影片
營業時間
今日營業
10:00 - 00:00
星期一至日
10:00 - 00:00
以上資料只供參考, 請與餐廳確認詳情
有朋自遠方來！身為主人家嘅我，梗係要一盡地主之誼，帶朋友仔周圍飲吓食吓，等佢留返個好印象😎 諗起最具代表嘅港式食物，除咗奶茶同蛋撻，一定係 #雲吞麵。呢日我就帶朋友仔嚟到 #旺角 一間老牌粥麵店「盛記粥麵」，比佢體驗吓地度風味，同埋試吓 #小秘書必食之選！我哋叫咗兩個優選套餐…*主食*#鮮蝦雲吞麵 - 湯底熱辣辣充滿蝦子嘅鮮味，麵條爽口，配埋大大粒嘅鮮蝦雲吞，一啖一口，鮮蝦餡料嘅鮮味喺口腔一次爆發出嚟！怪不得咁多捧場客💪🏻#及弟粥 - 即熬嘅粥底，加入手功豬肉丸，彈牙爽口🤤 而佢哋嘅廚師絕對唔馬虎，豬膶、粉腸，同其他豬什都洗得好乾淨，入口鮮甜得來唔會有腥味🤪*小食*#蠔油炆冬菇 - 成隻BB手掌咁大嘅冬菇，好有咬口🤤 蠔油汁浸晒落冬菇入邊，炆得非常入味🤤#炸鯪魚球 - 即炸嘅鯪魚球，充滿魚油嘅酥香味，配埋蜆蚧汁一齊食，非常惹味🤤*飲品*#豆漿 - 食咗咁多嘢，當然要配杯豆漿味中和一下味蕾，香滑嘅豆漿，正呀喂！傳統嘅美食真係買少見少，加上小店嘅人情味，連朋友仔都話very good呀！📍 #盛記粥麵 (旺角) 花園街3-5號鴻威大廈地下11號舖
繼續閱讀
最近食左間幾有驚喜嘅粉麵店，店舖面積唔大，地理位置都幾方便易搵，就係旺角女人街附近☺️因為新開，餐廳環境整潔，光線充足，令食客坐得舒適👍而且有套餐價，都幾抵食🤤雲吞麵Q彈的麵條和包裹著肉餡的雲吞，每一啖都充滿肉香和湯汁嘅滋味😋雲吞的蝦仁爽口彈牙，湯頭清甜鮮美，非常推介😍南乳豬軟骨豬手飯南乳豬軟骨豬手飯份量又多又好味，非常有驚喜😋豬軟骨豬手經過燉煮後，肉質軟嫩，豬手皮彈🤤湯汁濃郁，搭配白飯，讓人感受到滿足的口感😍南乳雞翼 (4隻)雞翼經過南乳醃製，味道獨特，有濃郁的香氣和鮮美的口感。用上炸嘅方式，令到雞翼非常香脆，超好食，一定要嗌‼️🤤熱意米水 最令我經驗嘅係佢哋嘅薏米水，材料非常豐富，直程好似一碗糖水，薑味仲好出非常有誠意👍👍📍盛記粥麵 (旺角)旺角花園街3-5號鴻威大廈地下11號舖#盛記粥麵 #味道出色 #人氣推介 #旺角美食推介 #雲吞麵 #南乳豬手飯 #南乳豬軟骨 #必食雲吞麵 #mk #旺角
繼續閱讀
.有時候 揀餐廳食邊間🍴 其實好簡單｜ 邊間多人食邊間 【 麵食星期六】.下午 🕑 2️⃣：3️⃣0️⃣ 仲近全滿座位｜絕對有D料到坐底前就想好食😋麵麵麵 🍜.🫚 薑蔥豬肚撈麵 🐽豬肚清洗得好乾淨 無異味🧽 ｜ 而且大塊 熟度剛好蔥絲重下手 大大疊 👍🏻 絲絲幼細 夾起又唔散醬油撈鹼水麵 ｜ 廣東名物 入口就聞到醬香味.🉐 招牌雲吞面 🉐雖然只有4粒雲吞｜唔使多講絕對 🈴 正宗廣東雲吞 肥瘦豬肉混合 ｜ 一隻新鮮蝦仁中間 🍤對摺雲吞皮 餡料豐富｜扎實收口 仲有個signature金魚尾｜店舖更主打 每日鮮製湯底｜大地魚碎 ➕ 蛋黃再加上 新鮮 韮黃段 ☺️👍🏻 蝦仁大地魚湯底相輔相成.🔴 紅油鮮蝦雲吞 🔴一碗🥣 招牌雲吞麵 4️⃣ 粒 ｜ 當然唔夠 試真味道另上紅油 ｜ 辣得過癮 🔥 又係另一種自家醬汁蝦身彈牙 豬肉同辣味好夾.⚪️⚪️ 炸鯪魚球4隻 ⚪️⚪️4️⃣星疊珠 ｜ 即點即炸 熱藤藤 🔥｜仲要用筷子先夾開散熱🥢上桌有配醬汁｜係通菜腐乳蠔仔汁 🆙🆙 超鹹我思考一下 試點 紅油辣汁 仲顯有魚肉味而點 桌面既 甜醬 同 花生醬 都一樣match 🈴.🥤 凍薏米水 🥤 凍奶茶 🥤之前都有試過 薏米有咬口 料足1/3杯但飲飲下發現有薑蓉底🫚 ｜ 可能🤔秋冬限量版 降燥暖胃 又一個細心位 ｜ 果然廣東養生思想.
繼續閱讀
盛記粥麵嘅粥麵食物水準高，深受食客歡迎，店內整日都座無虛席。今日就帶咗朋友過嚟試吓！盛記招牌雲吞麵：湯底係用大地魚、蝦殼、豬骨、金華火腿、羅漢果熬製而成，味道又香又鮮甜。雲吞餡料就用肥、瘦豬肉、鮮蝦仁，再加入大地魚碎、蛋黃和調味包成，皮滑蝦爽，麵條彈牙。盛記艇仔粥：粥底綿滑，配料豐富，有海蜇、新鮮魚片、魷魚、瘦肉、花生等，口感層次豐富。湯水餃：餡料飽滿，有蝦和木耳絲，食落特別爽口。鮮蝦腸粉：腸粉既皮又薄又滑，包住大大隻爽口嘅蝦仁，加埋甜豉油，滋味無窮。凍豆漿不會太甜。凍啡夠香濃。
繼續閱讀
原來盛記响旺角開左分店😍😍之前响佐敦做嘢經常都幫襯盛記，雖然價錢比一般麵檔高少少，不過質素同份量都係有保證嘅～牛筋撈麵 ⭐️⭐️⭐️⭐️ $52 比起牛腩我更鍾意食牛筋，煙煙韌韌，唔黐牙幼麵唔會太硬或太淋，撈麵大大碟，夠哂飽肚😊小食加左冬菇 ⭐️⭐️⭐️⭐️⭐️ $34呢個冬菇都係必食嘅！冬菇厚肉又煮得夠腍，好滋味桑寄生蛋茶 $14 ⭐️⭐️⭐️⭐️飲完真係暖笠笠，滋補又養生，唔會太甜啱哂我🧡盛記嘅粥同湯麵都同樣好食，新裝修環境都幾唔錯👍🏻
繼續閱讀
您可能會有興趣的...