相當滿意。…查看更多

灣仔 懷舊粵式洒樓《盛記》，提供多款中式小菜，生猛海鮮 和 飯面類。地方寬敞，最啱一家大細來吃飯 或 朋友聚會。✨️海蜇拌青瓜 $78大大碟，爽脆青瓜配上酸酸甜甜醬汁 , 十分開胃 。海蜇帶麻油香，感到有少許辣 。呈晶瑩剔透狀態，咬落煙靱。✨️豉油皇海中蝦 $288鮮甜Q彈，煎到很香口、好入味，但又不會覺得死鹹，味道不錯。✨️甜品 $0仲有糖水送，今次係「喳喳」，材料十足，好好味。✨️茶 $15 位 + 芥 $4位食晚飯嚟，吾算貴。盛記酒家📍灣仔 杜老誌道6號 群策大廈3樓#香港灣仔美食 #Shift #Shifthk #香港美食 #灣仔美食"…查看更多

朋友喺外國移民返嚟約食飯，中菜一定係首選！🥡🍜 聽聞勝記酒家嘅乳豬一絕，所以帶朋友去試一試！👫🐽乳豬- 呢度嘅乳豬真係超班，個皮好脆😍，唔會好多肥膏，但又保留肉汁！💖 點上特定醬料，再加埋一個包夾住食，好味道！🍤🥚滑蛋蝦仁煎米粉- 煎米粉喺外國都好難食到！😅 呢度嘅米粉煎到金黃色🌟，配上滑蛋蝦仁口感剛剛好，蝦仁都好爽口彈！🦑椒鹽魷魚- 椒鹽魷魚就係送汽水必備🥤，一路傾偈一路食魷魚都幾享受！埋單$865，價錢合理！💰 ✨推！…查看更多