盈館

營業中

休息中

係12蚊店買完野，就直接係創興睇下有咩食，見到樓上有得飲茶，就決定去飲茶，好耐都冇飲過茶，一上到茶樓見到好多人，好彩都仲有位，如果唔係就要轉場啦，因為要趕返工，午市茶位$10，叫左黑金流沙包，一咬開就流晒d餡出嚟，差d燙到嘴，見到特別推薦點心脆皮鮮蝦餃，咁大個第一次食炸蝦餃，外脆既蝦餃皮好特別，入面既鮮蝦夠大隻又彈牙，不過我都係鍾意食傳統蝦餃多d，脆網金鈎銀羅腸用腸粉包住鮮蝦春卷，脆卜卜又大舊口感夠哂好，蘿蔔絲鹹水角造型好特別，橙色的鹹水角皮造成蘿蔔樣子，皮同餡比例剛剛好，值得一試

今次女朋友仔去到係旺角創興廣場7樓專食中菜嘅酒樓 盈館食晚餐。上到去已經非常多人，要等陣先入得去坐。坐位算寬敞，而且餐廳用嘅餐具都幾靚！最後同女朋友仔叫左兩個小菜。🔻珍菌扒西蘭花味道：7/10價錢：$98去酒樓必叫嘅一道菜，炒得幾入味，西蘭花幾爽口🔻香芒脆蝦球味道：7/10價錢：$148呢個係廚師推介嘅小菜，炸蝦球炸得幾脆，蝦肉幾彈牙，唔會有啲雪味，而且仲用左香芒汁，味道幾夾。我地仲另外叫左兩碗白飯，不過黎呢到用餐嘅人要留意下喇🙈酒樓嘅服務幾好，但可能繁忙時間人手唔係咁夠，上菜比平時會等得耐，食晚餐都要預留番一定嘅時間呀😋😋

好耐無喺創興呢幢大樓內食過飯。誤打誤撞上咗嚟飲茶，裝修普通茶樓格局，場景，客人枱面食品及侍應已令我有心理準備唔係幾好既感覺。見到張點心紙無諗過會咁鬼貴。點了四款點心食完就走了。蒸鳳爪，中點＄30還是大點＄34？忘記了。花生得幾粒，仲要係有怪味，“叔”咗，老婆都話係有味。北菇蒸雞煲仔飯，以為一煲，原來係一小砵。👎$39炸春卷，味道唔錯，夠脆，但炸得膿咗黑咗，輕微硬咗啲。$34。蒸蝦腸粉，$39，真係把鬼。腸粉凍嘅，蝦難食，一夾就散，炸春卷隻蝦好食過佢。4碟嘢，埋單$182，我就覺得又貴又唔好食。點心紙仲寫係手工點心！去唐記，包點先生買外賣都無咁蝕，中晒伏。睇下點心紙，特價$78三碟，但無乜好選擇，揀唔落手。

在openrice 看了食客給盈館的食評如此好評，這間酒家還標榜是新派點心🤣,我就去試下，意想不到如此差勁，不能不在此説清楚！星期日，約12點去到，不算多人等候，約15分就安排入座，等了20分鐘，才有位人來執枱，人手不夠我理解。環境都不用多講！我先點了四款點心，入單時間:12:50，等到1:30才有點心，我想是即叫即蒸？但當第一籠點心粉果送到時，我嚇了一跳是如此的樣子，那位點心阿姐還説"籠籠都是這樣的"👇，其他點心都不再多講！我知道食評是不能盡信，但也不能太離譜吧！

今日去左位於旺角既盈館，叫左黑金流沙包，麻辣雞煲，私房蜜椒豬肋骨同埋溫公粗齋煲。當中我想推介俾大家既係黑金流沙包！超級好食！佢係用黑芝麻做個皮，咬落去有流心既效果，直程係爆晒出黎！入面係鹹蛋黃粒，夠晒香！店主好強調依個包要襯熱食，個流心效果先會達到最好！所以大家記得一上到枱就拿拿臨食啦！另外麻辣雞煲都想推介俾大家，依個雞煲麻辣味岩岩好，夠晒麻香，重點係店主強調係用新鮮雞，所以零舍不同！私房蜜椒豬肋骨亦都十分之惹味，你會好想叫碗飯配依味餸！另外佢配搭既炸饅頭相當之好食！一定要試試！溫公粗齋煲落左好多菌類，適合鍾意清淡健康既人士去食！

盈館 Ying Dining 放假同朋友去飲下午茶，盈館係傳統茶樓，加左小小創新點心，好似蘿蔔絲鹹水角咁，第一次見到有餐廳將蘿蔔絲融合喺鹹水角內，超特別。一睇到翡翠鮮蝦明蝦角就決定要叫，炸蝦真係炸到皮薄之如又保留到鮮蝦嘅肉汁。黑松露香茜餃將黑松露肉融入係中式餃子內真係好特別，估唔到黑松露同香茜可以咁夾抹茶流沙麻球，煙煙韌韌既抹茶麻球內包住香甜既流沙奶黃，既特別又好味，鍾意食流沙奶黃系列既人一定要叫呀😄由於叫左好幾個油炸點心，所以叫左個絲瓜鮮蝦泡飯平衡下油膩既感覺。蛋白杏仁茶，由於鍾意杏仁所以當成係飯後甜品叫左黎飲。

我係超級鐘意食流心奶黃包😚聽講呢間好食 就黎試下佢😏估吾到晚上都有得食！呢間茶樓係當作甜品😎推介排名榜：黑金流沙包 $32淨係睇個樣都覺好正咁🥰黑芝麻味的包皮更健康更好味😋店員再三強調一定要熱辣辣即食真係好流心 一咬落去爆曬出嚟重點係有好多鹹蛋黃粒呢個推介😝😝😝麻辣雞煲 $38呢個都正 性價比高😚平時食個雞煲都$100起老闆話係想優惠番食客先咁平半隻雞 仲要係新鮮雞配料同製作過程 都冇偷雞架！唔會好辣但係超入味😚私房蜜椒豬肋骨 $148 適合鍾意食半肥瘦嘅人甜甜地幾開胃 上面有啲脆片仲配搭炸饅頭 係好大份😮溫公粗齋煲 $98呢個就係清淡派 大量粉絲材料有冬菇枝竹豆卜茄子等等都夠唒大份 一定食到飽飽不過等候需時 見人手吾係好多😉盈館 (旺角)旺角彌敦道593-601號創興廣場7樓#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#jessicafoodhunt#jessicafoodi

沉寂咗兩星期，今個禮拜又出動去食好西。今日就去咗旺角創興廣場7樓“盈館“食中菜。 先拔頭籌就係一個“哈哈生炒骨“$118。 上碟打食件波羅 開開位胃先， 點知原來係哈密瓜。 呢個時候先至恍然大悟原來“哈哈生炒骨“所指嘅係哈密瓜， 但原來呢個配搭都幾新鮮。 排骨嘅酸甜度剛剛好而且份量十足， 好似食極都有咁。 第二度菜就係本人非常喜歡嘅 “欖菜肉鬆炒四季豆“$88。攞嚟送飯食，簡直一流 。四季豆炒得 好爽口， 出街食到嘅好容易會太鹹。但係呢個嘅咸道就啱啱好， 拿捏得準確 。 之後最後一道亦都係重點嘅就係“北京片皮鴨“$138。 等咗大概20分鐘 ， 服務員原隻燒鴨攞出嚟， 喺正你面前片肉 ，保證新鮮 。片皮鴨皮肉比例分佈均勻 ，充滿曬油香 ，包裹住啲皮可以中和返油膩感， 138蚊嚟講質素真係十分不錯。

和朋友去了旺角彌敦道創興廣場7樓的盈館食飯，這是一間專食小菜的中餐廳。餐廳佔地相當大而且而淡寬闊坐得舒服。在門口已經有非常大的魚缸，龍蝦鮑魚相當生猛。店員服務亦都相當殷勤有禮。我們點了幾個小菜包括招牌麻辣雞煲，聽講是這裏最出名小菜，另外線黑蒜涼瓜炆斑頭腩和涼拌海蜇等。首先上檯是涼拌海蜇，冷冷涼涼，海蜇相當厚肉，口感爽脆彈牙，調味料亦都相當惹味，作為前菜非常適合。招牌麻辣雞煲，上檯子已經香氣四溢，引得人垂涎欲滴，雞煲熱辣辣，點了小辣，非常惹味，好餸飯。黑蒜涼瓜炆斑頭腩，非常捉足料，上檯是熱辣辣，班腩好厚肉，整鍋都滿滿的，又是一道好送飯的小菜😉👍👍

今晚同老友去旺角食飯...佢話有一間酒樓啲小炒好似街邊一樣咁有鑊氣講到咁樣當然要來試吓啦我哋首先叫咗個涼拌海蜇絲做前菜...呢個海蜇真係有驚喜...因為平時酒樓嘅海蜇都係比較有幼身同味道一般...但係呢個海蜇就肥嘟嘟脹卜卜...而且好入味條條都咁肥大用黍餸飯都得之後叫咗呢度出名嘅麻辣雞煲...送到上枱嘅時候都熱辣辣雞肉相當入味另外再叫咗個黑蒜涼瓜炆斑頭腩...講起呢個斑頭腩真係不得了分量十足食極都仲有🥴🥴🥴而且魚肉相當肥美已經食咗一大半...底下都仲有好多斑頭腩....$108呢個價錢真係算抵拉🧐🧐🧐

明爐叉燒腸粉，叉燒雖瘦，但嫩滑，而且多餡。鳳爪是我喜愛的經典點心，新鮮、乾淨係重點，味道剛好。乳鴿 - 大小適中，不會太小而無肉食，味道調教得好，肉質夠嫩、皮脆香。見到好多街坊捧場，隔離台仲同經理book緊下次食飯時間。

今日同男朋友兩個人叫左一隻片皮鴨同黃金鮑魚雞煲❤️❤️片皮鴨做緊優惠 !!!平時出面食要二百幾蚊一隻而家138就食到！真係極平！仲要平！靚！正！啱啱出爐熱辣辣，擺喺度即刻切比你😍😍😍打卡一流！ 皮脆卜卜，好香鴨味真係超正，而且環境都幾靚食片皮鴨配茶就一流❤️❤️❤️❤️我哋叫咗香片都幾好飲另外我哋仲叫咗黃金鮑魚雞煲大大隻鮑魚有成四隻咁多而且味道都好唔錯雞嘅份量都好多好足料好入味加碗白飯就冇得頂❤️

酒樓除咗飲茶之外，其實佢哋嘅小菜同樣做得好唔錯😋.除咗蘿蔔絲鹹水角係我嘅最愛之外，兩款小菜，分別係雪裡紅燒豆腐，同埋哈哈生炒骨，感覺都非常之好味😍.原來雪裡紅燒豆腐係榨菜加豆腐煲，諗唔到佢仲有少少肉碎，🤓食落去豆腐鮮嫩，而且又有榨菜嘅鹹香，非常之好送飯。.另一個餸，係哈哈生炒骨。傳統嘅酸甜排骨係我哋最愛，估唔到佢都幾大碟。🤩生炒骨非常之脆口，而且伴碟仲有好多青椒黃椒，酸甜嘅醬汁非常之開胃，傳統得嚟都好好味。

weekend放假，同老一輩去出街，一定係飲茶最開心。哩一間旺角嘅樓上酒樓，一直都好多人，人氣好高，星期日嚟更加要排隊。等咗1陣，終於可以入到去試下啦，我哋都叫咗點心同埋小菜，食落去非常之豐富。脆皮鮮蝦餃，平時蒸嘅鮮蝦餃食得多，諗唔到佢仲有得炸，炸咗之後，個皮非常之香脆，而且入邊就係傳統嘅蝦餃，感覺好特別。另一個係最愛嘅美味的鳳爪，傳統得嚟都幾豐富。醬汁炆得香，加埋最愛嘅花生係一個唔錯嘅下午茶之選。

呢間係民居舊式茶樓，裝修一般, 創興廣場地點方便！ 薑汁炒芥蘭芥蘭比較細碟，但係幾惹味,薑味既重！  幾夠油水！ 美味蒸鳳爪中點Steamed chicken feet with black bean sauce鳳爪就個別味道好似一般茶樓嘅鳳爪一樣， 不過沒有去甲！🧐  醬汁少少微辣，而且仲配有花生🥜 香煎五香芋頭糕 小點Pan-fried taro cake芋頭糕煎得非常香口，，五香味好濃沃，三塊芋頭糕都大大件， 而且有大大粒芋頭👍🏻有配辣醬同海鮮醬甜醬！ 不過唔知點解食咗45分鐘就催我哋埋單就🤷