盛記粥麵

營業中

休息中

今日落住毛毛雨，天氣又凍，係旺角就想揾呢間食暖笠笠既粥🔥佢係小店黎，所以位置並唔多，我自己一個去到都等左一陣位，但我覺得好值得，因為完全就係呢個天氣最想食到既野😍。🐒招牌狀元及第粥👉🏻蠔油菜心👉🏻凍豆漿佢有個全日set，可以以優惠價自己揀想配搭既小食同飲品，今次係我第一次食及第粥，仲要特登上網search係有啲乜嘢配料😂結果就有哂我想食既野，於是就揀左！明明見到其他人嘅碗好似細啲，以為我碗粥都係差唔多size，點知原來佢哋係食水餃麵類先係細碗啲，我個碗係勁大碗🥣所以最後都食唔哂及第粥入面除左有加豬心，豬潤同粉腸之外，仲有豬肉丸添，食落真係好豐富

同朋友咁岩經過旺角附近，行到肚餓，就入左呢間#盛記粥麵 度食野，鋪面座位唔算多，地方都乾淨，於是我哋2個人叫左自選套餐試下。✅雲吞麵講咗主角——雲吞麵，湯頭大地魚湯味道略鹼，雲吞大小適中。一粒足有一匙羹般大，蝦肉爽彈，加多啖麵，飲啖湯，多重口感。✅水餃麵水餃細細粒，一口一粒，剛好食完粒水餃，麵身有啲乾身，要浸一陣湯食先易入口。份量足夠又好食。✅鮮蝦腸粒粒原隻鮮蝦，腸粉的皮算有少少厚。✅炸雞亦拼炸鯪魚球魚肉比例高，外層脆卜卜，內裡彈牙，配埋蜆介一齊食就更惹味。又估唔到仲有炸雞翼食。正!✅桑寄生蛋茶✅凍檸茶

這間店排曬長龍，好出名，今晚就來嘗一下。### 水餃牛腩河粉內餡中有新鮮的大蝦肉和木耳，咬下去彈牙，蝦肉的鮮香與木耳的清脆相互交融，讓人感受到海鮮的鮮美與木耳的清新。牛腩大大塊，軟嫩醇厚！### 牛肉腸粉切開腸粉，牛肉的鮮香味瞬間撲鼻而來，讓人食慾大開。再淋上一層香醇的醬油，柔軟的腸粉增添了更豐富的味道！### 雲吞拼水餃米線雲吞的皮薄而透亮，裡面包裹著鮮美的豬肉餡，咬下去瞬間釋放出濃郁的肉汁，既有雲吞又有水餃，真是好滿足！### 叉燒腸粉腸粉的外皮滑嫩如絲，輕輕一咬便能感受到它的柔軟與彈性，搭配著叉燒的醇香，甜中帶鹹，讓人陶醉！豆漿順滑而濃郁，豆香四溢！

新年期間食得多油炸嘢，依日出旺角甘啱經過盛記粥麵，就入去食番碗生滾粥，店內除咗粥之外，仲有湯麵、飯、腸粉、油菜、小食、飲品等等，款式都幾多，第一次食覺得好味喎。點左兩個優選套餐，正價粥/麵/飯/腸粉，另加$ 配小食或油菜及飲品。爽滑鮮牛肉拼蝦球生滾粥        $63   呢碗係雙拼粥 (加蝦球 $21)，大大碗，粥底綿滑，好足料，以原隻鮮蝦嘅蝦球都好大隻又新鮮，蝦肉結實彈牙，牛肉又鮮又嫩，牛肉香氣散發出來，與粥融合得啱啱好，食起嚟啖啖滿足。豬潤生滾粥 $47另一碗生滾粥揀選豬潤粥，粥底夠綿密有淡淡米香，食材份量都唔少，豬潤大大塊厚薄適中，處理得好粉嫩嘅好吃，調味剛好，材料嘅味道都滲透粥裡面，味道就變得豐富。湯雲吞      (+$34)鮮蝦雲吞皮薄餡多，裡面有好多蝦肉，份量十足，蝦肉彈牙，食落好爽脆，湯底清甜順喉。蠔油油菜    (+$21)時令油菜要生菜，翠綠新鮮，加埋蠔油拌勻，鹹鮮味與生菜很配，份量好多，足夠二人食有餘。招牌薏米水  (+$6)薏米水清甜，口感清爽，有好多薏米，仲有薑片同蜜棗，健脾清熱，微甜好潤喉。檸檬茶 (+$6)檸檬香氣同酸味，與紅茶嘅回甘很

新年過後想食餐清清地，試下呢間長期多人的粥麵店～海南雞黃薑飯雞肉🐓嫩滑，黃薑飯顏色好靚，好有食慾，少見地配上酸薑，不少人都點這個美味黃沙豬膶粥豬膶居然是脆彈口感，完全無鞋口的感覺，是我好罕有地欣賞的豬潤，有5大片，個粥吸收哂豬膶的味道精華，真係十分推薦👍🏻炸南乳雞翼即叫即炸，好香脆，南乳醬咸咸香香，配粥一流脆炸兩鼓油有加入少少熟油，腸粉皮好嫩好薄，入面的油炸鬼仍然保留到脆度，加上甜醬麻醬好夾熱招牌薏米水入面有一個神奇的材料，是薑🧐飲落出奇地夾，好暖胃舒服～#foodiblum港式

水餃同雲吞選擇，個人比較喜歡水餃，因為多咗三絲，木耳絲、冬菇絲、筍絲，增加咗呢種口感。水餃麵上枱，適量韭黃，麵身微黃，望落去好似橡筋，當然唔係，入口香滑，有麵香味，無鹼水味，用門牙可以輕易斷，咬落去爽身彈牙，水餃包得好，夠紮實，冇穿冇爛冇黐埋，蝦量偏多少許豬肉，大概係八比二份量，仲有蝦子，香甜夠味，同埋個湯，可以做到湯清味濃，同埋個湯都有加到蝦子，仲多多一叢味道，更加豐富。整體完度非常好，而且份量正常，唔係細細碗嗰種，加上合理價錢，可以話交足功課以上。枱面醬料十足，辣椒醬，辣椒油，醋，胡椒粉，非常齊全，而且非常乾淨，有用心！

食雲吞麵加芥蘭，芥蘭食到一半突然咬到芥蘭入面有舊咬唔爛既東西，拎黎睇 發泡膠 証明啲菜冇洗乾淨 經過高溫煮理 仲有機會有塑化劑釋出，同唔知老闆定店員講，店員只係用手按一按話有洗乾淨就了事，完全冇安撫食客，太失敗！雲吞麵幾好食都冇用，一樣食物唔乾淨都累事，出去食咁耐菜未試過話會食到發泡膠，講真一間餐廳如果想用心經營做得好，首先就係要衛生乾淨 出品好，連首要條件都做唔好 叫客人點樣放心食 菜只要用心洗乾淨唔係求其了事 其實要清洗發泡膠粒有幾難，大家小心！

中式早餐嘅儀式感對我嚟講就係食碗生滾粥 叫碟腸粉炸両油炸鬼中學回憶飯最鍾意去粥舖平靚正但地方會噏耷啲近排同屋企人經開旺角見到有間新開既粥粉麵舖新裝修望落光猛坐得舒服試試佢盛記粥麵地址: 旺角花園街3-5號鴻威大廈地下11號舖電話: 28186368舖頭位置喺旺角出口行過嚟大概六至8分鐘左右喺新寶戲院對面 唔難搵到舖頭開朝早11點如果你諗住黎食早餐都要11點後否則只會摸門釘餐牌嚟講主食主要分生滾粥粉麵腸粉同飯類而飲品嚟講最特別嘅係可以叫到檸檬薏米水同桑寄生蛋茶我哋一行四人叫咗1️⃣招牌狀元及第粥-粥底綿滑，食得出係誠意之作，入邊嘅餸亦份量十足，豬潤豬肚豬粉腸手打豬肉丸最少各兩件，豬潤彈牙爽口有厚度，內臟亦清洗得乾淨冇怪味，正！及第粥達人認證！2️⃣盛記花菇雞米粉-呢個配搭第一次喺粉面舖見到，但花菇用料靚食落去好飽滿厚肉，清爽得黎又好味，食得辣嘅建議加埋佢哋自製嘅蝦米辣椒油，口感提升！3️⃣鮮蝦腸粉-鮮蝦腸粉用料絕無欺客，鮮蝦大大粒，爽口新鮮彈牙，腸粉滑嫩，再配埋辣椒籽😋😋4️⃣蔥花蝦米炸兩腸-所有炸兩腸都係即叫即包，入邊嘅油炸鬼非常脆口新鮮，配埋蔥花蝦米，仲要可以自助式任加醬料，啱晒個人口味！5️⃣雙拼雲吞

成家最近病了，差不多痊愈，教會之後食得清淡一些，決定去食粥，搜索到花園街一間食粥的地方。😍人均：$65.雲吞麵老公好欣賞，麵質爽彈🍜，雲吞是一整隻蝦，入口重胡椒味，麵中有點韭黃配搭，不錯。.魚腩粥魚腩🐟新鮮，份量也頗多，有三大塊，魚骨主要是大骨，適合喜歡食魚而不太喜歡魚骨的朋友。.炸兩不知為何，每次去粥鋪，炸兩或腸粉是必叫之選，今次叫炸兩，有驚喜，裡面的油炸鬼是脆的！😍加上豉油、甜醬、花生醬、辣椒醬混醬和芝麻，正呀！.飲品-熱豆漿、薏米水

一向都好喜歡吃香港粥店，尤其係及底粥今日嚟到旺角花園街呢一間超級多人食嘅粥店叫咗兩個套餐，超抵食狀元及底粥裏面材料超級豐富，幾乎全碗都係料，有豬腰，粉腸，豬潤，豬肉丸，豬肚等等，調味亦都啱啱好唔會覺得好重味精，粥底相當之綿蜜另外小食叫咗個蔥花蝦米炸兩，裏面嘅油炸鬼非常之脆脆，配搭埋表面嘅蔥花蝦米超級香，食足一定要食炸兩呢個組合冇得輸！另外最值得一讚嘅係佢哋嘅招牌薏米水，平時一般薏米水會配搭檸檬，但係佢哋嘅薏米水竟然配搭薑，超級啱而家呢個寒冷嘅天氣，而且甜度適中，飲落去超級超級舒服！下次嚟一定會再試埋佢哋嘅雲吞麵

這間位於旺角的【盛記粥麵】，主打廣東粥粉麵，其中必食生滾粥及雲吞麵。餐廳除了有單點外，還有套餐供應，一個主食配小食及飲品。招牌雲吞麵大地魚湯底鮮味無比，加上彈牙的幼麵，雲吞皮薄帶魚尾，每粒都脹卜卜，裏面有新鮮爽口蝦仁，一口一粒。叉燒腸粉腸粉即叫即蒸，腸粉又薄又滑，包著半肥瘦叉燒。魚鮫魚片粥生滾粥粥底綿滑，用了鯇魚鮫及魚生，令粥底更鮮甜，魚鮫又嫩又滑，十分新鮮。炸面炸至金黃香脆，送粥一流。炸雲吞炸雲吞炸至金黃香脆，餡料爽彈。最後飲返杯充滿腐皮香味的幼滑豆漿。

陪朋友去廣華醫院探病，有啲肚餓行咗去花園街搵野食，去咗間粥麵店，天氣凍食碗粥暖下肚都好，盛記粥麵之前係佐敦食過好好味，今晚就試吓呢間。餐廳地方乾淨，燈光明亮，座位都舒服。盛記招牌雲吞麵：湯底真材實料，用大地魚、蝦殼、豬骨、金華火腿和羅漢果熬製而成，味道清香鮮甜，雲吞餡料用肥、瘦豬肉、鮮蝦仁，再加入大地魚碎同蛋黃，金魚尾形狀的雲吞粒粒飽滿，口感滑溜又爽口。麵條彈牙爽口。盛記艇仔粥：粥底綿滑，材料上乖，非一般嘅約艇仔粥，有魚肉片、海蜇、魷魚、瘦肉等非常足料，食落爽口鮮甜又綿滑多重口感。炸鯪魚球： 即炸熱辣辣，味道甘香爽滑，醮蜆芥食特別和味。鮮蝦腸外貌晶瑩剔透，鮮蝦大隻爽口，加點醬油味道鮮甜。凍咖啡甘甜順口。凍豆漿有一股濃濃的自然豆漿香，而且入口順滑。

絕對是日常天天可光顧嘅小店！ 點了雲吞麵及炸両。 朋友點了艇仔粥及牛肉腸粉。麵質非常好，配浙醋一起吃，不得了。雲吞啖啖有蝦，真的要挑剔的話就只可以講湯底大地魚不夠出味，但是只是$41，你就會覺得物超所值。 炸兩，完全冇油益味，感覺就是脆脆的，特別讚賞嘅係佢哋裝醬嘅樽，特別設計三行出口，芝麻醬及甜醬均勻地鋪在炸兩上☺️ 係幾咁療癒！ 沒有試朋友的食物，但是眼見其他乘客點嘅粥，都非常出色！

最近12月好多飯局食到飽飽滯滯，所以呢日喺旺角路過間粥麵舖 見幾乾淨企理就入咗去坐低阿媽要咗個雲吞麵 我真係濟到搞唔掂所以要咗個雞粥清下腸胃。另外仲嗌咗上湯芥蘭，叫咗個炸兩、桑寄生茶，最尾仲要咗杯凍豆漿雲吞麪湯底好得，大地魚粉味好出，啲麪都好彈牙唔會有鹼水味。店內有介紹原來雲吞入邊都有落大地魚碎同蛋黃，唔怪得食落咁鮮。天氣凍，啲芥蘭有湯浸住可以keep warm耐啲我喺屋企未食過咁粗嘅芥蘭lol 阿媽鍾意硬身啲嘅菜好滿意，好有菜味跟住我個雞粥，夾起舊雞仲有幾滴黃色精華雞油滴返落去，香到呢啲雞件都唔會話好多骨，兩隻翼同脾，一隻雞翼尖同好似有兩舊胸，唔會好肥 肉質都幾嫩之後係炸兩，如果大份啲會更開心，不過呢啲邪惡嘢都係小食多滋味個豉油似係調過，無平時食開嗰啲咁咸，浸落去沖涼都ok桑寄生茶第一次飲，唔會太甜 有少少中藥味，係養生嘅味道

這天晚上我約了朋友在旺角吃晚飯，經過家人的推薦，我們便決定來到這間粥麵店廳試一試，店內環境明亮和清潔衛生淨鮮蝦雲吞（$45）蝦仁爽彈鮮美，十分大隻，豬肉稔香軟彈，大地魚碎，蛋黃，材料十分多，用料十分新鮮，大地魚湯底，是用大地魚，蝦殼，豬骨，金華火腿，羅漢果經過長時間熬製成，十分入味蘿蔔柱侯牛筋腩（$93)牛筋腩非常香稔軟嫩，肉味非常濃，非常新鮮，蘿蔔煮得夠淋，味道清甜，十分入味，份量非常多香脆炸兩腸粉($35)腸粉皮薄和嫩滑，油炸鬼很脆口，十分新鮮，配上豉油，甜醬，是非常地道和有特色的香港小食頭抽蟹籽撈麵($50)用蟹籽灑面，麵十分彈牙，份量非常多，用頭抽調味，配上大地魚湯底，用蔥灑面，非常抵食整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇足夠多，價錢相對大眾化，而店員亦有良好的服務態度和積極，所以我認為這間餐廳是值得再去惠顧