盛記粥麵

營業中

休息中

有朋自遠方來！身為主人家嘅我，梗係要一盡地主之誼，帶朋友仔周圍飲吓食吓，等佢留返個好印象😎 諗起最具代表嘅港式食物，除咗奶茶同蛋撻，一定係 #雲吞麵。呢日我就帶朋友仔嚟到 #旺角 一間老牌粥麵店「盛記粥麵」，比佢體驗吓地度風味，同埋試吓 #小秘書必食之選！我哋叫咗兩個優選套餐…*主食*#鮮蝦雲吞麵 - 湯底熱辣辣充滿蝦子嘅鮮味，麵條爽口，配埋大大粒嘅鮮蝦雲吞，一啖一口，鮮蝦餡料嘅鮮味喺口腔一次爆發出嚟！怪不得咁多捧場客💪🏻#及弟粥 - 即熬嘅粥底，加入手功豬肉丸，彈牙爽口🤤 而佢哋嘅廚師絕對唔馬虎，豬膶、粉腸，同其他豬什都洗得好乾淨，入口鮮甜得來唔會有腥味🤪*小食*#蠔油炆冬菇 - 成隻BB手掌咁大嘅冬菇，好有咬口🤤 蠔油汁浸晒落冬菇入邊，炆得非常入味🤤#炸鯪魚球 - 即炸嘅鯪魚球，充滿魚油嘅酥香味，配埋蜆蚧汁一齊食，非常惹味🤤*飲品*#豆漿 - 食咗咁多嘢，當然要配杯豆漿味中和一下味蕾，香滑嘅豆漿，正呀喂！傳統嘅美食真係買少見少，加上小店嘅人情味，連朋友仔都話very good呀！📍 #盛記粥麵 (旺角) 花園街3-5號鴻威大廈地下11號舖

最近食左間幾有驚喜嘅粉麵店，店舖面積唔大，地理位置都幾方便易搵，就係旺角女人街附近☺️因為新開，餐廳環境整潔，光線充足，令食客坐得舒適👍而且有套餐價，都幾抵食🤤雲吞麵Q彈的麵條和包裹著肉餡的雲吞，每一啖都充滿肉香和湯汁嘅滋味😋雲吞的蝦仁爽口彈牙，湯頭清甜鮮美，非常推介😍南乳豬軟骨豬手飯南乳豬軟骨豬手飯份量又多又好味，非常有驚喜😋豬軟骨豬手經過燉煮後，肉質軟嫩，豬手皮彈🤤湯汁濃郁，搭配白飯，讓人感受到滿足的口感😍南乳雞翼 (4隻)雞翼經過南乳醃製，味道獨特，有濃郁的香氣和鮮美的口感。用上炸嘅方式，令到雞翼非常香脆，超好食，一定要嗌‼️🤤熱意米水 最令我經驗嘅係佢哋嘅薏米水，材料非常豐富，直程好似一碗糖水，薑味仲好出非常有誠意👍👍📍盛記粥麵 (旺角)旺角花園街3-5號鴻威大廈地下11號舖#盛記粥麵 #味道出色 #人氣推介 #旺角美食推介 #雲吞麵 #南乳豬手飯 #南乳豬軟骨 #必食雲吞麵 #mk #旺角

今日就同朋友去咗盛記粥麵 餐廳有優選套餐, 可選擇一款正價粥麵, 再加配小食及飲品盛記招牌雲吞撈麵廣東鮮蝦雲吞超級大粒, 入面包滿蝦肉, 同少量豬肉碎, 包成金魚尾巴形狀, 用左大地魚湯底, 夠唒正宗, 撈麵彈牙脆炸兩腸粉軟嫩有彈性, 包住脆卜卜既油炸鬼秘製豬軟骨河粉豬軟骨炆到好腍身, 河粉嫩滑, 湯底惹味蒜香南乳炸雞翼拼炸鯪魚球雞翼外層炸到金黃香脆, 雞肉好香南乳味, 肉質juicy嫩滑,鯪魚球幾大粒, 咬落彈牙, 點埋蜆介更鮮味養顏桑寄生蛋茶味道清甜, 容易入口, 夠唒滋潤豆漿豆味濃郁, 入口香滑

最近去咗旺角的盛記粥麵，晚上8:00幾仲有幾多人，餐廳都幾熱鬧。本身想食生滾粥，但入到去就被香噴噴的雲吞麵吸引，於是決定轉咗食雲吞麵。我點了一碗雲吞撈麵會跟一碗清湯俾你，叫套餐就可以加配小食或腸粉，同野飲！呢碗湯的底是用大地魚、蝦殼、雞骨、金華火腿和羅漢果熬製而成，味道真係超香！我比較鍾意將麵擺入湯度食，感覺好味d。雲吞的皮薄，裡面的蝦彈牙，口感唔錯，味道偏濃。套餐可以加配油菜或小食腸粉，我叫咗豬潤腸粉，幾特別，這是我第一次試，豬膶都幾嫩！飲品方面，我選咗薏米水，佢地自己煲，裡面有好多料，飲落去偏濃！有d 似糖水不過就唔甜

木枱同暗燈有種舊香港feel，坐低即刻想chill住食一餐。炸醬撈麵麵條彈牙，拌勻後微甜帶點鹹，夠晒滿足。花菇單點一份，厚實多汁，燉得入味，咬下去菇香四溢，幾有型。牛筋撈麵湯底清爽，牛筋軟糯得啱啱好，。蝦腸皮薄內嫩，蝦肉彈牙，蘸醬油簡單又正。服務態度OK，上菜快，但店仔細細，座位逼咗啲，旺角人多時坐得唔夠鬆動，影相有時要避人。油煙味有陣飄來，唔係好舒適。100一個人略貴咗啲，食量大嘅要多叫幾款。潮人夜宵點，值得一試但唔係完美。

盛記粥麵嘅粥麵食物水準高，深受食客歡迎，店內整日都座無虛席。今日就帶咗朋友過嚟試吓！盛記招牌雲吞麵：湯底係用大地魚、蝦殼、豬骨、金華火腿、羅漢果熬製而成，味道又香又鮮甜。雲吞餡料就用肥、瘦豬肉、鮮蝦仁，再加入大地魚碎、蛋黃和調味包成，皮滑蝦爽，麵條彈牙。盛記艇仔粥：粥底綿滑，配料豐富，有海蜇、新鮮魚片、魷魚、瘦肉、花生等，口感層次豐富。湯水餃：餡料飽滿，有蝦和木耳絲，食落特別爽口。鮮蝦腸粉：腸粉既皮又薄又滑，包住大大隻爽口嘅蝦仁，加埋甜豉油，滋味無窮。凍豆漿不會太甜。凍啡夠香濃。

原來盛記响旺角開左分店😍😍之前响佐敦做嘢經常都幫襯盛記，雖然價錢比一般麵檔高少少，不過質素同份量都係有保證嘅～牛筋撈麵 ⭐️⭐️⭐️⭐️ $52 比起牛腩我更鍾意食牛筋，煙煙韌韌，唔黐牙幼麵唔會太硬或太淋，撈麵大大碟，夠哂飽肚😊小食加左冬菇 ⭐️⭐️⭐️⭐️⭐️ $34呢個冬菇都係必食嘅！冬菇厚肉又煮得夠腍，好滋味桑寄生蛋茶 $14 ⭐️⭐️⭐️⭐️飲完真係暖笠笠，滋補又養生，唔會太甜啱哂我🧡盛記嘅粥同湯麵都同樣好食，新裝修環境都幾唔錯👍🏻

旺角街頭的店面不大，卻有種老香港的溫暖氣息。木桌椅與昏黃燈光交織，像是時光停駐的角落。用餐時，炸醬撈麵端上桌，醬香濃郁撲鼻，麵條彈牙，拌勻後每一口都帶著微甜的豆香，簡單卻令人滿足。花菇單點一份，菇肉厚實，燉得入味，咬下去汁水四溢，帶點淡淡的醬油香。牛筋撈麵湯底清而不淡，牛筋軟糯，入口即化，與麵條搭配得恰到好處，溫暖了整個胃。蝦腸作為小食，皮薄爽滑，內裡蝦肉彈牙，蘸點醬油更顯鮮味。桑寄生茶清熱解渴，微苦後回甘，像午後的一場小憩。豆漿則溫潤順口，帶著豆香的純粹，作為結尾再適合不過。服務員態度親切，會主動問需不需要加湯，上菜速度快，熱氣撲鼻時端上，讓人感到窩心。

老公鍾意食雲吞麵，行開旺角見到呢間盛記好似幾光猛又幾乾淨，就入去試吓估唔到有粉面餐，都幾吸引我哋叫咗雲吞麵，及第粥老公話雲吞麵有童年味道，雲吞唔算大粒，但蝦好爽，仲有好香蝦子味，麵質爽彈，$41算係好抵。及第粥粥底好綿，材料新鮮，而且都幾大碗。小食叫咗蝦腸，南乳雞翼配鯪魚球特別喜歡南乳雞翼，醃得好入味，而且炸到脹卜卜，但唔會好油。最驚喜係飲品，加$6就有薏米水，加$14有桑寄生蛋茶薏米水好足料，有薑味，好温暖桑寄生蛋茶都好濃味，隻蛋仲入晒味添，$14就有得加，真係超值！總括嚟講有驚喜，而且唔貴，又乾淨同坐得舒服，有香港特色，適合帶外國嘅friend試吓。

好趕時間，花園街睇有咩平同快既餐廳，入左呢間門口乾淨既盛記因為要快，無時間睇餐牌，所以叫左最簡單既雲吞麵，本身無期望，但上台時個外觀已經吸引，有趣的是麵係放在雲吞上面，揭起麵，見到雲吞皮透出入面既蝦，咬一啖麵好爽同彈牙！雲吞皮好軟滑，蝦好新鮮！禁既質素只係$41，好超值！好食過大牌子見到個樣好靚，忍唔住咬左啖麵先影相佢本身係完整的，並唔係碎既！另外見餐牌仲有蝦子撈麵，隔離好多人叫，下次都可以食下！

佐敦店去過很多次，這次跟內地朋友到旺角逛街，帶他到旺角試試這些地道粥麵。我最喜歡炸醬撈麵，醬汁濃郁，微甜帶鹹，麵條彈牙，拌勻後簡單好食。花菇也是必點，燉得軟嫩，菇肉厚實，是我經常點配的小吃。晚餐時間店內滿滿的，很熱鬧，份量很飽足。朋友吃了牛筋撈麵，他說以往都是吃湯的，撈的還是籌一次吃，牛筋燉到入口即化，麵條爽滑，帶來踏實滿足感。他加了蝦腸，皮薄蝦嫩，鮮味十足，蘸醬油更顯美味。另外他還點了一個桑寄生茶，清熱解渴，微苦後回甘，適合旺角熱鬧後的小歇。

今日去旺角行街睇下有咩新野買，見到呢間幾多人食嘢又引唔住想入去食少少野🤭🤭韭黃鮮蝦腸粉咁多款腸粉之中，我最鍾意就係鮮蝦腸，腸粉皮都幾簿，鮮蝦都唔細隻，三十幾蚊碟仲好食過酒樓😋😋除咗腸粉、粥麵飯，仲有酥炸鯪魚球，下次再試😚

悠閒的日期，相約姊妹聚會，姊妹的話題總是離不開對食物的美味程度，「盛記粥麵」旺角，味受精緻富有特色，享受慢活寫意的生活，當然感覺開心快活。店內環境舒適寫意，空間感很好，我們看了餐牌後叫了二個優惠套餐。招牌雲吞併水餃麵湯頭用大地魚湯，雲吞及水餃大粒，蝦肉咬下去彈牙，單單看樣子已經令人唾涎三尺。 豬軟骨麵豬軟骨賣相吸引，紮實彈牙，仍然保留了誘人的味道，吃得滿足。南乳雞翼併蜆蚧鯪魚球雞翼南乳醃製，再炸雞翼好香脆，鯪魚球用鹹香蜆蚧醬，味覺和口感湧現出來。蝦腸粉腸粉皮爽口，用了原隻鮮蝦，仍然保留了誘人的味道。凍檸茶及熱檸水入口帶清甜的，味道幾好，口感細膩的飲品。盛記粥麵（旺角）地址：旺角花園街3-5號鴻威大廈地下11號舖

想食粥搵唔到好味既良心粥店？！旺角這家粥真係出色，吊打好多粥舖！🌿✨一病就想要食清淡d，周圍搵周圍試，都令我心淡！終於搵到一間滿意💗🍄🍗北菇滑雞粥加豬潤 招牌滑雞又想食豬潤，可以加埋入去～私人訂製😏粥底係相當綿滑，特別係吸收左雞肉精華，更加滋補。而雞肉比我食到雞髀位置，都係相當滑嫩，超大厚實香菇食起來相當滿足，一個頂飽～而加入豬潤都新鮮厚實冇腥味，味道好夾～💗冬天想食粥都真係會再來食～熱薏米水 🌾☕微甜得黎又唔會太膩，薏米煮得夠淋，大大甜棗好甜蜜，飲落好滋潤，好啱女仔飲，特別係咁凍嘅天氣，飲完成個人暖笠笠 ☺️。蠔油芥蘭 🥬突然想食芥蘭，份量岩好一個人夠補維生素～芥蘭翠綠得黎又油亮，鹹淡適中，好送粥～

今日落住毛毛雨，天氣又凍，係旺角就想揾呢間食暖笠笠既粥🔥佢係小店黎，所以位置並唔多，我自己一個去到都等左一陣位，但我覺得好值得，因為完全就係呢個天氣最想食到既野😍。🐒招牌狀元及第粥👉🏻蠔油菜心👉🏻凍豆漿佢有個全日set，可以以優惠價自己揀想配搭既小食同飲品，今次係我第一次食及第粥，仲要特登上網search係有啲乜嘢配料😂結果就有哂我想食既野，於是就揀左！明明見到其他人嘅碗好似細啲，以為我碗粥都係差唔多size，點知原來佢哋係食水餃麵類先係細碗啲，我個碗係勁大碗🥣所以最後都食唔哂及第粥入面除左有加豬心，豬潤同粉腸之外，仲有豬肉丸添，食落真係好豐富